المقالات
السياسة
ارشيف مقالات سياسية
متى يقابل مرسي نتنياهو ؟
متى يقابل مرسي نتنياهو ؟
06-28-2012 11:24 AM

حاطب ليل

متى يقابل مرسي نتنياهو ؟

د.عبد اللطيف البوني

نترك الخرطوم ومظاهراتها التي اعلت المعارضة من شأنها وقللت الحكومة منه ونتجه غصبا عنا الى القاهرة ومظاهراتها التي تختلف عن مظاهرات الخرطوم شكلا ومضمونا فيكفي ان في الاولى حرق لساتك وفي الثانية شماريخ . فيوم الاحد الماضي كان يوما تاريخيا ليس في مصر وحدها ولكن في كل منطقة الشرق الاوسط وما كان ينبغي لذلك الاحد ان يكون تاريخيا فلحظة انتهاء عملية الفرز للانتخابات الرئيسية المعادة كان ينبغي ان تكون هي اللحظة التاريخية ففي كل انتخابات الدنيا تظهر النتيجة بمجرد الفراغ من الفرز وتوقيع رؤساء اللجان الفرعية ومناديب المرشحين ولن يتبقى للجنة العليا الا جمع حصيلة اللجان الفرعية والاعلان الرسمي
لقد حبس العالم انفاسه مع المستشار فاروق سلطان لمدة 54 دقيقة وعندما اعلن النتيجة في الدقيقة ال55 التي انهى عليها بيانه تنفس الجميع الصعداء فحتى تلك الدقيقة كان فوز شفيق متوقعا فقد سرت اشاعة تناقلتها الفضائيات الكبرى قبيل اعلان النتيجة ان الطعون قدمت شفيق على مرسي ب11 الف صوت فقط كما سرت اشاعة ان قرار اللجنة سيكون اعادة الانتخابات لوجود مخالفات اثرت في النتيجة كما اشيع بان محافظتين على الاقل ستعاد فيهما الانتخابات المهم ان النتيجة اصبحت مجهولة تماما وقد شاهدنا التجمعات المصرية في ميدان التحرير وغيره وبعضهم يرفع يديه بالدعاء وبعضهم يضع يده حقيقة لامجازا على قلبه والشوارع المصرية خالية تماما من السيارات والمارة فكان المشهد اقرب لمشجعين كرة داخل استاد ينتظرون نتيجة ضربة جزاء وهذا غريب جدا على الاعراف الانتخابية .. ولكنها مصر وسنة اولى ديمقراطية ولكن هذه العملية الدرامية التي تمت بها العملية اعطتها زخما وتفردا غير مسبوق تحسده عليها ساعة اعلان فوز اوباما برئاسة الولايات المتحدة
الان وقد انتهت سكرة النصر وبدأت عملية التفكر في الواقع الشائك والتركة المثقلة التي سوف تجابه اول رئيس منتخب في تاريخ مصر (سبعة الاف سنة) والتي تواجه التنظيم الاسلامي الذي كان محظورا ولمدة تفوق الثلاثة ارباع قرن . كلمة مرسي الافتتاحية كانت منفتحة على مصر اذ كان مصرا على الوحدة والوطنية وعدم الانفراد او العزل ولكن الاهم انه اعلن ثقته في الجيش والبوليس والمخابرات والقضاء اي كل مفاصل الدولة العميقة بعبارة ثالثة لن يكون هناك احلال وابدال في شكل تطهير او صالح عام او تمكين وفي نفس الوقت اعطى الثورة حقها بتمجيده للشهداء واسر الشهداء واعلن رهانه على القوى الثورية بصراحة كدا انني المح اعادة ادماج للاخوان المسلمين في مجتمع مصر واثبات ان العنف والارهاب الذي دمغوا به ماهو الا رد فعل لما طالهم من قمع يبدو ان حسن البنا بدأ يعود على حساب سيد قطب وآخرين
يتقاطع مرسي وتنظيمه مع القوى الثورية وبقية الرأي العام المصري في مناطق كثيرة ولعل اهمها ايقاف الفساد والعبث بقدرات الشعب المصري واعادة مصر الي موقعها الريادي العربي والاعتماد على الذات بالاضافة للحرية والعدالة والذي منه ولكن مطلوب من مرسي ان يعلن موقفه صراحة من القوى الناعمة فنانين ومفكرين ومثقفين ليبراليين ومن المرأة والعلاقات الخارجية التي قال عنها في خطابه المشار اليه انه سوف يحترم ويصون كل المواثيق والتعهدات العالمية وكل اتفاقيات مصرالدولية (امك الكامب ظهرت).

السوداني


تعليقات 19 | إهداء 0 | زيارات 1565

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#410083 [salah]
0.00/5 (0 صوت)

06-28-2012 08:56 PM
الخواف ربى عيالو


#410026 [البؤساء]
0.00/5 (0 صوت)

06-28-2012 07:24 PM
هذا المدعي بائس .. إخوتي أتركوه فهو بطيخة


#409840 [الطيب]
0.00/5 (0 صوت)

06-28-2012 04:09 PM
انتو منو اداكم حق النقد او التقيم والتجريح ل د البوني مال ( الابوني) لي سلامة اللغة ومااظن عارفين انو اساس العمل الصحفي الحياد والدكتور اكبر بكثير وسنقف لك تجلالآ معتزرين


ردود على الطيب
United States [نوبى] 06-28-2012 05:50 PM
الاخ الطيب ليس هنالك من احد فوق النقد مهما كان موقعه, والصحفى يجب ان يبرز نبض الشارع , فهو ليس حرا ليكتب ما يشاء .اذا اراد ان يكتب لنفسه فليذهب ويكتب قصصا وروايات ..ولتعلم اخى الطيب بان مثل هذة الكتابات فى هذا الظرف القصد منه ابعاد شباب الثورة بعيدا وصرفهم عن ثورتهم بالحديث فى مواضيع انصرافيه, ونحن جميعا نعرف من هو د.البونى فهو احد اعمدة المؤتمر الوطنى, وكفى......


#409801 [علي عبدالله ادريس]
0.00/5 (0 صوت)

06-28-2012 03:27 PM
يا ود البوني - انت ما وصلك البنبان ولا شنه - الناس في شنه وانت في شنه - خليك معانا شويه- بدل متابعة مرسى - مرة مع الترابي ومرة مع نتنياهمرة مع الترابي !! عيش الكتاحة يا اخي ولا الحس كوعك !!


#409797 [البعاتى]
0.00/5 (0 صوت)

06-28-2012 03:23 PM
يا البونى خلى عندك حبة رجولة .. و اتكلم عن الحكومة السودانية المليانة سوءآت .


#409794 [شهاب ثاقب]
0.00/5 (0 صوت)

06-28-2012 03:22 PM
دكتور البوني مما ظهرت في التلفزيون أنت والصحفية التي كانت معك نسيت يادكتور قضايا مجتمعك
أولا أنت من الجزيرة ونسيت مآسي الجزيرة مع واليها المجاهد البروف وإخوانه الحرامية
ثانيا: أنت تتدخل في قضايا مصرية ياأخي خلي عندك دم المصريين أحسن وأشرف منا قاموا بالثورة
مبارك في السجن ديمقراطيةتمام أما أنت وأمثالك من صحفيي الغفلة الذين جاءت بهم الإنقاذ أمثال الهندي عزالدين وآخرين نشكوكم إلى الله ياسدنة جاتكم ألف داهية
ثالثا: بدل ما تعلق يادكتور على أحداث بلدك ماشي مصر قوم ياأوطنجي خايف من زوار الفجر


#409771 [Abdelwahid Kamal]
0.00/5 (0 صوت)

06-28-2012 02:58 PM
اكبر مشكلة لدينا اننا نتبني قضايا الاخرين ونتصدي لاي ردت فعل عندما تحل واقعة لاى جهة ما وخاصة فلسطين ماذا تفتكر يا دكتور لو رجع مرسي لاتفاقية كامب ديفد شئ بديهي لحماية امن بلده فاكر حا يقول لك امريكا وروسيا قد دنى عزابها ام ماذا ام تريده ان يقفل جميع منافذ اقتصاده اسئلك سؤال وارجو ان توجهه لوزارة ثقافتك كم تدفع الوزارة سنويا لشراء اامسلسلات اهل مكه ادرى بشعابها اتركنا مع حكومتنا وشعبنا وحرق الاطارات وشوفوا حلل للجوطه دي


#409757 [سوداني مقهور]
5.00/5 (1 صوت)

06-28-2012 02:42 PM
نترك الخرطوم ومظاهراتها !!!!!
وكاننا نعيش في دولة اخرى او لايهمنا شان بلدنا
جبان وعميل كيزان
احترم نفسك قل الحق او خد اجازة حتى يصمت قلمك الذي فقد الكثير من القراء بمواضيعك الجبانة وتجاهل احداث البلد اما خوفا او تطبيلا فان كانت خوفا اقول لك النسوانين خرجو في مظاهرات وانت ماقادر تكتب ليك حرف ولو تطبيلا فلقد سقط القناع ولم ينقصنا شي سوا اننا فقدنا شخصا كنا نحترمه ونحترم فكره وكتاباته وانتقاداته ولكن في الحارا و وقت الجد تخاذل وادار ظهره فهنا يظهر معدن الرجال و وقوفهم مع الحق فعليك ان تختار ياما تعتبر نفسك مع المتخاذلين فان النساء اشجع منك او مع الرباطه والكيزان وكنت بتخدر هذا الشعب بي مقالات تصب اغراضها في صالح اسيادك


#409703 [abumohanad]
5.00/5 (2 صوت)

06-28-2012 02:12 PM
الخزي والعار


#409699 [abumohanad]
5.00/5 (2 صوت)

06-28-2012 02:08 PM
ما لنا و مال مرسي يا الابوني ان شا الله يقابل الشيطان زاتو الناس في شنو وانتو في شنو اثبتم انكم عدو الشعب ساعة الحارة كلكم فريتو وتركتوه وما ضنيتو عليه ولا بكلمة مواساة تفرو وين من التاريخ


#409694 [ابو يسرا]
5.00/5 (1 صوت)

06-28-2012 02:05 PM
لقد فقد ها الرجل إحترام الجميع بمشيه تحت الحائط ..وكسر سن قلم الأخلاق والامانة الصحفية بعدم تناوله لأحداث جسيمة تحدث في بلده..لقد إنضممت بجدارة لركب احمدالبلال الطيب وضياء الدين والباز وكل هؤلاء الأرزقية ..ونستاهل نحنا زاتو العملنا منكم صحفيين ونتبع اخباركم وكتاباتكم ..لكن اخدوها من شباب الثورة كلمة صحفي ما وقف مع شعبه في لحظات المحنة الشعب ماعاوزه في السودان الجديد ..وحا ننظف ونكنس كل البلد من امثلة هذه الأقلام المايعة والمأجورة والتي لا تعرف سوا مصالحها ..إخص عليكم ..


#409615 [TIGERSHARK]
3.00/5 (2 صوت)

06-28-2012 01:02 PM
It seems that making a living in Sudan is really hard, I feel sorry for the writer


In this short life the death is one, whatever the outcome is,its better to live with dignity


#409606 [نوبى]
5.00/5 (2 صوت)

06-28-2012 12:54 PM
الناس فى شنو وانت فى شنو... نحنا ما لنا ومال مرسى يا شيخ .. ايه العزف النشاذ دا....عالم غريب وعجيب, ما تحلو لينا مشكلة شذاذ الآفاق فى الاول . ياخى فقعتوا مصاريينا ..الله اكبر عليكم ..


#409585 [abusabeeb]
5.00/5 (3 صوت)

06-28-2012 12:33 PM
سبحان الله العظيم ليك كم يوم قادينا مصر ومرسي ؟ يازول انت قاعد وين اللعوتة ذاتها فيها مظاهرات

احترم شيبك واحترم شعب السودان

واقول ليك يادكتور شوف ليك شغلة تانية وشوف لصاحبك المنقولي معاك


#409580 [ود البورت]
5.00/5 (1 صوت)

06-28-2012 12:29 PM
انت يا البونى ما تخلى احترامنا ليك يقل دى اللحظة المفروض انك تكتب فيها مش تتهرب


#409568 [baraka]
5.00/5 (2 صوت)

06-28-2012 12:17 PM
انت ماعندك موضوع يا البوني خورفي داهية


#409565 [بت السودان]
5.00/5 (2 صوت)

06-28-2012 12:15 PM
لما ذاتترك الخرطوم ومظا هراتها يا جبا ن مصر البتتكلم عنها شوف اسا تذة الجا معا ت نا س حسن نا فعة وغيرهم كيف وقفو مع الثوار وانت خا ئف تتكلم عن ثورة السودان حتى با لكلام اضعف الايما ن خسا رة تكون من الجزيرة


#409560 [انور]
5.00/5 (1 صوت)

06-28-2012 12:10 PM
خلى مرسى فى حالو

بس انت كان .......

ورينا رايك فى مظاهرات السودان


#409533 [مقيد بالجنازير]
5.00/5 (2 صوت)

06-28-2012 11:45 AM
الناس فى شنو والحسانيه فى شنو
الناس فى شنو والبونى فى شنو ؟
اكتب عن الحاصل فى السودان وبطل الهروب واللون الرمادى
مرسى ومصر شافو حالهم
شوف حال السودان


د.عبد اللطيف البوني
د.عبد اللطيف البوني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة