الزمن الكعب
05-14-2012 08:05 PM


الزمن الكعب

عمر الفاروق عبد الله
[email protected]

هنالك مصطلح يتداوله الناس كثيراً هذه الأيام ويستخدمونه دلالة وكناية وشوقا لأيام مضت وخلت ويقولون "الزمن الجميل" فهل هم علي حق ام انها مجرد اشواق لماض قد تولي؟ البعض منهم ومنهن يقول:
في الغناء بأن الزمن الجميل هو زمن الحقيبة وآخرون ينسبونه لزمن الكاشف ورفاقه احمد المصطفي وحسن عطية والحاج عبد الحميد يوسف وغيرهم يقول بان زمان الغناء الجميل بدأ مع ابراهيم عوض ومن تبعه مثال محمد وردي وود الامين وزيدان والغير ينسب الغني السمح لجيل مصطفي سيد احمد وهكذا ..

نجي للكورة ناس بتقول الزمن الجميل كان زمن الامير منزول والقانون برعي ناس تانية قالت زمن ماجد وجكسا وعمر التوم وغيرهم قال بل زمن قاقا والدحيش وكسلا وكمال عبد الوهاب وسانتو وبشير عباس وناس تالته قالت الزمن الجميل انتهي مع نا س والي الدين وسامي عز الدين ووو ...

في السياسة الزمن الجميل هل هو زمن النضال ضد المستعمر وجيل الخريجين بقيادة الازهري اسماعيل ام زمن عبود جبل الحديد ورفاقه السبعة ولا الزمن الجا بعد ثورة اكتوبر ولا امكن زمن نميري؟

حتي الحياة العامة يقول البعض بان الزمن الجميل كان زمن عبود حيث كان عهد الرخاء والبلد نضيفة وناسها شوية! وآخرين يقولون بان الزمن الجميل امتد الي اواسط السبعينات وبعدها لا لمينا في حركة ورا ولا مشينا لقدام!!!

يعني المعني الزمن الفينا ده يكون هو "الزمن الكعب"؟

ولا شنو الشورة؟


تعليقات 0 | إهداء 0 | زيارات 700

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عمر الفاروق عبد الله
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة