كلامات
05-07-2012 01:49 AM

كلامات

د.كمال عبد القادر

اراد طبيب الاسنان ان يقلع ضرس المريض، فامسك بالضرس السليم واراد خلعه. استطاع المريض ان يشير للطبيب بان هذا الضرس الخطا، فقال طبيب الاسنان ايوه عارفو، لكن (ملكة) زي دى تاني ما بلقاها فيهو.
بعد هجليج التف الشعب حول القيادة وتناسي اوجاعه الاقتصادية.
وزارة المالية ردت على التاييد الشعبي بان جابت سيرة رفع الدعم عن الوقود وزيادة الاسعار.
الحكومة تعرف انو ده الكلام الغلط، لكن يبدو انها تقول ولله تاني ما بنلقي لينا (ملكة) في الشعب ده زي دي.
يا حكومة، والله قلع الضرس المسوس حار، وقلع الضرس السليم احر منو.



السوداني


تعليقات 10 | إهداء 0 | زيارات 3116

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#358111 [د.هيثم مشرف]
0.00/5 (0 صوت)

05-08-2012 01:47 PM
خلاص؟ أدّوك ظهرهم..قبّلت علينا!! داير تضحكنا بسخافاتك يا سخيف !!


#357344 [انور]
0.00/5 (0 صوت)

05-07-2012 05:15 PM
يا كما عبد القادر
هل تزكر استباحتك للمستشفيات وبيع الاجهزه ساكت كده وباسعار خرافيه
بس نائب المدير العام يطلب جهاز اى جهاذ وهاك يا خمسماية مليون
وهاك يا بيوت العمارات وهاك يا بيوت انجلترا نفك المورقج
نقول ليك شنو حلالك والله ما البلد همله ليك انت وجماعتك
ونحن نسال من الوطنيه
شفت عود القزافى ركز فيهو كويس


#357330 [yass]
0.00/5 (0 صوت)

05-07-2012 04:58 PM
والله ما عارف اقول ليك شنو يا دكتور كمال..بالمناسبه انا طبيب خريج كلية طب سودانية معروفة.بس ما شغال بالطب ..شغال في السوق عشان 600 جنيه الوزارة دي ما بتقلع لي ضرس كان مسوس وللا نصيح برضو داير قروش. وبعد ما خلينا ليهم الطب لاحقننا في السوق, الله اكبر عليهم.
كلامك صحيح.الانقاذ صنعت مسرحية هجليج لتكنكش اكتر في السلطة دي معروفة..ما يؤسف حقا ان يحكمني هذا البشير وزلمته ,هذا المجرم الهارب من العدالة الدوليه.وكمان بلا خجله يعرس ساااااكت.والله انا محتار بعرس لشنو وهو قدرة علي عرس ما عندو ودي ظااااهرة زي الشمس.


#357045 [Ageeb]
4.94/5 (7 صوت)

05-07-2012 12:25 PM
من سخافات الصحافة السودانية "الحالية" أنها تسمح لمثل هذا "المتظيرف" أن يبث لنا مثل هذه السخافات التي يعتبرها استغفالاً لنا أنها "خفشات وكتابة سياسية ساخرة!" ويا لسخرية الأقدار التي وضعت السودان في مثل هذا الموقف الحرج!

وعن أي أخطاء يتحدث هذا "الوزير السابق الفاشل" وقد جاءت - ذات الحكومة التي أتت به وزيراً - بالخطأ. لماذا لا يحدثنا عن أخطائه التي هي جزء من أخطاء كثيرة أصلتنا اليوم أن يموت: "وفاة (79) طفل بمستشفى جعفر أبنعوف في شهر واحد" كما أتي في صحيفة حريات.


#356927 [wadkanan]
4.88/5 (6 صوت)

05-07-2012 10:53 AM
والله انت راجل ظريييييييييييييييييييييييييف لكن برضو الناس كارهاك !!!!!!!!!!!!!!!!!!! الشعب السودانى يمقت الظلم و الظالمين و انت كنت ممسكا بمفاصل صحة الشعب السودانى و قد آلمتهم جدا و امرضتهم جدا و كنت سبب كثير من أحزانهم فلو جعلو لك الشجر اقلاما و النيل مدادا و ما ابقيتموه من مليون ميلنا صحائفا و نشرت فيها اجمل قفشات الدنيا لن تمحى ما زرعتموه فينا من احزان ....لنا الله و ليل الظلم مهما طال سيزول و لكم الخزى فى التاريخ و سؤء المنقلب عند مليك قادر عادل منتقم و لتدم انت ايها الوطن...............


ردود على wadkanan
United States [صبري فخري] 05-07-2012 12:46 PM
كلامك في المليان

United States [انا بكره راجل وداد] 05-07-2012 11:24 AM
تسلم ايدك يا ود كنان انا شكلي حانتظر تعليك تاني كل يوم


#356789 [صالح عام]
5.00/5 (5 صوت)

05-07-2012 08:49 AM
وفاة 43 طفل خلال شهر أبريل الماضي في مستشفى أبنعوف بسبب رفع الحكومة للدعم الصحي ،،،، كنت وكيل وزارة صحة لم لا تكتب لنا عن كيف تدهور القطاع الصحي وما هي سبل معالجة ذلك على الاقل من خلال ملاحظاتك للامور اثناء تبوءك المنصب ( حلوة تبوءك دي) وتشبه (تبوك) المنسوبة إليها الغزوة الشهيرة في صدر الاسلام ولكن شتان بين مغانم تبوك ومغانم تبوءك ،،،،، This is soooo nasty time for Sudan


#356783 [قدورة]
5.00/5 (5 صوت)

05-07-2012 08:35 AM
الأضراس يسووا بيها شنو اذا كان كيلو لحم البقر بقى بي 30 جنيه ، مافي مانع يقلعوا ضروسنا كلها بس الكيزان ينقلعوا من وشنا


#356771 [Shah]
5.00/5 (4 صوت)

05-07-2012 08:11 AM
البعاتى ده ظهر تانى؟


#356759 [عنتر]
5.00/5 (5 صوت)

05-07-2012 07:28 AM
تاااااااااااااااااني كمال اوكسجين!!!!!!!!!!!!!!!!!
يا خفة دمك هو انتو خليتو لينا ضرس ؟؟


ردود على عنتر
United States [ودالبلد الأصلى-كان أسمو السودان] 05-07-2012 09:21 AM
دة الضرس الٌقاعد تأكل بيهو أنت وو دخالتك؟؟ ولا دة البيتاوير؟


#356734 [احمد]
5.00/5 (4 صوت)

05-07-2012 05:23 AM
هو ذاتو نحن الاضراس دايرين بيهاشنو؟
ارجو عدم الاجابة


د.كمال عبد القادر
د.كمال عبد القادر

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة