مشكلة من امها..؟؟
04-27-2012 09:45 PM


مشكلة من امها..؟؟

عباس عمر
[email protected]

الخبر : لا يوجد دولة - غير السودان - تبيح تصدير إناث أنعامها بلا ضوابط، أي المنتجة منها وغير المنتجة؟..منذ 2008..؟
:
الكلام دا معناتو ..تجفيف أناث..طيب الما منتجة دي عرفناها..قطعت..لا ولادة لا لبن..طيب المنتجة دي..في زول يبيع بقرتو..عشان يشتري لبن بدرة..وما الليلة بس..يعني حيشتري (بدرة وبعد بدرة)..؟
:
وبعدين الما منتجة دي..قايلنها هينة ولا لينة..وبعد الخدمة الطويلة الممتازة..عايزين تغربوها وتبيعوها بالرخيص..طيب اسمعو الكلام دا..عشان تعرفوا قيمة الما منتجة دي..:
:
في جنيف في حاجة اسمها اللجنة الدولية للموارد الوراثية..دي بتسجل (الشريط ) الوراثي لكل سلالة حيوان لكل دولة..عشان ما تسرقها دولة تانية..طبعا نحنا مشكلتنا..انو ما مسجلين ولا بهيمة ولا خروف..في اللجنة دي..
:
.وياريت لو المشكلة في (الشريط) الما مسجل بس..نحنا هسع بدل هم يسرقوا..الشريط..بنديهم (الشريط) بي (المسجل بتاعو)..(المنتجة والغير منتجة)..؟
:
غايتو وزارة الثروة الحيوانية دي حيرتنا..زول عاقل ما بطبق قرار ز ي دا..غايتو نقول ليهم (من عاشر عجلا..اربعين يوما)
:
طيب صدروا... لكن للضحية..شوفوا (البقرة البتلد) ليكم خرفان ..وين..؟عادي يعني ممكن تكتبوا في عقد التصدير..(ليكم البقرة..ولو ولدت خروف حقنا)..يعني تصدير في شكل اعارة..
:
وبعدين عارفين انو الاناث كترت..بس ما لدرجة التصدير..والاعارة..
:
يعلم الله اللبن غليتوهو علينا..ورطل اللبن..التقول رطل لبن طير..؟..
:
اطفالنا جاهم سوء تغذية من لبن البدرة الضارب..ومرات لبن البدرة زاتو خلوهو..والطفل يبكي (اللبن ابو لي بي)..؟
:
حقوا العجلان وصغار الخرفان..تتطلع في ثورة..ويكتبوا يافطة (لا لتصدير امهاتنا..البصدر امو..الترابة دي كالت خشمو)..؟
:
تصدير الاناث..يعني الامهات..يعني دي مشكلة كبيرة..غايتو يادوب الواحد فهم راندوك الشباب اليومين ديل لما يقولوا ليك..(مشكلة من امها)..


تعليقات 3 | إهداء 0 | زيارات 1180

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#349011 [ود ادريس]
5.00/5 (1 صوت)

04-28-2012 08:26 PM
قبلة صدرنا الذهب والنبق والدكاترة فلاعزاء ان نصدر اناث خرافنا وامهات عجولنا بعد ان نضب مشروع جزيرتنا وخُرب بترول هجليجنا بغرض الحصول على حفنة دولارات قد اعلنا فك ارتباطها بأقتصادنا قبل عاميين ابان نشوب الازمة الاقتصاديةالعالمية الاولى وكان الله فى عون الشعب السودانى المكلوم فى ذهبه,نبقه ,دكاترته واناثه والله المستعان


#348333 [ود تمبول]
5.00/5 (1 صوت)

04-28-2012 12:14 AM
تسلم يمينك يا عباس انشاء الله الحكومة تسمع و لكن قد اسمعت اذ ناديت حيا و لكن لا حياة لمن تنادى


ردود على ود تمبول
United States [محمد العوض] 04-29-2012 05:27 PM
ان شاء الله وليس انشاء الله لان الانشاء يعنى البناء


عباس عمر
عباس عمر

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة