بإسم الشعب والقانون
07-01-2012 07:51 PM

بإسم الشعب والقانون

مها بت سميرة


غور يا مجرم يا ملعون
دنّسّت النيل وأرض المليون
لشرف السودان انت ما مضمون
وعلى الانسان انت ما مأمون
حكمك جانا بأجدّ فنون
وفى حكمك شفنا بدع ومجون
على كرسى الحكم أخطر مجنون
تفوز على هتلر وتفوت فرعون
للنيل العذب حنضل وعطرون
ولتراب الارض جدرى وطاعون
لسلامة الشعب إنت ما بتصون
لإراقة الدم دايماً مفتون
وقتل النفس ليك فيه شئون
وسفك الدم بقى ليك أفيون
فى ألأديا ن ذكر الرحمن
العين والسن اساس لعدالة القانون
وفى عنقرتك والعياذ بالله
سنون وعيون
راجيا قصاص وهى عليك ديون
وسيف الحق أبداً مسنون
وللأمة ضمير وللشعب عيون
ومحاكم العدل للحق تصون
ضد الإجرام فى نواحى الكون
وإيد الحق بتصل الباطشين
لحقت صدّام فى جحر مدفون
لا بتلقى لجوء زى عيدى أمين
وما بتلقى لجوء ولو فىالقابون
بالدم والعار إسمك مقرون
مصيرك الشنق أو تأبيد فى سجون
غور يا نحس وبالجن مسكون
وحِلّ عن شعب بالحيل مغبون
خلّى الجِرسه طير لى أوربا
سلّم نفسك للقانون
وليك سفر البنّْ مقلى ومطحون
هناك راجياك شهود عيون
تبقى دليله لى شمسون
غور يافقرى يا *****
يا وصمة عار للأنسان
غور ومعاك الترابى كمان
دا أصل الكفوّه فى السودان
من زمن أب عاج عامل طرزان
غزّا خوازيق وولع نيران
تخّلى وراك يفضل عشمان
يحلّ لى مكانك فى الديوان
عارفه خبيث وبالسلّطه مرضان
ولى كرسى الحكم كلباً سعران
القفله فى كوبر ليهو ضمان
دا شريك فى فى الظلم من مدّه زمان
فى الجرم وإلاثم هو ما عدمان
فى الفتنه متورط وفى الدم غرقان
سيب اللف والدوران
وورطه وانت ما خسران
جيبه دا دارس القانون
يبقى محامى قدير فنان
بالمكر والحيله راسه ملان
يجيد تلفيق ويتقن نكران
يحوّر يزوّر قدر إلامكان
ويمكن يشرّع للأديان
القتل غريزه فى إلانسان
والقتل حلال تب ما حرمان
بيهو وبلاه إنت ما كسبان
جيبه كأضعف الإيمان
وفى محكمة العدل أذن الآزان
للقصاص والردع حان الأوان
وتبقوا العبره للكيزان
ودرس لذنادقة الأديان
غوروا تغوروا فى ستين
يا حقارة طالت ليها سنين
ووصمة عار فى كل جبين
اليوم الجابكم يوماً شين
قهرتوا ألأمة بإسم الدين
فى وعود بالجنة والحور العين
للبطش بالخلق مهللين
ولإرادة الشعب بالجزم دايسين
حرقتوا دمه للتمكين
وسرقتوا قوته بالبلايين
سلبتوه كل عزيز وثمين
وللنفس الطالع كمان قابضين
وما كفاكم يا ضلاليين
غرستوا مكايد لى يوم الدين
زرعتوا فتن وحقد دفين
وجلبتوا شتات للوطن الزين
لى حروب اهليه مشعللين
وفى تصفيات عرقيه منغمسين
لفصل جوبا سنيتوا السكين
ولى دارفورحجارة من سجّين
مكرتوا مكرتوا وتب ناسين
الله الحق وخير الماكرين
جبار وعزيز قوى ومتين
ولا بتنفع دبّوره ولا نياشين
منتقم وضار وعلينا أمين
وما بتجدى الجكّه مع يس
يحق الحق يا فاسدين
وتصبحوا قردةً خاسئين
للروح والدم دوام سافكين
تكون حفل التأبين لاهاى
للماتو هدر وما ظالمين
وللماتوا كدر فى سنين عشرين
يدوكم حكم أسفل سافلين
وليكم فى لظى أبد الأبدين

نظمت فى المهجرفى 27.1.2009 .


تعليقات 0 | إهداء 0 | زيارات 605

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




مها
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة