المقالات
السياسة
ارشيف مقالات سياسية

06-28-2012 08:24 PM


يلا يا سودانا أصحى.. (لحسة الكوع) تبقى فرحة

د. معز عمر بخيت
[email protected]


يلا يا سودانا أصحى
المواقف باينة واضحة
يا مهندس في المصانع
ويا طبيب عصيانو صحة
ويا مُزارع في المزارع
وكل موجوع في مصحة
يبقى عافية وبلدو صافية
ماخدة من إيمانو لمحة
بانية ضد الجوع صوامع
ورافعة راية الحق مدافع
تهزم الطغيان وتمحىَ
في الرواكيب والجوامع
وفي ملفات الشوارع
وكل حارة وكل سرحة
ثلة الفاسدين تزيلا
والقوانين الهزيلة
شعب ثائر لينا أوحى
إنو في العصيان مصيرو
والكفاح يهدينا لوحة
والنضال سكة مسيرو
والصلاح منك تنحّى
يا متاجر باسم دينو
كل خطوة مشيتا جنحة
الضلال جواك ندينو
وتهري صدر الذل ذبحة
ونحن ما نامت عيونا
ولـّا صوتنا العالي بحّ
لسة بي حبك نهاتي
يا وطن مقدام وعاتي
الصمود ما عمرو زحّ
كنا صابرين فـ احتمالو
بس صبُرنا الليلة شحّ
وعد صادق بانهزامو
بعدو نفتح ألف صفحة
لي بلد مليان محافل
بيها قلب الثورة فحّ
نخنق الضيق والمهازل
والروابي الطيبة تضحىَ
امتداد حنية ماهل
شايلة من أعماقنا نفحة
مالية أرض الخير جداول
رافعة للبنيان معاول
وزارعة في احساسنا قمحة
يلا أمشو وطيرو غورو
تبقى كل الدنيا سمحة
يرجع الحق لي ديارو
والجنوب الراح وضحىّ
يلتئم جرح انفصالو
وجرحنا الأعمق ألحّ
تشفى آلام انكسارو
غنية غنية ومدحة مدحة
وتبقى دارفور النبيلة
في بلادنا أساس ودوحة
والمناصير البواسل
وكردفان الخيرا واصل
والشرق مستني فرحة
يلا يا سودانا فرهد
ثورة في حبك تزغرد
ألف مرحب وألف مرحى.


تعليقات 16 | إهداء 0 | زيارات 4372

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#411708 [القراشى]
1.34/5 (11 صوت)

06-30-2012 09:13 AM
نحن ما صدقنا نشفى بزنادك تزيده قدحة
سنة العابد دليلو وظلام الليل يزيدو وضحة
وانت جاى آخر الليل تنادى فى بدايتو اديتها سدحة
الله يغفر ليك يا نايم نحن اسود الحارة ما بتجينا سدحة
البلاد شادة حزامها ملة الكفر ما فى قلوبها رحمة
كان جرينا معاهم يومنا البت ما بتجينا شحمة
نبقى صابرين فى مكانا الليل بروح وبتجينا نفحة
والالم غصبا عليناو


#411668 [مجودي]
1.34/5 (11 صوت)

06-30-2012 08:37 AM
يلا أمشو وطيرو غورو
تبقى كل الدنيا سمحة


الله يسمع منك غن شاء الله


#411558 [متغربه ومكتويه بنار البلد]
1.34/5 (10 صوت)

06-30-2012 02:53 AM
اولا عايزه اعرف المعز ده مش ود عم كمال حسن بخيت الصحفى المغمور الذى يتقلد الان موقع سفير او مستشار
اعلامى للسفاله السودانيه بالقاهره , وهم اصلا اقرباء عمر البشير ؟ والمممممممممممممممممممممممعز ده مش الدكتور الذى تستضيفه قنوات الانقاذ كل ما زار السودان يتحدث عن انجازاته الطبيه حتى تزوج مذيعه من مذيعه من كثرة تردده على التلفزيون ؟ يعنى علاقته بالنظام عسل, بالله يا جماعه ورونا الاكيده عشان ما نكون ظلمنا الرجل وِشكرا.


#411025 [لواي سلسلن]
1.34/5 (11 صوت)

06-29-2012 05:11 PM
الله يخليك للوطن يازول يارائع .. وكثر الله من امثالك ابناء الوطن الرائعين الذين لم تغيرهم نعمة اكتسبوها بعرقهم وبجهدهم ولم ينسوا أهلهم في بلدهم رغم جراحات الغربة وصعوبتها .. لك الود حتى ينكشح ظلام الطغمة الفاسدة إلى الأبد وإلى الجحيم ..


#410732 [المهاجر]
1.34/5 (11 صوت)

06-29-2012 01:31 PM
هلا نحنا المغتربين معاكم بى المال والفكر(ديل خربوا بيوتناالله اكبر عليهم)


#410559 [حمدالنيل]
1.34/5 (11 صوت)

06-29-2012 10:43 AM
يسلم يراعك ويخضر ضراعك يا واحد من قامات بلادي .


#410424 [KHIDER]
1.34/5 (10 صوت)

06-29-2012 05:54 AM
يا دكتور ما تمسك العصاية من نصها انت مع منو شايفك خاتى راسك مع ناس الحكومة مش انت الناطق الرسمى لوزارة الصحة ولا الكنس شملك مع المستشارين والكيانان الكتيرة الكان ما ليها داعى عموما القصيدة جميلة ومعبرة جدا وبرضو بتوحى بشئ ما يمكن تكون عربون رجعة عموما أهلا بيك تانى فى الراكوبة أنا طولت ماشفت دكتور كمال الشين ياربى راح وين


ردود على KHIDER
United States [حمدالنيل] 06-29-2012 10:53 AM
اصحا يا اخونا خضر، ده البروف الشاعر العالم معز عمر بخيت علم في راسه نار أو نار على رأس العلم الذاته، وكدي شوف الصورة دي بتشبه صور خنازير الانقاذ!؟
استغفر الله يازول في هذه الجمعة المباركة من ايام ثورتنا الشعبية، وراجع معلوماتك، والاسم سالم.
ولازم لازم تعرف الزول منو؟، وبعدين اكتب لينا تصحيح واعتذار لينا نحنا محبيه قبل ما تكتب ليهو هو.
نحنا عاذرنك .. اصله اليومين ديل كل الناس شامة أي حاجة تشبه الجماعة ولو من بعيد. بس انت ركز شوية قبل ماترمي الدانة (حسب تعبيرات جريوات الانقاذ)

United States [عاشق الحرية] 06-29-2012 10:45 AM
يا أخ خضر الزول الإنت قاصدو إسمة معز حسن بخيت (شقيق كمال حسن بخيت بنتاع الرأى العام) وليس معز عمر بخيت العالم الشاعر...أقرأ تعليق "سوداني وبس"

United States [abu ahmed] 06-29-2012 08:19 AM
ياخضر ده تشابه أسماء فقط,,,,من يدافع عن عمايل الطغمة الحاكمة لا يمكن أن يحس بنبض الشعب السوداني العظيم......التحية لك يادكتور معز والله رجعتنا لايام الجامعة,,والتحية للشعب السوداني معلم الشعوب الانتفاض ومرسل الطغاة الى مزابل التاريخ وانها لانتفاضة حتى النصر....

United States [ابوغره] 06-29-2012 08:09 AM
ياخي ظلمت الراجل فالبروفيسر معز عمر بخيت شخصيه معروفه في الوسط الطبي عالميا فهو من علماء طب المخ والاعصاب بالاضافه لانه باحث مميز له ابحاث عالميه معروفه وهومكتشف علاج مرض التسي تسي المسمي باسمه وقد تراس قسم الابحاث بجمعة ستوكهولم ويعمل الان بمملكة البحربن في جامعاتها وهو من الوجوه التي يفتخر الوطن بها بالاضافه لانه شاعر يملك ناصية الكلمه وشخص يخجلك بادبه الجم . اما من تقصده فهو معز حسن بخيت ابن خالة البشير فداك حاجه تانيه خالص.


#410370 [بروفيسور: محمد زين العابدين عثمات]
1.34/5 (11 صوت)

06-29-2012 03:15 AM
الشعراء ضمير الأمة .... تواتروا وألهبوا حماس شعبكم فهو قطعاً بكلماتكم والهاماتكم منتصر باذن الله ... والثورة أنطلقت وزيادة لهيبها فى أيديكم أنتم الشعراء قصيدة رائعة حياك الله لبن سنار ودولتها السطنة الزرقاء محددة الهوية السودانية ولا بد للذى يخرج من صلبها أت يكون وطنياً وسودانياً اصيلاً والى المزيد من الأبداع والهاب الثورة العملاقة


#410365 [سوداني وبس]
1.34/5 (11 صوت)

06-29-2012 03:00 AM
رد علي الاخ هاشم
عفوا لقد تشابهت الاسماء نعم هنالك شخص اسمه د. المعز حسن بخيت وهو اخا للكاتب الصحفى كمال حسن بخيت و كلاهما ابنا خالت عمر البشير (لبشكير) فبالتالي هم موتمر وطنى و كيزان بسبب صلت القرابه و المنفعه و للتاريخ الصحفى كمال كان بعثى عراقى و فد كان ملطوع فى العراق نكره و فد عاد باطائره الرئاسيه مع عمر البشير للسودان عندما زاره عمر البشير لاول مره صدام حسين . اما د. المعز عمر بخيت فهو استاذ جامعى ومدير مركزابحاث جزهره فى جامعه الخليج العربي و و هو مكتشف و عالم فى مجاله وبعتبر مفخره للسودان الاهم هو شاعر و اديب ويعتبر رمز للرومانسيه لو انه كان من ابرز شعراءا الانتفاضه ايام نميرى وقدم برنامج رايع كان يسمى زملاء مهنه يتلفريون السودان ايام الديمقراطيه و رجل زوج للمذيعه الرايعه جديه عثمان يقناه الام بي سي وكلاهما مبدع فى مجاله . بقصديته هذه اعاد ثوريته التى كانت فى الانتفاضه له الشكر


#410282 [اخت الرجال]
1.34/5 (14 صوت)

06-29-2012 12:27 AM
: من غرائب الدنيا ان يكون زين تونس قبيحها وملعون مصر مباركها ومخرب ليبيا معمرهاومفسد اليمن صالحها وجبان سوريا أسدها والاغرب من ذلك ان يكون نذير السودان بشيره وسبب ضرره نافعه وسبب مرضه متعافيه وسبب عطشه كيزانه
اضافة بسيطة
الكيزان سبب الازي فى السودان


ردود على اخت الرجال
United States [saleh] 06-29-2012 06:22 PM
ده ابداع منك يا بت بلدي وما اظن في زول لاحظ الاقتران العجيب ده

United States [مواطن] 06-29-2012 02:51 PM
يا اخت الرجال ..... الراحل معمر القذافي رحمه الله لا يشبه من ذكرتيهم ...
ليبيا في عهده كانت واحة المغتربين سودانيين ومصريين وتوانسة ....
النهر الصناعي العظيم شاهد على أن معمر القذافي عمر ليبيا ولم
يخربها .... من خرب ليبيا مصطفى عبد الجليل والحلف الأطلسي ...
ليبيا بعد القذافي انتهت ...


#410246 [عبد الرحيم النور]
1.34/5 (14 صوت)

06-28-2012 11:38 PM
التحية لك يا د. يا رائع نطلب من كل المناضلين الشعراء و الفنانين دعم الانتفاضةالمباركة شعرا او غناءا والي الامام ثورة حتي النصر باذن الله


#410216 [المتجهجه بسبب الانفصال]
1.34/5 (14 صوت)

06-28-2012 11:03 PM
يلا أمشو وطيرو غورو
تبقى كل الدنيا سمحة
يرجع الحق لي ديارو


شكرا جزيلا بروف معز ،،،، ويكفى أنك ممن رفعوا اسم السودان طبا وبحوثا بعد أن مرمطت الانقاذ سمعتنا التعليمية والاكاديمية والصحية والاقتصادية والسياسية في التراب،، نتمنى أن يستقر السودان سياسيا ويذهب الانقاذيون الى مزبلة التاريخ حتى تعود والكفاءات السودانية الاخرى الى ارض الوطن ليستفيد من علومكم وتجاربكم الثرة ،،، شكرا مرة اخرى


#410180 [هاشم]
1.34/5 (10 صوت)

06-28-2012 10:31 PM
د المعز عمر بخيت من المحسوبين على المؤتمر الوطني ولمالقيت القصيدة دي استغربت انو يكون كاتبها الدكتور نفسو لكن يمكن يكون الله هداهو وعموما انضماموا للثوار دعم كبير للثورة


ردود على هاشم
United States [فارس] 06-29-2012 03:06 AM
الأخ هاشم
لعلك تقصد د. معز حسن بخيت مستشار وزارة الصحة الولائية وهو شقيق كمال حسن بخيت رئيس تحرير الرأي العام. أما دكتورنا الشاعر فهو الأستاذ الدكتور معز عمر بخيت وليس له علاقة بالمؤتمر الوطني من قريب أو من بعيد

United States [سوداني وبس] 06-29-2012 03:01 AM
عفوا لقد تشابهت الاسماء نعم هنالك شخص اسمه د. المعز حسن بخيت وهو اخا للكاتب الصحفى كمال حسن بخيت و كلاهما ابنا خالت عمر البشير (لبشكير) فبالتالي هم موتمر وطنى و كيزان بسبب صلت القرابه و المنفعه و للتاريخ الصحفى كمال كان بعثى عراقى و فد كان ملطوع فى العراق نكره و فد عاد باطائره الرئاسيه مع عمر البشير للسودان عندما زاره عمر البشير لاول مره صدام حسين . اما د. المعز عمر بخيت فهو استاذ جامعى ومدير مركزابحاث جزهره فى جامعه الخليج العربي و و هو مكتشف و عالم فى مجاله وبعتبر مفخره للسودان الاهم هو شاعر و اديب ويعتبر رمز للرومانسيه لو انه كان من ابرز شعراءا الانتفاضه ايام نميرى وقدم برنامج رايع كان يسمى زملاء مهنه يتلفريون السودان ايام الديمقراطيه و رجل زوج للمذيعه الرايعه جديه عثمان يقناه الام بي سي وكلاهما مبدع فى مجاله . بقصديته هذه اعاد ثوريته التى كانت فى الانتفاضه له الشكر

United States [محمد] 06-29-2012 01:39 AM
ياخي حرااام عليك ، واذا ما متأكد من حاجة زي دي ماتكتبها وتوزع تهمة مسيئة زي دي....ارجو ان تتحري الدقة والامانة فيما تكتب ، الا اذا كنت انت الكوز وطرف سوط القصيدة هبشك وزعلك

United States [المتجهجه بسبب الانفصال] 06-29-2012 12:45 AM
إنت زول حاسد،،، ناس المؤتمر الوطني فيهم زول عندو مستوى علمي،،، غازي ومصطفى عثمان ومندور وسيخة الخ اطباء ،،،، وينو نتاجم الطبي ،،، اكتب اسم معز بخيت في محرك البحث بالعربي والانجليزي وشوف انتاجو ومساهماتو العلمية،،، قال مؤتمر وطني قال،،،

United States [عبد الرحيم النور] 06-29-2012 12:04 AM
دا وحد شريف من ابناء السودان الذين يشرفون كل سوداني خارجيا وهو مقيم في البحرين وكرم علي ابحاثه في مجال الخلايا الجزعية **** زول ذي دا تقارنه بناس الموتمر البطني


#410148 [saleh]
1.34/5 (11 صوت)

06-28-2012 09:51 PM
حياك الله ايها الرائع روعة النيل والليل .


#410126 [شاذ افقي]
1.34/5 (11 صوت)

06-28-2012 09:22 PM
عظيم يا بروف,


#410113 [ام محمد]
1.34/5 (11 صوت)

06-28-2012 08:43 PM
شكرا بطل الطب والسياسة والرومانسية


د. معز عمر بخيت
د. معز عمر بخيت

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة