هل للرئيس زوجة ثالثة؟ا
09-22-2010 04:22 PM

إستفهامات

هل للرئيس زوجة ثالثة؟

أحمد المصطفى إبراهيم

عند كل شروق شمس، تمتلئ الأكشاك بتلال من الصحف السودانية ، بتقسيماتها المعروفة: سياسية (الصحافة ، الأيام ، الرأي العام ، التيار...) رياضية (الصدى ، الزعيم ، السوبر ، المريخ ، ...) ، اجتماعية (حكايات ، الدار ، ...) وأضيفت لها مؤخرا ما سمي بالصحف الفنية (فنون ، ... )، ولكل هذه الصحف جمهورها الذي يدفع شراء أو إيجارا ، حسب مقتضى الحال ، رقة أو يسراً. والصحف تجد وتجتهد لإشباع نهم القارئ ، وجذبه بشتى السبل، في إطار المنافسة لكسبه .. والذي يجعل من قراء الصحف سوقا محدودا : الأمية .. الأحوال الاقتصادية .. طبيعة العمل أو المنطقة التي يوجد فيها القارئ.. تغير المزاج من القراءة للمشاهدة أو الاستماع .. منافسة الصحف الإلكترونية للصحافة الورقية .. إلخ من العوامل الممكنة والمحتملة. وهذا التنافس على القراء دفع ويدفع الصحف إلى استقطاب كبار الصحفيين والكتاب مما أدى إلى تحولات الأقلام (الذهبية) بين الصحف ، وهذه الظاهرة تبدو أكثر وضوحاً في الصحف السياسية والرياضية (البوني ، خالد عزالدين ، ...) ، بينما اتخذت الصحافة الفنية حيل المجلات العربية والعالمية للترويج لنفسها وسلعتها بصور وأخبار النجوم وجعلهم واجهة للصفحات الأولى منها. أما الصحافة الاجتماعية فأمرها عجب .. فقد راجت بضاعتها وسط هواة الفضائح وأخبار الجريمة .. وعمدت بشكل كبير للإثارة كوسيلة لجذب القراء .. والإثارة وإن كانت مطلوبة .. فتبقى مطلوبة بقدر الملح في الطعام ، فإن زاد فسد الطعام .. وأمثلة الإثارة في الصحافة الاجتماعية أن تجد قصة عن الشيخ الرئيس (ابن سينا) مثلا .. ومعنون لها بالعنوان الذي اخترناه لهذا الموضوع. وأخيراً .. هل تراني حذوت حذوهم وأثرت فضولك بالعنوان أعلاه .. معليش! عبد الرحيم إبراهيم الصديق تعليقنا:- القطعة بل التحفة منقولة من منتدى المعيلق.هذه المنتديات على الانترنت كثيرة جدًا ما من منطقة إلا ولها منتدى والفكرة قادمة من المغتربين المتوفرة الانترنت لهم وبسعر رخيص وربطوا بها أنفسهم بمناطقهم وبدأت بالأخبار الاجتماعية. أخيراً صارت متنفساً لناشئة الأدباء والشعراء والمبدعين ليتباروا في إبداعهم الذي لم يجدوا له وعاء وبدأت تعج بمبدعين – كالكاتب أعلاه – وهذه ساحات تدريب طيبة للصحافة والأدب والعلم وتبادل المعلومات. صراحة هذه المنتديات تجربة تستحق الدراسة والوقوف عليها ويمكن أن يتصدى لها باحث ويخرج لنا بدراسة مناطق كثيرة ويقارن بينها أو أي دراسات أخرى.

التيار


تعليقات 7 | إهداء 0 | زيارات 2397

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#26313 [وحيد]
0.00/5 (0 صوت)

09-23-2010 04:09 PM
حيرتنا بالعنوان افتكرنا احد شباب النظام \" بعث\" في مهمة علي طائرة .... راجعنا اخبار حوادث الطيران في الشهور الفاتت لكن ما لقينا شئ و رجعنا تاني للمقال لنعرف


#26255 [masad]
0.00/5 (0 صوت)

09-23-2010 01:53 PM
لريس نايم وانت حايم عندو اتنين وانت تكابس في حق الناس الاساء عندها حساب ستعلمه بعد حين ;) ;)


#26139 [samir ali almadani]
0.00/5 (0 صوت)

09-23-2010 08:41 AM
انت عملت شنو يعني ماكتبت عنوان برضو زيهم علشان تجزب الناس

يابربراوى انت مافى معلوم ؟
الأستاذ كلامه واضح وماعايز درس عصر
;) ;) ;) ;) ;) ;) ;) ;) ;) ;) ;) ;) ;) ;) ;) ;) ;)


#26122 [yuram]
0.00/5 (0 صوت)

09-23-2010 04:03 AM
ها ها ها قال الثالثة قال
خلى يجيب اولاد فى الاولى والتانية
وبعدين يفكر فى الثالثة و قبل دا كلو خلى يخلص من لاهاي
ها ها ها
هو بالله قادر ينوم باليل كوابيس وكده
ناس ابو كباس و و و و
عشان كدا بنقول بشو مالو كلما اوكابمو يتحدث عن ضحايا دارفور بالاخص اطفال ونساء تلقى بشو فى الشاشة ينطط و يجقلب و رقص رقصة الربط وبعد داك يصرخ و بالصوت عالى جزمتى و و و
نظام حسد وكدا
لاهاي لاهاي لاهاي
والثالثة ان شاالله فى لاهاي


#26062 [حامدابوعبدالمجيد]
0.00/5 (0 صوت)

09-22-2010 08:34 PM
خلعتنا نسيتنا السلام المعتادين عليهو فى الراكوبة دى سلامات يااخوانى
تعرف من قريت العنوان مسكتنى ام راجوفه وريقى نشق وعرقت عرق بارد زى التلج بجينى لحظات الخوف الشديد وامتحانات المرحلة لى مرحلة مالك علينا يااخوى
ماخلصنا من الخم واللم بتاع وداد وحاشيتها الكريمة جايب لينا واحدة تالتة كمان ونحن على ابواب استفتاء وانفصال والموارد شحيحة ومشروع الجزيرة قطارو طلع بره المسار يجيبوليهم من وين قروش غايتو الا يطبعو ساكت ويدوهم او اقتراح تانى اكثر فعالية يدوهم المطبعة ذاتها يطبعو ويدونا
وبالنسبة للدراسة السيسيولجية بتاعت المنتديات دى امسكو الخشب ساكت الشعب السودانى كلو قاعد بره السودان وعلشان كده الجماعة قاعدين يفكرو يستوردو شعب يحقق طموحهم بالحكم الى مالانهاية ووقع اختيارهم على الصينين باعتبارهم ممكن يكونو اهل ياجوج وماجوج او الفراعنه فى مصر علشان الحنك بتاع الزراعة
زمان نميرى الله يرحمو شابكنا اللاجئين اللاجئين لحدى ماهو ذاتو بقى لاجئ هسع البشير شابكنا المحكمة تحت جزمتى والكديسة مابنسلمها ان شاء الله هم ذاتم
.........................تصبحوا على وطن


#26061 [عبدالمنعم ]
0.00/5 (0 صوت)

09-22-2010 08:29 PM


توهتنا يا استاذ ولم نفهم شيئا !!!!


#26054 [بربراوي]
0.00/5 (0 صوت)

09-22-2010 08:05 PM
انت عملت شنو يعني ماكتبت عنوان برضو زيهم علشان تجزب الناس


أحمد المصطفى إبراهيم
أحمد المصطفى إبراهيم

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة