عوض الجاز زعلان ...!!
04-09-2012 03:58 PM


إليكم

الطاهر ساتي
[email protected]

عوض الجاز زعلان ...!!

** ومن لطائف التاريخ يحكى أن أميراً قصد خياطاً ذات يوم ليخيط له جلباباً، ونفذ له الخياط ما أراد، فعاد االأمير الى بيته متأبطاً جلبابه ..هناك، اكتشف الأمير بأن بالجلباب بعض العيوب التي لاتخطئها عين، فعاد به الى الخياط قائلا بغضب : (إني وجدت في الجلباب بعض العيوب )، فحدق الخياط ملياً في الجلباب ثم بكى، فتأثر الأمير وظن بأن بكاء الخياط مرده الخوف من العقاب، فخاطبه متوسلا : (لاعليك يارجل، ما أردت عقابك، وسوف آخذ الجلاب بما فيه من عيوب)، ولكن قبل أن يغادر المكان، رفع الخياط رأسه مخاطباً إياه : ( والله ما لهذا بكيت، وإنما أبكي عليك)، ثم استطرد موضحاً : ( إني اجتهدت في خياطة جلبابك، ومع ذلك ظهرت فيه عيوباً أغضبتك..وأنت تجتهد في الأمارة وأحكامها، فيا ويلك من غضب الله، كم في إمارتك وأحكامك من عيوب؟)..هكذا كان الدرس بليغاً، أي قال لسان حال الخياط للأمير : (أخطاء خياطتي مقدور عليها وبتتعالج بالإبرة والخيط، لكن خوفي عليك من أخطاء إمارتك وأحكامك)...!!

** ويبدوا أن نسيج أحرفنا لا يعجب البعض أحيانا، إذ يكون به بعض عيوب الحياكة، أو كماتتراءى لهم، فيغضب..قبل أسبوع تقريباً، اعتذرت لمدير محلية الخرطوم عن مفردة ( الأشتر) التي شبهت بها قرار إلغاء ملتقى الأحبة، واستبدلت تلك المفردة بأخرى من شاكلة (غير صائب)، حين عاتب المدير التنفيذي، وتراجع سيادته مشكوراً- وكذلك معتمده ولجانه - عن قرار إلغاء الملتقى، ولذا كان لساني حالي يوم عتابه : (انا باعتذر عن الأشتر، انت بس رجع الملتقى)، وقد كان.. والبارحة أيضاُ، تلقيت عتاباً من الدكتور عوض الجاز، وزير النفط، عن بعض مفردات زاوية البارحة.. وكنت قد تناولت فيها قضية مصنع سكر النيل الأبيض، وهي لم تكن قضية ولا أزمة ولكن رداءة التخطيط وتخبط الإدارة حولا هذا المشروع التنموي الى (قضية وأزمة)..المهم، قلت في تلك الزاوية بأن الدكتور الجاز - عندما كان وزيراً للصناعة - كان قد حدد موعد إفتتاح هذا المشروع بتاريخ ( حداشر/ حداشر/ الفين وحداشر)، وقلت واصفاً تاريخ هذا الموعد - الذي لم تكتمل فيه فرحة الناس والبلد بالإفتتاح - بأن وزير الصناعة ( قطع الموعد دا من راسو)، أي حدد الموعد قبل إستشارة الجهات الهندسية والفنية المناط بها مهام إكمال تركيب وتشغيل كل أجزاء المصنع..!!

** فاعتذرت للدكتور الجاز على عبارة (قطعوا من راسو)، وذلك حين أبان لي بأنه لم يحدد ذاك الموعد إلا بعد أن وقف على سير العمل في المصنع، وكذلك بعد الإطلاع على خطة العمل وجدوالها الزمنية، وبعد تذليل كافة الصعاب التي واجهت استيراد بعض المعدات التي استولى عليها القراصنة، وذلك باسترجاع المعدات من القراصنة وتصنيع بعض المعدات في الداخل، ثم تم تحديد ذاك الموعد - 11/11/2011- بعد إلتزام إدارة المصنع والكوادر الهندسية والفنية باكمال العمل قبل ذاك الموعد، أي لم يكن سيادته إلا معلناً لرغبة العاملين بالمصنع، هكذا كان توضيح وعتاب الدكتور عوض الجاز..وعليه اعتذر للدكتور الجاز على نسب موعد الافتتاح لسيادته، وفليكن الاعتذار بلسان حال قائل : ( أخطاء حروفي مقدور عليها، لكن خوفي على المصنع من أخطاء المدير العام وعدم متابعة وزير الصناعة الحالي)، أو بشكل أعمق من شاكلة : ( أخطاء كلامي مقدرو عليها، لكن الخوف على الناس والبلد من أخطاء أفعالكم).. وبالمناسبة، الى متى يلتزم وزير الصناعة الصمت، تاركاً الناس والبلد والصحف في بحر الغموض والتساؤلات والإجتهادات والشائعات؟.. وإن كان حدثا كهذا لايحرك وزير الصناعة والمدير العام الى عقد مؤتمر صحفي يوضح للمواطن ماحدث ويحدث، فمتى يتحركا؟..ما الذي يمنعهما عن دعوة وفد إعلامي - من كل وسائل الإعلام - الى زيارة المصنع، والإستماع الى شرح الكوادر الهندسية والفنية، ثم توثيق هذا الشرح وتقديمه للمواطن بلسان حال قائل : ( ياجماعة دا الحاصل في المصنع، مافي داعي للشفقة) ..؟..ليس هناك ما يحول بين المعلومات والمواطن غير عدم قناعة وزارة الصناعة وإدارة المصنع بأن المواطن هو مالك هذا المصنع..فليمض التحقيق الرئاسي في مساره الباحث عن العراقيل وأسبابها وشخوصها، ولكن هذا لايمنع التحقيقات الصحفية التي ستكشف الكثير، ما لم يُحظر النشر، أوكمايفعلون في مواقف كهذه ..وخير للوزارة والإدارة بأن تفتح ابوابها وهواتفها وتستقبل التساؤلات وترد عليها بوضوح، بدلا عن نهج (بيان هام وبيان مهم)، و( زعل فلان وغضب فلتكان)..وما يجب تذكيره لإدارة حسن ساتي - وكذلك الإدارة العامة للبلد- هو أن صناعة السكر ليست من الصناعات الحديثة، بل هذا المصنع هو السادس في البلاد، فلماذا ( التخبط والضبابية) ..؟؟




تعليقات 28 | إهداء 0 | زيارات 7208

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#348171 [Gi Gi]
0.00/5 (0 صوت)

04-27-2012 06:51 PM
مشكلة الطاهر ساتي انو البيعلقوا على مقالاتو بيقروا بي اضنيهم
هسي الراجل دا قااااااااااام كدا وختاعا للمعتمد وعوض الجاز تااااااني والما قراها المره الفاتت يقراها تاني والجماعه شابكنو اعتذار وبطيخ وشنو كدا ما عارف
ملحوظه:/
الساده المعلقين اعملوا نظارات اضنين عشان تقدروا تعلقوا كويس وفكونا من الزباله المالينا بيها فقر دي


#329567 [محمد]
5.00/5 (2 صوت)

04-10-2012 05:59 PM
يعني الجاز خلاص دا الحاجة البتزعلك, وعدم شغل المصنع ما هاميك...
عامل زي الحات لي صاحباتها وقالت انها حلمت انها واقفة في الشارع ما لابسة اي حاجة الا طاقية قديمة. ولما صاحباتها سألوها ما خجلتي قالت شديد لانو الطاقية كانت قديمة...


#329546 [اررف]
0.00/5 (0 صوت)

04-10-2012 05:38 PM
الاشتر هو المعتد بو حلقوم وعيون ذى ابو القدح وجلد اتخن من جلد القرنتية هل تصدق كل مؤهلات هذا المتمد انه كان ظابط فى النيل الازرق خربها وجعللا اهلها يتمردوا بافعاله ومشاكله وافعاله المشاترة بدل يركب التوتسيه ويمشى الشارع يصبح معتمدا لاكبر محلبه لم ينجز اى شئ منذ مقدمه غير انه اشترى سياره لاندكروزر وبالمحلية سيرتان لسعادة قروى مستجد نعمه واقد على شارع التيل وملتقى الاحبة قال دواعى امنيه لو عندك حس امنى كان حليت مشكلة موقف كركر والميناء البرى شوف مشاكل الخرطوم الهامه مياه المنشية وباعوض جبرة وحل مشلة ميدان الليق و الساحة الشعبية وقمل المراة العاملة بالمحلية


#329517 [ود الجزيره]
0.00/5 (0 صوت)

04-10-2012 05:07 PM
يبدو انو ود ساتى هرش!! بس للحقيقه .ساتى واحد من العصابه المسيطره على البلد يقول مايحلو له فى اطار حرب المصالح بين الشوايقه واهله الدناقله!! واى ضرر للحكومه هو حيكون من اكبر المتاثريين!! واتذكر انو مدير المصنع الماسوره اسمه فلان سااااتى!!! وانو عرب النيل الابيض احتجوا على ان التوظيف للمصنع حكر على اثنيات محدده !! ومااشتغلوا بيهم بل قتلوا ليهم كم عربى كدا!!! لذلك لاعجب انو المصنع مايشتغل من البدايه!!! لانو قبيله الشوايقه والدناقله غير قادره على اداره بلد بحجم السودان وبالتالى حيضطروا لتشغيل الفاقد التربوى من اللاثنيتين ودى النتيجه!!


#328821 [احمد الخضر]
0.00/5 (0 صوت)

04-10-2012 09:43 AM
ما اثارني هو عبارة (عدم قناعة وزارة الصناعة وإدارة المصنع بأن المواطن هو مالك هذا المصنع )ومن البديهي ان الكبير والصغير والاشتر والما عندو راس كلهم يعلمون ان المصنع ملك للحرب الاجرب (المصاب بالجرب)والذي يحتكر كل دولة السودان وتقوم الحرب وتمزق البلاد من اجل الحفاظ علي (شخص)اما المال والممتلكات التي تسمى في كل بلاد الدنيا (مال عام ) فهي عندنا مال خاص والويل لمن اراد ان يعرف اين يصرف . ربما لدعم الاسلاميين في بلاد الواغ واغ او لتمكين ذو كرش ان يتزوج مثنى وثلاث ورباع .
لك الله يا بلدي .


#328806 [nasereddin]
0.00/5 (0 صوت)

04-10-2012 09:34 AM
الأخ الطاهر والأخوة المتداخلون :سلاما ، لقد كانت الخدمة المدنية في السودان ،حتي اَخر عهد الديمقراطية الأخيرة تتمتع بقيادات مميزة تحمل روح الالهام والبصيرة المتقدة _مع علل صغيرة هنا وهناك،وكانت المؤسسية هي المرجع التي يحتكم اليها أهل الخدمة المدنية ،ذلك في متابعة القرارات في تسلسل وظيفي وتنظيمي مرتب ،والأمور المالية من متابعة ديوان المراجع العام الذي يتردد كل 6 شهور علي الوحدات المعنية ،كل ذلك يرتبط بنظام شبكي جماعي ،كل حسب اختصاصاته ووظيفته ،والمعايير السائدة هي الأمانة والكفاءة والأخلاص في العمل،، اذا انعدمت هذه المعايير ما الحاجة الي المسؤول الاداري وما الحاجة الي الوزير والوزارة... يجب أن يصبح أمينا و(يشوف شغلة تانية) ... يا جماعة اذا أنتم تفشلوا في هذه الأمور البسيطة، كيف بالله يصبح لكم الحق في ادارة شأن وطن حدادي مدادي؟؟؟ شوفوا ليكم شغلة تانبة!!!


#328693 [Abu Al Khair]
0.00/5 (0 صوت)

04-10-2012 05:45 AM
ديل ياعم ضاعت منهم كلمة السر الخاصة بالتشغيل ، الامريكان باعو ليهم المصنع وقبضو الفروش ، وخبو منهم كلمة السر
وفلوسنا ضاعت علينا
والمصنع ما اظنه حايشتغل
وهذا احد الاخطاء الادارية التي تودي في ستين داهية ، عايزين يعملو شفوت على امريكا ، ديل بيبعو الموية في حارة السقايين
دا لو في مكان تاني حتى الرئيس كان استقال مش وزير الصناعة
ربنا يستر عليك ياشعبنا


#328641 [محمد مصطفى]
0.00/5 (0 صوت)

04-10-2012 01:14 AM
هؤلاء لم يبقى فى جلبابهم شى غير الرقع


#328616 [بنزين]
3.50/5 (2 صوت)

04-10-2012 12:41 AM
عوض الجاز خلو يتحرق بالجاز
خلوا يشتعل


#328559 [Zingar]
2.00/5 (1 صوت)

04-09-2012 11:16 PM
الأستاذ الطاهر

إنت بتكتب لينا ولا ليهم...ولو متحسس بتكتب ليه فى المقام الأول.
دعنى أقول لك كلمة أشتر وغيرها كلمه عاميه وعاديه بيعرفها القاصى والدانى فى الشارع السودانى ومقبوله للأنثى والذكر.
عوض الجاز الله يجز حلقومه لايهمنا فى شئ لو زعل أو طرشق هو مفتكر الأستوزار ده عربيه طالعه وعربيه نازله ومكتب مكندش وسيادتو مشغول وسيادتو عندو إجتماع.
هؤلاء يا أستاذ الطاهر لو راجى منهم مثقال خردله فى عمل أيجابى أنسى الشعب ولكن فى البلد تكون إنت العاقل ونحن المجانين أولاد الكلب وإحرق أبوها بلد الدليلها عوض الجاز.


#328558 [بت أمدرمان]
3.00/5 (3 صوت)

04-09-2012 11:14 PM
يا أخوانا الإعتذار أدب جميل، بس إنشاءالله ناس الحكومة يقدروا يتحلّوا باخلق دة و يعتذروا لينا عن جرائم كتيرة إرتكبوها فى حقنا. لكن كدة يا ساتى ورينا المرة الجاية حتعتذر لمنو عشان نجهز حبوب الضغط


#328534 [راجل المرا]
1.00/5 (1 صوت)

04-09-2012 10:26 PM
عوض الجاز الماسورة الفاشل الانانى التمساح


#328525 [kalifa]
3.50/5 (2 صوت)

04-09-2012 10:18 PM
مقتبس .....(ليس هناك ما يحول بين المعلومات والمواطن غير عدم قناعة وزارة الصناعة وإدارة المصنع بأن المواطن هو مالك هذا المصنع) مواطن مالك أنت جنيت ياود ساتي....دا كلام تقولو ياراجل المواطن في هذا البلد خلق لخدمة السادة الكيزان ومن دار في فلكهم فهم وكلاء خالق الكون في رقعة السودان وحصري كمان!!!!
كسرة :
شايفك مكسر تلج تقيل لقريبي ود الجاز...أعمل حسابك وألعب بعيد دا عضتو تسعر!!!!!


#328494 [قرقودى.صالح حاكم]
5.00/5 (2 صوت)

04-09-2012 09:21 PM
ياعوض الجاز ايه رايك فى اغنية المرحوم وردى
بعد ايه جيت تصالحنى
بعد ما ودرت ( بلدى )الكنت فيه
جيت تشكى جيت تحكى لود ساتى ليه
اعتذارك مايفيدك
ودموعك مابتعيدك
العملتو كان بإيدك
واللة يجازى الكان سبب


#328447 [عبد الرحمن]
5.00/5 (1 صوت)

04-09-2012 08:23 PM
معليش يا متداخلين، تشابه على يقر عثمان ميرغني و الطاهر ساتي، لكنهما أحمد و حاج احمد، زمان وجعوا راسنا بي مدح الانقاذ و ناسها، وهسع بقوا من منتقديها لكنه نقد لا يخلو من رجاء في الجماعة.


#328434 [عبد الرحمن]
5.00/5 (1 صوت)

04-09-2012 08:00 PM
مشكلة عثمان ميرغني إنه بيعتقد ان مدير محلية الخرطوم و ناس عوض الجاز ناس زي بقية خلق الله الأسوياء، فهو يعود و "يحاننهم" كأن شيئاً لم يكن. لاياسيد، كلمة "أشتر" كانت الكلمة الصحيحة بدليل أنها أثارت فيه شوية دم من دم القراد الذي تتميز به هذه الفئة. و كمان عبارة "قطعو من راسو"، أو ليس هو من نسب إليه الرد الذي جلب له من مبارك الفاضل ماجلب. ثم أليس هؤلاء القوم هم ناس "تحت جزمتي، ولحس الكوع، و غيرها من الألفاظ التي تعتبر "الأشتر" لغة خفيفة في وصفهم. فناسك ديل يا عثمان ميرغني أفهمهم بطريقتك زي ما عايز، و خلينا نحن نفهمهم بطريقتنا، و ما توجع راسنا باعتذارياتك الما عندها معنى. و انت لو عايز تعتذر فعلاً فعليك بتوجيه الاعتذار للشعب السوداني عندما كنت تطبّل لهذا النظام و أركانه سنين عددا، و ما قلته في ترويجات لشخصية مدفع الدلاقين و علي عصمان، و حتى الطيب سيخة (وين هو بالمناسبة، و اللا انت ما عارف حصل ليه شنو و كيف)؟


ردود على عبد الرحمن
Saudi Arabia [babiker] 04-09-2012 11:56 PM
عثمان ميرغنى منو يازول


#328423 [بت الخرطوم]
0.00/5 (0 صوت)

04-09-2012 07:42 PM
استاذ ساتى انت اليومين ديل حكايتك شنو مع الاعتذارات عايز تبقى زى الجماعة ايهم تفق وتداوى


#328420 [حمد]
0.00/5 (0 صوت)

04-09-2012 07:37 PM
انت كدي خلينا من زعلو ...لكن المصيبة البقمتها للرئيس كل ما يجي مسافر دي شنو ..كدي بالله عليك اسالو لينا ..


#328415 [شكلى ناسى حاجة]
0.00/5 (0 صوت)

04-09-2012 07:31 PM
عوض الجازمايزعل ولا يطرشق وزير ٢٢سنة زى المنشارطالع نازل ماكل دة لو كان بزعل كان اتخارج بدرى لكن جلدو تخين زى القرنتية


#328389 [اوطان]
0.00/5 (0 صوت)

04-09-2012 06:54 PM
إعتذاراتك كترت ياودساتى ؟؟؟


#328375 [ابوالفال]
0.00/5 (0 صوت)

04-09-2012 06:31 PM
هو ده المهم
نشوف اليوم حسن ساتي بيقول شنوا في حتي تكمل الصورة والا صارت الصورة غير واضحة المعالم


ردود على ابوالفال
Qatar [عثمان ميرغنى] 04-10-2012 11:18 AM
معليش حسن ساتى زاغ ... و خلى لينا الصورة زى ما هية ضبابية
قال لجنة تقصى حقاءق قال !!!! هاهاهاهاها


#328374 [المغربي]
0.00/5 (0 صوت)

04-09-2012 06:30 PM
نتمنى مرة واحدة من راعينا ان يتحمل مسؤليته ويحاكم وزراة حتى يبرى ذمتة امام الله اولا ثم امام رعاياه ثانيا .


#328372 [أبو أيمن]
0.00/5 (0 صوت)

04-09-2012 06:29 PM
حقنة المخدر بخصوص عملية مجابهة الوضع الأقتصادى بالوطن والتى جاءت عندما كنا والإقتصاد فى غرفة الإنعاش فى حدية يث الريس مع الطاهر وفى العناية المركزة الملحقة بوزارة المالىة (نقل النفط وتمزيق فاتورة السكر ) ....... عليهو العوض فى ديل والله يستر على الزيت والقطن .... ديل أسالو منهم الكابوره (دى نوع من الجراد ......جبانه وهايصة


#328356 [حسكو]
0.00/5 (0 صوت)

04-09-2012 06:12 PM
يعني الجاز بس ياهو ده الزعلك ، و ده القدرت عليو أنا لو محلك الخجله كانت كتلتني لكن شكلو الاختشى ما مقسوم ليك.اللهم اصلح حال بلادي يارب إليك الشكوى يا سامع الشكوى


#328318 [زوله]
0.00/5 (0 صوت)

04-09-2012 05:36 PM
والله كويس انهم بقرو الصحف يعنى عندهم وقت ليها,وكمان بزعلو من المكتوب فيها زى ما بقولو الاختشو ماتو!!!!!!!!!!!!!!!!!!!!!

للمعلوميه اليوم عند التاسعه والنصف مساءا وعلى برنامج حتى تكتمل الصوره حايستضيفو حسن ساتى

الله ادينا مراره نكمل بيها الحلقه ........


#328314 [ود الحاجة]
0.00/5 (0 صوت)

04-09-2012 05:33 PM
"أي لم يكن سيادته إلا معلناً لرغبة العاملين بالمصنع،"

سؤال لعوض الجاز: اذا كان الامر مجرد اعلان لرغبة العاملين ,لماذا تزهو و تفتخر بانجازات الجاز في مجال البترول ؟ يعني في البترول حلال عليك و في مصنع سكر النيل الابيض حرام؟ في كيل بمكيالين أوضح من كده؟


#328305 [Abu Hadi]
0.00/5 (0 صوت)

04-09-2012 05:17 PM
الظاهر عليك كل يوم (بتعك) زي ما بقول عادل امام (الظاهر عكيت).. كل يوم تعتذر الحاصل عليك شنو .. اعتقد انه يمكن ان تستخدم عبارات ما بعد الاعتذار قبله حتى تتفادى انك كل يوم تعتذر تعتذر .. نحن نقرأ اعتذارك والا تحقيقك؟؟؟ بعدين يا اخي هؤلاء وزراء سواء برضاك او بدون رضاك المفترض ان تصف مثل هذا الوزير بانه (قاطعو من رأسه) وكلام من هذه الشاكلة!! في النهاية هو وزير ونفص القصة تنطبق على من سبقه .. واعتقد ان كلامك هذا اذا قاله اي واحد صحفي ليس له علاقة بالحزب الحاكم كان في خبر كان..


#328294 [وحيد]
0.00/5 (0 صوت)

04-09-2012 05:08 PM
طواحين من مصنع بعد ان تستورد يشتريه الامريكان و " يدسوا " شفرة التشغيل و ذلك بعد ما يقارب السنة من شراء الطواحين، و شركة هندية تنفذ المصنع بلا خبرة في المجال - مثل خبرة عارف و الفيحاء في الطيران - و تكلفة تفوق عشرات المرات التكلفة الحقيقية و آلات يسرقها القراصنة، و رئيس يكمل كل البروفات للرقصة الرئاسية ثم ينصدم بانه لن يرقص في المواعيد المحددة، و و مئات العيون من الدبلوماسيين و المستثمرين تسلموا دعوات لحضور الرقصة الرئاسية و الاستماع للخطبة السوقية ثم يعتذر لهم و يؤجل الافتتاح لاجل غير معلوم.... فشل حتى في انشاء مصنع و فضيحة ابو جلاجل


ردود على وحيد
Qatar [عثمان ميرغنى] 04-10-2012 11:20 AM
عادى بالزبادى

Saudi Arabia [لسوداني] 04-10-2012 10:38 AM
دا ياوحيد زعلان لانو اكمل جميع البروفات ويافرحه ماتمت صاحبك بقي زي
العروسة العلموها الرقيص والعرس باقيلو يومين وقطع الرحد طبعا بعد انتهاء
الحفلة وفجاة العريس يموت


الطاهر ساتي
 الطاهر ساتي

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة