المقالات
السياسة
ارشيف مقالات سياسية
ركاكة الأعلان في اعلامنا السجمان
ركاكة الأعلان في اعلامنا السجمان
05-17-2012 09:23 PM

ركاكة الأعلان في اعلامنا السجمان

ياسين الصباغ
[email protected]

لا يخفى المتتبع للقنوات الفضائية الكثيرة جدا عربيها واعجميها الطفرة التكنولوجية المهولة التى اثرت ايجابا على كلما تقدم من برامج مختلفة المشارب والاغراض - وكيف ان هذة البرامج سرقت كل المشاهدين السودانيين هروبا من ( فقع المرارة) الذى تنشط في تقديمه لنا اجهزة اعلامنا المرئية والمسموعة من اسفاف وتكرار ممل حد الملل .

وكان طبيعيا ان ينعكس ذلك التدني علي ما تقدم اجهزتنا من مواد اعلانية ترويجية لسلع وبضائع وخدمات وخلافه فاصبحت تلك المواد علي علاقة راسخة بالرموت كنترول فتجد الاصابع في حركة هستيرية سريعة جدا تتسابق للتخلص من المادة اياها وهذا - لعمري- ينعكس كرها للسلعة او الخدمة موضوع الا علان .
(فاصل ونواصل )
-اعلنتـــــــــــونا بي شحنة مهازل
- وكان يا ولدي جاك واحد خيالو مريض بعيد عن الابداع والخلق ادي بالعكاز ده في نص راصو خليه يجيه نزيف داخلي يريحنا منو

(عدنا)

ما عارف البنفذ الاعلانات دي منو اكيد ديل ناس ما عندهم اي علاقة بهذا المجال ؛البقت ليه مدارس وعلوم واصول يقوم عليها ودراسات مكثفة لمن يقدم لهم هذا الاعلان بشرائحهم المختلفة وعلي ضوء هذه الدراسة من متخصصين ياتي دور مؤلف الاعلان على ان يكون ذا خيال خصب وعارف لنفسيات الشرائح التي يقدم لها الاعلان ويعرف ان ما يقدم في الا جهزة المسموعة لا يصلح لان يقدم في المرئية -فياتي بعد ذلك دور المخرج والفنيين وبروح القروب تتم عملية التنفيذ واكيد ما حيكون اعلان طارد زي الاعلان البصور المنتج العايزين يعلنو عنو اسفل الصورة ويأشروا ليه من بعيد ويقعدوا ينقوا في كلام ممجوج بايخ - ولا الجاعوا وكل واحد شايل شوكة في السفرة منتظر الرحمة تجيه من واحدة من نجوم الغد تؤدي لحنا اشبه بلحن متسول مشهور من مواطني نيجريا كان في ام درمان وكان يردد : اجرو من الالا مسكي للالا)والمعني في قلب المتسول.


تعليقات 6 | إهداء 0 | زيارات 1757

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#367844 [مصطفي]
0.00/5 (0 صوت)

05-19-2012 11:47 AM
شنو متسول مشهور من نيجيريا يعني مافي سوداني شحاد ماالغالبية مسحوقة ياالصباغ ما كفاية والي سناركلكم الطيب مصطفي عنصرة وكلام فارغ بتشبهنا الإعلانات دي لانو دا حال بلد بي حالا وشوف موضوع اكبر من إعلانات وإنتة بتشاهد قنوات السودان مالك جيب كرت


#367223 [abubakr]
5.00/5 (2 صوت)

05-18-2012 05:46 PM
خليك من إعلان "حنة الشمس المشرغة"دا حاجة تانية خالص.


#366919 [هيثم دياب]
5.00/5 (1 صوت)

05-18-2012 11:38 AM
بمناسبة الاعلان عليك الله قول لناس النيل الازرق فكونا من الراجل بتاع الاعشاب سوا لينا المرارة الراجل الزلمي ده طردوه من بلدو لقا الجو مناسب هنا عندنا يروجو ليهو لي دجلو مفروض يكون في رقابة من وزارة الصحة علي الاعلانات الدوائية دي والكتير محلول هير وكم واحد بتاع اعشاب


#366735 [الحلفاوي]
5.00/5 (2 صوت)

05-18-2012 04:35 AM
باستثناء اعلان زادنا


ردود على الحلفاوي
United States [منى] 05-20-2012 12:53 PM
وجميع اعلانات زين


#366574 [ابراهيم الكدرو]
5.00/5 (2 صوت)

05-17-2012 11:27 PM
فعلا إعلاناتنا شئ مخجل زي كورتنا!!


#366556 [حسام]
5.00/5 (2 صوت)

05-17-2012 11:07 PM
دايرين تونا
وينا التونة
جوعتونا
جننتونا :(


ردود على حسام
United States [ahmed] 05-18-2012 04:56 AM
يا اخي الكاتب قال ما تقلدوا وقال اعملو ليكم اعلانات مرتبطة بالشعب السوداني يعن بدل التونة قول دوم ..لالوب.. قنقليز.. جلاجيج............انحنا الحررنا هجليج


ياسين الصباغ
ياسين الصباغ

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة