المقالات
منوعات
ندى القلعة والنظام
ندى القلعة والنظام
04-25-2012 11:59 AM


ندى القلعة والنظام

حسن بمبودي
[email protected]


طالعتنا الصحف والمواقع الالكترونية بان ندى القلعة ستغنى دعما للقوات المسلحة.. من حقها الغناء لمن شاءت والوقوف في اي خندق, خندق الوطنيين اوالطابور الخامس (حسب تصنيف ناس نافع).لكن لنا اسئلة وملاحظات مشروعة لحماة الدين والوطن:
1- هل قروش دعمها للقوات المسلحة حلال؟
2- ماالفرق بين لبسها هذا ولبس البنت التي تم جلدها؟
3- ما راي حماة (كل حاجة) في شريط الشريف ؟
4- ماالفرق بين ندى وشيرين ؟ام انه فقة الضرورة والمرحلة حرام غناء شيرين وحلال غناء ندى ؟
وملاحظاتناان ندى غنت للشريف (الرضي) وقدمت خدماتها ودفع الشريف بسخاء وابتهج الجميع (المجموعة المرافقة بنات واولادورجل كبير في السن والشهادة العلمية التي يحملها... طبيب) لغاية هنا الموضوع في طور الخصوصيات والحريات .. لكن طلعت ندى على الملاء باغنية ,,, جاءت كلماتها مستفزة للعقل وأشبه بالضحك على الدقون تقول فيها,,
الشريف مشيتولو باحساسي
وتوبي في راسي
سوداني حافظاة
وعرضي صايناه
والله حديث مشيتي باحساسك نعم لكن توبك مافي راسك الكل شاهد الفيديو وانت لابسة شي اشبه بالبنطلون اظهر قبحك ( التوب كان احسن يابتي)لانة قمة الحشمة يستر بلاوي سوداء..انك حافظاه .. لا في دي زودتي العيار ,,, نحن السودانيين بطبعنا شعب خجول لا يميل للمجاهرة بالقبح والمسخرة ,, حتى الذين ابتلو بالفجور لايجاهرون بالتفسخ وتحدي الغير .. عرضك صايناه يبدو ان العروض تغيرت ياندى وياكاتب كلمات تلك الاغنية.. سافروا كماء شئتم واقيموا الليالي الحمراء والسوداء ( والما ليها لون) انتم احرار في اجسادكم واخلاقكم ,, بس تجوا وتلوا عنق الحقيقة وتنشرو القبح وتقولو انة الفضيلة والعرض والسودان هذا مرفوض لان مثل تلك الاعمال تسي لكثير من السودانيين ومن حقهم عدم الزج باسم بلادهم في مغامرات وسخافات مثل هذة . واحالة اسم الوطن لماخور عالمي الشرف فيه لمن يدفع بالدولار هذا مرفوض, وليس غريبا ان تتدعي تلك البنت المحسوبة على كريمات السودان بان تقول انها من (مايدوقري) والله لولا دولارات ذلك الشريف لما عرفت اين موقع تلك المقاطعة.
ليس غريبا ان تغنى تلك المراة لدعم القوات المسلحلة وتلقى ترحيبا من النظام وازلامة ,, لانهاأمراة لهذا الزمان الاجرب القبيح فهي لوت عنق الحيقةلانها تشاهد وتعايش هذا النظام الذي نشاءت وترعرعت وقضت كل عمرها (المسمى جزافا فني ) تحت نير حكمة ما غريبة ان تسافر عبر مطاره وتسي لبلد رجالة ونساءه اشتهروا بالشهامة والشرف والعفة (حتى لو زمان) تسي للبلد وتجاهر بالقبح وتعود ويصفق لها الجميع وتستضاف في القنوات الفضائية ويطلق عليها لقب (سيدة مجتمع) !!!!!!! اي مجتمع هذا؟ انه مجتمع دولة الكيزان. والله ارى تلك المراه موهلة لحيقيبة وزارية في هذا اللانظام القبيح قبحها وهي ترتدي ذلك البنطال. احسبها بالجد موهلة لتكون مساعد الرئيس لشئون الرقيص والحفلات الشخص المناسب في المكان المناسب. ولعمري ستودي دورها بكل احترافية ,, تساعد الرئيس في رقصه العلني وبقية الزبانية في رقصهم وراء الكواليس. وتستمر اسطوانة الفضائل الجديدة رقص الرئيس وسدنة النظام مباح لانة لله ,, وعروض ندى واشباهها تحفظ السودان وتصونه ,, لان الصون والفضيلة والحق والجمال تغيرت, واصبح الكلب كائن غريد والبلبل يصدر عواء وهبيب ونبيب ,,ندى القلعة تحفظ السودان يدلا من خالدة زاهر وحاجة كاشف وفاطمة احمد ابراهيم...... وحتى ناس ناهد جبر الله والفنانة المحترمة د.منال بدر الدين وبائعات الكسره بشرف في سوق الله اكبر. بلد جديد .. دين جديد ... ناس جدد ... مفاهيم جديدة....بعدين كفاية من ذج اسم القوات المسلحة في مثل المواقف التي تسي لموسسة يفترض فيها نبل اهل السودان ونقائهم.



تعليقات 19 | إهداء 0 | زيارات 5932



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#347784 [مرمر]
5.00/5 (2 صوت)

04-27-2012 01:36 AM
ولله مقالك كلو حقائق..والبلد دي الماعندو ضهر يقع البحر...
دي السلطات في جيبها..والجماعه كلهم مبسوطين منها..وابو عصايه بنطط لو غنت
عشان كده تمشي وتلبس زي ماعاوزه والنظام العام اطرش وعميان ..


#347154 [مجتبى يوسف عبد القادر عبد المجيد]
0.00/5 (0 صوت)

04-26-2012 12:06 PM
وربى صدقت انا ندى دى اكرها كرة


#346990 [فيصل]
5.00/5 (1 صوت)

04-26-2012 10:27 AM
ندى القلعة والقلع عبد الحفيظ
وغيهم هؤلاء فقاعات


#346982 [Babeker]
0.00/5 (0 صوت)

04-26-2012 10:24 AM
اولا بمبودى دى معناها شنو فعل ولا ردفعل وانت البتكتب الكلام من الاشراف (انالست مع المطربه دى لكن الحقيقه معظم اهل السودان يطربون لها ) وانت نفس يمكن ان تطرب لها لكن لا تتدخل فى شؤون الناس ومن كان منكم بلا خطئيه فليرميها بحجر..!؟


#346966 [Kantoosha Khamis]
0.00/5 (0 صوت)

04-26-2012 10:16 AM
علينا بشيش بشيش يا بمبودى , انت ما شايف الامنجية فى السوق ده عاملين لينا وجع وش؟ مش كده و بس و كمان, اقول ليكم كلام,ندوية دى بقت حقتم,يعنى فى اللست.استغفر الله.


#346888 [ابو لمياء]
0.00/5 (0 صوت)

04-26-2012 09:30 AM
لاتحزن ولاتأسف أخي فهذا زمن الانحطاط زمن القلعه وكيجم وفرفور !!!!


#346655 [abusafarouq]
1.00/5 (1 صوت)

04-25-2012 11:44 PM
ندى دى فى بداية فنها إنجلدة فى شرطة الكلاكلةوبعدين شريط شريف نجيريا هى أساءة للبنت السودانية لو عندها أخوان فى السودان ما عملت كده وناس الحكومة ديل كلهم رقاصين بتاعين هجيج مش هجليج الحارة تفوت ويعملو الهجيج زى ولد نافع وسناء فى تمثيلية للشباب فى أطراف هجليج بعد إنسحاب جيش الجنوب . وقيل كده شوفنا تسجيل الفنانة تغريد مع منسوبى السجن والعساكر والجنس الثالث يرقص والله فضحتونا يا حكومة الانقاذ فساد وفجور على مستوى الرئيس


#346647 [Zingar]
5.00/5 (1 صوت)

04-25-2012 10:30 PM
الأخت (الظريفاء) لمياء ما تشتغلى بكلام المعلقين ديل.. ما عندهم سالفه...على حسب كلامك لكن بدل الوقوف فى الملعقه بتقدرى على بونا ملوال على الواقف.


#346565 [ام الحاج]
3.00/5 (2 صوت)

04-25-2012 08:23 PM
ذي مابقي ود الجبل ابن السودان البر


#346514 [زووووووووووووووووول]
0.00/5 (0 صوت)

04-25-2012 06:58 PM
صدقت ...فأصبت......


#346495 [مسلم]
0.00/5 (0 صوت)

04-25-2012 06:29 PM
مسؤلين من الخير يا جماعة انتو البت دي اسمها ندى القلعة ولا ندى المايقوما بدل ياشبيكة تفتش في المال حلال ولا لا فتش صاحبه اول ود حلال ولا لا


#346434 [hamid]
0.00/5 (0 صوت)

04-25-2012 05:31 PM
يعني يا عم حسن بمبودي الرئيس محتاج لمساعد في الرقيص؟ هو الخير و البركة كلها


#346411 [deing]
5.00/5 (1 صوت)

04-25-2012 05:05 PM
لو سمحت مستشار الرئيس للغناء محجوزة لي فرفور ..لو للرقص فقط ما عندنا مانع ..
لعنة الله على هؤلاء قبل ديل ..


#346225 [سوسكا]
0.00/5 (0 صوت)

04-25-2012 02:19 PM
جد ما قادره افهم المشكله وين هل انت مستاء لان الفكره اساسا غير لايقه ولان ندي شخصيا ح تحي الحفل و لو اي فنان او فنانه غير ما مشكله وهل اى كان عنده الحق ومحاسبة سلوك اى كان و لا عايزين تبقونا طالبان فنانه سودانيه السودان غصباعن الكل وطنهاو عندها الحق زيها وزى اى زول تشارك يى قدرتها ومشاكل السودان فى الوقت الحالي كتيره متشابكه وبعد دا كله انا ما بسمعها الا عرضا و لا الاستماع للاغانى من هواياتى


#346199 [kalifa Ahmed]
4.00/5 (1 صوت)

04-25-2012 01:59 PM
هذا عصر الضحالة والسفاهة عهد العهر والجنس الثالث !!!!! أما مايقال في وسائل الإعلام الرسمية والمساجد فهو للتغطية وذر الرماد!!!! هذا نظام الفساد والإفساد وأجود مناخ لندي وغيرها من الحثالات !!! ولكن تبقي صورتهم في عقول الناس هي نفسها...... مجرد صعاليق وصعلوقات مهما نالو من حظوة ومال !!!!!


#346128 [ابو جاكومه]
0.00/5 (0 صوت)

04-25-2012 01:10 PM
لا استطيع الا ان اقول ماروعك وما اروع مقالك ؟


#346127 [الضعيف]
0.00/5 (0 صوت)

04-25-2012 01:10 PM
البشير مبسوط منى .. !! ده اسد افريقيا يا ولد انت بتلعب ولا شنو


#346091 [lmyaa]
3.00/5 (2 صوت)

04-25-2012 12:56 PM
هيييييييييييييييييييييييييييييييييييييييييييييييييييييييييييييييييييييييييييييييييييييييييييي
مالها ندى ما تخلينا نقيف ليك في المعلقة و نوريك الصعلقة
الشريف مبسوط مني عشان انا بريد فني
و مدام الشريف مبسوط انتو انفقعو


ردود على lmyaa
United States [mohammed] 04-25-2012 05:33 PM
انتي لاشئ على الاطلاق ولاتستحقين حتى الرد
انتى وهي واحد { عمل خبيث من عمل الشيطان } قمة الانحطاط والفساد
شكش بالجملة علينا جاي الواحدة بي شوية دولار يلا يارقاص بتاتك في الخطوط الامامية للمعركة
مبسوط مش كده ؟؟؟؟؟؟؟؟؟؟؟؟؟ لماذا لم تقيم عليها حد الفساد !!!!!!!!!!!!
كما انزلتموه بقير الحق على غيرها ؟؟؟؟!!! هل نسيت يادجال ياكبير الافاكين
ولا ده داخل في باب فقه الضرورة ؟؟؟؟!!!!!! يامنافق لعنة الله عليك وعلى جميع من معك
ثورة ياغضب السودان .
سوداني في المنفي

United States [رائد] 04-25-2012 05:26 PM
احتشمي يا هذه في قولك فللسفه حدود وما هذه اللغة التي تكتبين بها سوى ما جنته علينا هذه المدعوة ندى وامثالها ممن هتكو عفة الغناء السوداني وخدشوا صورة حياء المرأة السودانية في اذهان العالم، كفي اذى الفاظك السوقية عنا ولا تجرحي اذاننا وابصارنا اكثر مما فعل اولائك الذين تدافعين عنهم بمثل هذه السوقية.

United States [wise] 04-25-2012 02:41 PM
انت اسمك لميضة ولا لميضة يا معلقة


#346030 [قرفان خالص]
4.82/5 (5 صوت)

04-25-2012 12:26 PM
هي ندى القلعة براها !!


ندى القلعة ومنو كده الصادق واخوهو التاني والشافع بتاع جنة الاطفال داك وجمال ابو صلعة ومخور ابو سطلة

واولاد اللبن ولا اولاد البنا ما عارف ...


أخخخخخخخخخخخخ


حسن بمبودي
مساحة اعلانية

تقييم
5.97/10 (6 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة