إنتو رايكم شنو؟
06-11-2012 11:26 AM

إنتو رايكم شنو؟

الفاتج جبرا
[email protected]

بينما كان النقيب أحمد بهاء الدين الضابط بإدارة تأمين الطرق والمنافذ يتفقد الحالة الأمنية على الطريق السريع، شاهد سيارة تقف على جانب الطريق فتوجه مع قوة الشرطة لفحصها، وتبين أن بداخلها شخصًا وفتاة فى وضع مخل بالآداب ـ بحسب رواية النقيب ـ فتم ضبطهما واقتيادهما لقسم شرطة (طوخ) حيث قامت الأجهزة الأمنية بتحرير محضر بالواقع حمل رقم 5794 إدارى مركز طوخ لسنة 2012 !

كان من الممكن أن يكون هذا حدثاً عادياً لا يثير إهتمام صحيفة اليوم السابع الذي قامت بنقله

أو يثير إهتمام الإعلامي (وائل الأبراشي) مقدم برنامج (الحقيقة) على قناة دريم المصرية والذي قام بعرض مقطع فيديو (لعملية القبض)

بالفيديو النائب البرلمانى على ونيس اثناء القبض عليه بصحبة الفتاة العارية فى السيارة


، كان من الممكن ألا تثير هذه الحادثة أى شخص وتمر مرور الكرام لولا أن الشخص الذي تم اتهامه بارتكاب فعل فاضح فى الطريق العام بعد أن تم ضبطه مع الفتاة هو النائب البرلماني (السلفى) عن حزب النور (على ونيس) !
طيب ماذا قال أمين الشرطة الذي قام بعملية الضبط في أقواله أمام النيابة :
قال أمين الشرطة ماهر محمد نصر، من أفراد قوة الطرق والمنافذ، إن أفراد القوة شاهدوا مساء الخميس، سيارة هيوانداى ماتريكس، متوقفة فى منطقة مظلمة، وعندما ذهبوا لاستطلاع الأمر فوجئوا برجل وامرأة فى وضع مخل، وعندما اقتربوا منهما وجدوه رجلاً بلحية وبصحبته فتاة، وباستطلاع الأمر تبين أنه الشيخ على ونيس عضو مجلس الشعب وبرفقته فتاة، فطلبنا منهما النزول من السيارة، إلا أن عضو مجلس الشعب رفض، وعندما كررنا الطلب مرة ثانية ثار النائب، وقام بالتعدى علىَّ باللفظ فيما قال مهدى عبد الغفار، أمين الشرطة الثانى من أفراد القوة، فى أقواله، بعدما تأكدنا من شخصية النائب، قام بتهديدنا بأنه نائب برلماني، فيما قالت الفتاة إنها خطيبة النائب وأنهما سيتزوجان قريباً.
طيب .. ماذا كانت أقوال (شيخ ونيس) :
انكر (شيخ ونيس) ان يكون هناك اي وضع مخل وبان الفتاة (23 سنة) هي خطيبته وقد اضطر لايقاف السيارة على جانب الطريق كونها كانت بحالة اعياء وكان في تلك اللحظة يحاول ان يصحيها من الاغماء لهذا كانت تبدو وكأنها في حضنه كذلك اضطر ان يخلع نقابها ليرش عليها المياه عندما داهمتها دورية الشرطة... بينما تراجع عن أقواله بعد ذلك، وقال إن الفتاة ابنة شقيقته.
وحصل "اليوم السابع" على مقطع فيديو لـ"الشيخ على ونيس" عضو مجلس الشعب، يروى فيه تفاصيل الواقعة فى أحد المساجد، قائلاً: إن ما تعرض له هو محض افتراء، مشيراً إلى ما حدث هو أنه أثناء عودته من مدينة بنها هو وبنت شقيقته تعرضت الفتاة لحالة إعياء ووقف على جانب الطريق لإسعافها وأثناء ذلك قامت قوت الشرطة بطرق باب السيارة بشدة وحدثت مشادات مع أحد أفراد القوة، وقامت القوة بالاتصال بالقيادات وانتظرت فى موقع الحادث.

قصة الشيخ على ونيس


تجدر الإشارة أنه بعد هذه الحادثة خرجت أعداد كبيرةً من المنتمين للتيار السلفى مسيرات لدعم الشيخ على ونيس قائلين بأن هذا الحادث حادث ملفق قصد به النيل من النائب .
العبدلله رأيو إنو الحادث ده ملفق وإبن ستين ملفق وهاكم الأدلة :
- أولن بالتبادي المتهم شيخ سلفي والسلفية ديل السلام باليد عندهم فيهو رأي كمان جابت ليها وقوف عربات في طريق سفري وبالليل كمان وخلوة غير شرعية؟
- الشيخ قال البت (خطيبتي) وتاااني رجع من كلامو وقال لا (دي بت أختى) وده شئ عااادي إنو في (الزنقات) المتل دي الزول لا يعرف خطيبتو من بت أختو من الشيطان ذااااتو !
- الشيخ قال إن البت كانت في إغماءة عشان كده فتح النقاب عن وشها وقعد يرش ليها في مويه عشان تفيق ومفيش حد يسأل طيب ليه البت كانت واعية (والإغماءة القالا الشيخ فكت؟) لمن الشرطة جات؟ لأنو الإجابه ببساطة إنو البت وهي (مغمن عليها) قامت شافت الشرطة والإغماءة فكت منها !
- بعدين لازم نعرف إنو الشرطة دي كانت عااارفه إنو بت أختو دي ح تجيها إغماءة في الحتة دي بالتحديد عشان كده قامت (حرستم) في الحته دى بالذاااات عشان تشوه صورتو وصورة الإتجاهات الإسلامية وكده !
- طيب ممكن حد (حاقد) يسأل : الشيخ قال دى بت أختو بينما في شريط الفيديو التي عرضته قناة دريم البت كانت بتقول بصوت مسموع (الشيخ ح يتزوجني) .. طيب حد يتزوج (بت أختو) ؟ والإجابه على السؤال ده بسيطة لأنو أى شئ في الزمن الردئ ده ممكن !
- وعشان العبد لله يبرهن ليكم إنو القصة دي ملفقة ومحض إفتراء فـ(شيخ ونيس) لديه زوجتان (في عصمتو) وبالتالي مش ممكن يعمل عملية بايخة ذي دي !
- أها إنتو رايكم شنو؟

كسرة :
الشقي يلاقي الدورية في الطريق السريع !

كسرة ثابتة :
أخبار خط هيثرو شنو(ووو ووو)؟


تعليقات 45 | إهداء 1 | زيارات 11102

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#391123 [نصيحة]
0.00/5 (0 صوت)

06-13-2012 04:22 AM
إخواني أود أن انبهكم لامر مهم :
1.كرهكم للحكومة لا ينبغي ان يكون مبررا لاتهام كل ماهو إسلامي "فهم لا يمثلوا الاسلام " وانما هم قوم أدعوا كذبا وبهتانا تطبيق الشريعة والحكم بالاسلام , والاسلام بريئ منهم, فلو أن احدهم اشترى سيارة حديثة فصدم بها الحائط او قتل بها أحدا فاننا لانعيب السيارة وانما نعيب هذا الجاهل الذي اساء استخدامها, ما اردت قوله الخلل في من ادعى الاسلام وليس في الاسلام نفسه وبترديدنا لمثل هذه القصص نعمل على تشويه صورة الاسلام.حاربوا الانظمة الفاسدة والمنافقين ومن يتاجر باسم الدين ولا تحاربوا الشريعة "ومن أحسن من الله حكما لقوم يوقنون ) آية 50 المائدة .
2. هذه قصة حقيقية كانت ام مدبرة انما اريد بها اتهام الاسلام والطعن في الشريعة فانتبهوا يامسلمين قال رسول الله صلى الله عليه وسلم "إن أحدكم ليتكلم بالكلمة من سخط الله ما يظن أن تبلغ ما بلغت فيكتب الله عليه بها سخطه إلى يوم يلقاه" وقال كذلك "إن الرجل ليتكلم بالكلمة لا يرى بها بأسا يهوي بها سبعين خريفا في النار", فاتقوا الله.
3. إن كانت القصة حقيقة فهذا لايمثل قدحا في الاسلاميين وإنما كل ابن آدم خطاء، وخير الخطَّائين التوّابون فهو ليس معصوم وهذه تحسب عليه لا على التيار الاسلامي.
4. ربما يكون الرجل بريئ والمتهم بريئ حتى تثبت ادانته والتحقيق في القضية مستمر فربما كانت هذه مكيدة المراد منها القدح في السلفيين ولكم ان تنتبهوا الى التوقيت الحرج اي قبل جولة اعادة الانتخابات بايام قليلة , فإن كان برئيا فقد رميتموه والفتاة " وتحسبونه هينا وهو عند الله عظيم " واليكم هذا الفيديو : http://www.youtube.com/watch?gl=RU&v=F98AlI7HKAQ بعنوان تدليس وتضليل الابراشي المتعمد ضد الشيخ علي ونيس وكذلك بامكانكم مراجعة موقع الشيخ علي ونيس ومطالعة الادلة والاثباتات التي تأكد براءة الرجل وعلى العموم ارسل التسجيل الصوتي لخبير صوتيات للتأكد منه وفي مثل هذه الامور الاولى التحوط والتأني وعدم سب وقذف المسلمين وندع الايام ترينا من الصادق ومن المفتري.
5. والله ما أفلح المسلمون قط مذ تركوا العمل بهدي القران وتطبيق الشريعة قال عمر بن الخطاب "نحن قوم أعزنا الله بالإسلام متى ابتغينا العزة بغيره أذلنا الله" وقد كان ويكفي دليلا على صلاحية الشريعة لكل زمان ومكان مناداة الغربيين بتطبيق النظام الاقتصادي الاسلامي في بلادهم لتفادي الازمات الاقتصادية وشهادة البنك الدولي وكبريات المؤسسات الماية بنجاح النظام الاقتصادي الاسلامي الفضل ما شهدت به الأعداء واليكم هذا الفيديو كمثال بعنوان مناداة الغرب بتطبيق الشريعة الإسلامية في الإقتصاد :
http://www.youtube.com/watch?v=m1gZdHLH4-E
6.نحن كمسلمين مأمورون بتحكيم شرع الله فلانجاة إلا به قال تعالى : وَأَنِ احْكُمْ بَيْنَهُمْ بِمَا أَنزَلَ اللَّهُ وَلا تَتَّبِعْ أَهْوَاءَهُمْ وَاحْذَرْهُمْ أَنْ يَفْتِنُوكَ عَنْ بَعْضِ مَا أَنزَلَ اللَّهُ إِلَيْكَ فَإِنْ تَوَلَّوْا فَاعْلَمْ أَنَّمَا يُرِيدُ اللَّهُ أَنْ يُصِيبَهُمْ بِبَعْضِ ذُنُوبِهِمْ وَإِنَّ كَثِيرًا مِنَ النَّاسِ لَفَاسِقُونَ"المائدة:49]
وقال :ومن لم يحكم بما أنزل الله فأولئك هم الكافرون ) آية 44 وقوله : ( ومن لم يحكم بما أنزل الله فأولئك هم الظالمون ) آية 45 وقوله : ( ومن لم يحكم بما أنزل الله فأولئك هم الفاسقون ) آية 47 من سورة المائدة.
7. في كل حزب وكل جماعة وكل امة فيها الصالح والطالح فالتعميم ظلم وتجني انتقد الشخص إذا ثبت خطأه ولا تنتقد المنهج.


#390992 [إبن السودان البار ==--]
0.00/5 (0 صوت)

06-12-2012 10:43 PM
التجارة بالدين اسرع وسيلة للثراء والتمتع بكل ملذات الحياة نساء ومال وسلطة وجاه وخاصة بالسودان وسط اهلنا الطيبين ؟؟؟ استقل الدين الميرغنية فكونوا امبراطورية تمتد الي الجارة مصر وكذلك آل المهدي لهم امبراطورية داخل السودان وأملاك في لندن ؟؟؟ والآن يستقل الدين الكيزان عسكر وحرامية البشير وزمرته فأغتنوا غناءً فاحشاً وتزوجوا مثني ورباع ويقولون هل من مزيد ؟؟؟ والأيام دي كثيرين عرفوا اللعبة وركبوا الموجة وعملوا دقون وغرة مدنكلة وأتفتحت ليهم ابواب الجنة قبل مواعيدها؟؟؟وأنشاء الله الأخوان يمسكوا الحكم في مصر عشان يزيطوهاوينهبوها ويضعفوها ونكون معاهم في الهوا سوا لأنه مصر قبل ان تقوي احتلت حلايب وخاتة حكومة العوير البشير تحت اباطها فالخوف لو بقت دولة قوية حا تبلعنا ؟؟؟ وأخبار خط هيثرو شنو ؟؟؟


#390932 [Allord]
0.00/5 (0 صوت)

06-12-2012 08:54 PM
يوووووووووووووووووززززع..............................


ردود على Allord
United States [نصيحة] 06-13-2012 01:19 PM
إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآخِرَةِ وَاللَّهُ يَعْلَمُ وَأَنْتُمْ لا تَعْلَمُونَ. [النور:19]


#390840 [طارق عبد الهادي]
0.00/5 (0 صوت)

06-12-2012 06:24 PM
اكتر من سبعة الف زيارات للمقال ناس بتحب الشمار اكتر من حبها للقراصة بالويكة الحمرا!!!، القصةحقيقية قصد بها فلول مبارك تشويه خصمهم قبل الانتخابات كيف ذلك؟ درسوا بروفيل كل السلفيين وجدوا هذا ل ونيس الطوخي مزواج من اربعة وليس اثنين كما ذكرت اذن هو محب للنساء فشركوا له بوحدة مزة جميلة ظهرت عليه واستدرجته امام ضعفه تماما مثل مونيكا وكلينتون فعلها اليهود ليمسكوه ويبهدلوه ، الفتاة كانت تنسق مع احدهم لايقاع الشيخ وهذا الآخر ينسق مع الشرطة مثل يا جبرة تتظاهر انها تتصل على اختها تقول ليها انا كويسة وحاتاخر وتكون دي كلمة السر للمداهمة وصاحبنا بالي دقنو وما عارف انه الطرف الاخر ده رجل متربص به و قصصهم في مصر ضجت بها القنوات صفوت الشريف كان يفعل هذا مع من يريد الايقاع بهم و هلمجرا اعتقد ان هذا هو التفسيرالصحيح


#390821 [radona-d]
0.00/5 (0 صوت)

06-12-2012 05:52 PM
انا رايي هنا يجب ان يتم فقه السترة لسبب رئيسي هو ان واقعة الزنا يصعب اثباتها هكذا من ناحية شرعية الا اذا المكحل في المرواد
بالتالي يلزم الشيخ المقبوض بالزواج من البنت في قسم الشرطة واحضار ماذون على وجه السرعة لوكان صادقا عرسة وتمت ولو كان كاذب يكون ركب الماسورة


#390293 [حليم-براغ]
0.00/5 (0 صوت)

06-12-2012 09:47 AM
أنا بفتكر ناس الشرطة يا سيد جبرا ماليهم حق ...يخلوه الشيخ يشوف شغلة ... وباب التوبة مفتوح ...بدل ما يبهدلو الراجل...والبحاسب رب العباد... ماأهو شارع الهرم شغال شغل جد ...وممكن تعمل فيه أكثر مما عملوه الشيخ الورع في السيارة... المهم ربنا يستر وعاشت الدقون والسبح.


#390241 [احمد الحارث]
0.00/5 (0 صوت)

06-12-2012 08:31 AM
انت يا جبرة ماشي بعيد ليية زي دة ما عندنا كثير بس للاسف مع الجنس غير اللطيف والهم ارحمهم واغفر لنا ولهم لاكن يا كيزان السجم برة وجوة سويتوها شيييييييينة


#390225 [سامر المدنى]
0.00/5 (0 صوت)

06-12-2012 07:54 AM
وعشان العبد لله يبرهن ليكم إنو القصة دي ملفقة ومحض إفتراء فـ(شيخ ونيس) لديه زوجتان (في عصمتو) وبالتالي مش ممكن يعمل عملية بايخة ذي دي !
- أها إنتو رايكم شنو؟
يا أستاذ انحن رأينا يطير الرأى رأيك ,, وخليك مع خط هيثرووووو وسيبك من الخط السريع


#390147 [لمى هلول]
5.00/5 (1 صوت)

06-12-2012 12:56 AM
مبالغة

نقول شنو ..لا نسمع لانرى لانتكلم مادام ما حتشهد علينا حته من حواسنا نعمل العايزنوا


#390141 [كمال]
0.00/5 (0 صوت)

06-12-2012 12:42 AM
حيرتونا معاكم نحلق الدقون ولا نعمل قمبور


#390139 [مدحت عروة]
5.00/5 (1 صوت)

06-12-2012 12:34 AM
هسع عرقتوا ان الجماعة ديل تجار دين و حثالة وعواليق؟؟؟ من هم عليكم الله حتى يجددوا من هو المسلم و من هو الكافر؟؟؟ هل ياتيهم الوحى؟؟؟ هم حثالة وكذبة وعواليق حتى الصلاة خلفهم لا تجوز ولا اقصد المتدينين حقيقة يل اقصد الذين يستغلوا الدين فى العمل السياسى مثل الاخوان المسلمين والعاملين فيهاسلفيين واشباههم من تجار الدين!!! انهم جديرين بالاحتقار والبصق على وجوههم المعفنة قاتلهم الله انى يؤفكون !!!!


#390074 [عصمتووف]
0.00/5 (0 صوت)

06-11-2012 10:16 PM
ذكرني بحديث الافك مع احد شيوخ الجبهه الاسلامية (فتاة الليل ) وسل فية حامي الاسلام انذاك المرحوم صاحب جريدة الراية (فضل ظهر)

زي ما قال عضو البرلمان الكحيان الرجل مصمم علي اربع اختشوا هولدية اثنان من زوات الدفع
السؤال
هل كانت ماشة ام فكو **** يا رمضان انت جيييد


#390026 [وو]
0.00/5 (0 صوت)

06-11-2012 08:52 PM
عجبى


#389998 [ود عويضة]
0.00/5 (0 صوت)

06-11-2012 08:19 PM
(شيخ ونيس ) عندو فرصة يستعين بصديق ونظرا للعلاقة والتشابه بين النواب في شمال وجنوب الوادي فان افضل صديق يقوم بمساعدته هو صاحبك النائب البرلماني دفع الله حسب الرسول واذا تعذر الاتصال بدفع الله فان الرابطة الشرعية للعلماء والدعاة بالسودان جاهزة لاصدار فتوى تؤكد ان (شيخ ونيس ) برئ براءة الذئب من دم ابن يوسف - وان من استهدف الشيخ حازم ابو اسماعيل هم نفسهم من يلفقون التهمة للشيخ ونيس


#389971 [ابراهيم حسن]
5.00/5 (2 صوت)

06-11-2012 07:40 PM
ياجبرة رايناخلينا في خط هيثرووووو احسن


#389963 [salah]
5.00/5 (1 صوت)

06-11-2012 07:36 PM
یا جماعه النواب ما یتونسو ولا شنو هههههههههه


#389942 [برانتود]
0.00/5 (0 صوت)

06-11-2012 07:16 PM
اغماءة بسيطة؟؟ وطيب يا راجل يا كبير مش عيب وانت ... مع واحدة عمرها 23 سنة؟؟


#389940 [عبدالله]
0.00/5 (0 صوت)

06-11-2012 07:14 PM
نفس طريقة مدير مدرسة عطبرة


#389938 [ali murtey]
5.00/5 (1 صوت)

06-11-2012 07:10 PM
اخبار دهب حلفا(شنوووووووووووووووو)


#389798 [الاقرع النزهى]
3.25/5 (3 صوت)

06-11-2012 04:52 PM
الشاهد : بى صدرو واطيها.....وبى ايدو حاويها.....وصلبو يمشى ويجيها....لكن مانى عارفو فيها و الله خاتيها ،،،،،،،،،،،،،،،،،،،، ............. القاضى: على الطلاق فيها !!!!!


#389787 [زازووق]
0.00/5 (0 صوت)

06-11-2012 04:39 PM
أنا ما سرقت أنا جيت أعاين


#389774 [زازووق]
5.00/5 (2 صوت)

06-11-2012 04:28 PM
بت أختو ولابسة النقاب من خالا؟!!
والله غاية الحياء والادب والورع!!!


#389763 [جيفارا]
0.00/5 (0 صوت)

06-11-2012 04:16 PM
عشان الشيخ يبرهن ان القصة دى ملفقة لاذم يتذوجها امام الملاء.
كسرة :شيخ الصعاليك


#389693 [تاج]
5.00/5 (1 صوت)

06-11-2012 03:10 PM
لسه انتو شفتو شى التقيل جاى وراء.


#389661 [مشكلة]
5.00/5 (1 صوت)

06-11-2012 02:33 PM
الظاهر عليك يا أستاذ جبرا مليت من المحلي وقبلت علي الاقليمي


#389647 [omer ali]
5.00/5 (2 صوت)

06-11-2012 02:18 PM
والاكل الجناح يضوق النكاح,,, دا اثر الوجبات السريعه في الطريق السريع
ونرجع نقول روح طيب في جسد فاسد


#389639 [مقهووووووووووووووووووور]
3.00/5 (1 صوت)

06-11-2012 02:13 PM
الرأي السديد انا شايف تسأل عن الحالة دي شيخ دفع الله


#389620 [أبو أحمد]
5.00/5 (3 صوت)

06-11-2012 02:00 PM
اها يا الفاتح ياخوى ناس فضل الظهر والبت المسكوها مع الأخونجى ببحرى مش شبيه بقصة ونيس دى والا كيف ياهم ذاتم تجار الدين


#389613 [عاشق الحرية]
4.00/5 (1 صوت)

06-11-2012 01:58 PM
الواقعة صحيحة ويمكن يكون زواج متعة لمدة ساعة وكده...الملفق فيها هو ضبطهم بواسطة الشرطة...وهي حيلة من حيل الكيزان لتشويه صورة السلفيين الذين يمثلون حجر عثرة بينهم وبين تحالفهم تحالفهم مع الجيش المصري مصر والذي بموجبه سوف يكون شفيق (ممثل العسكر)رئيسا للجمهورية ومرسي (ممثا الأخوان المسلمين) رئيسا للوزراء...وهل يستطيع الكيزان الحكم بدون الحماية والدعم من العسكر...وتجربة السودان تقول "خلف كل كوز عسكري"...المصريون يقومون بإعادة انتاج السناريو السوداني بحزافيره...وسيكون فساد العدلي وأحمد عز وجمال مبارك أمام فسادهم لعب عيال...


ردود على عاشق الحرية
United States [كوكادام] 06-12-2012 11:28 AM
اصبت يا عاشق الحرية,,, قراءة صحيحة.الويل للمصريين اذا وصل غاولئك للسلطة .. فعلا تكون ايام مبارك فردوسا مفقودا


#389584 [ubedallawd]
0.00/5 (0 صوت)

06-11-2012 01:33 PM
لاحولة ولاقوة الا باللة
هكذا الظلامين دوما منافقين ومفترين علي الدين ووسخانين وكذابين وخصوصا السلفين لو مافسقوا في البداية يفسقوا في النهاية؟
كسرة مارايك ايها النائم اقصد النائب بتاع القبة دفع اللة حسب الرسول؟ مش هذا الشيخ الونيسي احسن منو شيرين علي الاقل بتفرحنا.


ردود على ubedallawd
United States [ابوبسملة الجعلى] 06-12-2012 08:13 PM
أطمئنك أخى عبيدانا عدو العنصرية ومبيد الجراد الالكترونى لاوفقهم الله وجعلهم أذل البشر أنا وحدوى حتى المشاش وأمنيتى الأغلى ان أرى السودان موحدا قلوبا وقالبا وسنحيا من أجل ذلك ولاأعلم لماذا شككت فى أمرى وأى من كلامى يوحى بذلك فقط عِبتُ عليك تهجمك على قبيلة السلفيين وشتمتهم بأبشع الشتائم , لاأمانع أن تنتقدهم وممارساتهم بحسب فهمك ولكنك أكتفيت بالسب واللعن وهذا ماينكر عليك ولاأعلم من تقصدون بالسلفى أهو التكفيرىين ام المطبّلين لحزب المؤتمر أم انصار السنة الذين لادخل لهم فى السياسة أنا يهمنى هذا الصنف الأخير الذى لم يلطخ سمعته مع هذا النظام اللعين ولم يكفّر أحد من المسلمين وغير المسلمين لان التكفير ليس مهمتهم ومايسعدنى اننا متفقون على وجوب ازالة واجتثاث هذا النظام المدمّر وببساطة أخى عبيد انا عدو للتكفيرين وللمطبلين والجرادالالكترونى والعنصريين وأدعو عليهم ليل نهار وجزيت خيرا

United States [كلك كلو] 06-12-2012 11:43 AM
أبو بسملة الجعلي شكله عنصري وجراد إلكتروني وسلفي ... بالله كيف جمعت بين العنصرية والسلفية بس يظهر أنك كوووووووووووووووز ... ألا تعلم بما قاله الرسول صلى الله عليه وسلم في العنصرية.

United States [ابوبسملة الجعلى] 06-11-2012 11:18 PM
ياعبيد ياخوى أوّل شى أسمح لى انبهك على بعض الاخطاء الاملائية , هكذا تكتب (لاحول)وليس لاحولة وايضا اسم الجلالة (الله) يجب ان يكتب بالهاء وليس التاءالمربوطة وبعد ذلك تعال سب وأشتم عباد الله , ثم ماذا تعرف عن السلفيين ايهاالجاهل ؟ والى متى ستفقهون وتعقلون وحتى ولو ثبتت هذه الحادثة فهذا جرم جره سفيه قوم ولانزر وازرة وزر أخرى ! ماهذا الجهل وماهذا المرض معقولةأنتم الشباب الصفوة والمثقفين الذين ينشدون العدل !؟ مالكم كيف تحكمون ! استغفر الله العظيم


#389577 [مصطفى..]
0.00/5 (0 صوت)

06-11-2012 01:31 PM
حسب ما جاء في الأخبار ايضا أن النائب علي ونيس هو ذات الشخص الذي جاء مرة وأنفه ملفوفا بضممادات طبية ، فأدعى انه تعرض لهجوم عصابة ضربته واستولت على أمواله .. ولاحقا عاد واعترف انه أجرى عملية تجميل لأنفه..ولعله اراد أن يكون وسيما لاجتذاب الفتيات واكمال نصاب حصته من الزوجات اذ انه قيل عن زواجه حتى الآن باثنتين فقط يا حرام ..هذا غير كسر الملوة البراني كما يقول المثل..ربنا يسترنا وسيتره والجميع !


ردود على مصطفى..
United States [fakhri] 06-11-2012 04:29 PM
الشيخ الذى اجري عملية التجميل لانفه هو الشيخ البلطيمي


#389576 [الزُول الكَانْ سَمِحْ]
4.50/5 (2 صوت)

06-11-2012 01:28 PM
والله يا استاذ جبرا

أنا أستأذنك بتحويل تساؤلك هذا إلى جهابذة علماء المسلمين السودانيين..وأخص منهم الشيخ عبد الحى يوسف..


#389570 [عشا البايتات القَوَى]
5.00/5 (1 صوت)

06-11-2012 01:21 PM
انا اتفق معك انو الحادث ده ملفق وابن ستين ملفق ! ! ! !!! !!! !!! !!!
- لماذا اتفق معك ؟؟؟
_ لانو الادلة التي اوردتها اقنعتني عدييييييل ، وحتقنع كل واحد بيعرف اصحاب الاتجاهات السلفية ، ديل سلفييييين يا جماعة الخير ،، ديل اسلامييييين مش ممكن يعملوش كده

:
:
وعقبال جماعتنا ...

واخبار خط هثرو(ووو ووو) :
هو الآآآآآآن يمر بنقطة تربط بين (طوخ) و(كافوري)


#389568 [ابوكرنك]
0.00/5 (0 صوت)

06-11-2012 01:19 PM
علي النعمة يا جبرا ما فهمتش حاجة حد يفهمني من الفهمنجية كسرة يا جبرا


#389561 [صالح عام]
5.00/5 (3 صوت)

06-11-2012 01:13 PM
طيب انتو نسيتو لما قبضو عثمان خالد عضو الجبهه الاسلاميه مع بنت فى شمبات وفى لحظتها دافعوا عنه الاخوان وقالوا انه رجل داعيه لا يفعل ذلك رد عليهم سيداحمد خليفه فى صحيفة الوطن وقال لهم هذا ليس بداعيه بل هو داعر وهذا ايام الدمقراطيه


#389557 [مستاء]
3.00/5 (3 صوت)

06-11-2012 01:07 PM
انت مالك ومال الجماعة ديل ديل في بداية الطريق خليك منهم وابقي علينا جاي نحن قطعنا مسافة طويلة في المشوار وبقينا في البر والبحر والجو كمان واخوانا ديل يا دابهم في البر في الخط السريع . استاذنا اترك براوي غيرنا وشوف بلوانا ولا انت غاضي الطرف عن الداخل ؟ الحكاية وما فيها انو الاسلام تغير حاله واصبح علي راسه رجالات لهم شهوات شيطانية في هيئات ملائكية ونحن مخمومين وراهم بس لو كل واحد فينا شاف لنفسه يلاقي نفسه شيخ لنفسه امام المطروح من الشيوخ بمقاس الدقن دول وشنو سلفية واخوان وانصار وووووو اوليس الدين كله لله فالتكن الحكاية موحدة بدل سلفية واخوان ووووو عباد الله احسن ويتحزبوا باسم عباد الله كده العدد يكون كبير وترهبون يه ...... والله ما عارف خروجي السابق ده جاء كيف بس المهم في الامر اطلب منك استاذنا انت صحفي سودانيييييييييييي مفروض تكتب لينا عن الشأن السودانيييييييييييي ولو خايف من بيوت الاشباح اكتب قصة قصيرة ليس فيها اشارة لاحد ونحن بنفهمها بس مقالك ده ما فهمنا منه حاجة للحين لانه خارجي والداخل يئن بالجراح يلزم تخيطه بواحد مقال وامس سألتك الكتابة عن حال الوجبة السودانية بين الانجليز والانقاذ .......
كسرة : ممكن الشقي يلاقي بيوت الاشباح في الكتابات الخارجية برضك ......
كسرة ثابته : خط هيثروا ذهب مع الرئيس شهر العسل للاحفاد ......


ردود على مستاء
United States [ابوبسملة الجعلى] 06-11-2012 07:51 PM
صدقت اخى المستاء موضوع واهى جدا ونحن عليك الله ياجبرة مالنا ومال مكائد المصريين واتهاماتهم لبعضهم إن صحّ الخبر او لم يصح فماالجدوى ؟ اسألوا الله السلامة وصلاح الحال بس , حبيبنا جبرة أجاد أخوى ركّز على السمين وماتكتب كدة ذى عيال المنتديات

United States [بت العمدة] 06-11-2012 02:56 PM
كان دا كلامك، البايتات القوى سجم خشمن كان راجياتنك


#389533 [الراقص مع البشير]
5.00/5 (3 صوت)

06-11-2012 12:53 PM
انتو ما بتتذكروا قصة (أخونا) عثمان خالد مضوي لما ضبطوه أيام الديمقراطية بالليل في وقت متأخر ومعاه بت في العربية والبت في ردها قالت (كنا جايين من حفلة تدشين) تقصد تأبين حسب ما لقنها الشيخ عثمان خالد لكن نست الكلمة الصحيحة؟
أظن الاخوانجية والسلفية بياخدوا راحتهم وينبسطوا أيام الديمقراطيات وفي حكم العسكر الشمولي يلبسوا قناع المعارضة الاسلامية الملتزمة!! طيب ليه بيكرهوا الديمقراطية مادام فيها انبساط وفرفشة؟!


ردود على الراقص مع البشير
United States [Hatimbabiker] 06-12-2012 04:17 AM
إقتباس:
مواطني الشرفاء:
لقد تدهور الوضع الاقتصادي بصورة مزرية وفشلت كل السياسات الرعناء في إيقاف هذا التدهور ناهيك عن تحقيق أي قدر من التنمية فإزدادت حدة التضخم وإرتفعت الاسعار بصورة لم يسبق لها مثيل واستحال على المواطنين الحصول على ضرورياتهم إما لإنعدامها أو لإرتفاع اسعارها، مما جعل كثيراً من أبناء الوطن يعيشون على حافة المجاعة وقد أدى هذا التدهور الاقتصادي الى خراب المؤسسات العامة وانهيار الخدمات الصحية والتعليمية وتعطل الانتاج وبعد ان كنا نطمح ان تكون بلادنا سلة غذاء العالم أصبحنا أمة متسولة تستجدي غذاءها وضرورياتها من خارج الحدود وانشغل المسؤولون بجمع المال الحرام وعم الفساد كل مرافق الدولة وكل هذا مع استشراء الفساد والتهريب والسوق السوداء مما جعل الطبقات الاجتماعية من الطفيليين تزداد ثراء يوماً بعد يوم بسبب فساد المسؤولين وتهاونهم في ضبط الحياة والنظام. إنتهى الإقتباس،،،،،،،،
كلامي أنا الزول المتضايق شديد،،،،،،،
تعرف اللقطة الفاتت دي أنا ماخدها من وين؟؟؟ من بيان الإنقاذ رقم واحد
الآن الحال الإقتصادي مضروب في (سعر الصرف الجديد)5532 ألف مرة الحال الإقتصادي أيام الديمقراطية (دا لأنك اتعبت روحك وجبت لينا وساخة قديمة من أيام الديمقراطية) والله برضو كتر خيرك لأنك بتورينا الوساخة مترسبة في كيزان الوسخ والسجم الرماد والشعب ناااااااااااااااااااااااااايم وجبرا يجيب لينا أخبار مصر أم الدنيا ونواب مصر ام الدنيا (والله يا جبرا برضو كتر خيرك لأننا بنحبك)،،، علشان تثبت إنو الكيزان داعرين وما عندهم أخلاق والله كلنا عارفين الكلام دا وللأسف ساكتيييييييييييييين،،،،،
يا ناس الحيكومة دي والله ما عاوزة تعرية لأنها عارية زي فتاة الشيخ أعلاه ولا من إغماء ولا حاجة من قلة الحيلة وعاوزة مننا مخاااااااااااااارجة، إقتلاع ،، إسقاط (ما بتاع الدايات) ،،،،
وأنحنا نوابنا( أصلاً) جاييييييييين بالحرام يعني نتوقع منهم حلاااااااااال يا ناس هوي أصحوووووووووو وكفانا مبارا للحال المايل والأخبار المايلة ،، ذكرتوني عمنا واحد مصاقر الرادي يسمع لي مارش واحد لمن يقعد قايلها إتخارجت يلقاها ليك ساحات الفداء بتاعة الرادي بتاع الكيزان الوسخين ديل يرجع راقد وهو يطنطن،، نان إنت راقد والبقلبها ليك منو؟؟؟
دا ببساطة حالنا الآن الشعب كلو عاوز الحكومة تتخارج وياتي بديل ديمقراطي لكن ماسك الرادي ،، الأحسن نخلي شغل المارشات دا للترابي (أصلو ما ود حلال) أعوذ بالله من الشيطان الرجيم،، والنشوف لينا شارع ولا ناصية ولا تقاطع،،
لكن قبل دا يا كبااااااااااااااار أقعدو في الكلاكلة في أم ضواً بان أو في أمبدة المهم أقعدو ورتبوا الأمور عشان وليداتنا البيموتو ما يلحقو الفطيس المصري على وزن الفسيخ (يا عسكر يا أخوان) أقصد يا حرامية،،،،،،،،

كسرة: البشير الطيرة لمن قال البيان الأول بتاع الإنقلاب بتاع الكيزان (أولاد الحرام) جاب سيرة للتردي الأخلاقي ولا قال جينا ننقذكم من تفشي الفحواحش ما ظهر منها وما بطن،، (بالله راجع النص) ما جاب سيرة صاح؟؟ طيب في رايكم لي شنوووووووووووو؟؟؟ ببساطة لأنهم عارفين إنهم هم (أولاد الحرام) الفواحش ما ظهر منها وما بطن وعارفين زي ما بديت كلامي بالتردي افقتصادي إنهم ح يوصلوا البلد للحالة التي نحن فيها الآن،،،،،،، فما بال التردي الأخلاقي،،،،،،،،،،،،
أخبار الشيخ بتاع خلوه دي روح فاسدة في جسد طيب شنوووووووووووووووووو ولا أذكروا محاسن موتاكم برضو،، امشوا بلا مرض اليمرض مرضكم يا لمامة ،، جيتونا من وين الله أكبر عليكم كيزان السجم بتعرفوا الله إنتو؟؟؟ ولا رايكم شنو يا،،،،،،،،،،،،

United States [عمر الامين] 06-11-2012 03:36 PM
الانبساط و الفرفشة في الديكتاتورية الحاولوا يفرفشوا في الديمقراطية ريحتم طقت لكن في غملت الشمولية في فقة السترة وفقهاء السلطان


#389532 [سيد إبراهيم محجوب]
4.97/5 (6 صوت)

06-11-2012 12:50 PM
الخوف ليس من الشيخ ونيس ، الخوف من الـ 27 مقعد للسلفيين في البرلمان المصري ، والخوف من الذين صوتوا لهؤلاء المفسدين


#389529 [sahi]
5.00/5 (4 صوت)

06-11-2012 12:48 PM
وقالوا العربية دي ما حقتو انما استلفها من صديق يعني عارف انو الشرطة ممكن تترصدوا عشان كده ساب عربيتو واستلف عربية غيرها عشان يضلل الشرطة وبعدين السلفي دا دكتور عشان يفوقها من الاغماءة وهل عشان يفوقها لازم يقعدها في حجرو آسف نسيت انو الخال حنين يعني بت اختو ممكن يختها في حجرو . وممكن يتزوجها زي ما هي قالت ويمكن الفكر السلفي الحديث يسمح بزواج بنت الأخت والله اعلم


#389519 [المشتهي الكمونية]
4.13/5 (5 صوت)

06-11-2012 12:38 PM
سيبنا من قصة الشيخ على ونيس وأكتب لينا عن فضايح شيوخ الانقاذ اذا كنت تحسب نفسك صاحب قلم جريء ، أكتب لنا عن سرقات البشير وزوجته وداد وأسرته وأشقاءه والحرامية عبد الرحيم أبو ريالة وأبو العفين الذي كان يسكن بالايجار في الحلفايا وأضحى يسكن قصرا في الرياض ، خلينا من السلفيين في مصر لأنهم لا يخدمون لنا قضية وركز على الوسخ والقذارة العندنا ،، يلا ورينا شطارتك


#389517 [الضعيف]
5.00/5 (2 صوت)

06-11-2012 12:37 PM
ظلمونى الحبايب!!

خلينا من شيخ ونيس شوفلينا شيخ كديس بتاعنا..!!


#389514 [asabangi]
5.00/5 (6 صوت)

06-11-2012 12:36 PM
القصة دى ملفقة 100%...بت منقبة(23 سن) وراكبة مع خالها..مش ممكن
أكيد العملاء والخونة والمتربصين بالعقيدة والوطن هم اللى لفقوا التهمة
الراجل ملتحى وإسلامى زى جماعتنامعقول إفكر فى الفاحشة ومع بت أخته كمان؟ لا..لا .. لا يمكن
ويا الشعب المصرى أرجى الراجيك


#389513 [ولي]
0.00/5 (0 صوت)

06-11-2012 12:36 PM
والله انا رائي يدوهم فرصة تانية بعد كم يوم عشان يجيبو فبركة اقصد حجة جديدة قوية ومقنعة


#389512 [wedhamid]
4.88/5 (5 صوت)

06-11-2012 12:35 PM
يا حبيبنا ....إنت مستغرب ليه ؟؟؟ مش إنت بالذات الجبتا لينا حكاية إنو أصلا جنس هؤلاء ( الســلـفيـيـن) مـصـمـمـيـن لكده ؟؟؟ و لو دهشتك الجميله دى ما راحت ... روح أمشى أسأل الدكتور و الأستاذ الجامعى و النائب البرلمانى و راجل الثلاثة حرمات أو حريم.... دفع الله حسب الله بتاع إختصاصى الواقى الذكرى داك ...بس حكاية إنو فى الطريق دى جديده علينا..... و اللا حتقول لا لأنو حصلت لينا من قبل قصة خالد عثمان مضوى ( برضو كان من الجماعه و نائب برلمانى ) و ضبط عند منتصف الليل بالدوريه و لكن ما قال لا خطيبتى و لا بنت شقيقتى ... بل قال دا كان بفقه فضل الظهر ... توصيله بس ..و كبرى كوبر شاهد !!!!


#389482 [الحسن فاروق]
5.00/5 (1 صوت)

06-11-2012 12:02 PM
الرأى تلف


الفاتج جبرا
الفاتج جبرا

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة