الخاسر من يقول (آي) أولاً..!!ا
05-17-2012 01:32 PM

بالمنطق

الخاسر من يقول (آي) أولاً..!!!

صلاح الدين عووضة
[email protected]

* استحالت (العُشرة!!) بين الضرتين تحت سقف واحد فاضُطَّر الزوج الى (تقسيم!!) البيت الى جزئين غير متساويين...
* فالثلثان أضحا من نصيب الزوجة الأولى (الكبيرة!!) - سعاد - بينما حُظيت الثانية (الصغيرة) - جيهان - بالثلث المتبقي..
* وقام الزوج - عبد السلام - بالترتيبات كافة التي تحفظ لكل زوجة (استقلاليتها!!) عن الأخرى..
* واستبشر الزوج، والأبناء، والجيران، وأهل كل من الزوجين خيراً بـ (فرز العيشة!!) هذا بسبب ما عانوا من (مشاكسات!!) متطاولة بين الضرتين..
* وانشغلت الزوجة (المستقلة!!) بنصيبها (الصغير) - من مساحة البيت (الكبير) - بشؤونها الخاصة وهي تستشعر عظم المسؤولية الملقاة على عاتقها..
* أما الكبيرة فقد انشغلت بالذي انشغلت به الصغيرة هذه الى حد الهوس..
* انشغلت به عوضاً عن الانشغال بهموم بيتها الكبير..
* فما أن يخرج الزوج صباحاً الى عمله حتى تهرع سعاد الى (مراقبة!!) ما تفعله جيهان في بيتها الى لحظة رجوع الزوج هذا عصراً..
* تراقبها من أعلى الحائط، ومن بين (شقوق) منتصفه، ومن أسفل منه..
* واشتكت جيهان الى زوجها، وأهلها، والجيران أجمعين..
* قالت لهم إن ضرتها لا (شغلة!!) لها سوى جيهان عملت، وجيهان فعلت، وجيهان سوَّت..
* فهي تركت (عيوب!!) نفسها وبيتها ومطبخها وطفقت تعدد عيوب جيهان من حيث تقصيرها في (واجباتها!!)..
* ثم إنها - فضلاً عن ذلك - أخذت تفصل التيار الكهربائي عن دار جيهان من حين لآخر مدعية أن الأخيرة هذه تفعل المثل تجاه التيار المائي..
* فمفتاح التأمين الخاص بالكهرباء في البيت الكبير بينما (بلوفة!!) المياه في البيت الصغير..
* ولكن؛ لا الزوج ولا الأهل ولا الجيران أبدوا كثير تعاطف مع الشاكية (الصغيرة)..
* فهي ايضاً ليست (مُقصِّرة!!)..
* وإن كان ثمة فرق بين الضرتين من حيث ممارسة كلٍّ منهما (الكيد!!) تجاه الأخرى فهو في (الاسلوب!!)..
* فالصغرى تمارس الكيد هذا بـ (ذكاء!!) ، بينما الكبرى تمارسه بـ (غباء!!)..
* وأحد أوجه الغباء لدى الكبرى هذه هو الميل الى الشتم والسب والصراخ والتهديد والوعيد بما يعني مزيداً من (الاستنزاف!!) للوعي، والصحة، والأعصاب..
* ثم إن الاسلوب (الهياجي!!) هذا جعل كفة تعاطف الرأي العام (الجيرانوي) تميل تدريجياً لصالح جيهان على حساب الأخرى سيما عند لجوء الأخيرة هذه الى استخدام (الأسلحة العنصرية!!)..
* وبعد مضي شهور عدة على (فرز العيشة) بدا جلياً أن (المستقلة!!) ببيتها حديثاً في طريقها الى أن تكسب المعركة (إعلامياً!!) ضد ضرتها الكبيرة..
* فعقل جيهان ليس موجهاً كله نحو المعركة هذه بعكس سعاد..
* وكان من نتاج انغماس سعاد في الحرب المذكورة بـ (كلياتها!!) أن (أهملت!!) بيتها وأبناءها وزوجها..
*وفوجئت سعاد بنذر (ثورة!!) داخلية جراء الافتقار الى العناية (الغذائية!!) و (الصحية!!) و (النفسية!!)..
* وكل يوم تتفاقم فيه نذر الثورة هذه تزداد جيهان شعوراً بالرضا (الخبيث!!!)..
* ثم تتبسم في لذة كلما سمعت (طقطقة) عظم من عظام ضرتها حتى وإن كانت عظامها هي نفسها (تطق) بعد ذلك..
* فهي معركة (كسر العظم!!)..
* والكاسب فيها هو من يرجيء صرخته الى ما بعد صرخة خصمه..
* ثم بعد ذلك يمد صوته صارخاً: (آآآي!!!!).


الجريدة


تعليقات 44 | إهداء 1 | زيارات 4729

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#368361 [محمد علي]
0.00/5 (0 صوت)

05-19-2012 08:57 PM
انت مع الكبيره ام الصغيره


#368344 [محمد علي]
0.00/5 (0 صوت)

05-19-2012 08:43 PM
دا عشان حزب الامه فرز عيشته


#367847 [محمد خير محمد خير]
0.00/5 (0 صوت)

05-19-2012 11:50 AM
يا ود عووضـه كلامـك دا كلو صاح، لكن حـزب "التضامن النيلي " ماســكين فيها بعناية فائقة ويدركـــون تماما من أيــن تأكل الكتف ، فالثورة ضدهم اما ان تقوم من مناطق " حـزب التضامن النيلي " او ننتظر ظـهور ســيدنا عيســى.وانظـر وشــوف كلامي دا صالح ولا غلط.


#367515 [الحاج سوداني]
5.00/5 (1 صوت)

05-19-2012 03:48 AM
يا عمنا علاء الدين... اوع تكون الضرة الكبيرة دي السودان و الصغيرة جنوب السودان... ففي الاوطان المتقدمة يذهب رئيس و يأتي خلفه رئيس و تبقي الدولة و الشعب.... و لكن عندنا في البلدان العربية و الافريقية يذهب شعب و يأتي أخر و يبقي الرئيس...لك الله يا وطني


#367299 [زول كده]
0.00/5 (0 صوت)

05-18-2012 08:06 PM
سعاد دى لو ما قويه وايدها طائله ما كانت خلت ناس صلاح عوضه يكتبو بالشكل ده,انعل ابو الخوف ياخ....


#367261 [الجمرى 20]
5.00/5 (1 صوت)

05-18-2012 06:47 PM
والزوجة سعاد متهمة بقتل اولادها فلذا فاتحين فيها بلاغ ومطلوب القبض عليها وعشان كده محرومة من زيارة الحيران لان البوليس يعاقب كل من يستقبلها فى داره ... وطبعا الزوج معروف ( اوباما )


#366908 [المحسيه]
0.00/5 (0 صوت)

05-18-2012 11:30 AM
انت غلطان ياعووضه؟وانا شايفه انك واقف مع جيهان اكثر من سعاد؟ليه عشان جيهان صناعه اجنبيه مثلا وسعاد بنت بلد يعني ولي شنو؟علي الاقل سعاد بتعرف الاصل والاصول ؟سعاد ياعووضه من يومهاالجات فيه قالت عاوزه تعيش حياتها وحاولت تعيش مع جيهان في بيت واحد ؟ولكن جيهان غداره وخائنه قالت لا؟صحيح الراجل فصل بينهن واعطي سعاد البيت الكبير لانو عندها اطفال كتار ولكنه اعطي جيهان كل المال وحرم سعاد من المال الا القليل منه ورغم كدا سعاد مازعلت او عملت مشاكل ورضت بنصيبها وعيشتها؟ولكن جيهان الشرنيه الحسوده قالت لا لازم احرمها من ذلك المال ايضا؟ علي الاقل جيهان كانت تحترم سعاد الكبيره التي اتنازلت ليها عن بيتها ومالها عشان تعيش معاها في سلام وحب؟ وسعاد غلطانه ماكانت تعطي فرصه لجيهان من البدايه وتحاربها حتي يوم القيامه يعني الكان هايحصل شنوو اكتر من الحصل ؟سعاد غلطانه وسوف تدفع ثمن غلطها طول عمرها وسوف تندم اشد الندم ؟وربنا يساعد سعاد ويعقل ليها جيهان التي عمرها لن تعقل وحتي لو عملت ليها كجور؟ الحل الوحيد انو سعاد تحاول تفرق بين جيهان واصحابها الاجانب ديل عشان ترجع الي اصلها وفصلها؟وهذا لن يتم الا بعد زوال المال منها وياماخذ القرد لماله يروح المال ويبقي القرد لحالههههههههههههههههه؟؟؟


ردود على المحسيه
United States [فرويد] 05-18-2012 10:14 PM
الحقيقة يا أستاذة في مثل هذه المشاكل التي تنشأ بين "النسوان" وبالذات "الضرات" يندر أن تجد من يستطيع التوصل إلى أصل وبداية المشكلة .. ومن التي بدأت بالخطأ و"الغدر" على الأخرى وكل منهما تدعي البراءة وتلبس ثوب الضحية ... ولذلك لا يضيّع الناس (الجودية) جهداً ووقتاً في البحث عن ذلك بل يسعون من رغبتهم في إنهاء المشكلة بأسرع شكل إلى الضغط على السيدتين للمصالحة أو في حالة الفشل للفصل بينهما في السكن وكل ما يمكن أن يجمع بينهما .. فليت لنا رجلاً منهم ! وتحياتي


#366864 [عماد بقارى]
5.00/5 (1 صوت)

05-18-2012 10:51 AM
يا سيد عووضه سعاد دى ماله ومال ضرتا لو عملت لى اولأده حاجه لليوم الاسود حاتلقاهم لكين سعاد دى لو ما لقت نفسها مطلقه وخارج البيت ما بتنعدل نتمنا الطلأق العاجل لسعاد حتا يرتاح ابناها من المشاكل ... برضو >كرتا الحاجات العنصريه انا كنت بحترم جريدة التيار لكين شكلها بقت الانتباها 2 نرجو من الاستاذه هويده سر الختم ان تعتزر للغرابه فى العمود الكتبتو قبل يومين عن .. مستشفى امدرمان .. هى ذكرت انو الولد الاتبدل من قرب السودان وهم بمتاذو بى السحنه السودا والشعر المجعد .. بنقول ليها فى الغرب القبايل العربيه والزنجيه يعنى فى الابيض والشعرو ناعم ذيكم وفى الزنجى او العبد كما بتقولو يا جماعه ارحمونا ارحمونا الا متى هاذا الجهل ارجو ان ترد لى اخت الطيب مصطفى .. والله كن بنحترم هويدا سر الختم وجريدة التيار ... ارجو ان تعتزر لما بدر من اخت الطيب مصطفى وان لأ تسلك مثل هذه الالفاظ العنصريه


#366832 [مصطفي حسن علي]
4.00/5 (1 صوت)

05-18-2012 10:21 AM
الرقابه ليس بغبيه لكن تمريره ذكيه يا عووضه بتكتب في الصحافه رؤساء تحريرها يختارهم الرقيب مش رفضوك تبقه رئيس بحرير الجريدة الكل يعلم ان رؤساء التحرير الحقيقي الرقيب والمكتوب اسماءهم في رأس الصفحه الاولي زينه عاجباني ما يكتبه طاهر ساتي وعثمان مرغني وعادل سيداحمد يمرر من القاده جزء للتنفيس وجزء لحرق العضو المؤنمري المرفوض يسلم مستندات فسادهم والراضيين عنهم يرجعوا الوظيفه غصب عين الوزير ولجان التحقيق البتنهار عماراته يستريح استراحة محارب ويعود اقوي مما كان كان عجبكم .متي يعي المواليين الدرس و يركب السرج .الجيش محاصر بالقتل العمد بالسياسات الخرقاء والاتفاقيات المزلة جعانين فقرانيين والقوات المسانده في نعيم والشرطة لا مرتبات ولا احترامات يعيشون بالرشاوي واذلال انفسهم تصدقوا مرتب اعلي قائد شرطة قيمة فاتورة اتصالات صلاح ادريس مع هذا يدافعون عن الظلم وهم مظلوميين شوفوا السيناريو النقاذ:-
عشان وزير ولائي فاسد الشرطة تطلق النار نصيب ابرياء(حلفا الجديده) والي يشتم اكبر قبيله في ولايته(ولاية سنار) مدير امن يحاول اغتيال عمده.( الرشايده) وزير يصف رئيس بلاده بالمتفلت ( الخراجيه) وزير داير ينزل الدولار بالحدوته ( الماليه) و في مكان اخر قال الغلاء سببو السودانيين كتار الحل شنو نبيدهم وزير اعلام قبل الانفصال قال بقلع الدرب من المريض الجنوبي اذا الجنوب انفصل وزير ماليه يدعوا المواطنيين للكسره عشان القمح قليل ما عارف الكسره هسي يأكلوها الاغنياء لارتفاع تكاليف العواسه ووالي يحرض للقتل كل متحرك في لايته واخر يحرض قتل العد حتي الجريح او الاسير ديل خنه دمهم حلال هذا جزء من كثير حدث وا حرج انقاذ قال كان الانقاذ كده القتل يكون كيف


#366742 [شمالي]
5.00/5 (4 صوت)

05-18-2012 05:24 AM
تصدق يا ود عووضة أنا ما هاميني البقول آآآي منو فيهن
صاح سعاد عويرة
لكن أنا خايف سعاد بعوارتها دي تخلي الزوج يعرس مرة تالته ويقعَدها في التلت البين سعاد وجيهان
بالشكل دا سعاد ح تخسر مساحة التلتين العندها
وكمان العروس التالتة دي قطع شك ح تكون صاحبة جيهان وما صاحبة سعاد بأي حال
بحكم السن وكدا يعني

غايتو سعاد دي بتبالغ عديييييييييييل


#366741 [Welli]
5.00/5 (1 صوت)

05-18-2012 05:20 AM
هنالك اشياء لم يذكرها عووضة - حكاها لي أحد الجيران - :
1- أن الزوج يحب جيهان أكثر , و (يدلعها) أكثر كثيرا من سعاد.
2- و أن (اللجنة الشعبية) للحي , و التي كثيرا ما تناقش هذا الموضوع, دائما ما تنحاز لجيهان ! و يقال في الخفاء, إنها علي تنسيق كامل معها و تقدم لها الاستشارات. الغريبة ان سعاد تدرك هذا تماما ! لكنها عاجزة بشكل عجيب عن التفكير, ناهيك عن الرد.
3- في حين أن هنالك نذر ثورة حقيقية في بيت سعاد, فإن جيهان تفاجأت بالجوع يجتاح بيتها, و هي امرأة (علي صغرها و مفاتنها المغرية للجميع) ليست متعلمة, و ليس لديها مواهب حقيقية تعينها علي الكسب. و لما بدأ اليأس يدب في الأوصال, عمدت سرا لاقتطاع جزء من (المطبخ ) , و هو بالمناسبة يقع مباشرة بين (البيتين !).لكن سعاد سرعان ما استعدتها و كسبت الرأي العام بالحي في هذا الحادث.
4- سعاد (و بعاملي الخبث و الخبرة) لديها خبرة طويييييلة مع الأزمات , و هجر الزوج لها و جفوة الجيران و الأهل و الأصدقاء ! و ان كان ذلك علي حساب ابنائها و بناتها, اضافة لأنها انتهازية و يقال (مدكنة كتير) لنفسها في أحد الأحياء المجاورة, فمن المتوقع الا تكون هي البادئة بقول (أي) !!
5- مؤخرا, أرسلت جيهان (و تحت وطأة الضيق الشديد) الي اللجنة الشعبية للتحرك. طلبت اللجنة الشعبية من الجار الذي يسكن (أقصي جنوب الحي, كمظهر للحيادية) بالتوسط بين البيتين. في أثناء كتابة هذه السطور, هنالك خبر أن الجار وصل لبيت سعاد لتقديم مقترحاته (المقترحة أصلا من اللجنة الشعبية بالتنسيق مع والد جيهان).
الحل :
ان يطلق الزوج سعاد و جيهان من غير الزواج مرة أخري.يتناقش الأبناء من البيتين في سبل العيش الكريمة بينهم, و الأتفاق علي تقسيم الورثة بينهم مسبقا (قبل وفاة الزوج الذي يخشي من أن أيامه باتت معدودة).


#366685 [عمر جابر]
5.00/5 (1 صوت)

05-18-2012 02:31 AM
يا صديقي صلاح أنا عارف أنك من غير الناطقين بها.. يعني العربية لغة أجنبية ليك.. بالله إتعلمت البلاغة والتورية دي من وين؟ أوع تكون إتعلمتها من مدارس الفلاتي أحمد عباس؟ ههههههه لا شلت يداك


#366683 [majnoon Nada Algalaa]
0.00/5 (0 صوت)

05-18-2012 02:24 AM
Abdel-wahid Almustagrib . I am sorry to find faults with your commentary today as it is rife with linguistic Arabic slip-up . Please try to sound out your article before you click send . Once again , I apologize if there is inconvenienced caused


#366682 [زول مسكين]
0.00/5 (0 صوت)

05-18-2012 02:22 AM
بس اوهى المره التالته تقوم (تفرز) عيشته :)


ردود على زول مسكين
United States [زول مسكين] 05-18-2012 09:37 AM
قصي اوعى الزوجة التاته تقول عاوزة بيتها براها


#366677 [majnoon Nada Algalaa]
5.00/5 (1 صوت)

05-18-2012 02:15 AM
Suad as she is elder than Jeihan and although she is ranking as field marshal , but she has learnt nothing along the time of her marriage to Abdel-salam . Suad needs to be punished by stick for her repeated squabble with Jeihan , however we heard that Jeihan will be supported by some friends and neighbors for beating the impolite elder wife Suad if the conflict hasn't been brought to an end


#366662 [ود الطيب]
5.00/5 (1 صوت)

05-18-2012 01:37 AM
ياعووضة والله سعاد أكان ما جعلية من ناس هيع زمان كانت قالت الرووووب لكن أصبر ليها حا تقولها بت الكلب وتسمع الجيران!!


#366644 [الكردفانى الاصيل]
5.00/5 (1 صوت)

05-18-2012 01:01 AM
خطير ىا عووضة .. وفكرة ممتازة للحروج من رقابة كلاب الامن .. با زول الرسالة وصلت .. وربنا يحفظك


#366592 [ابراهيم الكدرو]
5.00/5 (1 صوت)

05-17-2012 11:47 PM
يا سلام ياأبوصلاح علي الرمزية !!! علي شاكلة حل هذا اللغز( حاجة بضبحوها في الضحية وبتقول باااع) عرفتوها؟


#366550 [السر]
0.00/5 (0 صوت)

05-17-2012 11:00 PM
سعاد وجيهان وصلاح جميعهم يحتاج الي راحه اجباريه لانه لامثل تلك تكون السياده ولا مثل هذا تكون الصحافه وكفي


#366526 [ابراهيم السلابي]
1.00/5 (1 صوت)

05-17-2012 10:18 PM
يعني يا عبقري زمانك ما سويت شي غير انك حاكيت ذلك الذي لا يريد ان يكشف اسم حبيبته و قال انها فاطمة بت عبد القا..... !!!!!! و في النهاية داير تقول جوبا مظلومة !!!!؟ ليتها تكون كذلك و ليت حكومتنا التي اعطتهم دولة ببترولها تكون قادرة على ان تظلمهم لأن الظلم في حقهم حلال !!!! بس تخلي حكاية رفع الدعم عن الوقود لانها بتجيب الهوا و مننا نحن ذاتنا البدريين اولاد ما قبل الفتح و اذا ركبت رأسها نحن ذاتنا بنركب رأسنا


#366525 [ابراهيم السلابي]
0.00/5 (0 صوت)

05-17-2012 10:17 PM
يعني يا عبقري زمانك ما سويت شي غير انك حاكيت ذلك الذي لا يريد ان يكشف اسم حبيبته و قال انها فاطمة بت عبد القا..... !!!!!! و في النهاية داير تقول جوبا مظلومة !!!!؟ ليتها تكون كذلك و ليت حكومتنا التي اعطتهم دولة ببترولها تكون قادرة على ان تظلمهم لأن الظلم في حقهم حلال !!!! بس تخلي حكاية رفع الدعم عن الوقود لانها بتجيب الهوا و مننا نحن ذاتنا البدريين اولاد ما قبل الفتح و اذا ركبت رأسها نحن ذاتنا بنركب رأسنا


#366521 [عبد الواحد المستغرب اشد الاستغراب!!]
5.00/5 (2 صوت)

05-17-2012 10:00 PM
معذره عزيزى ود عووضه كنت قد حسبت أنك خسرة المعركه الغير متكأفئه مع المدعو (مين كده المروح) ويبدو إنك استفدة من تكتيكات الاموره الذكيه (جيهان) واتوقع اننا عما قريب سوف نسمع قولة (آآآى)بالفم المليان الصادره من المذكور اعلاه وأخرين!! وبالمناسبه حدثنى بعض الاصدقاء القادمون من خارج السودان ان مواطنى الدول الاسكندنافيه طلبوا ان يمدوهم ببعض القصائد والشعر التى تشتمل ابياتهاالبذاءات التى تفوه بها (الارباب)واعنى البشير!!من نوع (لاتشترى العبد إلا والغصا معه) ونحمد الله ان بقية الابيات لم تصلهم بعد وإن كنا نبشرهم بأنهم سوف يسمعونها طالما هذا الاخرق على سدة الحكم، وأمثاله يقول عنهم إخوتنا المصريون فلان(مسحوب من لسانه)!!وهى تعادل عندنابالضبط فى السودان فلان (لسانو فالت)00وايضا(لسانو ما هيلو)00 المهم مواطنوا الدول الاسكندنافيه فى إنتظار المزيد من شعر العرب بغرض إخضاعه للتحليلات ولاسيما وقد قتلوا كلمه(عبد) بحثا عن معنى لهااو اى شىء مرادف فى كافة مجالات الثقافه والادب عندهم وفى جميع اللغات واللهجات التى يتحدثون بها ونقبوا فى حضاراتهم القديمه والحديثه ورجعوا الى نتائج الحفريات فى انحاء المعموره علهم يهتدون عن كلمة (عبد)ولم يجدوا لها أثرا وإن كانوا قد وجدوا كلمة (العصا) فهم يعرفونها ويجيدون إستعمالها ويعلقون عليها الجزر لاغرائنا بها حتى نلبى لهم حاجاتهم دون تجريح او إمتهان لكرامتنا !!ولذا طلبوا إمدادهم بمزيد من عيون الشعر العربى الفصيح لعلهم يهتدوا الى اسباب (وكسة) العرب وسر هزائمهم المتلاحقه من (البيسوى والما بيسوى)وربما والله اعلم يكتشفوا لنا ترياق مضاد فى شكل قرص يضعه فخامة البشير تحت لسانه قبل أن يصعد لاى منبر وإذا ثبت نجاعته تفتح الاعتمادات ومن ثم باب الاستيراد وخاصة ان القوم فى حاجه ماسه لمثل هذا الترياق وهى أهم من المأكل والمشرب والملبس فى هذه المرحلة وفى هذا الوقت بالذات!!0


#366501 [wedhamid]
5.00/5 (1 صوت)

05-17-2012 09:19 PM
عفارم عليك يا أبو صلاح....

هذا المقال البسيط فى كلماته و السهل فى فهمه لمايعنيه... فاتت على الأغبياء المتربصين خلف أبواب دور الصحف ناطين زى الكاوبويات ليصادروا و يمنعوا النشر كما بدا لهم و يمارسوا التشفى و السادية البشعة على الكلمة الحره ....... أقول فات عليهم فهم ما وراء مقالتك اليوم .... والله التنابله الأمنجيه ما فهموها !!!!! لأنهم أغبياء خلقه و تم إختيارهم لهذه المهنة بعناية فائقه بشرط أن يكون الــ I Q لديهم على أقل درجه قدره تحليليه ...و إلا ما كنا قرأناها الا تحت باب منع من النشر بس فى الراكوبه.... و كنت حرمت من الكتابة ......بس خازوق يعاملوك بأثر رجعى ....لذا النصيحه الأيام الجايه دى علق لينا على الكوره أو قول لينا بعض النكات الى ان ينسوا الموضوع .... تانى شكرا و بوركت....


#366490 [فاندام]
0.00/5 (0 صوت)

05-17-2012 09:01 PM
بدون زعل يعنىالضرة الصغيرة دى بتلعب برة


#366486 [فني لاسلكي برتبة مهندس ومفكر]
5.00/5 (1 صوت)

05-17-2012 08:44 PM
واضح انو الضرة الكبيرة الريس بتاعا عوير وما فاضي من الربة والهجيج ومستشارينا شتر


#366438 [سمبلة]
5.00/5 (2 صوت)

05-17-2012 07:26 PM
حلووووووووووووووة ، وملعوبة بحرفنة ،،، ولد ده


#366387 [اسكندر الكبير]
5.00/5 (1 صوت)

05-17-2012 06:32 PM
شكرا استاذ عووضةانت الوحيد الذي افتقده في السودان القديم الذي خرجت منه متعك الله صحة وعافيةونتمني منك زيارة جوبا ومشاركةبافكار النيرة في جمعيةالصداقة الشعبية الجنوبية/الشمالية السودانية.


#366367 [ابوطارق]
3.00/5 (2 صوت)

05-17-2012 05:52 PM
انا ما عارف لكن ود سيد وشيخ شيوخي جعفر قال يجيبو ثلاثة من الحكماء من اهل العجوز سعاد التي من المفترض تكون عاقلة وثلاثة حكماء من ناس الامورة جيهان التي قامت بجهلة يقعدو يحلو المشكلة دي والاسطونة المادايرة تنتهي دي علي العموم وصلت الفكرة


#366352 [ابراهيم1£2]
5.00/5 (1 صوت)

05-17-2012 05:34 PM
مقال رائع كله كنايات وتورية عل هؤلاء يفهمون ، امثال البشير والطيب مصطفى، نافع وعلى عثمان وإسماعيل لا يفهمون التورية ارجوا ان تقول لهم فى انفسهم قولا بليغا بالواضح المكشوف ،، والشعب السوداني ذكى وقد فهم المقال ،، فارجوا بتلك العبقرية ان ترسم خريطة لشباب السودان وبهذا المنوال للتجمع والثورة والانتفاضة التى صارت غاب قوسين او أدنى من غير ان يكشفها هؤلاء الأغبياء ويسعوا لإجهاضها ،، نحن فى اشد الحاجة لعبقرية ثورية لا مثيل لها فى العالم ،، نحن فى انتظار تلك الخارطة فهلا تفتقت عبقريتك ؟!!


#366333 [الجار]
5.00/5 (1 صوت)

05-17-2012 05:15 PM
لا تنسي ان سعاد تقذف (الصغيرة) بالفضلات و احيانا تستعير بعض فضلات الجيران البعاد في حال نفاد نفاياتها الغزرة


#366319 [واحد]
5.00/5 (2 صوت)

05-17-2012 04:54 PM
البشير ح يقول اي ي ييييي اولآ ومعه كل السودان


#366295 [jaaah]
3.00/5 (3 صوت)

05-17-2012 04:11 PM
هي كان ما خفتا و رقيصا دا
كان عرسو فيها


#366282 [زووووووووووووول]
1.00/5 (1 صوت)

05-17-2012 04:03 PM
you are one eyed الضرة الكبيرة وافقت على الزواج عليهابل حضرت الحفلة وباركت لكن الجديدة جحدت ونوت الش بثشجيع المجتمع الحاقدالغريب ان اولاد الزوجة الاولى مبسوطين لخراب بيتهم


#366273 [عدو الاخطاء الساذجة]
5.00/5 (2 صوت)

05-17-2012 03:54 PM
مقال موغل في الذكاء .. ولكنه موجع .. ليتهما (الضرتان) تقرأنه وتتفاديا صرخة غير مطلوبة يمكن ان تُستبدل بضحكة طلقة ومستبشرةوعيشة رغدة وهنية لكليهما.
كالعادة يأتلق قلم الاستاذ عووضة بمنطقه الواضح الصريح


#366268 [فاتن]
3.00/5 (2 صوت)

05-17-2012 03:47 PM
يا عمو صلاح بالعكس .. هذه معركة فى غير معترك والكاسب فيها خسران ..
و ظنى ان ياتى يوما على الحجة سعاد لغباءها وعنصريتها ان ينقلب عليها شعب بيتها المتهالك كما فعل ابناء فاتن حمامة و رشدى اباظة بان خرجوا عليها بالعصيان المدنى مطالبين..الشعب يريد اسقاط النظام .


#366216 [المتجهجه بسبب الانفصال]
4.38/5 (6 صوت)

05-17-2012 03:03 PM
رائع وشكرا على الرمزية التي اختصرت الحال بين السودان العجوز والجنوب الشاب،،، وليتك أضفت أن سعاد قامت بتحريش أصحاب دكاكين الحي بأن لا يبيعوا لجيهان أي شيء وإذا فعلوا ستحرض عليهم ناس الحي بحكم قدمها فيه ألا يشتروا منهم وطردهم من الدكاكين (( على أساس قانون الخيانة الوطنية وشووت تو كل))


#366205 [Shah]
5.00/5 (6 صوت)

05-17-2012 02:51 PM
الغريبة الضرة الكبيرة دى رقاصة جنس رقيص.


#366202 [ياسين]
5.00/5 (3 صوت)

05-17-2012 02:49 PM
ايه الفن الراقى ده ياستاذ عووضة
قواك الله يا رجل
انا خايف الكبيرة بي هبالتها دى يقوموا يطلقوها بالتلاتة
بعدين تجي اللجاويد شيلك ختك يفتشوا لي حل للهبلة الحمارة ام بدوى
ما يلقوا الحل الا بي محلل
تجوا هنا تلقوا الباقي والحل في
مسرحية الواد سيد الشغال في حتة لا تخطر علي عقل بشر


#366180 [ساسو]
5.00/5 (1 صوت)

05-17-2012 02:36 PM
سعاد وجيهان عرفناهم، الزوج منو؟ سابو أمبيكى ولا على عثمان؟


ردود على ساسو
United States [Sambo ya Bambo] 05-17-2012 07:09 PM
لا هذا ولا ذاك، جنرال سمبويا، ها ها ها ها!!!!!!!!!!!!!!!!!


#366173 [الحقيقة]
4.00/5 (3 صوت)

05-17-2012 02:32 PM
سعاد وجيهان ؟؟؟؟؟؟؟؟؟؟؟؟؟؟؟؟؟
قول الكلام عديل يازول واركب التونسية بعيون قوية


ردود على الحقيقة
United States [الماذون] 05-17-2012 03:53 PM
مش كفاية الان ابو الرجال فيصل محمد صالح فى بيت الطاعة عفوا (الاشباح).. وربنا يحسن خلاصه ..


#366145 [خربشوف]
4.75/5 (4 صوت)

05-17-2012 02:08 PM
والضرة الكبيرة رغم تعليمها ورغم السنين الزوجيه ال23 عويرة ومابتعرف تتكلم وحينما تتكلم الجيران
تموت من الضحك .. يعنى هبله وزوجها اهبل منها وصغارهم بره الشبكة .. ابداع ياعوووضة لك التحية


#366134 [ابراهيم]
1.00/5 (4 صوت)

05-17-2012 01:59 PM
انا لا احب كتابات عووضة و انا انقاذي الهوى و الهوية و لكني سأخرج الى الشارع اذا تم رفع الدعم عن المحرقات و لتذهب النقاذ الغبية المتكبرة المتجبرة في ستين دهية ، عيب النقاذ انها لا تشعر بخطورة هذا الامر و انا اقول هذا الكلام مشفقاً لا شامتاً و لكن بعد صدور القرار سأنضم للشامتين و سنرى الفوضى تعم و النظام يتراجع عن قراره الاهوج و لكن بعد فوات الاوان ياخي الناس ديل وقفنا معهم في الانتخابات و كانت الاوضاع تبشر بالخير و التنمية مستمرة لكني الان ابشر المعارضة بجيوش جرارة من انصار الوطني الذين سيملأون الساحات لان العهد الذي بيننا و بينهم رفع المعاناة ومن زادها فقد كفر و قرار رفع الدعم يضاعف المعاناة الحالية وو الله لن نسكت لن نسكت لن نسكت و للوطن رب يحميه فلتذهب الانقاذ غير مأسوف عليها ان زادت معاناتنا بمثل هذا القرار الاهوج الذي هو بمثابة هدية من الوزير للمعارضة التي لا نحبها ولكننا مضطرين للقاء معها في الساحات عسى ان تكون بديلاً افضل رغم شكي في ذلك و لكن المضطر يركب الصعب


ردود على ابراهيم
United States [واحد] 05-17-2012 04:57 PM
ابراهيم ما تكب الزوغه

United States [Shah] 05-17-2012 02:52 PM
والله يا جنا أتا كضاب جنس كضب.

United States [ابن آدم] 05-17-2012 02:44 PM
شهد شاهداً من اهلها
والحمدلله


صلاح الدين عووضة
صلاح الدين عووضة

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة