المقالات
السياسة
ارشيف مقالات سياسية
قصيدة للسودان -"انشاء الله تطلع" -- في رثاء الراحل حمّيد
قصيدة للسودان -"انشاء الله تطلع" -- في رثاء الراحل حمّيد
06-30-2012 08:47 PM

"انشاء الله تطلع"
قصيدة للسودان:
في رثاء الراحل حمّيد
كلمات:
ضياء الدين مدثر رجب


ان شاء الله تطلع



انشاء الله تطلع ....
وتأتي كالومضة السريعة

انشاء الله تطلع....
بكرة من رحم الفجيعة

وانشاء الله تطلع ..أيوة تطلع
بكرة من جوف الخديعة

وانشاء الله تطلع ..أيوة تطلع
بكرة من روحنا الوجيعة

وبكرة نسمع ..وتاني نسمع
صرخة الفرح البديعة

وجهرة يا أحزانا تسطع
بسمة الشمس البديعة

وفيها يرتع... في سلام
سنبل احلامنا الرضيعة

وتبدا يا سودانا تشهد
بهجة الدنيا وربيعا

وتبقي يا سودانا أروع
من زهور حالمة و وديعة

و القلوب تصبح وسيعة
ولي هواك دوماَ مطيعة

وتحكي لي نيلنا الحكاية
وتمشي في ام در تذيعا

وتبقي يا سودانا جنة
وما سراب مزروع بقيعة

كل أمان الدنيا فيكا
ونبقي لاحلامنا شيعة

ويرجع اسلامنا القديم
والشرف نديهو بيعة

وللفتاوي الكاذبة عمداَ
اصلو ما يصبح زريعة

الظلم في الشرع ظلمة
ومستحيل يصبح شريعة

وذكري اجدادنا الزمان
ما بنفكر يوم نبيعا

وكل اوامر بالتنافر
والتناحر ما بنطيعا

وكل زول لنفسو سيد
وتسقط الفتنة الوضيعة


وابدي يا اقلامنا أرسمي
مشهد النهضة الطليعة

وابدأ يا واسوقنا هدهد
وواسي أحزان الطبيعة

ويللا يا مدفعنا دمر
كل خوازيقنا المريعة

وابقي يا سودانا امة
دولة عاقله ومستطيعة

وتسقط اصنام النفاق
تسقط الاصنام صريعة

وكل اصنام الشقاق
بالحروف تسقط صريعة

وكل اصنام الرفاق
بالحروف تسقط صريعة

ويلا يا قلم الحقيقة
خلي طلقاتك سريعة

الظلم في الشرع ظلمة
ومستحيل يصبح شريعة

الظلم في الشرع ظلمة
ومستحيل يصبح شريعة


ضياء الدين مدثر رجب - برلين
http://www.youtube.com/watch?v=NfBbQUOH3m4&feature=plcp


تعليقات 2 | إهداء 0 | زيارات 1542

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#414589 [ابو عبودي]
0.00/5 (0 صوت)

07-02-2012 01:20 PM
حلاة يا مناوة


#412996 [اشجان الغربة]
0.00/5 (0 صوت)

07-01-2012 09:39 AM
قصيده جميلة
الرجاء تعديل الخطأ فىها وكتابة ان شاء الله بهذا الشكل


ضياء الدين مدثر رجب
مساحة اعلانية
تقييم
0.00/10 (0 صوت)


ga('set', 'userId',



الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة