سافروا
06-25-2012 09:28 AM

حاطب ليل

سافروا

د.عبد اللطيف البوني

تطورات الأحداث من رفع دولار ورفع دعم ورفع أسعار وترشيق حكومة و.. و.. صرفت الأنظار عن استئناف التفاوض بين السودان ودولة جنوب السودان فالوفد السوداني الذي حط رحاله في أديس يوم الخميس لم يكن خبره متصدرا الأخبار وخرج كأنه متسلل ودون شك أن هذه التطورات سوف تؤثر كثيرا على موقف السودان التفاوضي فالضغوطات الداخلية سوف تضعف موقف البلاد على الطاولة وتجعلها قابلة لمزيد من الضغط على عكس الجولة السابقة فقد كان وفد الجنوب يعاني من تمزق جبهته الداخلية بسبب تداعيات أحداث هجليج فكان وفد السودان متشددا وواضحا في رفضه خريطة الجنوب.
وبمناسبة هذه الخريطة فقد ذكر الدكتور حسين سليمان ابوصالح لقناة الشروق أن هذه الخريطة التي قدمها وتمسك بها وفد الجنوب قد وضعتها شركة شيفرون في عام 1983 وصممتها على أن تكون بها كل مناطق البترول ضمن حدود الجنوب ولكن مهما يكن من أمر واضع هذه الخريطة فإنها فعلا تحتوي أكبر مناطق إنتاج البترول في السودان المتبقي ولكن في النهاية يجب التعامل معها على أنها موطن نزاع وموطن ادعاء فالنزاعات الحدودية دوما تحتاج الى وقت طويل من جودية ووساطة وتحكيم ولكن في النهاية سوف تتحكم فيها الأوضاع الداخلية في البلدين مضافا لها العلاقات الخارجية ثم الأهم العلاقة بين البلدين ولنا في حلايب سابقة مشبعة للقراءة.
الأمر المؤكد أن وفد الجنوب قد وضع خريطته هذه لتفخيخ فكرة حسم القضايا الأمنية أولا الأمر الذي طالبت به حكومة السودان إذ كان ينبغي أن يكون هناك مساران للتفاوض في اللجنة الأمنية مسار للأمن ومسار للحدود. نعم تحديد المنطقة المنزوعة السلاح يتطلب تحديد نقاط الصفر في الخرائط ولكن حتى هذه يمكن تأجيلها والتفاوض على بقية القضايا الأمنية العاجلة لا بل يمكن أن تسير المفاوضات في كل القضايا على التوازي بمعنى أن تعمل لجنة النفط في نفس الوقت الذي تعمل فيه اللجنة الأمنية والحدود والتجارة وبقية القضايا العالقة إذ قد يحدث اختراق في لجنة يلين المواقف في بقية اللجان فمثلا لو حدث اتفاق على النفط يمكن يقود لاتفاق في قضايا أخرى فالمفاوضات بين البلدين محتاجة لاختراق يذيب جبال الجليد بينهما.
غني عن القول إن أي اتفاق جزئي لا يمكن أن ينفذ بمعزل عن القضايا الأخرى خاصة الأمن فمثلا لو تم اتفاق على موضوع النفط فبالطبع لن ينفذ إذا لم تحسم قضية الأمن خاصة حالة الحرب ودعم المعارضات المتبادل لأن البترول سوف يزيد النار اشتعالا بدعم قدرات البلدين الحربية لذلك في تقديري يجب أن تكون هناك مرونة في هذا الجانب الإجرائي من المفاوضات فترتيب الأجندة مسألة إجرائية بحتة كل هذا بافتراض أن الدولتين والقوة الخفية فيهما وخارجهما تريد حلا لتلك القضايا مع بقاء النظامين كما هما لأنه يبدو لنا أن هناك لعب (تحت تحت) على متغيرات في جوبا أو الخرطوم وهذا ما سوف نفصله غدا إن شاء الله.


تعليقات 35 | إهداء 0 | زيارات 4987

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#406631 [غلطة تساراي]
0.00/5 (0 صوت)

06-26-2012 08:59 AM
كأننا واالماء حولنا *** قوماً جلوسا حولهم ماء


(كان قوم يجلسون في واحة وسط الماء فأراد أحدهم أن يؤرخ ذلك شعرا فقال:-
فكأننا والماء من حولنا .. قوم جلوس ومن حولهم ماء
وضحك الحاضرون , وقام ابن الذروي الشاعر وكان حاضرا وعلق على ذلك الشعر قائلا:-
أقام بجهد أياما قريحته .. وفسر الماء بعد الجهد بالماء)


#406473 [ام ميار]
0.00/5 (0 صوت)

06-26-2012 12:43 AM
والله يا استاذ انا مابحب الالفاظ المسيئه لكن اجبرتني
مررررض


#406246 [حيران]
0.00/5 (0 صوت)

06-25-2012 07:50 PM
دكتور البوني : لك التحية
بصراحة بدأت أصدق فعلا أنك كاتب غير جاد ، ما أعرفه أنك معلم جامعي وانك غير محترف صحافة ، أفضل لك ألف مرة أن تمارس ما تجيده وتتقنه ، أما الصحافة فتحتاج لمهنية وأخلاق وشرف أنت غير مستعد له في الوقت الراهن ، نعذرك في ذلك ، عد لمحاضراتك .
تتحدث عن مواضيع التفاوض مع دولة جنوب السودان ، يا سيدي نحن ثرنا من أجل هذا الموضوع ومواضيع أخرى ، نحن ثرنا ليعود جنوب السودان لمكانه الطبيعي بعد ذهاب هذه العصابة


#406207 [البعاتى]
0.00/5 (0 صوت)

06-25-2012 07:06 PM
لكن يا البونى بالغت شدييييد .. الناس فى شنو وانت فى شنو!!!!


#405828 [tarek]
0.00/5 (0 صوت)

06-25-2012 02:40 PM
البوني دا عارفنو و ما حاريين منو شي تب , لكن الفاتح جبرا دا مالو ؟؟


#405792 [شاذ افقياً]
0.00/5 (0 صوت)

06-25-2012 02:24 PM
23 عام والبوني وامثاله يكتب عن المفاوضات وسبحان الله لم يتوفق باي تحليل ولم يحدث اي شي توقعه ولم يبارك الله في شي دافع عنه ولم تفلح في مقصده وشاب راسك وانت تنافق... أسالك بالله ان لا تكتب عن ثورة الشعب شيئا لانك كج


#405753 [اللاحس كوعه فرع الصعيد]
5.00/5 (1 صوت)

06-25-2012 02:07 PM
يادكتور أخبار الإنتفاضة كيف ولا انت كنت راكب مع الريس في السيارة المكشوف


#405752 [كاكوم]
0.00/5 (0 صوت)

06-25-2012 02:07 PM
الحماعة ماصدّقوا


فتح التعليق على مقالات الدكتور


صرفوا ليه تقيل


#405732 [دقيس]
0.00/5 (0 صوت)

06-25-2012 01:58 PM
يا دكتور البوني ، الناس في شنو والحسانية في شنو
الكل يكتب عن الانتفاضة والثورة والربيع السوداني وأنت لا زلت تكتب مثل هذه المقالات المملة


#405725 [المشتهي الكمونية]
0.00/5 (0 صوت)

06-25-2012 01:55 PM
الى الأمام يا شــباب الى الأمــام الى الأمام
وحدوا الصفوف نظموا الصفوف وهيا نحقق آمالنا العظام
وحدوا الصفوف نظموا الصفوف هيا نحقق الأحلام
النصـر قادم رددوا الشعار وارفعوا الأعـلام
النصر قادم دكوا الحصون وحطموا الأصـنام
النصر قادم حاربوا القتلة واللصـوص وادحروا الأزلام
النصر قادم قاتلوا تجار الدين وارفــعوا راية الإسلام
النصر قادم لعزة السودان النصر قادم لدحر اللئام
هيا نوحد الصفوف هيا ننظم الصفوف هيا نودع الظلام
هيا نوحد الصـفوف وندق الدفوف وننتصـر لأهلنا الكرام
إلى الأمام لا تخاذل لا تهاون لا تراجع لا يأس واستسلام
إلى الأمام إلى النضال إلى الأمام حتى يسقط النظام


#405720 [أبو علي]
0.00/5 (0 صوت)

06-25-2012 01:53 PM
سبحان الله ،،،
الناس في شنو والحسانية في شنو ، أحسن ليك يالبوني تحدد موقفك عديل وتخلي التطبيل.


#405650 [مروان]
0.00/5 (0 صوت)

06-25-2012 01:13 PM
أنا من زمان اكتشفت أن البوني لا حط له من الرجولة وقلت هذا الكلام ولكن بعض من ظنوا فيه الخير دافعوا عنه والآن فقط عرفوا أنهم كانوا مخطئين لأن مثله لا يكون غير تابع ذليل لكل من يعرف ماتنطوي عليه نفسه من خسة وخوف.


#405637 [عزالدين]
0.00/5 (0 صوت)

06-25-2012 01:05 PM
كان بودي ان اقرأ حاجة أفضل من ما قرأت...يا دكتور ، بل كل الدكاترة، برهنوا انتكم من كبد هذا الشعب...


#405463 [محمد سيد]
0.00/5 (0 صوت)

06-25-2012 12:05 PM
البوني ... هل هو الجبن ؟ ام الحقيقة انك جذء من هذا النظام و احد ابواقه ؟
لقد تمايزت الصفوف يا دكتور و تلاشي اللون الرمادي ... فاذهب انت و رماديتك الي حضن نظامك الفاسد ....
لكن تذكر فقد سقط القناع و ما صارت ورقه التوت توري عورتك ...


#405448 [jaaah]
2.00/5 (1 صوت)

06-25-2012 12:02 PM
و مني ابوزيد ما سالتها رايك شنو
يا البوني كان استمريت علي كدا و الثورة شغاله
الا تقعد قبلك في البيت
قول الحق
ولو مره ولو مره


#405425 [سوداني على حق]
0.00/5 (0 صوت)

06-25-2012 11:54 AM
يابوني ياجبان يا عميل الكيزان


#405415 [lhhhhhhhhhhhhhhhhhhhhhh]
0.00/5 (0 صوت)

06-25-2012 11:52 AM
دوما تغرد خارج السرب ياجبان

صحفى الظل لاخير فيك


#405414 [omer osman]
0.00/5 (0 صوت)

06-25-2012 11:52 AM
البونى.................ومسك العصا...............من المنتصف...............


#405402 [سوداني مقهور]
0.00/5 (0 صوت)

06-25-2012 11:48 AM
الواحد يفهم شنو من مقالك دا يعني داير الناس تسيب ثورتها وتلتف مع حكومة الوهم والفساد عشان ننجح المفاوضات خسئت يابوني وسقط قلمك خسارة كنا نعدك من الشرفاء لكن طلعت من الجينات لو قلمك دا يعرف يكتب الحق كان تكلم عن ثورة الغلابة البتسمع صدائها من داخل بيتك أخير ليك انك تصمت او تسافر كما هو عنوان مقالك فلا مكان للجبناء فمن يكتم كلمة الحق فهو شيطان اخرس ومن يتجاهل ثورة الشرفاء فهو بالتأكيد جبان او عميل لقد سقطا من أعيننا وقد حان وقت كشف الأقنعة


#405400 [abusabeeb]
5.00/5 (1 صوت)

06-25-2012 11:47 AM
ياسبحان الله احترم شيبك ايها المرتزق الناس بتموت في الشارع وانت قاعد وين زي كانك خارج الخرطوم

اتق الله واحسن تشوف ليك شغلة تانية


#405340 [قاسم امين]
0.00/5 (0 صوت)

06-25-2012 11:29 AM
يا شباب هذا البوني ومعه احمدالبلال ابوشلاضيم هم صحفيو كل من يحكم وقلمهم مسخر لمصلحتهم فقط متين حا نبتر امثال هؤلاء من الصحافة السودانية..اتمني ان تتمايز الصفوف خلال ثورتنا هذه ونعرف اولاد البلد منو والأرزقية والنفعيين منو..والرصد شغااااااااااااااااااال


#405329 [المغتاظ]
0.00/5 (0 صوت)

06-25-2012 11:25 AM
يالبوني الفكي الغيتوني ياشاطر يدكتور الناس ما بتشتغل بكلامك الانصرافي ده ببساطة لأن هذه المحادثات ليس اولويات الساعة والسواها يتحمل نتائجها ةيعرف فك طلاسمها ولو دقس زي كل مرة يشيل شيلته هو كان شاورنا قبل او بعد هذه الاتفاقية البتشبه عجورة الفلاتي دي. ياخوي اكتب عن همومنا الحالية او اصمت خيرا


#405308 [المحروق]
0.00/5 (0 صوت)

06-25-2012 11:17 AM
عزيزى البونى وانت صاحب الخبرة والتجربة ، الم تعلم ان من ابجديات أختيار العنوان الخاص بالعمود الصحفى هو ملامسته لقضايا الناس الحالية ، الناس جعانه وشقيانه والحكومة زادت المحروقات وانت جاى تقول لينا الجنوب والاتفاقيات ، بالله عليك تناول القضايا الحالية أو تنحى من الكتابة ، سيسألكم الله عما تكتبون يوم القيامة .........................


#405301 [واحد ثائر]
5.00/5 (2 صوت)

06-25-2012 11:15 AM
ما عندك موضوع ! ! ! ! !


تجاوزك الزمن ...........................


والحساب ولد......................



صرت حاطب ليل بالجد...........



لا ترى الغث من السمين !!!!!!



(واحد من شذاذ الآفاق)


#405283 [ود كوستي]
0.00/5 (0 صوت)

06-25-2012 11:09 AM
الناس في شنو ي البوني دي ثورة شعبية عارمة يا البوني لا مكان فيها لمرجف او متخازل.


#405268 [شهادة عربية]
0.00/5 (0 صوت)

06-25-2012 11:03 AM
الحدود دي واضحة وما حا نقبل اي تهاون فيها .. ما تقول لي دي دبلوماسية .. الدبلوماسية وفن التفاوض ابدا لا يعني التساهل والتفريض في الحقوق ..


#405249 [KK]
0.00/5 (0 صوت)

06-25-2012 10:55 AM
الكتاب الذى ديل بتجيبو كتابتم فى راكوبتنا دى ليه والله هذا البونى عمروا ما كتب حاجه مفيده يتضارى بجاى ويضارى بهناك خلوه النومه دى بتريحو


#405178 [عبد ألله]
5.00/5 (1 صوت)

06-25-2012 10:34 AM
الناس في شنو وانت في شنو؟ على الأقل قول ان هناك (احتجاجات طلابية) والا حتى دي منعوها وكده؟!


#405171 [ابو الكل]
0.00/5 (0 صوت)

06-25-2012 10:33 AM
اولا:- الجنوبين معاهم خبراء و نحن ناسنا البتفاوضوا كرور والكرور اخير منهم
ثانيا:- الملف الامنى ما حا يتحسم لانه ناسك بيدعمو فى متمردى الجنوب و الحركة الشعبية تدعم فى مناضلى السودان
ثالثا :- ده وقت ترسيم وتحديد الحدود؟ - بالله عليك اكبر حمار خلقه ربنا يتصرف مثل هذا التصرف ؟؟ اولا معرفة الحدود حتى بعد ذلك الاستفتاء وبعده تقرير المصير
رابعا:- ذكرت انه اذا حلت مشكلة البترول سوف يزيد من اشتعال الحرب . انت واهم . الجنوبيين ما عندهم مشكلة كل دول العالم بما فيها الدول العربية والاسلامية حا تمدهم بالمال والسلاح . يعنى البترول بالنسبة ليهم زيادة خير فقط . اما ناسك فاذا فتح البترول سوف يسرقوا عايداته لحسابتهم الخاصة والسلاح اذا وجدوه حا يشتروا بالدين ويضاف لدين ال40 مليار غير ارباحها المركبه .


#405135 [خيرى]
0.00/5 (0 صوت)

06-25-2012 10:21 AM
الناس فى شنو و انت فى شنو !! كفاية كتابة


#405063 [بدر احمد]
0.00/5 (0 صوت)

06-25-2012 09:59 AM
والله انت من يحتاج الى اختراق يزيل عنك جبال الخوف ويعافيك مما بك من ( لولوة ) يا اخى حكم ضميرك واحتتطب ليلا او نهارا واكتب عن ما يجرى ثم بعدها اجرى انت ورمياتك


#405045 [ابو كوكاب]
0.00/5 (0 صوت)

06-25-2012 09:53 AM
تفاوض .. دون شك .. طبعا .. غني عن القول.....
الشباب في الشارع يا دكتوووور ..
الله يهديك ..
عووووووووك يا صحفييين الناس في شنو وإنتو في شنو؟


#405023 [الجمـــصي]
5.00/5 (1 صوت)

06-25-2012 09:44 AM
طبعاً انت يا البوني شيطان شيطنة وفي الشيطنة زول زيك مافي
يا ريت ياخي تعرف انه نظامك دا مشتت و انت حا تشتت و نحن بعدين بنعرف
كيف نتفاهم مع اخوانا الجنوبيين فكرة انه غيركم مافي دي بلوها و اشربو
مويتا ... الله يكرهكم كان كرهتونا حياتنا


د.عبد اللطيف البوني
د.عبد اللطيف البوني

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة