حبوبة محمد
06-22-2012 09:57 AM


حبوبة محمد

حاتم ابراهيم محمد عبدالله
[email protected]


حبوبة محمد ياشباب
شاربه من طيبة السنين
تلقى عندها كل حاجه
والقلب مليان حنين
ياسلام لو تحكى ليك
عن مااااضى كلو حب وطيبه
وعن مواقف فى طياتها تحمل
صفات حلوه وعجيبه
وفجاءه فى نص الكلام
عضت اصبع للندامه وقالت
البيحصل ده عيب
هل بيعقل ياولد انك
تعيش فى ديارك زى الغريب
لو تصدق انى من كم
سنه ماشربت كباااية حليب؟
ومريضه يمكن لى سنين
ماعرفت دربا للطبيب
فلسانه وعدمانه اللظى
وحانه عليه الولد
مابقدر امشى اقولو جيب
انا فى الاول والاخر
بعاتب وبرمى اللوم على الكباااار
اسره كامله تمشى تبحث
كايسه حق كيس الخضااار
والاطفال خلو المدارس
برضو ايه كيس الخضار
الناس بتاكل فى بعض
ومسكت طريق الانحدار
نعزيه لى مين السبب؟
نعزيه لى مين الدمار ؟؟
وفجاءه قالت ياولد
خليتو ليك الاختيار
فاجئنى بالجد السؤال
وبكل دهشه واحتيار
قلت يمكن يكون من الكبار
بس نحنا شركاء فى الحصل
جرينا نحنا وراء الرزيله
وبطلنا خلينا العمل
تقتل اخوك او ابن عمك
بس المهم كيفن تصل
ماتقولى شفتيه العذاب
حبوبه احمدى ربك وصلى
انتى صفحه من الكتاب
حبوبه انتى بخير اكيد
اقل عشتيه الشباب
حبوبه ابكيه الوطن
حبوبه ابكيه التراب
كل الامور اتلخبطت
والحقيقه كاسيها الضباب
الوطن بقى نص وطن
والشباب هاجر وغاب
اصبحنا نجرى وراء الدجل
مابنمشى من غيرو الحجاب
اصبحنا نحلم بى وطن
واحلامنا ضايعه مع السراااب
ونصيحه ليكم ياكباااار
ماتنسو بعدين الحساب
كل كل كل البتعملو بينتظر
وتلقاه مدون فى الكتاب
تلقاه مدون فى الكتاب


تعليقات 0 | إهداء 0 | زيارات 883

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




حاتم ابراهيم محمد عبدالله
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة