حريقة تحرقكم
04-13-2012 11:03 AM

حريقة تحرقكم

شريفة شرف الدين
[email protected]


حلقات مسلسل الأيام القادمة
• البشير يصيبه ضغط مرتفع مصحوب بهستيريا غضب و جلبغة و قلق و تتفاقم حالته على نحو متسارع.
• عبدالرحيم يصيبه إنفصام و حالته مئوس منها لا تمكنه من رؤية الواقع إلا بغباش فتراه يقول و لا يكاد يبين
• أحمد هرون يتصل بالقادة في الخرطوم مستنجدا بالمدد لكن الجوالات كلها مقفولة في وجهه و كذلك الدروب المفضية إلى الزوغة
• عيال الإنقاذ حيسدوا أضان بطينة و التانية بعجينة و حيقولوا ردا للإستنفار المزمع ( يا حلاة دقدق .. عشان تقولوا لينا فطايس) أذهبوا قاتلوا إنا هاهنا قاعدون
• ستشهد أروقة الوزارات حركة نشطة لتلبية رغبة الوزراء في السفر و لفترات مفتوحة .. سفرة و زوغة.
• سيرفع الدعم عن الوقود و سيصاحب ذلك غلاء طاحن و شلل في المواصلات
• ستحول الميزانية بأكملها لتلبية متطلبات الحرب و بالتالى يصيب الخدمة المدنية انهيار كامل من قطوعات في الكهرباء .. إنعدام في البنزين و الدقيق
• الدولار حيولع نار .. أي زول عندو (دولاراية) واحدة حيسحبها و بنوكنا تدق الدلجة و مافي تحويلات من برة
• ستنشط الإتصالات بين المستثمرين و وكلاءهم في السودان بغرض وقف أي نشاط استثماري و الخروج من السودان فورا.
• الأمنجية حيدخلو في حالة تعرف بنوم الديك على الحبل .. يقوموا على دقة صفيحة و طرشقة لستك .. يحسبون كل صوت عليهم و حيرتفع ترمومتر الشك بينهم لدرجة ما حيعرفوا عدوهم من صديقهم
• اسحاق احمد فضل الله حتمسكو أم رجافة لا يقدر يكتب و لا قادر ينضُم عشان يكتبوا ليهو
• سينشغل كبارات الإنقاذ بفلاشات راجعة لمصير القذافي و عدم تقليده
• المواطن و رغم مرارة ضياع الوطن إلا أنه راقد قفا و يقول تستاهلوا


تعليقات 16 | إهداء 0 | زيارات 2846

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#333375 [مدحت عروة]
2.00/5 (1 صوت)

04-14-2012 03:25 PM
واحدة اسمها طاهرة مكحول كتبت فى صحيفة الخرطوم وقالت لماذا لا نعلن اقتصادنا اقتصاد حرب؟ هو من بتين ما كان اقتصادنا اقتصاد حرب من ما جات هذه النكبة الاسمها الانقاذ وكان حريا بهم ان يسموها انقلاب الخراب الوطنى!!!!! انتو الكاتبة او الصحفية دى كانت نايمة ولا ما عايشة فى السودان او تتابع اخبار السودان؟؟؟هو انحنا مما جات هذه الكارثة اصلا وكلو كلو الحرب والخراب ما وقف فى السودان!!! هذا يعنى وبكل بساطة ومن غير ذكاء انهم فشلة ودى اصلا وكلو كلو ما دايره ليها نقاش او غلاط نهائيا!!!!


#332686 [baraka]
0.00/5 (0 صوت)

04-13-2012 11:31 PM
سفر البن دق وحرق


#332652 [شمالي]
0.00/5 (0 صوت)

04-13-2012 10:49 PM
سيحاول مصطفى عثمان اسماعيل التسويق لبضاعته الكاسدة بالإنتخابات المبكرة
لكن بعد فوات الأوان


#332518 [انور]
0.00/5 (0 صوت)

04-13-2012 06:52 PM
والله يا هو


#332507 [Heron]
0.00/5 (0 صوت)

04-13-2012 06:30 PM
الناس ديل خلاص قيامتهم قامت .اليستعدوا للحساب.


#332491 [motaz]
0.00/5 (0 صوت)

04-13-2012 06:02 PM
وانا بقول معاك--استااااهلو


#332413 [الواسوق]
0.00/5 (0 صوت)

04-13-2012 03:38 PM
ياجماعة الوضع داير تحليل أعمق من كدا بكتير. انا مامقلقني الا خبث ايران ودحلبة الصين ونفاق امريكا. انا متأكد انه ايران ح تدعم المؤتمر الوطني باي كمية سلاح وكل الدهم اللوجستي الممكن عشان ما تفقد اهم شريك ليها في افريقيا في "السباحة ضد التيار" بالاضافة لانه الخرطوم في اللحظة دي مستعدة تقدم كل التنازلات المطلوبة وما بعيد ترمي كرت التطبيع مع اسرائيل (بالذات انه الفكرة اصلا معلنة) مقابل ممارسة امريكا الضغط على جوبا. ماتنسوا انه ساسة وخبراء كاودا الكلام دا ما فايت عليهم عشان كدا الرهان كله فيتوقف على فرض الواقع على الارض لحصر خيارات الخرطوم ومن يفكر في المقايضة معها. الايام الجاية حاسمة والكل بيراجع حساباته وانا متأكد انه سناريو الهروب للخارج حيدور مع اول بادرة حسم شامل في الجبهات الاربعة. خط هيثرو جاك بلا!


#332376 [ساميه]
5.00/5 (4 صوت)

04-13-2012 02:48 PM
والنعجات الثلاثه ... ناس بديعه وغنامه .. عاد ياشريفه ياختى قالوا ليكى ضاربات السكلى .. والشيخ ناف.................. متفن فى نص الواطه وماعارف ايش يعمل وشقيش يقبل .. مالدروب مسدوده عليهوا .... وشوف عينى المشنقه منصوبه فى شجرة النيم الفى سوق الشجره بابوروف وحارسها الولد بوشى الشتم نافع فى جامعة الخرطوم وحالف كان ما حضر الشنق دا هو مابيرتاح ...
والقيامه قايمه عندنا فى امدرمان ... وقالوا ليكى يابت .. الشوايقه جو حفايه وقالو كدى ربطوا ليكى الاسمه اسامه سدود فى حبل تيل ونزلوه فى سد مروى .. ولى الليلى ما فكوه للسمك .. والعجب العجيب .. اخوكى الجاز .. اها دا قالوا ليكى ردموا الحطب وسقوه بنزين وولعوا فيهو .. اها خبر الباقين بجيبوا ليكى باكر عصير .. وخليتكم عافيه


#332375 [abusafarouq]
0.00/5 (0 صوت)

04-13-2012 02:48 PM
الاخت شريفة حمد الله على السلامة بعد الغياب الطويل عن الراكوبة شفقتينا عليك
الجماعة قربو يركبو التونسية يلحقو بن على ومبارك والقذافى وعلى صالح هم والاسد سوى والراجل قال الروب قال أخوانا الجنوبين قال والله دى أول مرة أسمع من البشير حنية تجاه الجنوبين لسان حاله يقول خلاص تأدبت سلفا أطلع من هجليج دون مواجه ما عندى جيش لادفاع شعبى وأحسن خبر سمعته واحد فى البرلمان طالب النواب بالذهاب للقتال بأنفسهم لو ما قتلوه أو رفدوهم من البرلمان بسبب تصريحاته المنفر للمرطبين داخل الخرطوم وأولهم المتحمس الطيب مصطفى لكى يلحق أبنه الفطيس هو الخروج زى الدخول الجنوبين فاهمين بعملو فى شنو ما زى بتاعنا الاهبل لايدرى بعه من كوعه نقول ألحس كوعك أقرب لك من الانبطاح للجنوبين ديل أخذو ثلث السودان بحمرة عين هجليج تمثل شنو ليهم واليتنازل عن شبر أرض للعدو يتنازل عن الوطن كله لاخير فى أى إنقاذى عايزين من الحركة الشعبية جنوب وشمال والجبهة الثورية تجمع كاودا يسلمونا السودان نظيف من الكيزان قشوهم ألحسوهم أكنسوهم ما تخلو كيزانى حى ما دايرين عبء إدارى بعد ذهابهم الميمون على الشعب . على وزن تصريح أحمد هارون حريقة تحرق كل إنقاذى منافق ..


#332341 [مواطن]
3.00/5 (2 صوت)

04-13-2012 02:08 PM
حريقة تحرقك وتحرق امثالك ياوهم ده السودان مش ضيعة ابوك عشان تشمتى فيه داهية تاخدك


ردود على مواطن
[abusafarouq] 04-13-2012 10:13 PM
هذا الدجال المنافق مش المواطن والسودان ضيعة أبوكم يا عملاء أسيادكم المصرين حتى تتصرفو فيه زى ما دايرن أذهب الى الجحيم أيها التعيس تيس بانقا وعزيز كافورى المخصى يخسى شطارتكم فى النسوان
أخخخخخخخخخخ

Sudan [Emesarey] 04-13-2012 08:10 PM
لا لا بالغت فيهاشديد دي والله - قال ده السودان قال- القال ليك دا السودان منو يا منافق ؟ السودان العارفينه يشمل ما اطلق عليه دولة جنوب السودان وحلايب والفشقة ولا الاتصرفوا في السودان واقتطعو او بالاحرى سمحوا باقتطاع ثلثه الجنوبي وحلايب و الفشقة ويبيعوا فيها من حديقة الحيوانات فيها ومقرن نيليه و مرورا بالاراضي الزراعية فيها للمصريين والسعوديين وانتهاء ببيع المشافي فيهاحتى - اهولاء ما كان يسمى بالسودان ضيعة ابيهم - ومن هو اباهم هذا ؟؟؟ اوّع تقول لي بعانخي ولا طهراقا!!

Sudan [دقنة] 04-13-2012 05:01 PM
حريقة تحرقك انت بالذات يا أكبر موهوم يا ورل ,,,, السودان ده انت قايلو حقك براااك ؟؟؟ رووووووووووق وأرجى الراجيكم !!


#332299 [الزول الكان سَمِحْ]
0.00/5 (0 صوت)

04-13-2012 01:36 PM
بت...دِى


#332294 [هولاكو]
0.00/5 (0 صوت)

04-13-2012 01:31 PM
يا بت تسلم اناملك


#332272 [ابو حازم]
0.00/5 (0 صوت)

04-13-2012 01:03 PM
الحسرة يا شريفة : ان الغالبية العظمى من السودانيين فرحون بسقوط هجليج ؛ والسبب واضح وما فاضح وهو أن ال23سنة هذه أنستهم حاجة اسمها الوطن فابناء الجيل الحالي نشأوا يدرسون على نفقاتهم ـ لمن استطاع ـ ويتعالجون على نفقاتهم ان وجدوا ويشترون الماء والكهرباء كما يشترون الرغيف من الدكان ، ويتخرجون ولا يجدون ريحة وظيفة مع محسوبية الانقاذ التي اعترف بها البشير نفسه ... فلا وطن ولا وطنية تجري في عروقهم ، وهذا شيء طبيعي .. وكل الذين اعرفهم يقولون : فاليذهب البشير وزمرته الى القتال فإننا ههنا قاعدون . ثم يقولون : حريقة تحرقهم !


ردود على ابو حازم
Sudan [faten ahmed] 04-13-2012 04:10 PM
دى الكلام ياابو حازم يعني جيل مر بالمررات دد دايرنو يكون عندوا وطنية


#332249 [العيساوي]
4.00/5 (1 صوت)

04-13-2012 12:26 PM
العصر بيجيب الزيت


#332201 [ahmed]
5.00/5 (1 صوت)

04-13-2012 11:31 AM
يا شريفة شرف الدين
مالك مسلسلك دة سريع كدة ...طوليه شوية انشاء الله تختي فيه دعايات واقترح دعاية عن دواء الاسهال عشان الكيزان كلهم حيجيهم اسهال وكمان اعتقد ان البرقع سيرتفع ثمنه لان كل الكيزان حيلبسوا البرقع عشان الناس ما تعرفهم واخيرا اترك لكل مناضل ان يختار واحد من الكيزان عشان ينتقم منه انا شخصيا اخترت الطيب مصطفي داير اعملو........ لانه ابيض ومقلوظ يا ربي اسمها شنو الونها ابيض ومقلوظة وبتتختي في الحمامات وعنده سلك بينجرا تقوم تدفق موية .. لو اتذكرت الإسم حاكتبه في الحلقة الاخيرة


#332197 [واحد]
0.00/5 (0 صوت)

04-13-2012 11:25 AM
يستاهلوا , اما السيناريو الاحسن والاسلم الجميع يقعدو في بطن الواطه وينادوا عقار والحلو وعرمان ويرجعوا لمعادله نيفاشا من غير الجنوب = الخرطوم عاصمه قوميه الغرب وكل الاقاليم نصيبهم من الثروة حسب انتاجهم = ويا المغتربين اشتروا في الخرطوم = اما احزابنا القديمه ف البشير مثل الصادق مثل محمد عثمان 70% - 30% الحركه والحركات والمتأسلمين الاجانب يلقطهم الترابي الجابهم ويرجعهم اهلهم وهم شكلهم ظااااهر مشوا مشوا ما مشو الضبح من الاضان للاضان


شريفة شرف الدين
شريفة شرف الدين

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة