الرقَّاص..!!ا
06-23-2012 12:45 PM


بالمنطق

الرقَّاص..!!!!

صلاح الدين عووضة
[email protected]


* القذافي كان يصيح في الموالين له من شعبه من أعلى القلعة العجيبة تلك:( ارقصوا وغنُّوا واستعدُّوا)..
* يستعدُّون لماذا؟ لست أدري..
* ولا أظن أنَّ القذافي نفسه كان يدري..
* فالمهم أن يغنُّوا ويرقصوا و(خلاص)..
* وربما كان المطلوب هو توصيل رسالة للخارج مفادها أنَّ شعب ليبيا مادام يرقص ويغني فهو بخير..
* أي أنَّه ليس محتجَّاً على شيء - شعب ليبيا هذا - سوى محاولة الآخرين حشر أنوفهم في شؤونه الداخلية..
* والرقص يُوحي - بالفعل - بأنَّ صاحبه (مبسوط خالص!!)..
* والمصريون يقولون عن السياسي الذي يبدو كحلوى (الهُلام) وهو يتحدَّث ( ولا أجعص رقَّاصة في شارع الهرم!!)..
* ومناسبة حديثنا (الراجف) كقطعة (الجلي!!) هذا هو ملاحظة أبداها نفرٌ من كبار السن - في مناسبة اجتماعية - عن شباب اليوم..
* قالوا إنَّ شباب زماننا هذا أضحى أغلبهم (رقَّاصين!!)..
*وإرضاءً للشباب هؤلاء صارت كثير من فضائياتنا (راقصة!!) هي ذاتها..
* فهي لا (شغلة) لها سوى الغناء والرقص منذ الصباح وحتى المساء..
* والبرامج باتت أداة تفريخ للمزيد من هواة (الهشك بشك!!) من الجنسين..
* " يعني " - بالصلاة على النبي - مشاكل بلادنا (اتحلَّت) كلها ولم يبقَ لنا سوى أن نغنِّي ونرقص و (نستعد ) ..
* نستعد لماذا؟ لست أدري؛ فهكذا قال القذافي..
* والعبارة الساخرة أعلاه - بالمناسبة - وردت في مقال لكاتب خليجي قبل أسابيع مع اختلاف في الصياغة..
*فقد تساءل الكاتب هذا عن (السر) في التوجُّه (الغنائي!!) لفضائياتنا - مصحوباً بالرقص - في وقت يواجه فيه السودان مصاعب جمَّة..
* وتساؤله هذا - للعلم - كان قبل الحديث عن رفع الدعم ، وزيادة الأسعار، وسياسة التقشُّف..
* ولعله يضرب كفاً بكفٍ الآن - الكاتب المذكور - وهو يقول في سره:( هادول السوادنة ، إيش صار فيهم؟!)..
* فالرقص مازال منافساً لرواد شارع الهرم ، و(فرَّاخاتنا!!) الفضائية تعمل بطاقتها (الميوعية!!) القصوى..
* وبما أنَّ (التوجُّه الغنائي!!) هذا لا صلة له - حسبما نعلم- بـ (التوجُّه الحضاري!!) فإنَّ علامة استفهام كبيرة (تتراقص!!) في أذهاننا ولها (إيقاع!!)..
* هل المطلوب - يا ترى - أن يصبح السودانيون جميعهم (رقَّاصين!!) بعد اندثار جيل ( غير الرقَّاصين) الغاضب هذا؟!..
* أم المطلوب أن (يستعد!!) الراقصون هؤلاء - من جيل الشباب - لشيء قادم وعد به القذافي أتباعه من قبل؟!..
*طيب ؛ ما هو الشيء القادم هذا بافتراض أنَّ (النظرية القذافية) هي المقصودة؟!..
* هل هو مثل الذي حادث هذه الأيام من أوضاع اقتصادية ومعيشية؟!..
* إن كان الأمر كذلك فقد نجح التوجُّه الغنائي بدرجة امتياز..
*فقد تم ضرب هَم الغلاء بـ(الرقص!!) عوضاً عن ذاك الذي كان يضربه به (غير الراقصين) فيما مضى..
* وصار كل واحد من شباب اليوم( الرقَّاص) يصلح أن يكون (جزءاً) من ساعات الحائط الكبيرة..
* يصلح أن يكون (رقَّاصاً !!!)..
* ثم يمشي (منضبطاً!!) كما الساعة هذه!!!!!



الجريدة




تعليقات 39 | إهداء 0 | زيارات 10602



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#403644 [المشتهي الكمونية]
3.00/5 (2 صوت)

06-24-2012 01:20 PM
الى الشارع يا شباب ويا كبار ويا صغار
هيا نقتلع العصبة الفاسدة والعصابة المجرمة
هيا الى النضال من أجل حقوقنا وحرياتنا
هيا الى القتال ضد مجرمي المحاكم الدولية
هيا الى الكفاح ضد نظام الجوع والغلاء والفساد
هيا الى النضال ضد السارقين وتجار الدين
هيا الى سودان جديد هيا الى عهد جديد
هيا الى سودان جميل من غير طه أو بشير
هيا الى سودان جميل من غير نافع أو اسماعيل
الثورة انطلقت الثورة انطلقت ولن تقف
الثورة انطلقت الثورة انطلقت ولن نعود
الثورة انطلقت الثورة انطلقت ولن تقف
الثورة انطلقت الثورة انطلقت ولن نعود


#403361 [ابوخوجلي]
5.00/5 (1 صوت)

06-24-2012 11:26 AM
أخي عووضة اولاً نحييك علي كتاباتك الجريئة ومواقفك البطولية الشجاعة,انا يبدو لي بان الحال الوصلنا لة الان من فقر وجهل وملطشة حلوة ملطشة دي,دي نهاية الرقيص والمرح ومن البداية قلنا ليهم ياناس اختونا شر الرقيص والعسكر ماظهر منهم ومابطن قالوا لا بشبش دة متواضع ورقاااااااص..؟الجماعة ديل ياعووضة خدعوا الشعب المسكين بالرقيص والتوجة الحضاري والاسلام والمساجد وقيام الليل والشعارات البراقة مثل هي لله ولن نطيع الامريكان وليكم تدربنا....الخ وهم انكبوا علي الثروة والسلطة وماليزيا جاك زول دي فترة التمكين انا يبدو لي الاسلاميين كدابهم لمن يلقو السلطة والدنيا بنسوا الدين والشعب وبنجرفوا وراء الملزات والجاه والمتعة(الحلال والحرام)الله يستر اخوانا المصريين فاذ الإسلاميين..؟


#403263 [وحيد]
5.00/5 (1 صوت)

06-24-2012 10:29 AM
لماذا لا تصرح بان غرضك الاشارة الى رقص سعادة المشير رقيص الجمهورية اقصد رئيس الجمهورية و الذي اصبحت صفته هي الرقص هازا كرشه و اليتيه و ساقيه المقوستين؟
و لماذ لا تقول انك تشير لهتاف الثورة الآن : " جوعت الناس يا رقاص" و اؤكد لك انه لن يصيبك شئ من كلاب النظام لان الرئيس يرقص طول الوقت و في كل المناسبات دون حياء... المثل السوداني يقول " البرقص ما بضاري دقنو" و سعادة المشير عملا بالمثل يرقص دون ان يضاري دقنه


#403170 [ابوالخمجان]
0.00/5 (0 صوت)

06-24-2012 09:39 AM
ما ياها ثقافة يا صلاح !!!!!!!!!!!!!!!!!!!!!!!!!!


#402736 [فاضل الفاضل]
5.00/5 (1 صوت)

06-23-2012 10:59 PM
صلاح عووضه رسالتك وصلت
وازيد عليها قول الشاعر اذا كان رب البيت للدف قارعا فشيمة اهل البيت كلهم الرقص


#402603 [عمرابي]
5.00/5 (1 صوت)

06-23-2012 08:28 PM
قالوا في ملك حصلت لية ضائقة مالية ... فقام وزيرة اشار علية بي انة يدفع كل زول يجي ماري بي

الكبري ( مثلا من امدرمان الي الخرطوم ) 10 جنية

اللهم بقا كل شخص يمر بي الكبري لازم يدفع 10 جنية الناس بقت تدفع و ما اتكلمت... الملك سال

الوزير الناس دي بتدفع قال لية ايوة .. في زول عندو راي قال لية لا .. بعد فترة الضائقة ذادت

علي الملك فقرروا رفع المبلغ من 10 الي 20 جنية ... سال الملك الوزير عن الناس بتدفع ؟ قال لية

ايوة ... فى حد عندو راي قال لية لا ... قال لية ارفع الضريبة لي 30 و اي زول يجي قاطع الكبري

يدفع الـ 30 دي و ياخد كفين ... قال لية جدا و فعلاً كان كل زول بيجي ماري بيدفع الـ 30 و ياخد

الكفين و يمشي .. الملك سال الوزير يا زول مافي زول قال شي قال لية ابدا لا زول قال ما بدفع لا زول احتج لا اي شي ؟؟؟ قال لية ابداً
الملك قال لية طيب اي زول يجي ماري بي الكبيري يدفع 30 و يتكفت و يغتصب !
واذا كان .. كل زول بقا يدفع ال 30 و يتكفت و يرقد ... الملك سال الوزير تاااني قال لية مافي شي الناس دي بتدفع و تتكفت و ترقد

الملك قال يشوف الحاصل شنو براة .. قام مشي علي الكبري و شاف الناس بتدفع و بتتكفت و بترقد ... قام قال للناس انا جايي اشوف احوالكم اها الامور كيف ..

كل الناس الواقفة قالو لية ســير ,,, ســـير يا الرئيس نحن جنودك للتعمير ....الخ كسير تلج كدا

الا وااااحد بس رفع يدو !

الملك : مالك يا زول

المواطن : قال لية قلتو 10 دفعنا 20 دفعنا 30 دفعنا كفيت اتكفتنا .. رقاد رقدنا

لكن الاولاد ديل عندهم مدارس و وامتحانات و نحن كل يوم بنتاخر من شغلنا ياخ زودوا لينا عدد

الغاصبين او بالعربي البليد ( النييكة ))

السيد نافع علي نافع و السيد علي القال حيعامل مع الشعب بحد السيف و اتباعهم

البناطلين ليها سستم، والقوانين ليها سستم،
البنوك الفيها بستم .. من سويسرا ولي ماليزيا
بالسفارات
والعمارات
والخبارات

ملحوظة :- أنا ما بجيب سيرة الجنوب .... ودا ياهو قطيع القلوب


#402530 [سيو..سيو]
3.00/5 (3 صوت)

06-23-2012 07:11 PM
(ولا اجعص رقاصة فى شارع الهرم)...لمن تقرع الاجراس


#402461 [Shah]
0.00/5 (0 صوت)

06-23-2012 06:08 PM
يعنى أصدك الرئيس ... الرآآس؟؟ طبعا من الرئاسة مش؟؟


#402456 [عبدالمغيث ابو شيخة]
3.50/5 (2 صوت)

06-23-2012 06:05 PM
الرقص يا اخي لم يبدا به القذافي - رئيسك راقص على الدوام واذكر من همسات الكبار في مثل المناسبة التي ذكرتها انهم علقوا على واحدة من رقصات رئيسك بعد ربط له ثوب (اللاويه ) زي اخوتنا الجنوبيين ثم ربط له خصره فرقص - علق الكبار وقالوا رقصتوه عشرة بلدي - قلها يا صلاح عوضة ولا تخف فهي الحقيقة !!!!


#402431 [katttttaha]
3.00/5 (3 صوت)

06-23-2012 05:44 PM
يا عووضه ما تبطل اللولوه وتطعن الفيل بعيدا عن الرمزيه دي, الناس مرقت امرقوا


#402421 [الثورة بالنص]
3.00/5 (2 صوت)

06-23-2012 05:34 PM
الناس فى شنو وإنت فى شنو يا ود عووضة - الشباب فى الشوارع اتخنقوا بالبمبان وإنت خائف على موقعك وعلى جريدتك و بعد لثورة تنجح بتكون رئيس تحرير أكبر صحيفة فى السودان ما تخاف - خليك شجاع وقول إنت قاصد شنو عديل كدة وبطل اللف والدوران ....


#402389 [الموردة حضارة]
3.00/5 (2 صوت)

06-23-2012 04:58 PM
عووضة ماتعلم قلمك المهابة شكلك مقدم دفوعاتك قبل ما تتعفش عموما زى ما قالت ام ميار الرسالة وصلت... لكن الجديد فى الموضوع اليومين ديل الرقيص بقى بى ترترة لى وراء وبرضو (جوعت الناس يارقاص)


#402363 [abusabeeb]
4.57/5 (9 صوت)

06-23-2012 04:31 PM
رسالتك واضحة يااستاذنا لكن المظاهرات دي زايغ منها ليييييييييييييييييه؟؟؟؟؟؟؟؟؟


#402358 [مسطول ومسعرض]
4.00/5 (4 صوت)

06-23-2012 04:29 PM
انت ياود عووضة متقولها عديل كد ( إذا كان رب البيت للرقص جاهزاً فشيمت أهل البيت كلهم الرقص )
بلا لف ولا د\وران


#402347 [الزول الكان سَمِحْ]
3.00/5 (2 صوت)

06-23-2012 04:20 PM
وجاء وقت تنفيذ مقولة عمنا ( صاَلِحْ كِسِرْ) (نَبُوت كَابَنْجة مَنًجرْ)

وبعدين شباب الثورة لهم مطلق الحرية..يرقصوا الرراب...والكتمة

عووضة...ولد ددده

قال فى دهب فى بيت فى قرية 22 ...ما كفاهم اللهطوه


#402334 [o r 4]
1.00/5 (1 صوت)

06-23-2012 04:05 PM
والله يا ستاذ للبفهمة ولالالالالالالالالالالالالا تعليق


#402291 [زازووق]
3.00/5 (2 صوت)

06-23-2012 03:29 PM
حتى الشفع الصغار صاروا يعلموهم الرقص والخشلعة من هسه
حسبى الله
والقنوات كلها غنى ومزيكة
اما ناس ساهور فما ينقصهم الا الحضن والتقبيل


#402270 [الاقرع النزهى]
0.00/5 (0 صوت)

06-23-2012 03:11 PM
اللى عايز يرقص....ييرقص .........الكلام بزعل حد ؟؟؟؟؟؟؟


#402240 [ابو سكسك]
3.88/5 (4 صوت)

06-23-2012 02:54 PM
الاستاذ عووضة:

انت زول دقة قديمة و ما مواكب ومشروعك الحضاري قريب في الاتجاه لحق الكيزان بس بختلف عنو في المقدار. انت ما سمعت انو ابو طاقية وصحبانو جايين عشان ياخدو ليهم رقصة رقصتين في الخرطوم هنا واللا شنو؟ اها الجماعة ديل بحضروا ليهم في الرقاصين والرقاصات عشان الربة الكاربة دي، استقبال وكده. بعد الحفلة تنتهي ابشرك بأغنية جديدة اسمها (ابو يرنيطة مبسوط مني).

غايتو انحنا الغبش ناس جراري ساااكت.


#402236 [واحد مش رقاص]
2.88/5 (6 صوت)

06-23-2012 02:50 PM
هويييييييييييييي يا عوووووضة ها داك الفيل لا تطعن في ضُلا!!!!!!!!!

أعتقد - والله أعلم_ أن أي واحد قرأ العنوان فقط لإإن أول صورة تأتي إلى راسه هي صورة


......................................... خليك من كدا ايش رايك في الشعار دا




(القصاص القصاص لن يحكمنا رئيس رقاص)


#402206 [أبو أحمد]
3.00/5 (2 صوت)

06-23-2012 02:32 PM
إذا كان رب البيت بالدف طاربا فشيمة أهل البيت كلهم الرقص


#402175 [ابودجانة]
0.00/5 (0 صوت)

06-23-2012 02:12 PM
اذاكان رب البيت راقصا فكل اهل البيت شيمنهمو الرقص


#402173 [Abu Hadi]
0.00/5 (0 صوت)

06-23-2012 02:11 PM
يا اخوي خليك واضح وشجاع وقول الرقاص المقصود هو الرئيس .. حيث انه يرقص وكأن كل مشاكل السودان قد حلت!!!


#402134 [nader]
3.00/5 (4 صوت)

06-23-2012 01:46 PM
يا عووضه يا خلبوص كانك تقول اياك اعنى فاسمعى يا جاره


#402132 [ود نمرة 2]
3.00/5 (4 صوت)

06-23-2012 01:45 PM
غايتو زولنا ده رقاص رقيص ، عرضة و كشف و حت و كله


#402113 [ام ميار]
2.94/5 (5 صوت)

06-23-2012 01:31 PM
استاذ صلاح شكرا , الرساله وصلت


ردود على ام ميار
United States [مدحت عروة] 06-23-2012 04:04 PM
فعلا الرسالة وصلت يا ام ميار!!!!!

United States [hamid] 06-23-2012 03:56 PM
وصلت بالكامل


#402109 [زكريا باسي]
3.00/5 (2 صوت)

06-23-2012 01:27 PM
الاخ العزيز تمنيت أن يكون لهذا الكم الهائل من الرقص والغناء والطرب بما هو ثمين من الفن وما هو غث لا يستحق المداد الذي كتب به تمنيت أن يكون له ما يبرره من نعماء ورغد في الحياة نعيش فيهما أو نجاحات وتفوق في نواحي حياتنا من سياسية واقتصادية واجتماعية وتكنولوجية تجعل قلوبنا تمتلئ زهوا وفخرا فلا نجد بدا من اخراج هذا الزهو وهذاالفخر إلا بالطرب والغناء حينها لكان لنا العذر ....
ولكن أن نغني ونطرب ونرقص والرطن الغالي ليس في ضائقة ومتخلف فحسب بل مثخن بالجراح وينزف دما في غربه وشرقه وجنوبه ومناظر النازحين واللاجئين والمشردين تملأ الآفاق ويعلم بها القاصي والداني والحروب المشئومة يدور رحاها في كل شبر بل وقتل النفس التي حرم الله إلا باحق وازهاق الأرواح البريئة ما توقف لحظة ورائحة الموت تنتشر في كل مكان أيحق لنا بعد كل هذا أن نطرب ونرقص ونغني ؟ألا نستحي من أنفسنا ؟


#402108 [ياسر]
3.00/5 (2 صوت)

06-23-2012 01:27 PM
شكرا يااستاذ

الرقاص بعد دا مافضل ليهو الا شراب السجاير


ردود على ياسر
United States [hanan kokoabas] 06-23-2012 03:03 PM
ومنو القال ليك ما بشرب سجاير

United States [Abahmed] 06-23-2012 01:53 PM
منك ومن عووضة. ملعوبة. الهم فرق شملهم....الهم أفضح كذبهم واجتراءهم عليك.....الهم اذل نافع ومن شايعه.....امين...دعوة مسافر


#402107 [الرقاص سيد القوم]
4.00/5 (3 صوت)

06-23-2012 01:26 PM
كانك تريد ان تقول

إذا كان رئيس القوم (راقصاً) ....... فشيمة القوم الرقص والطرب


مع لاعتذار للبيت الحقيقي

خلاص بعد ده راحت ليه واحسن ما يستخدمو اي طلقة لانه ما ح توقف انتفاضة المواطن ولا بتخوفه إطلاقاً ... وإذا عايز يرقص يجي يرقص في الميدان ويطلع من القصر


#402097 [ود البلد]
3.00/5 (4 صوت)

06-23-2012 01:20 PM
صلاح عووضه يديك الف عافيه وتعجبني دائما كتابتك الشيقه والهادفه وانت تكتب في الصميم انت والفاتح جبرا وفيصل ومجموعه نيره وخيره من امثالكم وربنا يحفظكم للشعب السوداني ويذهبوا الطباليين الى الجحيم وشوف لينا ندى القلعه وين الايام الساخنه ده في رقصه جايطه علينا


#402096 [abubakr]
3.00/5 (2 صوت)

06-23-2012 01:18 PM
هذا مقال بدون موضوع لقد خرجت المظاهرات وجلهامن الشباب في هتافات هادرة: جوعت الناس يا رقاص.


ردود على abubakr
United States [متفائل جدا] 06-23-2012 03:35 PM
الحق نفسك .. اذ ترقص و تتظاهر برا الشبكة ..

اعد القراءة مع الاستعانة بفهامة الفاتح جبرا ..


#402091 [ابو ابراهيم]
3.00/5 (5 صوت)

06-23-2012 01:17 PM
الناس علي دين ملوكهم يا عووضه


ردود على ابو ابراهيم
United States [عمرابي] 06-23-2012 05:05 PM
قالوا في ملك حصلت لية ضائقة مالية ... فقام وزيرة اشار علية بي انة يدفع كل زول يجي ماري بي

الكبري ( مثلا من امدرمان الي الخرطوم ) 10 جنية

اللهم بقا كل شخص يمر بي الكبري لازم يدفع 10 جنية الناس بقت تدفع و ما اتكلمت... الملك سال

الوزير الناس دي بتدفع قال لية ايوة .. في زول عندو راي قال لية لا .. بعد فترة الضائقة ذادت

علي الملك فقرروا رفع المبلغ من 10 الي 20 جنية ... سال الملك الوزير عن الناس بتدفع ؟ قال لية

ايوة ... فى حد عندو راي قال لية لا ... قال لية ارفع الضريبة لي 30 و اي زول يجي قاطع الكبري

يدفع الـ 30 دي و ياخد كفين ... قال لية جدا و فعلاً كان كل زول بيجي ماري بيدفع الـ 30 و ياخد

الكفين و يمشي .. الملك سال الوزير يا زول مافي زول قال شي قال لية ابدا لا زول قال ما بدفع لا زول احتج لا اي شي ؟؟؟ قال لية ابداً
الملك قال لية طيب اي زول يجي ماري بي الكبيري يدفع 30 و يتكفت و يغتصب !
واذا كان .. كل زول بقا يدفع ال 30 و يتكفت و يرقد ... الملك سال الوزير تاااني قال لية مافي شي الناس دي بتدفع و تتكفت و ترقد

الملك قال يشوف الحاصل شنو براة .. قام مشي علي الكبري و شاف الناس بتدفع و بتتكفت و بترقد ... قام قال للناس انا جايي اشوف احوالكم اها الامور كيف ..

كل الناس الواقفة قالو لية ســير ,,, ســـير يا الرئيس نحن جنودك للتعمير ....الخ كسير تلج كدا

الا وااااحد بس رفع يدو !

الملك : مالك يا زول

المواطن : قال لية قلتو 10 دفعنا 20 دفعنا 30 دفعنا كفيت اتكفتنا .. رقاد رقدنا

لكن الاولاد ديل عندهم مدارس و وامتحانات و نحن كل يوم بنتاخر من شغلنا ياخ زودوا لينا عدد

الغاصبين او بالعربي البليد ( النييكة ))

السيد نافع علي نافع و السيد علي القال حيعامل مع الشعب بحد السيف و اتباعهم

البناطلين ليها سستم، والقوانين ليها سستم،
البنوك الفيها بستم .. من سويسرا ولي ماليزيا
بالسفارات
والعمارات
والخبارات

ملحوظة :- أنا ما بجيب سيرة الجنوب .... ودا ياهو قطيع القلوب


صلاح الدين عووضة
صلاح الدين عووضة

مساحة اعلانية

تقييم
9.49/10 (18 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة