يا تاريخنا أحكي
07-05-2012 10:00 AM

يا تاريخنا أحكي

كلمات:حسين شنقراي
[email protected]


يلا يا تاريخنا أحكي
أحكي جيلا بعد جيل
عن شباب بلدي بالبيشكي
وأصلو في شكواهو أصيل
أحكي للعالم ده كلو
أحكي يا تاريخنا قولو
البفوت حدو بنزلو
وياما بالسيف كم نفلو
ونحنا نرديو قتيل
---------
والبحب دارنا وخدارنا
واللي بهوي عيون صغارنا
فينا ما بيعيش ذليل
وأحكي عن أكتوبر قبيل
والجاي ياما يكون جميل
--------
أحكي يا تاريخنا قول
أحكي كلم كلو زول
نحنا غيرنا الفصول
الربيع جبناهو صيف
والظلم كان لازم يقيف
والجفاف يصبح خريف
ما الثورة أزهارها بتطول
--------
أحكي للناس المعانا
نحنا غيرنا المعانه
شوف ربيعنا الليله جانا
والشباب للثورة زانه
والشمس مابتعرف أفول
ويلا عن أفراحنا قول
وأحكي كلم كلو زول
نحنا غيرنا الفصول
والظلم لابد يزول
والظلم حتما يزول
والظلم حتما يزول



تعليقات 0 | إهداء 0 | زيارات 714

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




حسين شنقراي
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة