رئيس أو فطيس!!
12-31-2015 10:13 AM



*رئيس وزراء إسرائيل السابق حُكم عليه بالسجن..
*حُكم على إيهود أولمرت بالحبس لعام ونصف العام..
*وسبب الحكم تلقيه رشوةً هي بواقع ما يحدث عندنا (لعب عيال)..
*وأعني بـ(عندنا) دول عالمنا الإسلامي..
*لم تحل دون محاكمته حصانة ولا واسطة ولا تدخلات من وزير العدل..
*أي لم يسحب وزير العدل ملف قضيته ليلقي به في (غياهب الجب)..
*ولم تشفع له قداسة منصبه السامي..
*فلا قداسة في إسرائيل سوى للتوراة و(القانون)..
*ولا كبير لديهم على القانون أبداً..
*ورئيس دولتهم نفسه خضع لتحقيق جراء اتهام سكرتيرته له بالتحرش بها..
*خضع لتحقيق قاسٍ كاد أن يكره معه جنس النساء..
*وأظنه استبدل مديرة مكتبه برجل قفلاً للباب الذي (تأتي منه الريح)..
*فالرئيس هناك لا يعصمه منصبه عن المحاسبة..
*وهو منصب مؤقت لا يُخرق له الدستور بغرض التجديد..
*ولكن من الرؤساء عندنا - في عالمنا الإسلامي- من (يتسمرون) على الكراسي..
*فالرئيس ؛ إما رئيس هو وإما (فطيس)..
*يعني إما أن يبقى رئيساً وإما أن (يفطس موتاً) كما القذافي..
*ويمكن أن (يفطس ذلاً)- كتعبير مجازي- مثلما حدث لمبارك وبن علي وعلي صالح..
*وما بين حالتي كونه رئيساً و(فطيساً) فهو لا يدخل المحاكم (خالص)..
*لا متهماً ، ولا شاكياً ، ولا شاهداً ، ولا حتى زائراً..
*فهو فوق القانون إن لم يكن (القانون ذاته)..
*وصدقاً أنا لا أصوب نظري داخلياً هنا تنزيهاً للآخرين..
*فهي (منقصة دينية) لا تكاد تخلو منها دولة إسلامية..
*وتتفوق علينا إسرائيل-غير الإسلامية- تفوقاً (محسوداً) في الجانب هذا..
*وتُذكِّرنا - مع كامل الغصة في حلوقنا- بقصة نسردها ولا نطبقها..
*أو بالأحرى ؛ لا تطبقها حكوماتنا الإسلامية رغم تبجحها بشعارات الدين..
*قصة أمير المؤمنين علي مع خصمه أمام القاضي..
*القصة التي رفض فيها علي- رضي الله عنه- تمييز نفسه بالجلوس..
*ثم انصياعه لقرار القاضي ما كان سبباً في إسلام خصمه (اليهودي)..
*وللسبب هذا تنتصر (دويلة) إسرائيل على (دول) المسلمين كافة منذ سبعين عاماً..
*تنتصر عليها رغم دعاء المساجد عليها - ليل نهار- بالهلاك..
*فالله ينصر الدولة العادلة - كما قال ابن تيمية- وإن كانت كافرة..
*ولا ينصر الظالمة وإن كانت مسلمة..
*ومن آيات الظلم أن يعصم الحاكم نفسه من المساءلة..
*وأن يتحصن - هو وأركان نظامه - بالحصانات..
*وأن يكون هو القانون ، والقانون هو..
*وذلك طوال ما ظل هو رئيساً..
*وليس (فطيساً !!).


تعليقات 13 | إهداء 0 | زيارات 4750

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1393937 [جبة جابر]
5.00/5 (1 صوت)

12-31-2015 08:57 PM
يا عووضة طعنك فى الضل تمام رئيسنا ماخد تأبيدة فى الكرسى. ... يا جماعة الخير ما تشفو الكرسى دا فيه شنو مثبت بشة قدر كدا؟؟؟؟

[جبة جابر]

#1393915 [عصمتووف]
5.00/5 (2 صوت)

12-31-2015 08:22 PM
بس اموت و اعرف بستوردو اللزاق ده من وين

[عصمتووف]

#1393906 [عبد الحليم]
5.00/5 (1 صوت)

12-31-2015 08:02 PM
يا جماعة التوراة ما فيه فقه السترة و لا فقه التحلل ؟
غشان كدا اليهود مشكلتم كبيرة --- كان واحد مسؤل ( أكل ) شوية يجوا يطروشوه كل الاكلو قديم و جديد ---

[عبد الحليم]

ردود على عبد الحليم
European Union [alkals] 01-04-2016 06:32 AM
الاخ عبدالحليم وهل فى القران الكريم اكل اموال بالباطل وتحلل وسترة انما ابتدعوها ليحللو اكل اموال الشعب بالباطل والتوراة الحالية محرفة ولا يعمل بها اليهود اصلا بالرغم تحريفها


#1393901 [خالبوش]
3.00/5 (1 صوت)

12-31-2015 07:48 PM
معظم زعماء الدول الإسلامية فطايس حتى وهم في الحكم

[خالبوش]

#1393858 [سودانية]
5.00/5 (1 صوت)

12-31-2015 05:32 PM
ياسيدي الرسول عليه الصلاة والسلام مات ودرعه مرهونة عند يهودي ...الشيوعية ماكضبو لما قالو الدين افيون الشعوب ...والكيزان سطلو الشعب سطلة دينية رابطة ربط صاح ...اي واحد مستني يومو يتم عشان يدخل الجنة ...طيب ماشين تقولوا شنو لي الله ...اوع تكونوا عايزين تقولو كنا مستضعفين في الارض ...غايتو احنا هاجرنا فرارا بديننا
كل سنة وانت جريء وشجاع وحريف وكايدهم

[سودانية]

ردود على سودانية
[nadus] 12-31-2015 11:15 PM
مرحبتين بلدنا حبابا حباب النيل حباب الغابة ..
نحن بلدنا بى خيراتا والبلد البتشبها ياتا .
هى حياتنا ونحن حياتنا ....
سودانية ازيك فى غربتك وكل سنة وانتى طيبة ... هذا اولا
ثانيا شردتى وين ؟؟؟
اخيرا ..نحن لو سطلونا كان اتخدرنا واتحملنا ... لكن ديل بياكلونا حيييييييييييين..نسوى شنو ..
الله يحفظ البلد دى من الجاى


#1393773 [أخر محطة]
4.00/5 (1 صوت)

12-31-2015 02:47 PM
يازول انت ماعارق الحقيقة بتزعل ولاشنو ............!؟

[أخر محطة]

#1393742 [زول قرفان]
5.00/5 (1 صوت)

12-31-2015 01:48 PM
لكن يا عووضة عندك جنس حرفنة .. تنفع دبلوماسي

[زول قرفان]

ردود على زول قرفان
[nadus] 12-31-2015 06:56 PM
دبلماسية(صحفية) مالو ومال القراية ام دق؟؟؟


#1393741 [فكرى]
5.00/5 (1 صوت)

12-31-2015 01:47 PM
إقتباس ..
1/ وأعني بـ(عندنا) دول عالمنا الإسلامي..
2 /ولكن من الرؤساء عندنا - في عالمنا الإسلامي-
3 / *وصدقاً أنا لا أصوب نظري داخلياً هنا تنزيهاً للآخرين..
4 / فهي (منقصة دينية) لا تكاد تخلو منها دولة إسلامية..

مع تحيات .. أنا عايز أعيش

[فكرى]

ردود على فكرى
[nadus] 12-31-2015 06:59 PM
التوضيحات لزوم التحقيق لو حصل .. بعدين لو كتب غير كدا بتلطش ويشمعو الجريدة.. خلى الراجل يقزقز ونحن نتسلى ... احذف المادايره تقلى الموضوع ظبط معاك


#1393723 [تكس راجع]
3.00/5 (1 صوت)

12-31-2015 01:19 PM
ياعم المعلم الكبير ذات نفسو!!!!!!!!خلينا فى العسكرى الاسبليطة ابهدل بل يقتل من غير وحه حق اطلع براءة ...smile u r in sudan

[تكس راجع]

#1393683 [samer]
5.00/5 (3 صوت)

12-31-2015 12:23 PM
سوف يصير فطيسه و العبرة فى فرعون

[samer]

#1393681 [abuahmed]
0.00/5 (0 صوت)

12-31-2015 12:21 PM
اقتباس

وأعني بـ(عندنا) دول عالمنا الإسلامي


ياراااااااااجل اثبت افو

[abuahmed]

#1393627 [صالة المغادرة]
5.00/5 (1 صوت)

12-31-2015 11:09 AM
جنس النضم ده الجاب الهواء لعثمان ميرغنى يا عووضة هاجر خارج السودان وانضم ما شاء لك النضم ونحن خايفين عليك يلحقوك محمد طه مش امات طه والشىء بالشىء يذكر فقد حكى لى احد الاصدقاء بقصة طريفة جدا سمعها من خاله بان احد العمد حاكم لص سرق غنماية من احدى النساء وقام العمدة بتوقيع عقوبة الغرامة والسجن على السارق وتم ارساله الى السجن ليقضى فترة العقوبة وصباح اليوم التالى جاء مفتش المركز الانجليزى واسمه مستر هانكوك وسال اللص المحكوم عن جريمته فقال له والله ياجناب المفتش انا زول جعان والغنماية دى ضبحتها فى بيتى وما قبضونى عارض اللحمة فى جزارة او انداية انا الجوع اجبرنى فقام المفتش على الفور باطلاق سراحه ونحه جوال عيش ومبلغ من المال وحذره من السرقة وعاد الى اهله مبسوط وفرحان للطيش وعندما راه العمدة فى السوق قال ليهو هربت من السجن يا حرامى فرد اللص على العمدة فورا والله ياعمدة الكفار احسن منكم فهذا هو الاسلام الذى طبقه الفاروق عمر فى عام الرمادة مش عمار الخازوق بتاع عصابة هى لله خلفاء ابليس فى الارض

[صالة المغادرة]

#1393623 [الجقرم]
0.00/5 (0 صوت)

12-31-2015 11:07 AM
مااااااا تغطغط
تعال عدييييييييل بالدرب

[الجقرم]

صلاح عووضة ‎
صلاح عووضة ‎

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة