المقالات
السياسة
ارشيف مقالات سياسية

06-29-2012 09:24 AM

سلخ اللسان

حاطب ليل

د.عبد اللطيف البوني



كثرة الوسائط الإعلامية وكثرة المختصين والمهتمين بالشأن الإعلامي جعلت القائمين على أمر السياسة في أي بلد من بلدان العالم تحت أدوات رقابة تحصي عليهم حتى أنفاسهم ناهيك عن تصرفاتهم وسلوكهم السياسي قولا وفعلا فخطاب الدكتورمحمد مرسي لا بل صورته التي ظهر بها بعد إعلان النتيجة أقامت لها الفضائيات والإذاعات الندوات والسمنارات ولم تكتف بما يسمون بالمحللين السياسيين بل استعانت بعلماء النفس الاجتماعيين وعلماء الإعلام المهتمين بما يسمى تتحليل المضمون والمختصين في لغة الجسد لكي يستخرجوا من الرجل ليس ما بين السطور فحسب بل بما لاح في فضاء السطور.
استخدم الدكتور مرسي عبارة أهلي وعشيرتي في مخاطبته المباشرة للشعب المصري فلامه البعض بأن هذه العبارة تحمل إيحاءات أهلية وتقليدية قد يدخل فيها الدين والثقافة وبالتالي يخرج منها نفر من المصريين وكان ينبغي أن يستخدم كلمة المواطنين الثوار او أيها الشعب الأبي والذي منه، فرد أنصار مرسي عليهم بأن مرسي تلبسته ثلاث حالات في أيام معدودة فقد بدأت بمرسي المرشح الرئاسي وهذه لها خطابها الخاص ثم مرسي الرئيس المنتخب وبعد أداء القسم يصبح مرسي رئيس جمهورية مصر، فبعد أن يصل المرحلة الثالثة والأخيرة سوف يستخدم عبارات من شاكلة أيها المواطنون، أيها الشعب، أما في مرحلة الرئيس المنتخب وهي مرحلة شكر من وقف معه يمكن أن يستعمل عبارات أهلية مثل أهلي وعشيرتي.
وردت في كلمة مرسي عبارة أنه سوف يعمل جادا لكي يعيد لمصر دورها العربي والافريقي والاقليمي وسوف يحترم المواثيق والتعهدات والاتفاقيات الدولية فقيل إن كلمة الاقليمي هنا لا داعي لها اللهم إلا إذا كان المقصود بها العالم الإسلامي وتحديدا إيران ولا يريد أن يفصح عن ذلك علنا فقيل لهم إن المقصود بالاقليمي هو إقليم الشرق الأوسط الذي تدخل فيه إيران وتركيا، أما اسرائيل فتدخل في المواثيق والاتفاقيات الدولية وفلسطين تدخل في دور مصر العربي.
صحيفة النيويورك تايمز بجلالة قدرها دخلت في تحليل المضمون وقالت إن التركيز على كلمة المسيحيين التي وردت في الخطاب كذا مرة ليست كافية لتطمين الأقباط فقد كان ينبغي أن يذكر الأقباط بالاسم لأنهم هم المتوجسين من حكم الإسلاميين، فقيل إن كلمة المسيحيين عندما تقال في مصر تنصرف تلقائيا للأقباط وإن التركيز على كلمة الأقباط فيه شيء من الظلال الطائفية قد يستدعي ورود كلمة السلفيين او الشيعة او الذي منه لأن هؤلاء فرع من الدين الإسلامي مثلما الأقباط فرع من المسيحية.
إذن ياجماعة الخير نحن نعيش في عالم يمكن أن تكون للكلمة فيه أثر يفوق أعتى فعل؛ خاصة إذا كان هناك نوع من الرصد الذي يرقى لمرتبة التربص ويمكن لأي نظام او دولة أن يكب في جحيم المجتمع الدولي نتيجة زلة لسان حتى وإن كانت غير مقصودة لذلك على ولاة الأمر أن يدركوا أنهم يمكن أن يوردوا شعوبهم موردا مهلكا نتيجة كلمة منهم فعليهم أن يضبطوا خطابهم بالخطب المقروءة والابتعاد عن الخطب المرتجلة فكما رأينا في حالة مرسي حتى الخطبة المكتوبة لم تنجيه ولكن أعطت مؤيديه براحاً للرد، أما إذا كان خطابه مترجلا فحتما كان سيقال إن التعبير العفوي هو المعبر الحقيقي عن مكنونات النفس. إنه عالم خطير ومتربص ومطفف فطالما أن مقاومته ليست مستطاعة فعليكم بالمصانعة.

السوداني


تعليقات 27 | إهداء 0 | زيارات 3258

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#412465 [abusabeeb]
0.00/5 (0 صوت)

06-30-2012 05:03 PM
ياشيخ اتق الله وخليك مع اهلك اول امبارح قنا ليك في حاجة اسمها مظاهراااااااااااااااااااااااااات

وحتى حلتكم اللعوتة برضو فيهامظاهرات وعامل ماشايف وما سامع انت عايش وين

يادكتور احترم عقولنا وشوف ليك شغلة تانية والله كريم بدل ماتقعد تتزاوغ من الموضوع


#412354 [محروقة من ماسحي الجوخ]
0.00/5 (0 صوت)

06-30-2012 03:25 PM
انت يا تطبل يا تنصرف بعيد عن واقع بلدك
قوم لف لفاكم قطر مصري مليان فحم صحافة متسلقة


#412342 [ادروب]
0.00/5 (0 صوت)

06-30-2012 03:12 PM
قديتونا بي مصر انتوا لوكنتوا طلاب فيها ومعجبين بيها نحنا مالنا ومالها وبعدين بعد التعليم شق طريقك وعلم مباداك وما اكتسبت من علم بدون لف ولادوران المصرين للان مفتكرين النيل جاينا من عندهم

وانتوا تتابعوا لينا كلامهم ومضابطه ومعانيه ونفسيات رئيسهم




مالك ومالوا حاكمك هوا شوف شذاذ افاق دي وين اعرابها ترخص معيشتنا ولادغمسها زيادا


#412328 [الشنق الفيل]
0.00/5 (0 صوت)

06-30-2012 02:57 PM
يا البعاتي الفارغه ومقدوده دي جبتها من وين؟
بعدين البعاتي ده قام بتين


#412296 [ابوالهول]
0.00/5 (0 صوت)

06-30-2012 02:33 PM
من كان يؤمن بالله فليقل خيرا او ليصمت ....يا خي اصمت ..واوقف الضخ يرحمك الله ..وخلينا في همومنا ...


#412115 [اسماعيل]
0.00/5 (0 صوت)

06-30-2012 12:47 PM
هذا هروب من الكلام عن الحاصل عندنا ولو ختيت الرحمن في قلبك يا (بوني) وتركت الخوف والهلع وكتبت عن ما يحدث في وطننا (برجولة) لكان خير لك.


#411815 [سامر المدنى]
0.00/5 (0 صوت)

06-30-2012 10:16 AM
يازول انت مالك والمصريين .. ده وقته ؟ ماتخليك مع جمعة لحس الكوع والا مابتستاهل ياجبان


#411731 [مقيد بالجنازير]
0.00/5 (0 صوت)

06-30-2012 09:21 AM
الى متى هذا الهروب يا البونى
حسين خوجلى
ضياء بلال
د. البونى
الهندى عزالدين
احمد البلال
قولوا كلمتكم فيما يجرى الان .. رفع الدعم عن الوقود .. زيادة ضرائب الجمارك والقيمة المضافة .. زيادة المواصلات .. خرمجة البرلمان .. ثورة الشعب وانتفاضته ..
التاريخ لن يرحم من لا يرحم الشعب ويقف بجانبه ..
انزعوا الوجوه المستعاره من وجوهكم .. فالشعب يعرف من بجانبه ومن ضده ومن بين بين وياكل من الكتفين .


#411641 [محمد احمد]
0.00/5 (0 صوت)

06-30-2012 08:13 AM
هو يقول اهلي وعشريتي وجماعة التجبر والتسلط عندنا الحس كوعك وتحت جزمتي وغير الله اليقلعنا وشذاذ افاق وشحادين ولهم اجندة خارجية ومرجفين ... حسبنا الله ونعم والوكيل


#411482 [سوداني مقهور]
0.00/5 (0 صوت)

06-30-2012 12:45 AM
ارحمنا عليك الله والله اتكلمت في مرسي اكتر من ما المصريين اتكلمو فيه في جرايدهم !!!
ما عاش متخاذل ما عاش جبان
عار عليك يا بوني
دكتوراتك دي في مرسي ومصر بس !!
تكلم عن وطنك وماذا يحدث فيه ولا لا ارى لا اسمع لا اتكلم
الساكت عن الحق شيطان اخرس


#411417 [اللاحس كوعو]
5.00/5 (1 صوت)

06-29-2012 11:40 PM
كعهدنا بك د البوني كتاباتك شيقه وكلنا أشواق لكتابتك عن لثوار بلادك


#411369 [أبوكراعا حديد]
0.00/5 (0 صوت)

06-29-2012 10:59 PM
يا حاطب الليل الكيزان محوا غابات السودان فصرت تحتطب في الجارة مصر؟؟؟ و الله الشافك لابس توب الكيزان من جوة ما (كضب) أصلوا أشكالك دي ما عندها مبدأ محل ما يلقي لقمة العيش يباريها ذي ال(جداد) الله يورينا فيكم يوم يا حاطب الليل و من أمثالك؟؟؟ اصلوا ما ضرر يجي إلا منكم ,,, الذين يتدثرون بلباس التقوي و هم منها براْء


#410983 [shiekhedrees]
0.00/5 (0 صوت)

06-29-2012 04:38 PM
انت لسع يادكتور بتنصح فى الناس ديل عشان يقعدو وكمان يتكلمو كلام كويس ...والله انت بالك طويل.
يادكتور الناس بقو لا عايزنهم لا عايزين كلامم.
حتقيفو مع الناس ولا حتلفو وتدورو.


#410969 [زوله كده]
5.00/5 (1 صوت)

06-29-2012 04:30 PM
والله يا دكتور البونى حيرتنا عديل ,ياخ عارفنك اسلامى وفرحت بفوز مرسى لكن ما ممكن تلاته او اربعه مقالات متتاليه عن مرسى وفوزه داير يعينك مستشار ليهو ولا شنو ؟؟؟
بعدين نحنا عندنا همومنا ومشاكلنا العايزينكم تكتبو فيها,ولا شذاذ الافاق اشجع منكم...؟
لو عايز حلل لينا الكلمات دى (شذاذ افاق -مرجفين-الحسو كوعكم-....الخ)...


#410864 [سفيان الغبيان]
5.00/5 (1 صوت)

06-29-2012 03:19 PM
ياجماعة الخير كما تعود البروف القول انتو لازم تقدروا الكتاب الموجودين في الداخل الفرق كبير بين الذي يكتب باسم مستعار ومن الخارج ومن يكتب في صحيفة داخلية خاضعة للمراقبة انهم يحملون هم الشعب فيتبغي ان نقدر لهم هذا المهمة الكبيرة فالسياسة فن الممكن معارضة كانت ام غيرها


#410778 [ود الصحافة]
5.00/5 (1 صوت)

06-29-2012 02:18 PM
سبب نكسة السودان اعلامياهذا الجيل من الصحفيين الجبناء الذين يخافون علي قوت ابنائهمم ان يمسه الضيم..متي تفهمون ان الكلمة امانة لا يقدر علي حملها الا الشجعان. ان قلتها تمت وان لم تقلها تمت اذن قلها ومت...أبيت الكلام المغتغت وفاضي ... خمج


#410774 [البعاتى]
0.00/5 (0 صوت)

06-29-2012 02:10 PM
يا ناس الراكوبة خلونا من الفارغة ومقدودة و ادونا اخبار الثورة فى سودانا الحبيب .. الجماعة ديل اتعرف اتجاهم شنو .!!


#410764 [ما بحب الغباوه]
0.00/5 (0 صوت)

06-29-2012 01:58 PM
بالله انت مش واحد **** الناس في شنو والحسانيه في شنو ماشي لي مرسي البعيد داك ورئيسك بي كلمة صحى غل وقوم ثوره بدل تدعموها كلاعلاميين تعلقوا على مرسي وخطابو بالله انتو فيك فايده


#410753 [Heron]
1.00/5 (1 صوت)

06-29-2012 01:50 PM
انتا مصري ولا سوداني؟ كفاية ياخي اهتم بشانك الداخلي احسن


#410687 [mohy]
5.00/5 (1 صوت)

06-29-2012 12:51 PM
طيب شذاذ آفاق دي رأيك فيها شنو خليك من مرسي وغيره


#410669 [زهجان من الغربه.. ما تمشوا خلونا نرجع]
0.00/5 (0 صوت)

06-29-2012 12:34 PM
عليك الله يا البوني خلينا في موضوعنا!!!!!


#410659 [wafi]
0.00/5 (0 صوت)

06-29-2012 12:21 PM
يا البوني حدد وجهتك كفاية كلام عن مصر

علي ما اعتقد عتدك دكتوراه ليستفيد منه شعبك اولا

عليه ارجو منك تحديد رايك في ثوره الشباب الحقيقية وكفايه غوص



ولا ديل شذاذ افاق


#410652 [أبوأحمد الطاهر]
5.00/5 (1 صوت)

06-29-2012 11:54 AM
سلام

أها يا الرئيس، البروف الخبير ده ما قصر معاك، قال ليك أختا حكاية شذاذ آفاق دي لأنو في "عالم

خطير ومتربص" ومطفف كمان، ومن هنا ولي قدام اقرا من ورقة مكتوبة ما تتبظ ساكت

اها يا جماعة انا قصرت "معاهم "البشير والبوني" واحد داير يقول كلام وخايف، والتاني يمكن ما

يفهم أنو النصيحة موجه ليهو!!!!


#410588 [شهاب ثاقب]
4.00/5 (1 صوت)

06-29-2012 11:03 AM
للمرة الثانية على التوالي يادكتور تثبت أنك تهرب من الأحداث الساخنة في بلدك وتفلسف في
أمور لاتعنى أي سوداني في الوقت الحاضر الشعب السوداني يثور والجوع في كل مكان في السودان
الحكومة مصرة على تحميل الفشل السياسي والاقتصادي للشعب وهو منها بريء إعلام تطبيل تشعر كان الناس في وادي والإعلام الحكومي الممنافق في وادي آخر أنت يادكتور خواف الواضح ما فاضح


#410560 [صبري]
4.50/5 (2 صوت)

06-29-2012 10:43 AM
غالبك تقول البشير قال شذاذ افاق


#410549 [ابوعمار]
0.00/5 (0 صوت)

06-29-2012 10:32 AM
انت يا بوني خائف مالك في داعي للفه الطويله دي تمشي مصر وتجي ما تقول عديل كدي ما داعي لكلام لحس الكوع وشذاذ افاق وكدي ولا مش كدي


ردود على ابوعمار
United States [wafi] 06-29-2012 12:25 PM
كلهم كده يا عمار ناس مامهاهم لكن خايفين

ديل سبب مشاكل السودان

ربنا يعطيهم فكر وهم لا يصححون الاخطاء ( عشان كده يتكبر الحكام علينا _ شذاذ افاق)

يا جماعة كفاية يلا عشان اولادنا ، ولا ماعندك اولاد يا البوني
منتظرين رايك الشخصي بكره، في ما يحدث في السودان من شذاذ افاق [ ممكن واحد منهم من عائلتك ]


#410535 [زكريا باسي]
4.00/5 (1 صوت)

06-29-2012 10:19 AM
أرجو منك ان ترسل رسالة الى رئيسنا الهمام توضح له فيها اهمية الكلمة التي تقال امام الملأ حتى يكف عن تلك العبارات التي أقل ما يقال عنها أنها غير مقبولة و لا تناسب المقام .


ردود على زكريا باسي
United States [abumohanad] 06-29-2012 04:10 PM
يا اخوانا الزول دا خلوه داير يربي عياله الجماعة ملحسنو كوعو


د.عبد اللطيف البوني
 د.عبد اللطيف البوني

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة