المقالات
مكتبة كتاب المقالات والأعمدة
الطاهر ساتي
الدرس الأول ..... عدم الإيواء ..!!
الدرس الأول ..... عدم الإيواء ..!!
04-22-2012 07:20 AM

إليكم ...........الطاهر ساتي
tahersati@hotmail.com

الدرس الأول ..... عدم الإيواء ..!!


** كان الصف طويلاً أمام نافذة تذاكر بصات أبوحمد، ورباطبياً لم يصبر، وقررتجاوز الجميع والمضي نحو نافذة التذاكر مباشرة متخطياً رقاب الواقفين في الصف الطول ، ولكن نوبياً نبهه غاضبا : ( يازول اقيف فى الصف، انت ماشي وين ؟)، وما كان منه إلا أن يرد ساخراً ( أنا ماشي بلدي، انت الماشي وين؟)..وهكذا تقريباً لسان حال السودان مع دولة يوغندا..تلك الدولة لم تحتمل رؤية مشاهد إسترداد أرض هجليج من قوات دولة الجنوب، ولذلك قال وزير دفاعها بمنتهى السذاجة : ( سوف ندعم دولة الجنوب في حربها مع السودان)..وعليه، نسأل هذا المسؤول اليوغندي ( جيش السودان كان ماشي يرجع أرض سودانية، أها انت ماشي وين ؟)..إن كان بقواتك مروءة - أيها المسؤول اليوغندي - فأدعم بها دولتك لتحارب صبيان جوزيف كوني - جيش الرب - الذين يعكرون صفو أمنك منذ عقود..ثم إن كان قلبك على دولة الجنوب ف (لماذا تخلصت حكومتك من زعيمها قرنق في ساعة ضحى؟)..ثم قواتك التي ستدعم بها قوات دولة الجنوب، لتحارب دولة السودان، هل هي ذات القوات التي كانت تولي الأدبار في مشارف نمولي وياي أم هي قوات أخرى مستوردة من خارج دولتكم؟..نصف قرن من الزمان، عجزت خلاله قواتك عن إدخال قوات الحركة الشعبية الى جوبا، حيث عاصمتهم حالياً، فمن أين لها مقدرة دعم يهزم السودان أو يحتل قطعة أرض سودانية ؟..فالكل يعلم أطماع دولتكم في خيرات دولة الجنوب، فالتزموا الصمت واستمتعوا بتلك الخيرات بالعنوة أو بالتراضي..هذا التهريج اليوغندي ليس مهماً..!!
** المهم..عادت أرض هجليج الى السودان، فليعد الوعي أيضا الي الحكومتين السودانية والجنوبية حتى لا يتجدد الحرب في هجليج أو غيرها..خطاب الرئيس البشير لم يكن موفقاً، ومعالجة الخطأ بالخطأ لاتخدم المصالح العامة، فالحوار يجب أن يتواصل بين الدولتين في كل القضايا العالقة، بحيث تكون نتائج الحوار ما يحقق مصالح الشعبين.. قلت البارحة : نأمل أن تكون معركة هجليج هي آخر المعارك بين الدولتين..ولن تكون الأخيرة ما لم تتعلم الحكومتين من دروس تلك هجليج..السلاح لم يعد حلاً لأية أزمة، ولكن الحوار هو الحل.. بالحوار - لا بالسلاح - نالت دولة الجنوب انفصالها، وكل القضايا العالقة - مهما كانت معقدة - فهي أقل تعقيداً من ملف الجنوب الذي طواه اتفاق السلام بالانفصال..فالانفصال - كان ولايزال - وسيلة يجب تؤدي الى السلام حيث الغاية العظمى، وليس من الحكمة أن يفقد الشعبين الوحدة والسلام معاً..فالحكمة تقتضي بأن يكون الانفصال ثمناً لسلام السودان وجنوب السودان.. ولكن للأسف، الإنفصال لم يكن سلسلاً كما يوحي مظهره، بل كان ولايزال إنفصالاً مغلفاً بالغبائن التي تفجر القنابل الموقوتة بين الدولتين، وما هجليج إلا ( فش غبينة)..!!
** الشعب - شمالاً وجنوباً- لاناقة له ولاجمل في تلك الغبائن السلطوية التي ساهمت في تكاثفها تراشقات الشريكين ومشاكساتهما طوال سنوات الحكم الثنائي..و للأسف الشعب - شمالاً وجنوباً - لايزال يدفع ثمن تلك السنوات وغبائنها..الى أن دفعها أخيراً - في هجليج - سلاحاً وموتاً وجرحاً في الإحتلال وسلاحاً وموتاً وجرحاً في الإسترداد، وما كان يجب إرهاق الشعبين بأثمان السلاح وأحزان الموت وآلام الجرح، ولكن الحكمة لم تكن ضالة حكومة الجنوب حين وضعت نفسها في دائرة ( البادئ بالاحتلال أظلم )..فالتبرير بأن احتلال هجليج هو رد فعل لمناوشات حكومة الخرطوم غير مقنع للمواطن السوداني وإن كان صحيحاً، خاصة أن هذا المواطن يعلم بأن مناوشات حكومة الخرطوم هي رد فعل للدعم السياسي والاعلامي والعسكري الذي تقدمه حكومة الجنوب لحركات سودانية مسلحة..نعم فلنتكلم بوضوح إن كانت الغاية سلاماً وجواراً آمناً..إذا أردنا سلاماً وجواراَ آمناً بين السودان وجنوب السودان، فلترفع حكومة الجنوب يدها عن الحركات السودانية وتقطع صلتها بكل ماهو سوداني (عقاراً كان أو حلواً أو غيرهما )..وكذلك فلترفع حكومة الخرطوم يدها عن أية جماعة أو حركة جنوبية معارضة (جوزيفاً كان أو جيمساً أو غيرهما).. ولن ينعم السودان وجنوب السودان بالسلام وحسن الجوار ما لم يتم الزام الحكومتين بعدم تبني الحركات المسلحة..تخطئ الحركة الشعبية لو ظنت بأنها رسول التغيير في الخرطوم، أو كما توهمها حركات السودان المسلحة، وكذلك يخطئ المؤتمر الوطنئ لو ظن بانه قائد التغيير في جوبا، أو كما توهمه ما يسمونها بالقوات الصديقة..فالتفاوض الجاد يجب أن يبداً بهذا الملف الذي يعكر صفو السلام في حدود البلدين..وما لم يتم حسم هذا الملف - في أرض الواقع، وليس في مجرد ورقة - فلن يهنأ البلدين بالسلام حتى ولو اتفقا على البترول والمناطق الحدودية..مغبة إيواء الحركات المعارضة هي درس هجليج الأول للحكومتين، وهناك دروس أخرى ..!!


تعليقات 28 | إهداء 0 | زيارات 3937

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#343262 [شمالي]
5.00/5 (1 صوت)

04-23-2012 03:50 AM
هاهاهاهاها
ياخي يا الطاهر فاطي سطر أقصد الطاهر ساتي
حكاية جيش الرب دي إنتهت زمااااااان وجوزيف كوني هسي قاعد في أفريقيا الوسطى بحسب آخر التقارير الاعلامية ولا وجود له في شمال يوغندا بنسبة 100%
بعدين من أين جئت بحكاية أن يوغندا تخلصت من قرنق في ساعة ضحى !!
يا راااااجل ؟! هل عندك معلومات موثقة ومؤكدة لإتهام يوغندا لنحترمك ككاتب صحفي
أم هي فقط غوغائية ومكايدات وكلام ونسات في منتديات النت، ترميه لنا هنا كالشخص الذي لا يؤاخذه الناس بما يصدره من روائح كريهة كالفساء
أمرك غريب في كل يوم ماشي للأسفل
يعني تطلق الكذبة ثم تصدقها ثم تبني عليها مقالك والعجيبة إنك مفتكر نفسك خفيف ظل

وبالمناسبة السعيدة دي نحنا لازلنا منتظرينك في تكتب عن تحرير حلايب والفشقة
إن شاء الله بس تكون متذكرهم يا بتاع الوطنية إنت هاهاهاهاهاها


#343149 [سمير]
5.00/5 (1 صوت)

04-22-2012 11:17 PM
الأخ الطاهر ساتي

مرحباً بك مرة أخري كما عهدناك. أراهن أنك عرفت ماذا يريد قراءك منك! إنهم يريدون الطاهر ساتي الزول الفاهم وبيعرف يفرق بين (الوطنية والكلمة البتدخل العقل) من جهة، وبين (الرجالة والعوارة والتنطيط ولغة الحرب الملعونة) من جهة أخري.

مقالاتك خلال أيام الحرب الماضية لم تكن موفقة، وقراءك لم يكونوا (مبسوطين) منك. الآن الوضع تغيير. إقرأ التعليقات لتعرف بنفسك.

والسلام


#342945 [abujiddu]
3.00/5 (2 صوت)

04-22-2012 05:08 PM
سمت يمينك يا طاهر..... ونحيي فيك القلم الراشد وصحافة الاعتدال.


#342941 [الناير الناير]
0.00/5 (0 صوت)

04-22-2012 05:04 PM
كدى انت النسال نفسنا لماذا الدنيا كلها بتكرهنا او مابتحبنا نحن زول فزع لينا مافى - وللعلم يا الطاهر يوغندا ديه قبل كده تدخلت وضربت القوات السودانيه عندما كانت الحركه الشعبيه على وشك الاندحار - السؤال هل كان يمكن استرداد هجليج من غير تدمير وهل كانت هناك اوامر بمنع قوات الحركه من الانسحاب الآمن ولماذا وجم اللواء كمال عبد المعروف عند سؤاله هل كان يمكن الحفاظ على المنشات وقال بعد تفكير انهم حاولوا وانهم دخلوا اشتباك بالايدى عشان ماتتلف المعدات ومقدم الرنامج يصدق ودايرنا نجن نصدق اشتباك بالايدى كيف يعنى-


#342934 [ABUWAGAAR]
0.00/5 (0 صوت)

04-22-2012 04:59 PM
منو الزيك انت؟


#342895 [عثمان سليمان]
5.00/5 (1 صوت)

04-22-2012 04:19 PM
إنت كده صاح welcome backو للأمانة فى الفترة الفاتت كنت محتلف معاك شوية لكن الليلة100 %


#342794 [حسكو]
5.00/5 (1 صوت)

04-22-2012 02:30 PM
كما احترمنا قلم الكاتب وهو يكتب بكل جرأة عن الفساد اتمنى ان نحترمه وهو يعبر عن رأيه وتعريفه للوطنية واين ينتهي حزب الحرامية وأين يبدا الوطن الشامل الجامع , وللكاتب جرأة في تناول المفسدين بأسمائهم لم نبلغ عشرها , يظهر هذا جليا" في كم الاسماء المستعارة الذي نعلق تحته ليسهل على الكثيرين الكتابة دون خوف , و لا أدري مما؟ ولعل هذا ما يطمئن نافع و كتائبه الالكترونية بأننا محض جبناء , هنيئا" للنظام بهذه العقلية التي تحارب في الظلام وتلعن من يجهر بآرائه عندما تنظر من زاوية أخرى , بعضنا كما الانقاذ لا يحتمل الاختلاف في النظر ومعظمنا لديه هذا الالزهايمر , تبا" ليتني كنت الحاكم ..


#342779 [مسيري ود بلد]
5.00/5 (1 صوت)

04-22-2012 02:18 PM
تعليقات بعض المعلقين بتوضح ازمة السودان بشكل سافر - النخبة السودانية انحطت وما بتعرفت غير الشتائم والاساءات وبتجهل النقاش الموضوعي الهادف - نخبة ام جهل ومتربية بطريقة ياولد اسكت - والله ياود ساتي مشكلتكم مشكلة كبيرة خلاص - حظكم الكعب رماكم بين مطرقة حكومةتعيسة ومعارضة خائبة رجاء مبارية سلفاكير زي الطيرة المبارية السمبرية- سجم خشم الشعب المنتظركم تحرروه من حكومةالبشير لو دي عقولكم


#342757 [زول اغبش]
0.00/5 (0 صوت)

04-22-2012 01:54 PM
الاخ ساتي:
سؤال من واحد اغبش مالفرق بين هجليج وحلايب والفشقة؟؟؟ لماذا تم استعادة هجليج بعد اسابيع بينما تقبع حلايب بايدي اللذين اهديناهم الابقار والسيارات؟؟اما ان نكون سودانيين فعلا او اننا سنترك لكم السودان لعيثوه فسادا اكثر مما هو عليه الآن.....وا وجعة الزول البيجيك ما يلقى فيك غير لفح الهجير


ردود على زول اغبش
United States [ودفارس] 04-22-2012 04:42 PM
ياسلااااااااااااام يااغبش على عباراتك الاخيرة - كيفتني والله شديد


#342620 [Wassila]
5.00/5 (1 صوت)

04-22-2012 12:00 PM
الطاهر مضطر أعيد ليك تاني إنو كورتك فكت خالس خالس وبقيت تجليها واقفة يا زول منو القاليك الجنوبيين اخدوا استقلالهم بالمفاوضات والحوار بس، نالوا تقرير مصيرهم عنوة واقتدارا زي ما اصحابك بتبحجوا الآن باستعادة هجليج وناهيك عن الضغط العسكري والسياسي قبل نيفاشا حتى قبل الاستفتاء بقليل هدد الطاهر وبدرية الدلالية بتعطيل الإنفصال والاستفتاء نفسه والبشير تبحج باننا حنسلم السودان مليون ميل زي ما استلمناه الى آخر ترهاتهم وأنت الآن تتبنى بصورة عمياء منطق الحكومة وسناء حمد بالإمتتنان على الجنوبيين بالكذب تماما مثل ما تبنيت نظرية قتل يوغندا لقرنق. إنت كنت في قضايا الفساد دائما تزعم بامتلاك الأدلة والوثائق فهل تملك دليل واحد أعرج على قتل يوغندا لقرنق أم هو فقط مناصرة أخوانك وهم دائما وأبدا ظالمين. ثم أن يوغندا التي تقول أنها فشلت في مساعدة الجنوبيين من قبل لدخول جوبا، هاهم الآن الجنوبيين دخلوا هجليج مرتين بدون مساعدة من أحد إلا من غباء النظام وسيدخلوا مرات إن شاء بدون مساعدة أيضاً لكن لو ساعدهم جيش محترف يملك أسلحة اكتر تطورا مثل الطيران فيسدخلون الخرطوم ضحا. وتقول الجيش اليوغندي عجز أيضاً في محاربة جيش الرب ولكن جيشك أعجز من أن يحارب عصابات النهب المسلح ناهيك عن حركات استطاعت الوصول لقلب العاصمة الوطنية أتت من ألف ميل وها هي الآن تحتل أغلب دارفور وجنوب كردفان باعتراف النائبة النوباوية عفاف تاور. أود أن أقول لك ما هكذا تعقد المقارنات والتحليلات أيها الصحفي الهمام النحرير، والنهاية وكما يقول البورداب كامل التضامن معك في محنتك هذي وعد إلى متابعة قضايا الشعب وهمومه يرحمك ويرحمنا الله يا صديق..


ردود على Wassila
United States [عمار] 04-23-2012 12:16 AM
وإنت كنت وين لمن نالوا إستقلالم عنوة وإقتدارا عشان يتفكوا من قيدك يا عربى؟؟؟؟؟؟أوع تقول ليا مع ياسر عرمان


#342611 [الشايقى]
0.00/5 (0 صوت)

04-22-2012 11:50 AM
تعال راجع يا ود ساتى ....المهمشون والغلابه والذين لايملكون قنابير ينادونك .


#342604 [خالد حسن]
5.00/5 (1 صوت)

04-22-2012 11:42 AM
مافي خبر من حلايب والفشقه يالطاهر كوز
ولا ديل منهم جلا .. عالم جبانات وماعندها مبادئ تشتري وتباع في سوق النخاسه
قال وطني قال .. كان عندك وطنيه افتح ملف حلايب والفشه .. ولاتاني ماتصدعنا بي جعجعتك ونفختك الكضابه


ردود على خالد حسن
United States [عمار] 04-22-2012 11:14 PM
انت كدى ورينا دورك شنو؟لا عاجبك العجب ولا الصيام......يا صاحب الإسم الكذوب....بس نقة وتنظير فى الفارغة والمليانة


#342600 [الغاضبة]
5.00/5 (2 صوت)

04-22-2012 11:40 AM
كرهتونا هجليج وما جاورها .... وغلطان سلفاكير ما كان ينسحب منها ويخليكم تتباكوا الى يوم الدين، خلاص خليت الفساد ونسيت الأموال المنهوبة وحاضر البلد ومستقبلها الضائع وبقيت في هجليج، الله يفور دمكم فورتوا دمنا، لن أفرح الا بزوال حكومة المؤتمر الوطني أو جبهة الدستور الاسلامي..


ردود على الغاضبة
United States [شمالي] 04-23-2012 03:53 AM
يا محمد خليل حتى الجزيرة حبيبتكم قالت إنسحب
لكن ما مشكلة لو إنتوا مًصرين على القوة الجبرية دي أهو منها نستفيد في تحرير حلايب برضو
ههههه

United States [محمد خليل] 04-22-2012 04:41 PM
و لكن يا الغاضبة سلفا كير لم ينسحب و انما أخرج من الهجليج بالقوة الجبرية و ان عاد عدنا.


#342549 [فيصل]
0.00/5 (0 صوت)

04-22-2012 11:00 AM
يااخى ساتى هؤلاء الساسه
عباره عن دمى يتم تحريكها
هؤلاء مسيرين وليس مخيرين
بس ربنا يحفظنا ويحفظ الشعوب


#342515 [ساتى]
4.88/5 (4 صوت)

04-22-2012 10:34 AM
الطيب مصطفى المستنسخ

انت ما تمشى عدييييييييييييييييل الانتباهة


#342491 [الكيك]
4.88/5 (4 صوت)

04-22-2012 10:14 AM
الأخ الطاهر ساتي
كدي واحدة واحدة
انت مع تحرير هجليج وما بتهمك حلايب عشان دي فيها قروش وديك فيها بني ادمين ما عندهم قيمة، بجد ليه بتهون من ديك وبتدعوللجهاد في دي
بعدين انت عامل شيخ محاربة الفسادبس بعد ده تعال طالع لينا بخبر فلان ماهيته كده وعلان هبر الحوافز وسجم اكل الجهة الفلانية
التغيير لازم يكون بالجملة يعني يكنس الكيزان عشان ينتهي الفساد والحرب وانت معاهم وصحيح زي ما قال اخونا سيف الدولة حريقة في الوطنية بتاعتكم يا ود ساتي الكوز المتخبي وغاشينا الزمن ده كلو


#342452 [wedhamid]
4.82/5 (6 صوت)

04-22-2012 09:47 AM
أخيرا قلت ...... ((المهم..عادت أرض هجليج الى السودان، فليعد الوعي أيضا الي الحكومتين السودانية والجنوبية حتى لا يتجدد الحرب في هجليج أو غيرها..خطاب الرئيس البشير لم يكن موفقاً، ومعالجة الخطأ بالخطأ لاتخدم المصالح العامة، فالحوار يجب أن يتواصل بين الدولتين في كل القضايا العالقة، بحيث تكون نتائج الحوار ما يحقق مصالح الشعبين))
يا عيب الشوم !!! شنو الفنسه التقيله دى يا الطاهر ؟؟؟ الظاهر المعلوم وقف.... ما المهمه إنتهت و الجماعه قنعـوا من خدماتك خلاص يا مأجور!!! رجعت تخطئ الرئيس كمان يا للصفاقه!!! كيف لم يكن الرئيس موفقا ؟؟ ألم يدعو للحرب فى بابانوسه قبل شهور ؟؟ ألم يامر مليشياته بالتحرك و سحق الحركه الشعبيه ( الحشره الشعبيه) أين كنت حينذاك ؟؟؟ لسع ما كانوا دفعوا ليك طبعا لأنهم ما كانوا محتاجين ليك و لقلمك ...يا خسارة ما فقدته من تعاطف بعض من ظنوا فيك خيرا و لكنك بكل غباء قبضت و إنتكست يا عبد المال !!! وين دا من الوطنيه والا أهى دى الوطنية التى إفتقدتها عند رواد الراكوبه؟؟و سوف تبدى لك الأيام ما كنت تجهله و لاتعلمه ...اقترح عليك الإنزواء فتره و كمل القروش الأدوك ليها ناس المؤتمر الوطنى و أسعى ليك شغله تانيه الناس ديل ما مضمونين....دى بس نصيحه يا الطاهر ...


ردود على wedhamid
United States [عمار] 04-22-2012 11:37 PM
انت هسع شايت وين؟لو لقيت ليك فرقة كان اكلت معاهم....مش سودانى؟؟؟؟إنت قايل البياكلو ديل كيزان وبس؟؟؟كل اطياف الشعب السودانى وأحزاباجوووووه


#342439 [mohy]
4.57/5 (6 صوت)

04-22-2012 09:39 AM
يا ناس زولكم ما غرق خلاص في بحر الكوزنة

غايتو ما ما بتندس قدر ما حاول يبقى وطني هو ما حاول لكن أدوهوه كروت فساد محروقة ينفس بيها عن الشعب المهم هجليج دي كانت حسنة عشان تفرق لينا بين الوطني والمؤتمر الوطني يالطاهر الفيك إنعرفت والمؤمن لا يلدغ من كوز مرتين


#342428 [سند]
4.97/5 (7 صوت)

04-22-2012 09:36 AM
يا اخوة هل شعر احدكم خلال هذه الازمة بهيبة و قوة القوات المسلحة ام كانت تجمعات عشوائية تعمها الفوضي والارتجالية اين القوات المسلحة فهل سمعتم بان سلاح المدفعية استطاع ان يدك حصون الغزاة ام ان سلاح المهندسين تمكن من قلب موازين القتال ام كانت اليد الطولي للمدفعية عطبرة واين سلاح المظلات من كل هذا اين انتم يا رجال القوات المسلحة مع تقديرنا لكل من هب للدفاع عن الوطن لكن والله ليس هذه القوات المسلحة التي نعرف و ليس هؤلاء رجالها واياكم اعني يا ابو ريالة و يا من قلت دخلت هجليج نهارا جهارا و حررتها رجالة ارحم نفسك و ارجع استمتع بحرثك(يعني نسائك).فيا من تبقي من شرفاء قواتنا المسلحة فهل نعشم بان الصبح قريب ؟ حفظكم الله واعاد لنا قواتنا المسلحة التي نعرفها شدة و منعة في ميادين القتال و ليس ببذئ القول و ساقط الالفاظ و انحطاط القيم قال حشرات قال .هسع عليك الله يا سيادة ال......كان ولدي الصغير(الانت مفروض تكون ليهو قدوة) سالني قال لي يا ابوي البتكلم دة منو ارد اقول ليهو شنو !!!...منك لله يا بذئ اللسان يا كعب.


#342424 [ابوامل]
4.94/5 (6 صوت)

04-22-2012 09:35 AM
اولا ايها المسمى ساتى بالرغم من انك تدعى انك تدافع عن الشعب الغلبان بدأت مقالك بنكته تدل على عنصريتك ودسست السم في الدسم ويبدو انك من جماعة خال البشير بعد ان ارتاح من فصل الجنوب عاوزين ترتاحوا من فصل النوبا وهكذا ... وحدود (السودان الجديد) في فقه حزب المؤتمر الوطني معروفة .. وانت تعلم ان هجليج لن تكون اخرمعركة كما تتمنى لان ثقافة الاحتراب والعدوانية شىء متاصل لديهم


ردود على ابوامل
United States [عمار] 04-23-2012 12:00 AM
وإنت مالك ومال النوبة والنوبيين....لو إنت عربى أرحل وسوق معاك باقى العرب وشوف وطنا بدونكم راح يكون كيييف

United States [عمار] 04-22-2012 11:46 PM
كل اوجاع والآم هذا الوطن بدأت بعد دخول المستعربين بعنصريتهم البغيضة.....ولو إنت عربى تبقى إنت سبب مآسينا

United States [سودانى وبس] 04-22-2012 06:41 PM
يا ابو امل،النكتة معروفة،وهى بتحكى عن جنوبى وليس نوبيا،قطعا خطأ طباعى،واظن الطاهر نفسه من النوبة،لان اسم ساتى موجود بكثرة عند الدناقلة،والله اعلم،ما عارف الزعل الناس دى من المقال ده شنو،مقال جميل وكلام موضوعى من زول زعلان من احتلال اجنبى لجزء من وطنه وفرح للتحرير كما فرح كل الشعب السودانى،معارضة الحكومة ده شى تانى،وعارضة الاوطان وتخزيل قواتها المسلحة خيانة خيانة

United States [دا كلام ما صاح] 04-22-2012 04:28 PM
سلامات ابو امل

ياخى الراجل قال نوبيا وما قال نوباويا ...
ما تبقوا متلقين حجج ساكت هههههه
قالوا الما بدورك فى الضلام بيحدر لك
انتقد بطريقة موضوعية وما تكون انفعالى
مع احترامى


#342418 [ود بلد]
4.75/5 (5 صوت)

04-22-2012 09:32 AM
لله درك يا ود ساتي. انت تدرك ذلك و انا ادرك و لكن من يقنع اؤلئك القياصرة حتى ننعم بالأمن و الأمان


#342412 [عدو الكيزان المتخفين]
4.44/5 (6 صوت)

04-22-2012 09:29 AM
يااخي حريقة فيك وفي الكيزان كرهتنا وطممت بطونا بالمقالات الفطيرة. السذج من الناس هم من صدقوا بأنك قد عدت لجادة الصواب ولكن من يعرف علاقاتك السرية باب ريالة ودهنستك له طوال هذه السنين، لم يصدق مواقفك الحربائية التي كنت تطارد فيها صغار الموظفين من المفسدين متجاهلا عمارات صاحبك أب ريالة وإستثمارات ولده العاق بكري...\\

يا الطاهر ما تفتكر الناس كلها عندها قنابير فاتق الله في مواقفك الإنتهازية وكذبك الفاضح.


#342408 [حبيب بوشي]
2.00/5 (3 صوت)

04-22-2012 09:25 AM
كلام في الصميم يا ابن ساتي ..... ولا يحتاج لإضافة .... ربنا يزيدك صحة وعافية وسلم قلمك وسلمت يدك ..... دي النصائح ولا بلاش .....


ردود على حبيب بوشي
United States [عثمان سليمان] 04-22-2012 04:21 PM
تمام يا حبيب و خلونا حبايب يا جماعة

United States [ساتى] 04-22-2012 10:32 AM
و الله حرام تكون حبيب بوشى


#342397 [محمد الأمين]
4.50/5 (2 صوت)

04-22-2012 09:19 AM
على الطلاق طلعت من النفس ....
لما ترجع تلقانا فى حتتنا دى ....دحين تعال!!!!!!!!!


ردود على محمد الأمين
United States [عمار] 04-23-2012 12:03 AM
والله يا ناس دحين إنتو اسباب مآسى البلد دى


#342393 [مقيد بالجنازير]
5.00/5 (5 صوت)

04-22-2012 09:16 AM
بالواضح يا الطاهر عاوز تقول شنو ؟
دى لعبة تبادل الادوار والكنكشة ..
مناوى فى القصر والحاج ادم مجرم حرب
الحاج ادم فى القصر والسيسى مجرم
مناوى فى المعارض والحاج ادم والسيسى فى القصر
الحلو فى السلطة وعقار مجرم حرب
عقار .. الحلو فى السلطة ومجرمى حرب
والساقية مدوره ..
ابيبى .. هجليج .. الحدود .. مياه النيل .. المشورة الشعبية
الديون .. الجنسية .. الرعى ..والبترول ,و.... و... و....
من خلق هذه المشاكل .. ومن المسؤول ؟ والى اين نحن مساقون كالقطيع جنوبا وشمالا ؟
خليك واضح يا ظريف وانت عاوز تقول شنو يا الطاهر ؟

شوف كم واحد لافى صينية .. وكم واحد مقيد بالجنازير


#342347 [الصابري]
4.50/5 (3 صوت)

04-22-2012 08:44 AM
صدقني الحكام الأفارقة أكثر عقلاً وحكمة من حكام السودان ولا تتلبسهم عقد أو تترسب في نفوسهم مركبات نقص بل هم واضحين ومباشرين, ويمكنك بصفتك صحفي أن تراجع تاريخ الدول الأفريقية المجاورة لنا وتقارنه بتاريخ السودان السياسي, هل تجد في تاريخ تلك الدول تهريج ومسرح عبث وشخصيات سياسية كاريكاتورية مضحكة مثل تلك التي حكمت وتحكم السودان؟!


ردود على الصابري
United States [عمار] 04-22-2012 11:54 PM
لورحل المستعربين عن وطننا نحن الرطانة وخلوووونا برانا كنا حنكون تمااااام....


#342281 [ود فضل]
4.00/5 (3 صوت)

04-22-2012 07:44 AM
ما زلنا نشتم فيك منبراً للسلام . . عادل


الطاهر ساتي
الطاهر ساتي

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة