المقالات
السياسة
ارشيف مقالات سياسية
كدي النشوف حبلك..مرخي ولا مشدود
كدي النشوف حبلك..مرخي ولا مشدود
06-26-2012 09:52 PM

كدي النشوف حبلك..مرخي ولا مشدود

محمد العمري
[email protected]

وكما يقول أحدهم وهو يشكو مر الإنتظار وضيق الحال (الذي طال) ويخاطب فرج رب العالمين قائلاً: ياالفرج..مش قالو مفتاحك الصبر..ماهو نحنا صابرين لينا سنين..إنت غيرت مفتاحك ونسيتنا ولا شنو؟؟

بضع وعشرون عاما وقادة الإنقاذ يطلبون منا أكل الكسرة والويكة (العيش والفول ديل عيبوهن لي ).. بضع وعشرون عاما ننتظر وهم يكررون نصائحهم الداعية الى التقشف وكاننا نشكوا عدم توفر الفراخ والسمك والفواكه في الاسواق..!!..

هو لو الناس لاقية كسرة ولا عيش حب كان خلوكم لي يوم الليلة..

تقليعتم الجديدة شنو؟؟

يطالبون بشد الحبل والربط على البطون..!!

ياناس الحكومة..أليس فيكم رجل رشيد؟؟

أين هي البطون التي تطالبوننا بربط الحبل عليها (لا..وكمان لازم تشدو كويس) ياخ ماعيب نربط على الفاضي؟؟..

طيب يامصطفى عثمان إسماعيل ماكان ترفع لينا قميصك نشوف حبلك مرخيي ولا مشدود..

أمنتم مكر الله ولا يامن مكره إلا القوم الخاسرون..

الا تعلمون أنه متى رفع المظلوم أكفه إلى الله تسكن الأرض وتنصت الملائكة..

وأنه ما عصي الله بشيءأعظم من الاستيلاء على قوت الفقير..وما أصيب الناس بداء أوجع من الفقر..ولم يعانوا بعد الكفر شراً من الفاقة..

إتبعتم معنا سياسة جوع كلبك يتبعك..وسنن من كان قبلكم من الهالكين..ونحن لسنا بكلاب..

الشعب مهما بلغ من الجوع والعوز فهو لا يتبع بل يثور..

لم يعد لدينا مانخسره..

لم نعد ننتظركم..تابعونا ونحن نكتب المشهد الأخير..

المستقبل لنا.. نريد وطنا وكرامة..


تعليقات 0 | إهداء 0 | زيارات 1096

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




محمد العمري
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة