امونه
06-20-2012 09:53 AM

امونه

محمد جالي
[email protected]


أمونه أبشري وأرفعي راسك
شوفي عمايل البوت الداسك
صبرتي في سجنك وطال ليل صمتك
صحانا ضمير الهم في احساسك
شدانا انين العبره في حلقك
قلنا نقول القالو سكاتك
قمنا كتبنا رساله عشانك
قصدنا تبقي امونه في ناسك
تبقي العلم البنفخر بيهو
تبقي القدوه حدود متراسك
الا الغدر الحبسك عمرك
ونفس الناس الكتمو أنفاسك
قالو تحول نحنا قبلنا
وديل الكانو زمان يباسك
كيفن يتحملو لين في ارضك
وكان مفروشه دماء في اساسك
اتلمينا وكنا عيالك
قلنا نطهر ارض اجيالك
وكان الراي السايد فينا
وحدتنا بتنتج زول شيالك
أتلقونا القالو حميتك
الصرحو نحنا وهم نبقي لك
ما قدرو يشوفو وجوهنا وحاتك
فزوا ولذو عساكر ذاتك
ما اصلو وجوهنا نهار تجهرهم
الدخلو في ليلك
سلبو سماتك
والبنبان في عيونا بيحرق
ودموعنا بتهتف ليك ووطاتك
وعدنا معاك حنظل وننضال
انك فينا وبي سحناتك
ونشيلك قبله كمان لو تهنا
لو حتي سموم بنشم نسماتك





تعليقات 0 | إهداء 0 | زيارات 1109

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




محمد جالي
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة