(ما منعونا وكده)..!!
04-10-2012 01:38 PM

حديث المدينة

(ما منعونا وكده)..!!

عثمان ميرغني

قصة رائجة في مدينة عطبرة.. تحكي أن بائع (الباسطة) كان يتغزل في بضاعته بألفاظ مستوحاة من العشق والهوى.. فيردد (ما بالسمنة وكده.. ما حلوة وكدة) فمنعه أهل السلطة من ترديد تلك الألفاظ.. فصار يتجوّل في السوق صامتاً يحمل بضاعته.. فيسأله الناس بدهشة عن سرّ صمته .. فيرد عليهم بحسرة: (ما منعونا وكده).. يبدو أن القراء على حق.. عندما أشفقوا –بغضب– من تأخير النشر في قضية مصنع سكر النيل الأبيض.. خشية إغلاق الباب ومنع النشر.. وأمس ليلاً بعد أن أكملت تماماً إعداد الحلقة الثانية من (التيار ليكس) في القضية.. أبلغنا بمنع النشر.. حسناً.. سحبنا صفحة (التيار ليكس) من عدد اليوم.. لأنه إذا لم نسحب الصفحة.. ربما لن ترى الصحيفة كلها النور اليوم.. رغم أن الصفحة كانت شافية كافية وضعت كل النقاط فوق الحروف.. إذن لمصلحة من هذا.. لمصلحة من حجب بصر الشعب السوداني من رؤية ما يجري في المال العام وممتلكاته الوطنية التي يدفع فيها من حر مال فقره المدقع الكثير المثير الخطر.. ثم في كل مرة يفجع مرتين.. مرة بهول ما يحاك من فساد.. وأخرى بمنع التحديق.. مجرد التحديق في تفاصيل هذا الوباء البلاء. ليس في مصلحة الحكومة قبل الوطن أن تغمض الأعين كلما طفرت للسطح قضية فساد بائن.. كأنما المشكلة في (الحديث!) عن الفساد لا وجوده.. وكأنما يؤذي النفوس أن تضاء الأنوار في الأركان المظلمة. على كل حال.. التعويل على أن حجب النشر يقتل القضية أمر فيه خلل كبير.. وخطر أكبر.. فالشعب يراقب.. ويتحسر.. ويضجر.. ويكتم.. ثم يكتم.. حتى تأتيه لحظة الطلق.. فتنفجر كل ما في دواخله من حمم وبارود مخزون.. كم بلغ حتى الآن عدد ملفات الفساد التي صدر قرار منع النشر فيها.. الله وحده أعلم.. كم عدد القضايا التي سارت في مسارها الحتمي العادي حتى اطمأنّ الشعب للمحاسبة والمساءلة والعقاب.. لا شيء..!! إذن ماهي المحصلة التي يستنتجها ضمير المواطن العادي.. بكل تأكيد أن الحكومة تفتقر لإرادة مكافحة الفساد رغم أنف آلية أبوقناية وكل أطنان الخطب التي ازدحمت في فضاء المستمع السوداني.. تحاول أن تطمئنه أن الحكومة قادرة وراغبة في مكافحة الفساد.. لا أعرف جدوى اللجنة التي يرأسها البروفيسور عبد الله الجعلي في هيئة المستشارين التابعة لمجلس الوزراء إن كان الحال (ياهو ذاتو الحال) .. ما الذي تخلص إليه إن كان العزم.. عزم مكافحة الفساد أصغر من خصر فاتنة شاعرنا صلاح أحمد إبراهيم التي قال عنها: (وحزاماً في مضيق كلما قلت قصير هو.. كان الخصر أصغر). بصراحة إن ظنت الحكومة أنها بذلك تضخ في عمرها أطول.. وأن (الحديث) عن الفساد يجلب السخط الشعبي .. فكلما كُتم .. انكتم الغضب الشعبي.. فستشرق عليها شمس يوم تذكر فيه أن (نصحت قومي .. فما استبانوا النصح إلا ضحى الغد..). حسبنا الله ونعم الوكيل.. حسبنا الله ونعم الوكيل.. حسبنا الله ونعم الوكيل..!!

التيار


تعليقات 53 | إهداء 0 | زيارات 5620

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#330949 [عبدالمنعم محمد فضل]
0.00/5 (0 صوت)

04-11-2012 11:04 PM
انت لو كان في نيتك أن تنشر الفساد كان نشرته بدون ضوضاء وانت عارف ان الزمن مافي المصلحة؟؟متين تفهموا فن الصحافة؟؟؟؟؟


#330360 [Welli]
5.00/5 (3 صوت)

04-11-2012 01:04 PM
انت زول مستهبل بمعني الكلمة , و أنا حا أوريك الدليل :
أولا: انت كتبت قبل يومين , انك حا تنشر وثائق (أكرر وثائق) تاني يوم.
ثانيا : جيت تاني يوم كتبت ليك كمية من الإنشاء الفارغة بدون (وثائق), و بدون ما تخش في الموضوع. ليه ما نشرت طوالي لمن جاتك الفرصة ؟
ثالثا : اسي في كلامك الفوق دي كتبت انو الحكومة كلما ظهرت قضية فساد تمنع النشر و تقفل العيون , إذا انت كنت عارف انو القصة مسألة وقت بس, ليه ما نشرت لمن كان عندك الفرصة؟؟؟؟
رابعا : و ده الأهم. في حاليا كمية من المواقع في النت , حرة و غير مراقبة , يمكن بكل سهولة تنشر فيها الوثائق بأي اسم بعجبك ! لو غرضك انو الحقيقة تظهر فعلا. اديها لأخوك (أهو حايم في النت) أو لمن ينوب لو خايف !

القصة ما منع, القصة خوف و كسب من ورا الموضوع بس !
أنا ما بتهمكم بأي حاجة (زبالة أو حاجات زي دي), لكن بقول ليك إنك ما كان عندك أي نية تنشر للأسف !!


#330319 [وعد]
0.00/5 (0 صوت)

04-11-2012 12:45 PM
معا لكشف الفساد


#330315 [وعد]
0.00/5 (0 صوت)

04-11-2012 12:41 PM
سلامات يا استاذ ولك التحية وانت تقف مع هذا المواطن المغلوب علي امرة وتكشف الحقائق حول فساد الحكومة ورجالاتها
لكن اطمئنك واقول لك لاتخاف فلن تنفع حيلهم الخاصة بالمنع من خروج الحقائق طالما هنالك اناس مثلك يحملون هموم الوطن والمواطن ويسعون الي كشف الحقيقة


#330248 [ABB ALSHARIF]
0.00/5 (0 صوت)

04-11-2012 12:03 PM
يا استاذ الحكومة عبارة عن شلليات و جماعات و كلو شلة عارفه فساد الاخرى لذلك كل ما تظهر قضية فساد لشلة ما تهدد بفضح الاخري لذلك ما في حساب في فساد و ما تتعبوا ساكت انت و الطاهر.


#330072 [mohd]
5.00/5 (2 صوت)

04-11-2012 09:51 AM
يا عثمان مرغني انت واحد من الآتي :

1- اما انك طابور خامس وسط الصحفيين لكونك طبلت كثيرا لهذا النظام وجيت تتبرأ منه في آخر ايامه.

2- او انك تستغفل القارئ بقولك غدا سوف انشر التفاصيل وانت تعرف ان كلاب النظام سوف يقرأون هذا وسيحضرون اليك ويمنعونك ويقوم المواطن المسكين دا الصباح يشتري الجريدة على امل يلاقيك اوفيت بوعدك وتحقق ارباحك المادية ببيع صحيفتك وهذا هو الصحيح بنسبة 100% لأنك خايف انه الجريدة تتقفل بسبب نشر الخبر ولذلك قدمت الاسباب التي تجعل كلاب الامن يحضرون ويمنعونك من نشر الخبر الفاسد وانت تعلم والكل يعلم ان هذه الحكومة بقت زي الزول الهدومو اتشرطت وبقى يجر الجلابية من هنا عشان يغطي وركه تنشرط وتكشف صلبه يعني اتعرت من كثر الفساد الذي اصبح كل يوم منه جديدبقت زي الثور المات كل يوم ريحته ضاربة ومعفنة المنطقة.


#329987 [salah]
0.00/5 (0 صوت)

04-11-2012 02:20 AM
لو كنت حقا انت صادق يا عثمان وتريد تمليك المواطن حقائق الفساد ما الذى يمنعك من نشرها فى الصحافة الالكترونية كحريات والراكوبة وغيرها الشعب ينتظرك


#329938 [Mustafa]
5.00/5 (1 صوت)

04-11-2012 01:20 AM
ياعثمان ميرغني انت مابتخجل !! دة كل العندك باسطة وذلابية ..لكن عموما انت مستفيد من البحصل لانك حسبتها صاح و المسالة في الاخر قصة بيع وشراء زي الماالناس المساكين بتاعيين المعاشات التباعو وهم احياء يعانون ...عموما اخر الكلام ماعندك ..عند الناس الحقوقة ضايعة و الحساب ولد ..قرش واحد مابنخليهو ..قاطعوا التيار و اي جريدة بتاجر بي حق الشعب ..


#329904 [AMJAD SLMAN]
0.00/5 (0 صوت)

04-11-2012 12:44 AM
والله..
يا سلام عليك....


#329815 [عبد الواحد المستغرب اشد الاستغراب!!]
5.00/5 (2 صوت)

04-10-2012 11:22 PM
كده بالله ياود ميرغنى بالاول كده إستغفر!! وأمسح دموع التماسيح وتأكد مافى زول حبصدقك حتى لو قلتها وأنت معلق بأستار الكعبه!! وببساطه أمرك مفضوح والسبب الجهه التى تدعى بأنها منعة أخبارك (المشوشه) كان لها من باب اولى منع هذه المقاله إلا إذا ما كانوا فاهمين زيك!!يا أخى علينا نحن؟ ونظامك ممكن يقبل اى شىء إلا الحقائق فقط والذى يزعجه إذا كان الاطراف مساهمون من دول اخرى أما الشعب السودانى فغير معنيون بما تكتبونه فى صالحه او ضده والنظام (راقد قفا منا) فليس لدينا ما نقطعه عنه فكما تعلم ليس بيننا مستثمر يستطيع ان يوقف أستثماراته عندما يكتشف أن الدوله التى لجاء اليها بقصد الاستثمار أهدرة أمواله!! ومقالتك مرروها لاحداث المزيد من زر الرماد و(التغبيش) وهذا غباء واضح يحسب عليك وليس فى صالحك!!وأطمئن يا صديقى فالعرب لا يقرأون وإذا قرأوا لا يفهمون وإذا فهموا لديهم إستعداد لتقبل مثل ما يفعله النظام بهم وهذه ليست اول تجربه ولا هى الاخيره قأموال البعض منهم حرام ايضا ولطالما ذهب الحرام الى المكان الذى جاء منه ولا حول ولا قوة إلا بالله بحق وحقيق وليس تمسحا!!0


#329801 [الهدهد]
0.00/5 (0 صوت)

04-10-2012 11:09 PM
مشكور يا باشمهندس على هذه الشجاعة ولكن كان تتم الناقصة دى وتنزل لينا المقال هنا على صحيفة الراكوبة هذه وبذلك كان اخذت الشكرة كاملة . على كل حال ننتظر غدا عسى تستجيب لنا وغدا لناظره قريب .


#329786 [المواطن علي حسن سلوكه]
0.00/5 (0 صوت)

04-10-2012 10:54 PM
يازول ما عنك مشكله فى مشروع حواشه وبقر ناجح جدا جدا وبيطلع دخل احسن من دخل رئاسة الجمهوريه وطبعا قصة النجاح الباهره دى بتحتاج قلمك الصحفى عشان يرصدها وما بتزعل زول وما بتحرك السلطات لمنع النشر واغلاق الصحيفه وكسير العده لا قدر الله
امشى مطمئن وربي عيالك وانت مالك ومال القرايه ام دق ولك فى عمنا مكرم محمد احمد مع عمنا حسنى اسوة حسنه وهبيش الحاجات الممنوعة دى عندها وقت ووقتها لسع بدرى عليه لان الدخلت فينا من بيوت الاشباح لسع ما طلعت نحن يا عمنا قليبنا رهيف وحيلنا ما شايلنا والكلمات الصعبه زى فساد ومحسوبيه........ ما بنقدر نسمعها
لشاعر المصري كمال عمار بقول
من علمك الحكمة يا ثعلب
راس الذئب الطاير عن جسده يا مولاي
علمنى الا انسي ابدا انك اسد اسد
قبل الان وبعد الان

الى
امنت تعلمت ما تفعله حق
ما لا تفعله حق
دخل الفيل الشق لن اعجب
وليخرج لن اعجب
ما دام ذراع الضرغام
بعيدا عن راس الثعلب
ونحن اخوان نسيبه فهمونا انو اي حاجه لازم نفهما بالمقلوب عشان ناكل عيش فى البلد دى


#329781 [omer]
0.00/5 (0 صوت)

04-10-2012 10:51 PM
منعوك لانه فهمك قاسر انت عارف ان موضوع سكر النيل الابيض كونت له لجنة تحقيق فدعوها تعمل مش كل واحد فيكم يالف علي مزاجه ومن راسه


#329747 [ودمدنى ..]
0.00/5 (0 صوت)

04-10-2012 09:53 PM
الأخ عثمان مبرغنى .. ما عدنا نرغب فى أى معلومات من جانبك .. فانت لا تملك شيئاً لكى تقوله للقراء الذين ينتظرون منك الكثير فى كشف الحقائق عن كل أنواع الفساد ..
إن كان لديك ما تنشره فلماذا لا تنشره فى المنتديات الأسفيرية الموجودة بكثرة زى الهم على القلب ولكنك صنيعة الفساد وصنيعة المؤتمر الوطنى ..فلتذهبوا جميعاً إلى الجحيم غير ماسوفاً عليكم..وابشرك أنك قد حفرت قبرك بيدك فاستعد لهذا اليوم الذى هو آت لا محالة للقضاء عليكم جميعاً أبها المنافقون الدجالون ..
حسبنا الله ونعم الوكيل ..حسبنا الله ونعم الوكيل .. حسبنا الله ونعم الوكيل


#329707 [جادون]
0.00/5 (0 صوت)

04-10-2012 09:04 PM
الصحف الالكترونيه دي شغاله شنو ن ما تنشر، ذيكمان ذايرا ليها درس عصر .


#329667 [ابو عيون]
0.00/5 (0 صوت)

04-10-2012 08:11 PM
الشعب يريد البروسترويكا (الشفافية ) ..
كفاية دغمسة و دفن الرؤوس فى الرمال ..
و الرئيس ينادى بكشف الفساد و اثباته.. ام هى مزايدة ومكابرة ؟؟؟
حجب النشر فيه تجنى على الحقيفة والتستر على المفسدين و تشجيع المزيد من الفساد ..
اتعظوا بالازمة السورية .. فقد بدات بالمطالبة بالاصلاح .. ثم فلت العيار وتحولت الى :

الشعب يريد اسقاط النظام .


#329666 [كاكوم]
5.00/5 (2 صوت)

04-10-2012 08:11 PM
المقال الاول والاخير ، كان طويلا غير عادة كتاباتك ، فتاكدنا انه الاول والاخير ، ولو كان

عندك حاجة عايز تقولها كنت قلتها .

التيار لم تعد لها مصداقية ، و ( الهرشة ) جابت حقها .

عموما شكرا لك . قضية الاقطان هى ( بيضة الديك ) وربنا يستر عليك من ديك المسلمية


#329636 [زول ساي]
5.00/5 (1 صوت)

04-10-2012 07:25 PM
عشان تعرف اخوانك وجماعتكم المدعية اسم الدين بتعمل في شنو.وهسا كان اتغير الحال وجيت انت ما اطنك ح تسمح بي حرية. لانكم كلكم تربية اسمع اطع لا تجادل


#329601 [أبو أيمن]
0.00/5 (0 صوت)

04-10-2012 06:39 PM
حتى لايتوهونا أكتر أقترح أن نكون آليه أو سمه مسار طريق للفساد والمفسدين . يكون فى هذه الخارطه أو المسار المفسد والى أين وصل وكم عدد مرات إفساده وأين ذهبت العوائد ..........الخ الخ من تقصى الأثر...زز لأنو ياجماعه.... هنالك مفسدين لسه ماوضحوا وآخرين شبعوا وهربوا وآخرين يفكرون فى الذهاب إلا أن المدرج مزدحم وآخرين وآخرين.
أقول هذا وأكاد أجزم أن هنالك آليه لإختلاق الفجائع للفت النظر عن ال......


#329599 [ودكنانة]
0.00/5 (0 صوت)

04-10-2012 06:37 PM
والله فعلا نصحت قومك يعنى معترف بيهم


#329581 [عبد العظيم مصطفي]
5.00/5 (2 صوت)

04-10-2012 06:16 PM
الحمد لله ما كتبناه أمس عن مقالك صدقته اليوم افعالك .. والله انت راس الفساد ذاتوا اذا كانت الحكومة تنهب من جهة واحدة فانت تاكل من جهتين من الذين يدفعون لك لتسكت وتتوقف عن النشر والجهة الأخري الغلابة الذين يدفعون ثمن صحيفتك لمعرفة الفساد ومتابعة الحلقة الأخيرة من مسلسلك المكسيكي . والله انت احقر من الذين تكتب عنهم وعن فسادهم وليك يوم يا كثار الثلج .


#329569 [Abuzifit]
5.00/5 (1 صوت)

04-10-2012 06:01 PM
الشعب السوداني شعب بليد لايفهم , وإذا فهم لا يفعل أي شئ, إنهم أشبه بهؤلاء القوم الذين لا يكادون يفقهون قولاً.
ألم يأمرنا الله تعالي بكل وضوح في القران الكريم بأن لا نؤتي السفهاء اموالنا؟ , ألم يضرب لنا الرسول الكريم الامثال للتعامل مع امثال هؤلاء السفهاء, الذين يحكمون السودان الان , دونكم حديث السفينة.
ماذا ينتظر هدا الشعب الذي أصبح مثله كمثل الكلب إن تتركه يلهث وإن تحمل عليه يلهث.


من أين أتى هذا الشعب السوداني؟


#329561 [عزيزه]
0.00/5 (0 صوت)

04-10-2012 05:49 PM
مازلــنا في مرحلة التمكين ، لذلك طالبناكم بعدم النشر ،طبعــا هي لله.


#329537 [abusabeeb]
5.00/5 (2 صوت)

04-10-2012 05:31 PM
تاني برضو جاي تلعب على العقول ياعثمان كل الشعب السوداني عارفك

وانت عارف مافي داعي وخليك راجل مرة واحده ونص سوداني المرة دي

وبلاش اللعب على الحبال


#329523 [الرئيس القادم]
4.25/5 (3 صوت)

04-10-2012 05:13 PM
يا اصمان بتاخر في النشر لحدي ما تتاكد انو في واحد من الجلابة الكبار داخل ولا لا

و لما عرفتة انو في واحد منهم عملتها ذي قضية الكشك و الوالي

لو كنت نسيت افكرك

الوالي الرجع للراجل الاولادو طشو الكشك بتاعو


#329516 [القاص الفيلسوف]
3.00/5 (2 صوت)

04-10-2012 05:07 PM
لا بأس الشعب الســــــوداني برميل بارود مبلول يعني ما ح إنفجر . مهما كان الفساد واضحا وبالوثائق .
سرب تسلم ........ سرب الوثائق دي لأي صحيفة إلكترونية يرحمك الله هذا إذا كنت تقصد إبتقاء وجه الحق لا وجه زيادة المبيعات .
سربوا الوثائق للنت يا جماااااااعة .


#329506 [زهير أحمد عبدالكريم]
5.00/5 (3 صوت)

04-10-2012 04:54 PM
نطالب السيد عثمان ميرغني رئيس تحرير صحيفة التيار بدفع غرامة ماليه لكل المتضررين وهم من قامو بشراء جريدة التيار ليومي 10 و 8 من شهر ابريل لغرض قرأة قضية مصنع سكر النيل الابيض فقط و ذلك حسب ما تم نشره في عمودكم حديث المدينة في يوم 7 ابريل وايضا في يوم 9 ابريل و عليه ان لم تستجيب لطلب القراء في حقهم المشروع لإسترجاع مادفعوه فهذا يعتبر أكل لأموال الناس بالباطل سوف تسأل منه يوم القيامه وبهذا التصرف يجعلنا نضعك انت وحكومة المؤتمر الوطني في خانه واحده فكلاكما تأكلون أموال الناس دون أي وجه حق و أما فيما يختص بحق كاتب هذه السطور أعلن و أمام الجميع بأنك غير مبرء الذمة تجاهي ولن أعفي لك حقي و سأقتصه منك يوم الحساب


#329504 [الله يلعنهم .......]
5.00/5 (3 صوت)

04-10-2012 04:52 PM
انتو ليه بتنشروه في حلقات ...
انشروه مرة واحدة وريحونا...
انتو ذاتكم زيهم


#329503 [huwidah]
4.50/5 (4 صوت)

04-10-2012 04:51 PM
كنت اعلم انك لن تنشر حرفا..بل كعهدك ابدا تناور وتحاور لتبيع جريدتك وتتكسب من الاعلانات علي حساب هذا الشعب المسكين..ارحمونا من خداعكم يا اخوان الشيطان..اشكرك لاني كسبت الرهان


#329502 [أناكوندا]
5.00/5 (1 صوت)

04-10-2012 04:51 PM
والله الزول دا بكرهوا لله في لله


#329473 [م. أبوساره بابكر حسن صالح]
1.50/5 (2 صوت)

04-10-2012 04:26 PM
أخي الأستاذ عثمان ميرغني

نرجو منك أن تنزل ما منع نشره بالصحيفة هنا على الراكوبة فلا أظنه ممنوعا هنا


#329466 [عبد الرحمن]
3.75/5 (4 صوت)

04-10-2012 04:21 PM
"....البشير : خصومنا يريدون تحويل حملة مكافحة الفساد، إلى حملة للادعاءات الكاذبة، والاغتيال المعنوي للقيادات، والبرلمان....."
أها ياعثمان ميرغني فهمت الفساد بادي من وين و اللا ديرا ليها درس عصر. مدفع الدلاقين قال "خصومنا"، يا ربي معاه منو؟ الشعب السوداني؟ عرفتو "خصوم"نا" دي معناها شنو؟ و ال "نا" ديل هو و منو؟


#329446 [يحي]
1.00/5 (1 صوت)

04-10-2012 04:11 PM
من اول يوم اعلنت انك حاتنشر وثائق قلت ليك حايتم منع التيار ماصدقت


#329438 [ABUWAGAAR]
5.00/5 (2 صوت)

04-10-2012 04:08 PM
(ما قديمه وكدا).داير اقول ليك حاجة دى ما اول مرة ياباش تكتب الكلمة دى مدخل كويس.بعدين تانى ما تحندكناوتخلينا نفتح خشومنا ساى حقو اول حاجة تشاور الجماعة حتى بعد داك تقول انتظرونى سوف انشر لكم كذا وانت عااااااااااارف حدود النشر كويس المتاح والممنوع ااااااااااااخ من السكرى


#329427 [جن]
5.00/5 (3 صوت)

04-10-2012 04:01 PM
يااااااااااااخ و دا على اساس البشمهندس بريء براءة الاطفال و جديد في الشغلانه !! قال يبدو ان القراء على حق من تاخر النشر خشية اغلاق هذا الباب كدي القراء خلهم انت ما عارف؟ جديد عليك؟ ما سمعتا بيها؟ يالصحفي الهمام يا بتاع الدروس الصحفية و انو الخبر في الاستقاله وليس في رفض الاستقاله !! ياخي قوم لف كدا ولا كدا قرف يقرفكم مليتو البلد


ردود على جن
Sudan [الرئيس القادم] 04-10-2012 05:08 PM
صدقته يا جن


#329412 [عاشق النامير]
5.00/5 (3 صوت)

04-10-2012 03:52 PM
هل تعلم يا عثمان ميرغنى انت احد ركائز النظام و لاعب فى خانة امتصاص غضب الشعب وخاتنك لكتابة مقالات يشوفوا بيها رد فعل الشارع ,يا اخى العب غيرها بقت مكشوفه زى عورة( الابلانج)


#329403 [ود نفاش]
5.00/5 (1 صوت)

04-10-2012 03:47 PM
انا لله وانا اليه راجعون


#329402 [ودالحاج]
5.00/5 (1 صوت)

04-10-2012 03:46 PM
لماذاالمنع من النشرياناس؟هل هى قضيةتمس الامن القومى؟؟والى متى يتم التسترعلى الفاسدين؟؟؟ قال تعالى(هاانتم قدجادلتم عنهم فى الحياةالدنيافمن يجادل الله عنهم يوم القيامةامن يكون عليهم وكيلا).


#329367 [زول منهم]
0.00/5 (0 صوت)

04-10-2012 03:27 PM
الهذا الحد يا عثمان ..

لان تحجب التيار وهي في سبيل الحقيقة تسعى
خير لها من ان ترى النور وهي ترتعد.


#329355 [محمدو]
0.00/5 (0 صوت)

04-10-2012 03:19 PM
دقست وإتلحست ، هسى كان اديتنا الشمار كلو مرة واحدة ماكان ارتحت وإرتحنا ، اقول حاجة افضل تقوم ترسل الباقى على إيميلات الاصدقاء والمعارف والاهل والزملاء وهم بدورهم برسلوها الى اصدقائهم وزملائهم وهكذا بتصل المعلومات للشعب من دون ما يكون للتيار اى دور فيها وتسلم الصحيفة وتسلم إنت ، بس ما تنسى انك تمسح إسمك من المقال وتوديهو مبهم . نحن محتاجين للمقال شديد نرجو التنفيذ قبل التنفيس


ردود على محمدو
Egypt [ابوزايد] 04-10-2012 04:48 PM
والله يا محمدو كلامك صح لكن غلبنا البنعملو مع ناس الانقاذ ديل الاسعار غالية نحنا ساكتين الحروب قائمة نحنا ساكتين الاراضى ادوها السعوديين والمصريين ونحنا ساكتين والحكومة تمنع النشر ............... ودا حدو وين يا جماعة نحنا ما خلاااااااااااااااااااااااااص ريقنا نشف الله لا كسبكم يا عواليق


#329353 [عماد]
5.00/5 (1 صوت)

04-10-2012 03:17 PM
الاستاذ عثمان ميرغنى لك التحية لايستقيم الظل والعود اعوج واستغفر الله ان نخوض فى اعراض الناس ولكن طفح الكيل ولا حسيب ولا رقيب الا الله الذى يمهل ولا يهمل ندعو الله ان ينصر عليهم اعدائهم وينصرنا عليهم يذيقهم ما اذاقه للغذافى ومبارك وصدام لو ان جزاء هاروت وماروت هو رحمة لهم


#329325 [صادميم]
5.00/5 (3 صوت)

04-10-2012 03:05 PM
منعوك و لسانك حالك يقول الحمدلله فقد نضب معيني من الاعتذار عن النشر لقد مل القراء من مسلسلاتك المكسيكية التي تكسب فيها من القراء الذين كانوا يشترون صحيفتك املاً بان تكون لهم عوناً على محاربة الفساد فاصبحت هي الفساد بعينه وكل تاخير كنت تقوم به في نشر وثائق الفساد كان يقف خلفه مساومات تحت الطاولة فاصبحت صحيفتك كالمنشار تأكل من الجهتين من القراء الذين احسنوا الظن بك ومن الفاسدين وكلما تأخر النشر زاد ما يدخل رصيدك حتى تقوم السلطات باصدار امر منع النشر فتتنفس مع الفاسدين الصعداء آملاً في فضيحة جديدة تعيد فيها الكرة.
واذا كان من فساد فهو فساد الصحفيون امثالكم هولاء الذين خرجوا من جلباب الاخوان المسلمين وكنا نظن انهم اقتنعوا بفشل المشروع الاسلامي الذي يدعون اليه ثم نكتشف ان ذيل الكلب لا يستقيم ابداً أو كما يقول اهلك المصريين ديل الكلب عمره ماينعدلش.


#329319 [حاجة عجيبة]
5.00/5 (3 صوت)

04-10-2012 03:01 PM
حاجة عجيبة والله......

عثمان ميرغني البتعمل فيه دا زاتو فساد .... دعاية رخيصة وكذب واثارة من اجل رفع معدل مبيعات الجريدة.

حاجة عجيبة والله......

ماهو نفس موضوع افتتاح المصنع ..... انت حددت تاريخ للنشر ثم اجلت يوم ، وتاني اجلت يوم ، واخيرا قلت تم المنع . ماياها زاتا حكاية المصنع والفساد (اعلان تاريخ للافتتاح ثم إدعاء موضوع برنامج التشغيل)

يا راااااجل..... انت فسادك اوضح لانك صاحب مصلحة بترويجك لحكاية انفراد جريدتك بتفاصل خطيرة في الموضوع.

لو فعلا عندك مستندات ومعلومات عن هذا الموضوع كان بدأت النشر حتى لو بسطرين ، وكان ممكن تقول التفاصيل
لاحقا.

والملاحظة انك لم تعتذر لنا . يعني خالص ما قلت نعتذر أو نأسف لكم قرائنا الكرام.

عالم غريبة ...حاجة عجيبة والله......


#329286 [محمد]
5.00/5 (3 صوت)

04-10-2012 02:43 PM
قول قنبلتك طلعت فشنك ولذلك تحول التواري خلف ستار المنع من النشر


#329284 [ابوعرب]
5.00/5 (2 صوت)

04-10-2012 02:38 PM
يا اخ عثمان (البستثمر في النجيلة ما بحشها) فكيف بالله عليك ناس بتكسب من الفساد تكافوا انت وكل الشعب السوداني واهم لو ظننتم ان الرئيس او احد من اركان الحكومة جادون في مكافحة الفساد ... الم يقل الرئيس البئيس في البرلمان (بعض خصومنا يريدون تحويل مكافحة الفساد الي حملة للبهتان والادعءات الكاذبة ) وصفق لة البرلمانيون من الذي يحمي الشعب من تعسف الحكومة اليس هم نواب الشعب المصفقون ليس لنا الا ان نقول حسبنا الله ونعم الوكيل ... حسبنا الله ونعم الوكيل


#329279 [ابومجاهد]
5.00/5 (1 صوت)

04-10-2012 02:35 PM
باشمهندس يعني الفيلم هندي ؟ يا حسرة على العباد


#329272 [Abu Hadi]
3.50/5 (2 صوت)

04-10-2012 02:31 PM
ايوة قول كدة.. مش تطلع لينا بمقال فطير مثل يوم امس لا يغني ولا يسمن من جوع وكان كل قاريء قد قام بتحليلها ومثل ما قلنا امس ان عنصر التشويق المستمر الذي تتبعه ويتمخض الجبل اقل من فأر قد يفقدك المصداقية فيما تنشر والنتيجة سخط القراء - ثم ثانياً اذا افترضنا نشرت كل وثائقك ومعلوماتك الموثقة فما الذي يجري ؟؟ كل القضايا التي تم نشرها لم تر النور بعد اللهم الا تسلية القراء لان تتكون لجنة من اصدقاء المتهم والنتيجة واضحة صحيح ان دورك كشف الحقائق ولكن الى هذا الحد نقف (محلك سر) - الفساد الذي عم القرى والحضر لا تنفع معه اي من الويليكسات الا اننا لا ننسى ان الله على كل شيء قدير وقادر على قلب ععاليها اسفلها فالامر لله وحسبنا الله ونعم الوكيل


#329270 [ابو على]
3.00/5 (2 صوت)

04-10-2012 02:30 PM
ياعثمان ميرغني ان كان الحلقة الثانية من الفساد جاهزة كما ذكرت في مقالك وبافتراض ان ماتعمله لله ولصالح الوطن وخالص من مصالح الدنيا فيجب عليك جمع مستندات الحلقة الثانية وارسالها من ايميل غير معرف الى وسائل الاعلام التي ليس للحكومة عليها سيطرة كموقع الراكوبة وموقع حريات الخ وفي حالة عدم القيام بذلك فإني لا ارى أي فرق بينك وبين ناس الانقاذ - ناس الانقاذ يغطوا على الموضوع بحجة فقه السترة وانت تغطي على الموضوع بحجة احترام توجيهات الحكومة بعدم النشر - تعددت الاسباب والفساد واحدو


#329268 [عادل نقد]
5.00/5 (2 صوت)

04-10-2012 02:29 PM
لوكنت تريد المصلحة العامه حقا وانك صحفي حر لكنت ارسلتها لاي صحيفة الكترونية حتى لو باسم مستعار ولكن نعرفك ......


#329246 [zahi]
5.00/5 (2 صوت)

04-10-2012 02:17 PM
( يبدو أن القراء على حق.. عندما أشفقوا –بغضب– من تأخير النشر في قضية مصنع سكر النيل الأبيض.. خشية إغلاق الباب ومنع النشر.. ) و ما بتخجل ؟؟ ... ياخي اي متابع كان عارف انو سيصدر قرار او امر بعدم النشر في الوضوع ده الا سيادتك ( مش غريبه ) ولا الموضوع كان فيهو ابتزاز وزيادة اثاره لضمان توزيع اكثر ؟؟؟ اهو فسوها ليك في وشك ده ..............


#329243 [فيصل]
5.00/5 (2 صوت)

04-10-2012 02:14 PM
شوف يا عثمان ميرغني نحن صرنا لانثق في كلامك وان كان هنالك فساد فانت اول الفاسدين لانك اردت ان تتكسب من مشكلة المصنع تتكسب من الجنيهات التي ندفعها نحن الغلابه لنشتري هذه الصحيفة - ولكن منذ اعلانك قبل يومين اتضح بانك انت الفاسد وانت الكاذب وهنالك كثير من الشبهات تحوم حولك فيقال بان جهات عديده اجتمعت بك وقد قمت انت بنفسك بايقاف النشر لانهم قد (د ............. لك) يعني انت راجل عديم ضمير بس كل همك الجنوبيون راحو الجنوبيون رجعوا الطيب مصطفى قال وفرتكان ما قال - خلينا من اكاذيبك ومصنع النيل الابيض حا يشتغل غصبا عنك وعن امريكا وعن احبابك بتاعين الحركة الشعبيه وغصبا عن حبيبك باقان وعرمان


ردود على فيصل
Saudi Arabia [متوكل] 04-10-2012 08:19 PM
أنت مع منو ؟

المصنع أكيد منهوب و معطوب .... و أذا أشتغل المصنع فسكره مسفوفٌّ و ملهوف ....و من يحارب فساد مكتوف و منسوف ......وياما تشوف .

و أعمل بالنصيحة البتقول ( مد رجليك قدر بنبرك )

و أتبع المثل القائل ( من ذبح الثور الأسود لا يضيره فساد سكر النيل الأبيض ) خاصتآ أذا كان المسؤل من الفساد الجن الأزرق ( ود أخته و كده ) .


#329231 [ود الشمالية]
5.00/5 (3 صوت)

04-10-2012 02:10 PM
لعنة الله على المؤتمر الوثني وعضويته اجمعين
اللهم ان الاخرة دار شقاء ونعيم وانت اعلم بعبادك منا
اللهم لقد افسدوا وافسدوا وافسدوا
وقتلوا وسحلوا
وخانو الشعب السوداني
باعوه رخيصا وطنا كان عزيزا
اللهم شتت شملهم وارنا فيهم عجائب قدرتك
اللهم ان دعوة المظلوم ليس بينك وبينها حجاب
اسالك بدعوة المظلومين من دارفور وكردفان والشرق والشمال والجنوب
اسالك بدعوة كل من بات جائعا في دولة المشروع الحضاري
بكل من قتل ويتم اهله
اسالك بكل من ضيق عليه في رزقه
ان تعجل بهلاك المؤتمر الوطني وازياله


#329211 [عبدون عوض]
5.00/5 (3 صوت)

04-10-2012 01:50 PM
حسبنا الله ونعم الوكيل


ردود على عبدون عوض
Sudan [اللورد] 04-10-2012 05:44 PM
عثمان ميرغني أخبر القراء عن تفاصيل مقابلتك الليلية يوم السبت مع جلال الدقير في الطابق الثاني بقصره المنيف وشراب الاسكافي والاتفاق على ستر الاوراق والمستندات مقابل الضحكات..على القراء مراجعة الانتباهة أمس فقد كشفت الصفقة!!


عثمان ميرغني
 عثمان ميرغني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة