الإسكودا وجمال الوالي ..!!!
04-09-2012 06:01 PM

بالمنطق


الإسكودا وجمال الوالي ..!!!

صلاح الدين عووضه
[email protected]

* صاحب هذه الزاوية ليس كما الحطيئة لا يُجيد سوى الذم والنقد والهجاء حسبما يصفه البعض..
* فهو قادر على أن يقول لمن أحسن أحسنت شريطة أن لا يكون المحسن هذا ذا (مال!!) أو (منصب!!) أو (دائن!!)..
* واليوم إذ يفعل صاحب هذه الزاوية - فإنما يفعل بحذر مع تنبيه الى انه لا يرجو (مقابلاً!!) من الذين ترد الإشارة اليهم...
* فشركة سكودا -على سبيل المثال - هي في مقام الدائن لكاتب هذه السطور بما أنه لديه سيارة بالأقساط منها..
* وقبل أيام تعرضت السيارة هذه لحادث (عجيب!!) كان الفضل في نجاة صاحبها - من بعد الله - لمتانة هذا النوع من العربات الألمانية..
* فهي تكاد تكون (مصفحة!!) تماماً كما تشير الى ذلك إعلاناتها التي تصفها بـ (الصخرة)..
* وعلى الرغم من (صلابة!!) هذه السيارات - في مفارقة عجيبة - فإن بنك النيل الأزرق المشرق الذي يضطلع بمهمة التعاملات المالية يجنح الى (مرونة!!) تكفلها (روح) اللوائح والضوابط والقوانين فضلاً عن الدماثة، والأدب، والتهذيب...
* والآن إذ أشدنا بـ (دائن!!) فإن الأمر ينتهي عند هذا الحد يا شركة سكودا، ويا بنك النيل الأزرق المشرق..
* ونشيد الآن بـ (ذي مال!!) في سياق الحذر نفسه..
* والقصة تبدأ بمهاتفات تُبدي تبرماً من بعض ما يُكتب في الصفحة الرياضية لصحيفتنا هذه عن مجلس جمال الوالي..
* ورغم أن صاحب هذه الزاوية ليس هو رئيس التحرير إلا أن نفراً من أعضاء القيادة المريخية الحالية يصرون على بثه شكواهم بحسبانه (مريخياً) في الصحيفة ربما..
* ونقاشات مع كلٍّ من جمال الكيماوي ومصطفى الحاج والزميل (الرادار) - عدلان يوسف -تفضي الى مكالمة هاتفية مع رئيس النادي نفسه قبل يومين..
* ومما قاله كاتب هذه السطور لجمال الوالي هذا أنه بذل في سبيل المريخ - مادياً - ما لم يسبقه عليه أحد من رؤساء هذا النادي من قبل..
* ويكفي شاهداً على ذلك استاد المريخ الذي اضحى مفخرة للسودانيين قاطبة وليس أنصار الأحمر وحسب..
* وجلسة تجمع بين صاحب هذه الزاوية والمدير العام للـ (الجريدة) - بعد ذلك - يقول فيها الثاني هذا أنه لابد من توخي (العدل!!) تمشياً مع السياسة التحريرية للصحيفة..
* وهذا كل ما نقدر على الإشارة إليه من الجلسة المذكورة مع الأخ عوض محمد عوض..
* ولا يقدح ذلكم كله شيئاً من الجهد المقدر الذي يبذله الزملاء بالقسم الرياضي لهذه الصحيفة وعلى رأسهم الزميل عمر ادريس..
* والآن إذا أشدنا بـ (ذي مال!!)؛ فإن الأمر ينتهي عند هذا الحد يا جمال الوالي..
* وجمال الوالي هذا - للعلم - هو الذي قلنا له من قبل - خلال قضية نشر بيننا وبينه - أن رأس مالنا في هذه الدنيا هو (قلمنا!!) في مقابل رأس ماله هو المتمثل في ما أنعم الله عليه به من (مال!!)..
* وما نريد أن نخلص إليه في خاتمة كلمتنا هذه أننا لسنا مثل الحطيئة لا نُحسن سوى أن نبصر المساويء دون المحاسن..
* ولكن زماننا هذا الذي نعيشه يجعلنا نخشى أن يقال فينا ما يُقال في الآخرين..
* فهناك من (يمدح!!)، ثم يراه الناس ممتطياً صهوة فارهة من الفارهات..
* وهناك من (يُثني!!)، ثم يراه الناس (مشطباً) سراية من السرايات..
* وهناك من (يُشيد!!)، ثم يراه الناس (ملازماً الكبار!!) في سفرة من السفريات..
* وهناك من (يكسر ثلجاً) ، ثم يراه الناس (مُكسراً!!) لعلائق قديمة من العلاقات..
* والحمد لله أن الاسكودا ليس مما يجود به جمال الوالي رغم إنها أكثر متانةً..
* ثم إنها بالأقساط والوالي لا (يُقسِّط!!!!).


تعليقات 25 | إهداء 0 | زيارات 8532

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#330323 [غريب بلد]
0.00/5 (0 صوت)

04-11-2012 12:46 PM
الحاصل شنو هسه .......


#329638 [Mihaira]
0.00/5 (0 صوت)

04-10-2012 07:29 PM
بما ان لك سيارة بالاقساط منها- الاسكودا - فأنت في مقام ( المدين لها ) وليس الدائن ..
وبعدين دي شكلها دعاية لي عربيتك الظاهر ناوي تبيعها !!!!


ردود على Mihaira
Sudan [محمد صالح] 04-10-2012 10:21 PM
ولكن هي في مقام الدائن بالنسبة لعووضه وللا مو كدي يا مهيرة ؟


#329511 [Shah]
0.00/5 (0 صوت)

04-10-2012 04:59 PM
يا عووضة المقال ده كتبوا ليك المهندس عثمان ميرغنى؟ فى ذمتك تنقدا ما تنسدا؟


#329492 [فلونة]
0.00/5 (0 صوت)

04-10-2012 04:40 PM
لكل حصان كبوة ولكل فارس هفوة ولكل كاتب شطحة!لككككككككككككككككككككككككن احبطتنا بس ما يهمك نشوفك بكرة اكيد بكرة فى المليان


#329232 [ودامدرمان]
0.00/5 (0 صوت)

04-10-2012 02:11 PM
الاستاذ عووضه
اتمني ان يكون في واحد هكر اخترق حسابك وقام بكتابة هذا المقال الرخيص




تخريمة:
اتمنى ذالد



تضامن جبرا:
اخبار خط هيثرو شنو؟؟


#329218 [حمدان]
0.00/5 (0 صوت)

04-10-2012 01:57 PM
هل يعلم السراج ان جمال الوالي يأكل اموال الناس بالباطل
ان لم تكن تعلم فاسمع او فلنقل اقرأ هذه الحكاية
في شهر يونيو من عام 2009 استأجر نادي المريخ منزلا في نمرة اتنين بالخرطوم لاستخدامه مقرا للمكتب التنفيذي للنادي ممثلا ب متوكل احمد علي عضو مجلس ادارة النادي
البيت ده يا السراج تم دفع ايجار تلاتة شهور مقدما عند توقيع العقد و كانت هذه المرة الاولى التي يسدد فيها الايجار في موعده حيث لم يتم التسديد الا متاخرا لثلاثة او اربعة شهور حتي شهر ديسمبر عام 2010 حيث استدعى متوكل احمد علي صاحب المنزل و اخطره بان النادي قرر ان يتخلى عن ايجار المنزل لانهم حا ينقلو المكتب التنفيذي الى مقر النادي بامدرمان و طلب من صاحب المنزل يديهم مهلة اربعة ايام حتى يوم اربعة يناير 2011 لينقلو عفشهم.
ده ما تم يا السراج لان السيد متوكل و مجلس ادارته رجعو في كلامهم و ما سددو اي ايجار الى شهر مارس 2011 بعد ما تدخل سكرتير النادي في الوقت داك جعفر قريش فاتسددت اجرة اربعة شهور في ابريل بعدعا اتسددت اجرة مايو و يونيو لترجع حليمة لحراميتها القديمة و التي ما زالت مستمرة حتى اليوم يعني بالعربي كده جمال الوالي و ناديهو ما دافعين ايجار عشرة شهور
و تقول لي اسودا و ما عارف شنو ياخي دي ما قروش المسكين ده و مساكين تانيين اكيد
و تعال شوف التسويف و التزوير حتى في المحاكم
اها ده بقولو عليهو شنو غير اكل اموال الناس بالباطل


#329032 [murmoly]
0.00/5 (0 صوت)

04-10-2012 11:55 AM
بالمناسبة اللأسكودا صناعة تشيكية و ليست المانية ، الظاهر العربية دي و قعت ليك في يانصيب! ، مع عاطر تحياتي


#328807 [M. Ayyoub]
0.00/5 (0 صوت)

04-10-2012 09:34 AM
Topicless


#328717 [بيكو]
0.00/5 (0 صوت)

04-10-2012 07:56 AM
ود عووضة .. مسكاقمي
لكن لقيتك كمية من كسير التلج
عافيه لقو


#328703 [واحد]
0.00/5 (0 صوت)

04-10-2012 06:52 AM
اووووده ولد دده ه ه


#328612 [Sakwaha]
0.00/5 (0 صوت)

04-10-2012 12:31 AM
الوالي لا يقسّط لكنه ينقّط


#328547 [شبرين]
0.00/5 (0 صوت)

04-09-2012 10:53 PM
شوف يا صلاح عوووووضة ما تقول لي عملتها ظاهرة ظهورية زي الجماعة ديلاك و علي كده نحن حنختك في الكنب مع الجماعة اياهم حتي اشعار اخر...ياخي في حاجات اهم من الاسكودا من فضلكم ركزوا معانا شوية ....اصبري يا بلد المطر جاي...


#328526 [A ,M]
0.00/5 (0 صوت)

04-09-2012 10:18 PM
فعلا الاشكودا وليس اسكودا با لسين كما هو شائع , هى سيارة شيكية وليست المانية , بس عووضة ما يقوم يقولينا : انا بركبة وانتو اعرفو اسمها, هههههههههههههههههههه.


ردود على A ,M
Sudan [بلبون] 04-10-2012 09:02 AM
يا A Mالاشكودا فعلا كانت تشيكية وكانت بمنتهى السوء وكانت تسمى (اشكودا نعم للاعطال نعم للتأخير)وتطورت وصارت بمثل هذه المتانة والرفاية بعد ان اشترتها شركة(فولكس فاجن ) الالمانية ..فى السودان بنسميها( فلوكسواجن)..يعنى الاشكودا المانية 100%وهم بيشترو وبيطورو زى ما اشترو (الرولزورويس)من البريطانيين.. ومن هنا نشكر شركة ميج لاستجلابها للسودان متمثلة فى عمك الطيب(ابوعاصم)واخوانه

[واحد] 04-10-2012 06:54 AM
من اقوال ود الجبل في الزمن الجميل ههههههه


#328521 [راجل المرا]
5.00/5 (1 صوت)

04-09-2012 10:15 PM
تكسير تلج بالواضح بالرغم من اجتهادك بالنفى
بس ما تتحسس الموضوع عادى زى الزبادى
ولك فى احمد البلال ابوحلاقيم صديق المسئولين اسوة


ردود على راجل المرا
Saudi Arabia [أنا المظلوم] 04-10-2012 12:29 PM
الموضوع غير جدير بالنشر وكان تعليقك في محله جزا الله جمال الوالي كل خير فهو يبدو انسان خلوق ولكن ما عمل الأ الواجب ولاتهمنا مآثر الأشخاص و بالنسبة للشركات التي يتعامل معها أستاذنا ماذا تهم القارئ ؟



#328496 [Koze Kaddab]
5.00/5 (2 صوت)

04-09-2012 09:26 PM
شوف يا صلاح عووضة، اليوم عملت لي احباط.
اولآ اسكودا دى انا كنت فاكر انها نوع من اكلات الفنادق الخمسة نجوم
وكنت فاكر انه انك اتعزمت اسكودا بالبيض او اسكودا بالطماطم مع
الولد جمال الوالى.المهم الحمد لله على السلامة وان شاء الله شركة النيل
الازرق المشرق تعطيك عربية اسكودا اوكتافيا هدية للدعاية العملتها
لعرباتها .
ثانيآ الرجاء ان تبتعد عن ناس جمال الوالى ومريخ وهلال الما منها
فايدة دى واذا جمال الوالى ضرب ليك تلفون فما تكلمنا عشان الحكاية
دى بتقلل من مقدارك ولن ترفع الولد الوالى وفى نهاية الأمر حيغشوك
ويأكلوك اسكودا بالبيض زي ما اكلوا وغشوا ابليس ذاته.


ردود على Koze Kaddab
[واحد] 04-10-2012 06:56 AM
100% بس اووووده ان شاء الله سالم من كلو


#328478 [G.F]
5.00/5 (1 صوت)

04-09-2012 09:06 PM
لمتانة هذا النوع من العربات الألمانية.

الزميل/ صلاح الدين عووضه
فقط للمعلومية/السيارة اشكودة تشيكية الصنع
مع تحياتي G.F براغ


#328473 [Abuzifit]
5.00/5 (2 صوت)

04-09-2012 09:01 PM
يا أستاذنا الكريم الظاهر عليك ماشي الماسورة برااك وبي رجلييييك .. اولاً يا حبيبنا الناس ديل ما تمشي ليهم ولا تشرب شاييهم ولا تاكل كيكم .. لأنهم عاملين زي الغولة حقة فاطنة السمحه.. البياكل من عصيدتا بتكسر ومايقدر يقوم تاني وببقى لقمة مدنكلة للغولة الما بتشبع .. شوف براك ناس المرضي ومبارك الفاضل ومناوي واروك طون ومضوي الترابي و بقية الضحايا هل قامت ليهم قايمة؟
تانياً يا حبيبنا الإسكودا زااااتا ما المانية ولا شيتين .. دي عربية شيكية شيوعية حمرا .. اشترتا الفولكسواجن سنة الفين لكن لسه بتطقطق في الشيك ..
أنا كلمتك وانت على كيفك يا زول


#328459 [عاشق النامير]
0.00/5 (0 صوت)

04-09-2012 08:38 PM
ان شاء الله شرك مقسم فوق مصنع سكر النيل الابيض و الدقشم الما بشبهوا دييييييييييييييييك بتاعة الليل عيناها بس السودانيه


#328445 [سودانى]
5.00/5 (3 صوت)

04-09-2012 08:17 PM
لا تقتات من موائد الكيزان فانهم لئام


#328431 [سادومبا]
0.00/5 (0 صوت)

04-09-2012 07:52 PM
ليه ماخذ الأمر بالحساسية الزائدة دي ... هو جات عليك أنت بس .. ما الناس دي كلها من الكسير لما انبرشوا

بس انت ما تكتر المحلبية ... قال اسكودا قال ؟؟ والله أفشل عربية ....
قال بورسودان عرب لكن عربها تقال
يشكروا في جبيت ما شافو بيت المال


#328427 [محمد مصطفى]
0.00/5 (0 صوت)

04-09-2012 07:46 PM
كثرة مساوئ الإنقاذ تجعل الشخص لا يرى ذرات محاسنها لذلك لا عليك يا ود عووضة ...


#328417 [بت الخرطوم]
5.00/5 (3 صوت)

04-09-2012 07:33 PM
لاول مرة اقول لك استاذ عووضة الليلة ما عندك موضوع كان احسن ما تكتب خالص # فقد عودتنا بالروائع فلا نرضى منك الا الرائع المفيد وربنا يوفقك


#328413 [الاستاذ]
4.00/5 (1 صوت)

04-09-2012 07:30 PM
يا عووضة باللهي خليهم في قيهم يعمهون

وكفارة وسلامتك والف اسكودا كرامتك اعمل حسابك المرة الجاية الناس ديل ما حيصدموك باين عليها دي عملية تحزير عشان تمشي علي العجين متلخبطوش

واسكاجلو من القرية 14


#328408 [سوداني]
5.00/5 (2 صوت)

04-09-2012 07:25 PM
جميع اموال جمال الوالي هي اموال المتمر الوطني الفاسد


#328365 [الجبلابي]
5.00/5 (2 صوت)

04-09-2012 06:23 PM
جمال الوالي هذا من أين له هذه الأموال وما هو تاريخه أهو من أبناء الرأسمالية المعروفين بالسودان أنه خزعبله من من خزعبلات المؤتمر الوثني وكلها قروش حرام وكل قرش حرام يذهب من حيث أتى أنها قروش تمشي للاعبين الكورة واللهو أنه الحرام نسأل الله أن يدمر الانقاذ التي أظهرت لنا الطفييلين وااصحاب النفوس الضعيفة وجمال الوالي تاريخه معروف من الألف إلى الياء


ردود على الجبلابي
Sudan [الجبلابي (نمر من كيبورد)] 04-10-2012 09:47 AM
ياجبلابي بالله ارحمناالله (لا يرحمك)انت سفير ربنا في الارض عشان تفتئ في قروش دا حلال ودا حرام
من كل المقال للاخ صلاح ماطلعتا بي نتيجه غير انو قروش جمال الوالي حرررام ولأ(من اين له هذه الاموال)
من عند الله(لو بالحرام ولا بالحلال وهو الحيسالو منهالو عندك اثبات او مستندات او اي شئ وديهو القضاء ياخي وماتقرفنا
فيااخ جبلابي بالله ياتكتب شئ يفيد العامه ولا ساعدنا بالسكات.
هو نحنا فاضيين ليك ولي تعليقاتك الممله.ارحمنااااااااااااااااااااااااااا.

United Kingdom [خالد حسن] 04-09-2012 08:32 PM
اي زول اثري في عهد العهر الانقاذي ماله من حرام دي دايره ليها فتوي كمان
انت ماسمعت بفقه التمكين الانقاذي
قال حقد قال .. خلي الوالي زاتو يدينا كشف حساب يورينا ماله من اين كسبه بعدين قول لينا اتقوا الله
ياخي سيدنا عمر لبس ليه جلابيه اطول من الوزعها لرعيته قام واحد قال ليه لاسمع ولاطاعه حتي تخبرنا من اين لك هذا
ونحن بنقول للوالي ولغيره انتم في نظرنا اكلي مال حرام حتي تخبرونا من اين لكم راس مالكم ؟ وهل التسهيلات التي تمنح لكم تمنح لاي مواطن غير مؤتمر وثني ؟
كفاره يا استاذ عووضه وواثقين منك ولايهمك

Norway [ود البطانه] 04-09-2012 07:33 PM
إنت يا الجبلابي ما اكتر من زول حاقد والا اين دليلك علي ان مال الوالي حرام..وسوف تسال من هذا الكلام...يا حاقد غير الكيبورد دا تقعد وتكتب وتصف في الناس دا مالو حلال ودا مالو حرام وهسع إنت لو عندك مال لن ترضي ان يقال لك ان مالك حرام عشان كدا ماتهاجم سائ بدون دليل يا حاقد.....


صلاح الدين عووضه
صلاح الدين عووضه

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة