( ح أعمل رايح )!!
04-10-2012 01:39 PM

(ح أعمل رايح)!!

ضياء الدين بلال
[email protected]

(سأستغل وجه الشبه بيني وبعض القبائل الاخرى للبقاء في الخرطوم ولن أعود للجنوب، الناس كلها بتقول اني ما بشبه الجنوبيين، عشان كدا انا ناوي (اعمل رايح)، ولن اجدد إقامة..ولن أعود..فأنا قضيت عمري كله بالشمال ومسألة العودة للجنوب أمر صعب جداً..!!)!!

هذه افادة مواطن جنوبي يدعى سليمان، جاءت أثناء استطلاع أجراه قسم المنوعات بـ(السوداني) مع عدد من التجار الجنوبيين بسوق نيفاشا بوسط الخرطوم، ولمن لا يعرف سوق نيفاشا نقول له بالمختصر المفيد:سوق أنشأه الاخوة الجنوبيون تباع فيه أرقى الملابس والاحذية بأسعار مناسبة، يشتبه في كونها ملابس مستعملة في بعض الدول الاوربية يعاد تنظيفها وتنسيقها لتبدو جديدة تماماً. وقيل إن هذه العملية تتم عبر الكنائس كنوع من الدعم الاقتصادي.
السوق ضم تجارا من غرب وشمال السودان واحتفظ الجنوبيون بالغلبة والسيطرة، لكن بدأت أعدادهم تتناقص في الفترة الاخيرة لا سيما بعد اعلان الانفصال وتغيرت ديموغرافية السوق حيث انتقلت غلبة التجار لأبناء دارفور!!

الكركتيريست الساخر نزيه بـ(الرأي العام)، عزز إفادة سليمان برسم كركتيري يظهر فيه أحد الاخوة الجنوبيين يقف أمام (ترزي بلدي) طالباً منه تفصيل (جلابية) ليوفق بها أوضاعه في الشمال!!

إفادة سليمان بسوق نيفاشا بما فيها من طرافة، وكركتير نزيه بما فيه من سخرية، يضعان خطاً أحمرَ سميكا على عملية إنهاء مواطنة الجنوبيين بالبلاد.

(الخط الأحمر) يلفت الانتباه لأمر بالغ الحساسية، وهو أن عملية حصر الجنوبيين في الدولة السودانية ليست عملية اجرائية وقانونية بسيطة، يمكن أن تتم بسهولة ويسر في مراكز الشرطة!
اذا لم تتم العملية بحساسية اجتماعية عالية ودون توتر وبطريقة تراعي المشاعر وكريم التعامل، فإنها ستفتح الباب واسعاً أمام احتكاكات واستقطاب لوني حاد، سيزيد من تشققات البناء الوطني!!
كثير من السودانيين في شمال وغرب ووسط السودان تجمعهم كثير من السمات والملامح المشتركة مع قبائل جنوبية.

اللحظة البصرية التي يتم فيها توقيف أفراد أو مجموعات غير جنوبية للتأكد من انتمائهم لدولة الجنوب ستمثل درجة عالية من الاستفزاز لا تنحصر في ذلك الموقف الإجرائي ولا في الأفراد مصدر التحقق!!

من حق وواجب الحكومة السودانية التعامل مع معطيات واقع ما بعد الانفصال بكل جدية في تحديد من هو مواطن ومن هو أجنبي، لا يلومها أحد في ذلك..!
ولكن عليها استصحاب كثير من المحاذير والاعتبارات في تنفيذ عملية الفرز، لا في الأوراق والمستندات ولكن أثناء الاجراءات الأولية للتحقق من الهوية وبعدها!

أحداث صغيرة وأخبار متواترة وصور منقولة عبر الفضائيات بإمكانها إظهار عملية تقنين أوضاع الجنوبيين في الشمال كأجانب باعتبارها إجراءات عقابية لا تنظيمية!!

طبيعة الخطاب الرسمي والتناول الاعلامي إذا لم يراع تلك الحساسيات ستُحدث بعض التفاعلات السلبية على المستوى القاعدي!
نقلت الصحف قبل أشهر خبرا صغيرا في صفحات الجريمة يوضح ما ذهبنا اليه.. مواطن إثيوبي بسوق سعد قشرة مازح صديقه الجنوبي قائلاً ( إنتو لسه قاعدين ما مشيتو؟)..التعليق فجر صراعاً دامياً انتقلت تفاصيله الى محاضر الشرطة وضحاياه الى مستشفى بحري!!
حزنت جداً للهجوم اللفظي القاسي الذي تعرض له لاعب الفريق القومي السابق ريتشارد جاستن أثناء مباراة الخرطوم الوطني والرابطة كوستي، عندما طالبه جمهور كوستي بالرحيل للجنوب فدخل اللاعب في نوبة بكاء حادة!!
لا يليق بنا أمام أنفسنا اولاً وأمام شعوب الارض، أن تُظهرنا الفضائيات كقساة وجبارين نفارق الآخرين من البسطاء والمساكين بغير إحسان ونعاقبهم بتسديد فواتير حكامهم الذين يحكمونهم في الجنوب وفي جيوبهم أوطان احتياطية يلتجئون إليها عند اللزوم!!
فمنذ عبارة دكتور كمال عبيد، لا يزال العالم ينظر الينا عبر أنبوبة حقنة مقاسها واحد سيسي!!


تعليقات 21 | إهداء 0 | زيارات 3669

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#330166 [حاقد]
0.00/5 (0 صوت)

04-11-2012 11:08 AM
تعمل رايح؟ انا عارفك ياسليمان وحا ابلغ عنك.. ماقلتو نوبة!!!


#330034 [murtey ali]
0.00/5 (0 صوت)

04-11-2012 08:06 AM
كدة الان استعدلت فى الكتابة ولكن بعد اية كما قال الفنان المرحوم محمد وردى


#329992 [Omer Mohamed]
0.00/5 (0 صوت)

04-11-2012 02:30 AM
لا يزال العالم ينظر الينا عبر أنبوبة حقنة مقاسها واحد سيسي!!

إنكم - ككيزان- كذلك وبالضبط يا استاذ, بل وأضل سبيلا .


#329729 [محمد احمد دافع الضرايب]
0.00/5 (0 صوت)

04-10-2012 09:36 PM
ذكرني مقال ضياء وتعليق عنصري في الاسفل، بفيلم وثائقي قديم حول كيف اقنع هتلر الالمان بأن الجنس الاري مختلف عن الاخرين. وفيه طبيب بشري يقيس ابعاد الجمجمة لمجموعة المانية ويقارنها باخرى بمايدلل به على وجود فرق. قياسا يمكنك أخذ لمبة سوداء في غرفة سوداء وتدخل اليها الجنوبيين وبعدها لمزيد من الفرز من الاثنيات الاخرى يمكن تعريضهم لفحص ابعاد الجسم وفي حالة ان تشابه عليكم البقر يمكنكم ابادة الحالات الشاذة أو ما يعرف ب"البطن بطرانة" لكن السؤال هل هناك حالة غير شاذة في أي بيت سوداني؟


#329654 [ندمان انا]
5.00/5 (1 صوت)

04-10-2012 07:55 PM
ضياء(بوق السلطة النافخ) ينبه الحكومة للتعامل بحكمة مع الاخوة الجنوبيين...
ضياء ليس له ضمير انساني يحس ويتألم بمعاناة الاخوة الجنوبيين ولكن ضميره يتحرك ويصرخ لكيلا تظهر الحكومة امام الراي العالمي بمظهر القسوة واللانسانية....
ضياء يدلق كلماته الانسانية وربما بعض الدمعات ...ليس من اجلكم يا اخواني بل يريد ان تتم عملية ذبحكم بسكين سنينة بعد ان تشربو وتاكلوا حتي لا يكون علي الجزار حرج..


#329643 [المسطول]
0.00/5 (0 صوت)

04-10-2012 07:43 PM
الغرض النهائي من المقال وهو التحريض ضد زنوج دارفور.


#329634 [زول ساي]
5.00/5 (1 صوت)

04-10-2012 07:22 PM
انت يا ضياءالدين من اسباب انهيار البلد دي ماتقعد هسا تتجمل وتتمشتق الله ينتقم منك واشباهك. كلكم بعتونا وضيعتوا فرصة الوحدة بي كتاباتكم المنحازة وجاي هسا تقول الجهات يجب ان تراعي راعي شرفك اول


#329626 [اوطان]
0.00/5 (0 صوت)

04-10-2012 07:15 PM
الساحه يحركها الفساد وهنا نتذكر ونسال من صحبك المستشار مدحت الذى عملت رايح فى موضوعه ولم تفيدنا بماحدث حتى الان


#329619 [تيقا]
0.00/5 (0 صوت)

04-10-2012 07:06 PM
( لا يليق بنا أمام أنفسنا اولاً وأمام شعوب الارض، أن تُظهرنا الفضائيات كقساة وجبارين نفارق الآخرين من البسطاء والمساكين بغير إحسان ونعاقبهم بتسديد فواتير حكامهم الذين يحكمونهم في الجنوب وفي جيوبهم أوطان احتياطية يلتجئون إليها عند اللزوم!! )

والله انت بالكتير عامل مطبعه مش رئيس تحرير !!!!


#329573 [الصابري]
4.94/5 (7 صوت)

04-10-2012 06:06 PM
اقتباس: (...مواطن إثيوبي بسوق سعد قشرة مازح صديقه الجنوبي قائلاً ( إنتو لسه قاعدين ما مشيتو؟)..التعليق فجر صراعاً دامياً انتقلت تفاصيله الى محاضر الشرطة وضحاياه الى مستشفى بحري!!..)
بكرة نفس المزحة من واحد أريتري مع واحد من جبال النوبة
وبعدها مزحة أخرى من مصري مع واحد من دارفور
ثم يقوم الثلاثة -الأثيوبي والأريتري والمصري- بطرد الشمالي ليعيش لاجئاً في الدول الثلاث التي انفصلت عن السودان القديم: دولة الجنوب ودولة جبال النوبة ودولة دارفور.
هذه ليست نبوءة، بل هو المصير الذي يتجه نحوه السودان حثيثاً وشعبه أغفل الغافلين.


ردود على الصابري
Saudi Arabia [أبو الكدس] 04-11-2012 10:35 AM
والله كلامك 100% ود الحيحصل وصدقني ما حنزعل كتير لأنه دي عدالة ربنا والساكت عن الحق شيطان أخرص وإذا كان غالب الشعب شايفين الظلم البيحصل لأخوانهم وساكتين عن قولة الحق فكلهم شياطين وليذهبو جميعا الى الجحيم غير مأسوف عليهم


#329555 [abusabeeb]
4.50/5 (4 صوت)

04-10-2012 05:45 PM
الله يسامحكم ياادارة الراكوبة الجماعة ديل نحنا خلينا ليهم كل حاجة

برضو لاحقننا بيهم في الراكوبة حراااام عليكم

هل يمكن لقاري الراكوبة ان يستفيد من اي موضوع تكتبه الاشكال دي


ردود على abusabeeb
Sudan [الجزار] 04-11-2012 01:46 AM
الم تسمع بالحكمة القديمة : ( اعرف عدوك ) ؟؟ من اسلوب تفكيره - نقاط ضعفه وقوته ثم تحدث كى اراك ..


#329510 [القاص الفيلسوف]
0.00/5 (0 صوت)

04-10-2012 04:59 PM
أنــــــــــــا ح أعمل رايح برضوا


#329461 [حااااااضر ح أعمل رايح ياضياء]
0.00/5 (0 صوت)

04-10-2012 04:18 PM
يا استاذ ضياء العالم بينظر لينا كدا لانو دي طريقتكم في تناول المواضيع بدل تكتب في حاجه تفيدنا وخلينا من قصه الجنوبيين ديل(اهم الاقتصاد ولأ الجنوبيين والحريات الاربع) بالله ارحمنا ياضياء
بالله اكتب عن مصنع سكر النيل الابيض...
اكتب عن الاقتصاد الوطني والدولار والاسعار....
اكتب عن قضايا الفساد.....
مووووواضيع كتيره اكتب فيها بعدين تعال ونسنا بي القصص السخيفه بتاعتكم دي(الناس معصورة وروحه طالعه)اطلع شوف المناطق برا الخرطوم والله تتالم من المناظر وكلكم حتكونو في مسوؤليه امام الله.بعدين قوليهو(العالم ينظر الينا عبر أنبوبة حقنة مقاسها واحد سيسي!!)
سخف..........سخف


#329431 [ABUWAGAAR]
0.00/5 (0 صوت)

04-10-2012 04:02 PM
ود البلال كنت عامل (رايح )وين ليك زمن من الراكوبة وطوااااااااااالى خاشى فى ا(الحقنة)نحن الجرايد الورقية دى حاربناها عشان كدا ماعندنا طريقة نقرأ ليك فى السودانى كدى خلينا من ترحيل او توفيق اوضاع الجنوبيين وادينا من مواضيعك( ديك)


#329363 [ضمائر ميته]
0.00/5 (0 صوت)

04-10-2012 03:23 PM
لا يليق بنا أمام أنفسنا اولاً وأمام شعوب الارض، أن تُظهرنا الفضائيات كقساة وجبارين نفارق الآخرين من البسطاء والمساكين بغير إحسان ونعاقبهم بتسديد فواتير حكامهم الذين يحكمونهم في الجنوب وفي جيوبهم أوطان احتياطية يلتجئون إليها عند اللزوم!!
فمنذ عبارة دكتور كمال عبيد، لا يزال العالم ينظر الينا عبر أنبوبة حقنة مقاسها واحد سيسي!!



الله وحده يجب ان نخاف و ليس الفضائيات. يعني لولا الفضائيات لرأى الناس العجب


#329345 [صابر]
0.00/5 (0 صوت)

04-10-2012 03:14 PM
كللام موزن يا ضياء ودى الصحافة والصحفى المسمى السلطة الرابعة. مش ناس ....ويكلكس وهلم جرا.


#329328 [مقيد بالجنازير]
5.00/5 (1 صوت)

04-10-2012 03:06 PM
ما عندددددددك موضوع
والله الجنوبين احسن منكم يا ضياء .. مليون مره
انتم نفاق وكذب وتسلق وتملق وانبطاح وولوله عندما تهرشكم الحكومة
الحكومة تستفيد منكم وترمى لكم فتات الاكل على الارض تاكلوا منه .. ولا تصافحكم ابدا
انا اضحك وغيرى من الشعب يضحك عندما تكتب
لمن تكتب انت ؟ ومن يقرأ لك ؟ ومن يصدقك ؟
ترعة المناقل ناشفه من المويه وانت تكتب عن الجنوبين
خيركم خيركم لاهل وانا خيرك لاهلى هكذا قال سيد الاولين والاخرين ( ص)
فاين خيرك لاهلك ؟
ههههههههههههههههههههههههههههههههها

شوف كم واحد لافى صينيه .. وكم واحد مقيد بالجنازير


#329296 [zahi]
5.00/5 (1 صوت)

04-10-2012 02:51 PM
واحد سيسي في العضل ؟؟؟ مشكلتنا دايما كفاوينا ( جمع كفوه ) تاتي من قيادات اخر الزمن ناس كمال عبيد ومصطفي عثمان ونافع وامثالهم كثر وضعهم نظام الانقاذ علي رؤوسنا ......... السؤال هو كم يعيش من الجاليات الاجنبيه في الخرطوم وحدها ( اثيوبيا اريتريا تشاد وحتي غرب افريقيا ) بصوره غير شرعيه ؟؟؟ يعني لييييييه الكلام كلو عن ابناء الجنوب ؟؟؟


#329283 [Abu Hadi]
0.00/5 (0 صوت)

04-10-2012 02:38 PM
يا راجل يا حنية !!!!


#329264 [مؤتمر وطني]
0.00/5 (0 صوت)

04-10-2012 02:26 PM
نحن الشماليين لاقيين حقنة مع الحرامية ديل


#329255 [فيصل]
0.00/5 (0 صوت)

04-10-2012 02:20 PM
يا اخوي والله الجنوبي رغم ان لونه حالك السواد لكن والله في الظلام تعرفوا بعدين والله الجنوبيين لا بشهوا الشمال ولا بشبهو الغرب ولا بشبهو الشرق ولا بشبهو سكان الولايات المتاخمه لدولهم بمعني مختصر بان اي جنوبي لن يجد سند من اي سوداني ليدافع عن بقاءه حسب الصوره التي رسمتها
ولكن يا بلال يمكن انت بتشوف الجنوبي مثلا بيشبه الزغاوي مثلا يعني ولكني اجد لك العذر وهوالاتي (_عندك مشكله في النظر -من حيث الشكل فاهم ولا ما فاهم)


ردود على فيصل
Saudi Arabia [ندمان انا] 04-10-2012 08:05 PM
اتكلم عن نفسك او اسكت...
انت مجرد عنصري موهوم بي عروبتك الزائفة اللي حتظهر ليك اول ما تتطلع من البلد...
عقليتك وطريقة تفكيرك دي هي اساس مصائبنا كلها...
يعني خلاص انت ابيض وعيونك خضراء..؟؟
مقياس حضارة الشعوب تقاس بتقبلها للاخر واحترام حقوقو الانسانية ....
انا شمالي ولكن اقر بان العنصر الافريقي هو الاصل وافريقيتي مكون اساسي في جنسي...
سيبوا الوهم ده او انكشحوا كلكم للسعودية(اذا قبلت بيكم)..عشان تعرفوا عروبتكم المزعومة دي...


ضياء الدين بلال
ضياء الدين بلال

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة