المقالات
السياسة
ارشيف مقالات سياسية
الطفل المعجزة والنائب تمامة عدد تعالوا نقرا قالوا شنو؟
الطفل المعجزة والنائب تمامة عدد تعالوا نقرا قالوا شنو؟
07-02-2012 10:21 PM

الطفل المعجزة والنائب تمامة عدد تعالوا نقرا قالوا شنو؟

عمر الفاروق عبد الله
[email protected]

اول حاجة نبدا بالنائب تمامة عدد ترضيات الحاج آدم المطلوب للعدالة سابقا والنائب بالقصر الجمهوري حالي في وظيفة نائب ترضيات قال فيما قال
بأنه زوال الانقاذ من المحال .. سبحان الله الواهب الذي يهب الملك لمن يشاء وينزعه ممن يشاء .. يعني يا حاج آدم زي ما ربنااداك منصب نائب رئيس بكرة ينزعه منك في طرفة عين وتصبح مطارد من جديد .. هذا من جانب ومن جانب تاني كمان بتهدد وبتتوعد ثوار يونيو بالويل والثبور والعقاب والعذاب بقولوا ليك نحن ما بنخاف الا من الخلقنا ولن يوقفنا ويوقف مسيرتنا كائن من كان .. من ما عينوك نائب للرئيس ده كله اللي قدرت عليه يعني ما شفناك وقفت مع المهمشين والمطوحنين في كل السودان وناضلت من احل حقوقهم .. بس معقول من مطلوب للعدالة بسبب جرائم ضد الدولة وضد الانقاذ تصبح بقدرة قادر المدافع الاول عنها ونقولها لك بملء الفي الإنقاذ إلي زوال وبقائكم في الحكم هو المحال.

أما اخونا الطفل المعجزة والذي وصفنا في يوم من الأيام بأننا كنا مجرد شحاتين ننتظر الكوتات ونحن واقفين صفوف ماذا قال سيادته:

نصح أخوان مصر بأن لايقعوا في أخطاء تجربة أخوان السودان بالسودان ؟؟ سبحان الله طيب ليه ما نصحت اخوانك الاخوانجية طيلة 23 عاما من عمر الزمان في حكم السودان بأن يصححوا اخطائهم ويقوموا تجربتهم عشان ما يحصل ليكم الحاصل الآن والشعب يزلزل الارض من تحتكم وكلها مسألة وقت وتكتب مذكراتك في المعتقل عن التجربة الإخوانية في السودان.

وقال الوزير المشهور بالطفل المعجزة بأنهم قد أضاعوا فرصة تاريخية بعدم الإستفادة من عائدات البترول طيلة الفترة التي كان البترول فيها يمثل عائدا مجزيا للخزينة الحكومية والله محن وشر البلية ما يضحك وعجبي!! كده نسألك في الأول انت عارف العائدات دي مشت وين بعد ما تقول لينا نجي نشوف كيف ضاعت هذه الفرصة التاريخية ضحكتوا فينا العالم وهي فقط عائدات البترول اللي أضعتوها أنتم أضعتم وطن كامل بتشرذمه وتقسيمه وتهميش اطرافه والدخول في حروب دون كيتوشيه مع غلابة الشعب السوداني يعني أسود علي بني وطنكم ونعامات عندما تقصف الطائرات الجابة بالليل والناس في صلاة العشا وطافية لمبة وتعتدي علي السيادة الوطنية .. ضيعتوا المشاريع التي كانت تمثل عصب الإقتصاد السوداني وبعتوا ما بعتوا وقبضتوا التمن وضحكتم علي البسطاء باسم الدين وهي لله هي لله ولا للسلطة ولا للجاه كدة النسألك انت ورئيسك المجاهدين البتخوفونا بيهم ديل ليه ما مشوا يحرروا حلايب وشلاتين ويستردوا الفشقة يا سبحان الله يعني كل الزمن اللي صرف في تدريبهم والفلوس اللي صرفت في تجهيزهم كانت لمثل هذا اليوم .. قيامتكم حانت وحسابكم دنا والحكم بعد الله للشعب وإنها لثورة حتي النصر



تعليقات 7 | إهداء 0 | زيارات 2890

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#416003 [George Batista Kamin]
0.00/5 (0 صوت)

07-03-2012 04:51 PM
نعم يا عزيزى. هى ثورة حتى النصر باذن الله. لان الشعب اذا اراد يوماً الحياة فلابد للقدر ان يستجيب


#415642 [ود غرب كردفان]
0.00/5 (0 صوت)

07-03-2012 12:20 PM
يا خوانا لو نسيتو اذكركم بان الطفل المعجزة دا مصطفي عثمان اسماعيل قال الكلام دا في تلفزيون السودان في برنامج احمد البلال الطيب استضافو هو والسيد الامام الصادق المهدي.. اخر زمن


#415399 [حليم-براغ]
0.00/5 (0 صوت)

07-03-2012 10:06 AM
الأخ عمر الفاروق تحية طيبة ... وماقلت إلا الحقيقة بس الكلام ده ناس عصابة أخوان الشيطان مابيعجبهم لأنو بالنسبة لهم كلام زول خائن وعدو وطن ودين... ومن الجانب الأخر هم يدرون كل مايكتب عنهم حقيقة لكن العجرفة وعدم الفهم وعدم التواضع والإعتراف بالذنب ليست من شيمة أخوان الشيطان..
كفرة يكذبون بإسم الدين ...يقتلوا ويعذبوا ويسرقوا ويغتصبوا وينكروة ...لعنة الله عليهم والوالدائم رب العباد...


#415192 [sakhar]
0.00/5 (0 صوت)

07-03-2012 02:36 AM
اللمة دى لآمه جنس ناس رئيسهم رقاص ونائبة وسخان ونائب تانى التانى مطلوب للعدالة السودانية ومستشاريه ود المهدى مش عارف ايه وودالميرغنى خايب زى ابو وجده الجاء مع كتشنر وسرقوا اطيان وبساتين من مريديهم وفريقه دلاه مفتكر ان طيارات اسرائيل جات بالليل والدنيا طلمة وقوات الانقاذ كانت يتصلى - والله المونافع ده كوم براهو ولا المعجزة دكتور الانياب - وما خفى كان اعظم - بالله ياناس كيف سكتنا 23 سنة وناس زى ديل بيتحكموا فينا ويشردونا ويغتصبوا بناتنا والله لما اقعد وافكر بقول يمكن سقونا محاية من الشيخ ترابى ونومونا المدة دى كلها
بقول ليهم نحن صحينا والمحايا خلاص فسدت وهمنا كله الان تسقطوا وتتحاكمو لكل جرائمكم يا وسخين وما عندكم زمة ولا عهد - وين عهدك يا المشير لشيخك الترابى بأنك ما تنفرد بالسلطة وين عهدك لما قلت كلو سنتين ونرجع الامانة، وما رجعت شى ولا انقذتنا جبتنا ورى لو يتقدر ترجعنا لليوم الاسود الشفناكم فيه يكون احسن ليك ولينا - احسن ليك لانك بتشوف البيحصل ليك شنو بعد ما نطردك انت وناسك ومش حنسلمك للجنائية لان تارنا معاك ما بينتهى بتسليمك للجنائية ولكن بنشنقك امام القصر والشبان عارفين ده كويس والله نقتلك محل مااجدادى قتلوا غردون بس خليك فارس زى غردون والبس نياشينك وانتظر اجلك واما بواقى القمامة كل واحد راصدين ليه واحد كقدر السم الفى عشاه
استحوا ايها الابالسة وسلموا تسلموا زى ماقال ود الخائن السير على الميرغنى ولكن قولنا تفرق كتير تسلموا بنقتلكم ما تسلموا بنقتلكم يعنى كدة كدة حتشوفوا العذاب نهار بيانا يا اولاد ال ..........................


#415160 [mohammed]
0.00/5 (0 صوت)

07-03-2012 01:27 AM
نهر النيل
اكيد طبعا ثورة حتى النصر ولاتنقصنا الخبرة في استخدام السلاح وإدارة المعارك
قيامتكم قامت


#415088 [gashrani]
0.00/5 (0 صوت)

07-02-2012 10:51 PM
أقترح التأريخ للإنتفاضة اعتبارا من الجمعة6 يوليو لفك الارتباط مع شهر يونيو المشئوم


#415084 [الزول الكان سَمِحْ]
5.00/5 (1 صوت)

07-02-2012 10:43 PM
أخ عمر الفاروق

أولاً الدعو حاج آدم ده من الجماعة الذين تم شراؤهم بورق النكنوت الطبوع دون تغطية يعنى هباءً منثورا...ولا من تكلفة حبرو الطبعوه بيهو..ولكل إنسان قدره.

أما المدعو الطفل المعجزة أنا اسأله...أين ذهبت 4.5 مليار دولار المنحة التى خصصتها الدول المانحة لإعمار الشرق؟؟ وكم كان نصيبك فى القسمة وكفى


ردود على الزول الكان سَمِحْ
United States [زهجانين] 07-03-2012 06:37 PM
بجزء منها اشتري ارض وبني عمارة في شارع المزاد امام جوازات بحري عليكم الله امشوا شوفوها ،، الكلام ده قالوا لي واحد منهم يعني معلومة اكيدة مية في المية


عمر الفاروق عبد الله
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة