المقالات
السياسة
ارشيف مقالات سياسية
في جمعة شذاذ الآفاق .. أهتف .. أرهب .. أقلع نظام
في جمعة شذاذ الآفاق .. أهتف .. أرهب .. أقلع نظام
07-05-2012 11:51 AM

في جمعة شذاذ الآفاق .. أهتف .. أرهب .. أقلع نظام

شريفة شرف الدين
[email protected]

إذا الشعب يوما أراد الحياة فلابد أن يستجيب القدر .. و لابد لليل أن ينجلي و لابد للقيد أن ينكسر

ليس النظام في السودان استثناء عن الأنظمة العربية بل نسخة مكررة مع اختلاف الأسماء حتى في نغمة الإستخفاف بقوة الأصوات الهاتفة ضدها .. و ما النظام في السودان بأقوى من رصيفاتها اللائي بتن أثرا بعد عين و علت كلمة الشعب فوق عواء سدنة تلك الأنظمة و بات قادتها بين هارب و مقتول و مغيب في السجون .. من اليوم أدعو نفسي و الكتاب إلى تجاوز البشير و زمرته في تناول سقطاتهم و إخفاقاتهم فهم قد باتوا عراة سافرين مفضوحين بالقاطعة و لينصب جل ما يُكتب بعد اليوم في مصلحة لُحمة الشعب و تماسكه و تناول رؤية ما بعد اليوم .. لن يفيدنا كثيرا الدوران حول وتد الإنقاذ البغيض بل هم يريدون ذلك لمد أجل حكمها فبالأمس القريب شهروا حقنة تخدير الشعب بتوقيع اتفاقيات تنقيب آلات حفرها لم تصهر بعد في مصانع بلاد الصقيع .. يريدوننا ننتظر ثانية عقدين ريثما تدب العافية في جسد الدولة العقيم بسياساتهم.

ثانية نقول اهتف بقوة فإن هتافك باعث فيهم الرعب المسكون في قلوبهم أصلا .. هتافك سيرهبهم حتى و إن قالوا بغير ذلك .. هتافك قالعهم كما انقلع الذين من قبلهم .. علينا أن نستنهض أسباب قوتنا لا ندخر شيئا .. كلنا يخرج و يقول كلمته .. كلنا يخرج و يلعب دوره و نذكر أئمة المساجد بخطبتنا السابقة و دورهم المهم في تمليك الحقيقة بدلا من إمساك العصا من وسطها .. و للشرطة نقول إن الخارجين غدا هم منكم و فيكم .. و لسائقي المركبات نقول .. ألعبوا دوركم و للجميع أن يفتح أبواب بيته لتقديم ما ينبغي تقديمه و على الأطباء و الممرضين المسارعة بإسعاف المحتاج و منتصرون بإذن الله.

ليس إرضاء للرأي العام المحلي و العالمي و لكنا نريد أن نثبت لأنفسنا بأننا شعب صاحب قيم من خلال ما نعكسه من طريقة و نهج تظاهرنا .. يمكن تسخير الآلة الإعلامية العالمية في صالحنا متى ما أثبتنا أننا صادقون .. ماضون .. و عازمون في بلوغ مرادنا .. كسب الاحترام العالمي من الأهمية بمكان فلا يمكننا أن نعيش بمعزل عن العالم و نقول لأولئك الذين يتحدثون نيابة عنا إلى القنوات .. لا تفعل إن كنت غير مؤهل لذلك لأننا نريد لنا قوة في الكلمة .. قوة في الطرح .. قوة في الحجة و عمقا في الرؤية و منتصرون بإذن الله.


تعليقات 14 | إهداء 0 | زيارات 2496

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#418891 [حمدالنيل]
0.00/5 (0 صوت)

07-06-2012 02:59 PM
ندعو الثوار في كل صلاة الجمعة ان يبداوا بعد الصلاة مباشرة ان يعتلي أحد القادة المنبر ويبدأ بالدعاء على الظالمين الزوال والانتقام من الله عز وجل والنصر للشعب الثائر المظلوم المكافح ويؤكد على ان التظاهر عو الجهاد الحق في وجه البغاة المتلاعبين بدين الله وشرعه. ومن ثم يبدأ القائد بترديد الشعارات الثورية وتحريك المصلين للخروج من المسجد إلى الشارع في مواكب هادرة تزلزل أركان النظام وتروع الجبناء . أقول ذك حيث أنهم فد ادخلونا المساجد بالخداع ودخلوا هم السوق، فعلينا أن نخرج عليهم من داخل هذه المساجد لنهدم السلطة والسوق على رؤوسهم.. هذه هي البداية الصحيحة ليعلم الذين ظلموا أي منقلب ينقلبون.


#418467 [قرفان خالص]
0.00/5 (0 صوت)

07-06-2012 12:24 AM
عفارم تمام .. صاح الكلام .. كده يا شباب
كتمت خلاص بلغ النصاب
نفد الصبر والجو كتم.
وجيبك نضف
وطنك نشف
كتمت سخانة الف الف
اغضب وثور
قوم وانتفض
قف وانتصب ..
لا تستكين ..أو تستخف
للحالة والعيشة القرف
نفد الصبر والجو كتم ..
جيبك نضف
وطنك نشف
لو بكرة عن وطنك سئلت
امام عيالك تنكسف
مهما تبرر او تقول .. ومهما تصف
حتنكشف
لا تنحبس للحسرة والالم المرير لا ترتجف
فك البلف
كتــــــــاحة تكتـح
ما تخلـــي تك تح
غبارها يلفـــــــح
تكشف وتفـــضح
للدمعة تمــــــسح
للظلم تكــــــــشح
حرية تشطـــــــح
في وطن مشــلح ... حضن العذاب
عفارم تمام ... صاح الكلام كده يا شباب
كتمت خلاص بلغ النصاب
*******
كتاحة كتاحة
اعصار ودوامة
طلاب شيوخ ورجال
نسوان بنات اطفال
الناس هناك لآمة
ام در وارض القاش
جرافا ديامة
كتاحة قبلية تبرق أمل وشعاع
تحمل صراخ الجاع
تهتف بصوت مسموع .. عن ظلم ساد أنواع
تبكي الصرير المر.. من شدة الأوجاع
كتاحة تلغي فساد .. وتقلع قلع من باع
تنقذ بلد قد ضاع . .. من خائنا جعجاع
كتاحة غربية ... ومرات جنوبية
وفجأة شرقية ..... تقلب شمالية
شايلة البرق والرعد
شايلة الأمـل والوعد
تحمل دعاش وعبيـر
لثورة التغير ..كتاحة للتغير
كتاحة تحت وفوق .. تكسر قـيود الطوق
تقذف يمين وشمال... تنسج خيوط الفال
كتاحة للتعبير عن ثورة التغير
الحكم ما هو خلـود
بكرة الظلم حيفوت
الكبت والجــبروت
لو كان دوام لســـواك
ما كان بترجع ليك !!
والله أحسن ليك ... فالنفس لوامة
حسرة وأسف وندامة
والحالة مش دوامــة
كتاحة كتاحة... إعصار ودوامــة
طلاب شيوخ ورجال
نسوان بنات وأطفال
ام در وارض القاش
ساحات هناك لأمـــة
جرافا ديامة .. الكل نزل وأجاب
عفارم تمام ...صاح الكلام ... كده يا شباب
كتمت خلاص بلغ النصاب
*************
كتاحة كتاحة ... جوة البلد لافة
يا العسكري السراق
مين فينا شاذ آفاق !!
ياالكاذب الافاك .. لا خلقة لا أخلاق
مين الاباد شعــــبو ؟؟
مين الخســر ربــو ؟؟
مين الكــلام كذبــو ؟؟
مين الخلف وعدو ؟؟
مين البخون للـعهد .. للكلـمة والميـثاق؟؟
مين فينا شاذ افاق !!مين الكلامو نفاق ؟؟
ياالكاذب النقناق .. لا خلقة لا أخلاق
قول ياا
اسم مكتوب .. في المحكمة العلياا
يا متهم مطلوب...... لعدالة دولياا
يا هاربــا شــارد .. في هذه الدنياا
وينك تمش حتروح ؟؟
من رب عوضيــــاا ؟؟
انت الشذوذ نفسو لو تم وصفك بيه
اتبرا منك وزاق !!
مين فينا شاذ آفاق!!!
والكل منك ضاق
طبعك كضب ونفاق ..اصلو الطبع غلاب
عفارم تمام ..صاح الكلام ..كده يا شباب
كتمت خلاص بلغ النصاب.

قرفان خالص

أخخخخخخخخخخخخ


ردود على قرفان خالص
United States [نادر] 07-06-2012 02:15 AM
يا قرفان خالص يا انسان خالص
كلمات تلهب الوجدان و تدمع العينان و تثبت الايمان و تزيد الغضب غليان
غداً موعدا
جمعة مباركة علي شعبنا الأبي
جمعة مباركة لكل سوداني شريف
الثورة ايمان
الثورة ايمان


#418403 [عيسى عبدالله]
0.00/5 (0 صوت)

07-05-2012 11:14 PM
غـــداً الإنتصار لإرادة الشعب السودان المعلم

غــــداً تذكر/ي أن قوتنا في وحدتنا وأنَ لا قوة مثل قوة عندما يتوحد وجه الظلم.

غــــداً ظاهر اهتف , أصرخ حتى تسمع نفسك وتعلم انك مازلت حياً وأنً الحياة على الأرض ممكنة.

غــــداً نتظاهر بفخر وحماسة اللحظة.

غــــداً سندخل الرعب في قلوبهم.

غــــداً سنصنع التاريخ.

غداً نكون كما نود


#418394 [عبد الرحمن تحاميد]
0.00/5 (0 صوت)

07-05-2012 11:00 PM
دكوا حصون الظلم و الافساد_لا بدذ
للشمس ان تشرق


#418342 [مغبون]
0.00/5 (0 صوت)

07-05-2012 09:21 PM
الحكومه مرعوبه وأعلنت حالة الاستنفار القصوي 100% خصوصا ان هذه الجمعة تختلف عن الجمعة السابقة بدخول الاحزاب كلاعب اضافي ..... سوف يكون الجميع بعد الصلاة بالشارع لا مكان لمتخاذل ولا مكان لجبان فالكل اتفق واقتنع بضرورة ازالة هذا النظام ...... لنري ماذا هم فاعلون ؟؟؟؟؟


#418289 [Ahmad]
0.00/5 (0 صوت)

07-05-2012 07:33 PM
كلام صاااااح ... مارقين بكل قوتنا
دائرين شعارات قوية لجمعة " شذاذ الآفاق "

مثل :
شذاذ آفاق .... الظلموا الشعب
شذاذ آفاق .... القهروا الشعب
شذاذ آفاق .... القتلوا الشعب
شذاذ آفاق .... السجنوا الشعب
شذاذ آفاق .... النهبوا الشعب
------------------------------
يا لفاق ... يا أفاق ...
حاشى الشعب ... شذاذ آفاق
-----------------------------
اللفاق ... الأفاق ...
في ... فسادو ... سنين ما فاق
----------------------
بالإضافة لماركة الثورة المسجلة :
يا خرطوم ، ثوري ، ثوري ... لن يحكمنا لص كافوري !


#418256 [zangazanga]
1.00/5 (1 صوت)

07-05-2012 06:51 PM
غدا فى إنتظار الرئيس ليخرج لنا لنرجمه حسب وعده قال إذا خرج علينا الشعب ضدنا لنخرج لهم فى الشارع ليرجمونا ها نحن ياسيد الرئيس غدا خروجنا للشارع وموعدنا لرجمك فاخرج إلينا بصدر عارى كما نحن لاترسل كلاب أمنك بل المطلوب لدى الشعب أنت شخصيا لأن هؤلاء شذاذ الأفاق مصرين طرد لص كافورى من البلد ما نتطط عينيك المستهدف والمقصود أنت ياريس منتظرينك بعد أن تعقب خطبك المعروفة خلف أمامك عصام البشير الشعب راجيك بفارق الصبر غدا خلى خطبتك قصيرة عشان ما ننتظر طويل فى الحر وتذكر ده يوم القصاص على الجلاد ثورو ثورو ياشباب ضد الظلم والاستبداد والطغيان والغطرسة والاستكبار فى الارض بغير حق نحن أصحاب الحقوق المحضومة بسلطتك أخرج لنرجمك يالبشير كن فى وعدك لاتكون جبان وتخرج بعد أن ننام. والمثل بقول قدم السبت ليوم الاحد أنت ما قصرت معانا قدمت وزيادة من اللازم الشعب حلف أن يخلعك وأصحابك الحرامية وأكابر مجرميك الثلاثة المفسدين فى الارض وأنت رابعهم ياشباب أرفعو صوتكم كى يسمع القريب والبعيد أن عمر البشير هو لص كافورى وشاذ افق بكرة سوف نطلع ونضع لك الصرصار سيىء المنظر والريحة فى سدى سلطتك كى تنفطم عنها مجبر خائف مرعوب لاينفك البكاء والندم يالص كافورى وندعو الشباب وكل الشباب ببكرت أبيها تخرج ضد هذا الطاغية المتخلف عمر حسن أحمد البشير وأعوانه المرتزقة .. ونشكر الاستاذة/ شريفة إنشاء الله نوعدك سوف نفعل بالبشير كما لم يفعل بالعفريت سوف تسمعى ما يسرك من أخبارنا غدا إنشاء الله الواحد الاحد وهو ناصرنا ونعم النصير ..ووصية للشباب إياكم أموال الناس وعرباتهم ومنازلهم وكل ما يخص المواطن والحكومة لأن دى ح ترجع لنا فى النهاية أستهدفو من يستهدفكم وبهتاف حضارى وسلمى نحن هدفنا ليس دعاة تخريب بل هى إنتزاع حقوقنا المصادرة والمغتصبة بقوة السلاح من شذاذ أفاق عسكر بلادنا من 23 سنة ..


#418235 [قول النصيحة]
5.00/5 (1 صوت)

07-05-2012 06:04 PM
ياشباب جمعة شذاذ الافاق ما تنسو تشحنو بطاريات الموبايلات بتاعتكم عشان تصورو اي شئ و بالذات كلاب الامن و الرباطة المرتزقة عشان نكشفهم اما الشعب السوداني و لازم توثقو لكل شئ في المظاهرة الله معاكم و نحنا معاكم ثورة ثورة ثورة حتي النصر و حتي القصر و حتي كافوري لاسقاط نظام الكيزان القذر الفاسد


#418216 [حمدالنيل]
5.00/5 (1 صوت)

07-05-2012 05:35 PM
حقا أن قوة الهتاف بعثت فيهم الرعب وغدا كل واحد من الجماعية يقول بما لا يعقل في اجهزة الاعلام ولما تجمع أو تقارن كلام أي واحد مع الاخر تجده متناقض تماما وينفي بعضه بعض. وكله هلع من الهاتف والشارع الثائرة.
قوة الهتاف عزيزتنا شريفة جعلت أذنين نافع طائرة من تحت عمامته كالحمار، أما البشير فشوف إضنينه خارج العمة الكلب المزنوق في طاحونة.


#418184 [ام كلثوم]
5.00/5 (1 صوت)

07-05-2012 04:34 PM
شريفة شرف الدين واللة انك لشرف لحواء السودان وما فض فوك , نعم ايها الشعب السوداني تعالوا لنخرج جميعا غدا لنرهبهم ونخيفهم بهتافنا فقط وسترون كيف بفرون كالفئران المذعورة الي الانفاق وما القدافي ببعيد.


#418121 [الزول الكان سَمِحْ]
5.00/5 (1 صوت)

07-05-2012 02:58 PM
نعم ياشريفة

نريد أن نقتلع قلب هذا النظام الأسود...ونرمى به فىغياهب الماضى

نحن فى الشدة بأسُ يتجلى....وعلى الود نضم الشمل أهلا

وليس فى شرعتنا...من يتقاعس ..اويتهاون ..أو يجبن..


#418019 [جنازةkatlona]
4.50/5 (6 صوت)

07-05-2012 01:17 PM
..................................................
(لا حول ولا قوة الا بالله) عصابة مقننة
....... وبعد ده كله تجد من يدافع عنهم منكم لله يا سارقي أموال الشعب
هــــــاااااااااااااااااااااااااااااااااااااااكم الحقائق المغيبة عننا
.................
....................
====================================
يا كيزان تعالوا نقدر قروش البترول من ما بدأ و ديون السودان كم؟
====================================
اولا نبدا بالبترول
عشان نحسب قروش البترول لازم نعرف المعطيات دي:
1 -سعر البترول في كل سنة
2- انتاج السودان في كل سنة
3-كلفة انتاج برميل البترول ، بالرغم من انو ممكن يكون داخل في نصيب الشركات بس برضو حنخصم التكلفة "نقطة في صالح الكيزان"
4-نصيب الشركات العاملة في البترول
5-نصيب جنوب السودان يبداء من العام 2005

بالطريقة دي بنقدر نعرف بصورة تقريبية كم هي قروش البترول

1و2-سعر البترول العالمي لكل سنة "بالدولار" وانتاج البترول لكل سنة"الف برميل في اليوم" كانت على النحو الاتي "ارقام معلنة"

السنة السعر الانتاج
2000 27 180
2001 23 230
2002 22 245
2003 27 280
2004 37 300
2005 50 400
2006 58 400
2007 74 500
2008 91 500
2009 53 500
2010 71 500
2011 87 500

3-تكلفة انتاج البرميل حوالي 9 دولار للبرميل "صحيفة الاحداث 6 مايو 2012"

4و5- نصيب الشركات العاملة ونصيب جكومة الجنوب، بالرجوع الى مقال على الجزيرة نت بعنوان "اقتصاد دولتي السودان بعد وقف النفط " كان نصيب شمال السودان 4.4 مليار دولار ونصيب الجنوب 3 مليار دولار ونصيب الشركات العاملة في النفط 6.1 مليار دولار

اذا النسب كانت كالتالي:
45% للشركات العاملة في النفط
32% نصيب شمال السودان
23% نصيب جنوب السودان

يلا شيل الة حاسبة واحسب معاي بالطريقة دي:
1-قبل 2005 (سعر البرميل "بعد خصم تكلفة انتاجه" * الانتاج اليومي *عدد ايام السنة*55% نصيب الحكومة)
2-بعد 2005 (سعر البرميل "بعد خصم تكلفة انتاجه" * الانتاج اليومي *عدد ايام السنة*32% نصيب حكومة الشمال)

حتطلع النتيجة كالاتي:

السنة السعر الانتاج الدخل
2000 27 180 0.65
2001 23 230 0.65
2002 22 245 0.64
2003 27 280 1
2004 37 300 1.68
2005 50 400 1.9
2006 58 400 2.28
2007 74 500 3.8
2008 91 500 4.79
2009 53 500 2.57
2010 71 500 3.62
2011 87 500 4.55

المجموع 28.13 مليار دولار

لاحظ معاي انو تقرير قناة الجزيرة قال انو نصيب حكومة الشمال 4.4 مليار وحساباتنا طلعت نصيب حكومة الشمال 4.55 مليار ودا بسبب الفرق بين سعر البترول خام برنت وبين سعر الخام السوداني .حنقسم 4.4 على 4.55 ونضربها في 28.13
عشان نعرف دخل السودان من البترول بعد حساب فرق السعر

النتيجة=27 مليار دولار!!!!!!

طيب
مش المفروض قروش البترول دي نعمل بها التنمية في السودان؟؟ دا ما حصل!!!
عارفين الحصل شنو؟؟؟شوفوا..

1-سد مروي قرض مشترك من عدة دول
2-مطار مروي تابع لقرض سد مروي
3-خطوط نقل الكهرباء من سد مروي تابع لقرض سد مروي
4-مشروع امري الزراعي تابع لقرض سد مروي
5-طريق مروي الملتقى قرض تابع لقرض سد مروي
6-مشروع مياه القضارف قرض البنك الاسلامي للتنمية+قرض صيني
7-مشروع تعلية خزان الرصيرص قرض مشترك من عدة ممولين
8-مشروع سكر النيل الابيض قرض مشترك من عدة ممولين
9-مشروع مجمع سدي اعالي عطبرة و استيت قرض مشترك من عدة ممولين
10-كوبري الصداقة "كريمة" منحة صينية
11-طريق عطبرة بورتسودان هيا قرض "الصندوق العربي للإنماء الاقتصادي"
12-مشروع مطار الخرطوم الجديد قرض مشترك من عدة ممولين
13-طريق القضارف دوكة القلابات قرض "الصندوق العربي للإنماء الاقتصادي"
14-مشروع كهرباء الخط الدائري(الخرطوم) قرض هندي
15-خط الكهرباء الناقل سنجة القضارف قرض هندي
16-مشروع كهرباء كوستي قرض هندي
17- خط الكهرباء الناقل القضارف القلابات قرض هندي
18-مياه عطبرة والدامر قرض ايراني
19-مشروع سندس الزراعي قرض صيني
20-كهرباء الجيلي قرض صيني
21-كهرباء الجيلي شندي عطبرة قرض صيني
22- محطة كهرباء قري 2 قرض صيني
23-مياه نيالا قرض صيني
24-مياه الدالي والمزموم قرض صيني
25-مشروع صومعة ربك قرض صيني
26-كوبري رفاعة قرض صيني
27-كوبري الدويم قرض صيني
28-توسعة كهرباء الخرطوم بحري الحرارية قرض صيني
29-مياه الفاشر قرض صيني
30-مياه بورتسودان قرض صيني
31-مياه دنقلا قرض صيني
32-مياه المتمة قرض صيني
33-مياه مدني قرض صيني
34-مياه كوستي قرض صيني
35-كهرباء دنقلا قرض صيني
36-كهرباء وادي حلفا قرض صيني
37-مشروع كهرباء الفولة قرض صيني
38-مشروع طريق النهود ام كدادة قرض صيني
39- مشروع طريق زالنجي الجنينة قرض صيني
40-طريق الدبيبات ابو زبد الفاولة قرض صيني
41-مشروع كوبري سنار قرض صيني
42-مشروع كوبري توتي بحري قرض ايراني
43-مشروع محطة مياه ابو سعد قرض ايراني
44-طريق طوكر قرورة قرض"الصندوق العربي للانماء الاقتصادي"
45-طريق سمسم القضارف ام الخير قرض"الصندوق العربي للانماء الاقتصادي"
46-طريق كسلا كركون مامان قرض"الصندوق العربي للانماء الاقتصادي"
47- مشروع كهرباء الشرق قرض"الصندوق الكويتي"
48-عدد 4 محطات تحلية مياه "ولاية البحر الاحمر" قرض"الصندوق العربي للانماء الاقتصادي"
49-جسر سيدون على نهر عطبرة قرض"الصندوق العربي للانماء الاقتصادي"

.
.
.
وغيرها الكثير الكثير من المشاريع المعمولة بالدين!!!بالديييييييين !!!!

الكلام دا انا ماجبتو من راسي امشو ارجعوا لموقع وزارة التعاون الدولي وموقع وحدة تنفيذ السدود"سد مروي" معظم الارقام السابقة من الموقعين ديل وباقي الارقام من المواقع الاخبارية المختلفة

2-نجي للديون

ديون السودان الخارجية سنة 89 كانت 13 مليار دولار
و سنة 2005 كانت 27 مليار دولار "التقرير السنوي لبنك السودان 2005"

انتو عارفين ديون السودان الخارجية الان كم؟؟؟

40 مليار دولار !!!!!
(المصدرد. محمد خير الزبير محافظ البنك المركزي .جريدة اخبار اليوم )

يعني الديون زادت في 7 سنين 13 مليار دولار!!!!!!

منها 9 مليار قروض من الصين والهند لوحدهم (تقرير قناة الجزيرة السابق)

السؤال يطرح نفسه اذا كانت 90% من انجازات البشير زي ما شفنا ديون .قروش البترول مشت وين؟؟؟؟؟؟؟؟
.
.
.
.
.
عارفين الوهمة وين؟؟

الكيزان دايرين يغنوا وفي نفس الوقت عايزين يسكتوا الشعب !!
عارفين عملوا شنوا؟

لهطوا قروش البترول عبر "النهب المصلح"حسب تعبير البشير بذات نفسو، وعملوا المشاريع التنموية بالديون! عشان بعد ما البشير يفوت نفضل نحنا واولادنا و احتمال احفادنا نسدد في الديون!!!!
باختصار كدا غشووووونا!!!!

رايكم شنو في القصة دي ....تنفع فيلم مش؟؟؟

انتو عارفين وضع السودان الان كيف؟؟؟
السودان الان مديون 40 مليار دولار "وكمان بنستورد القمح والسكر"
عدد سكان السودان 33 مليون

يعني اي رب اسرة في السودان "باعتبار الاسرة فيها 6 افراد" مطلوب دين 36000 جنيه

يعني لمن تتخرج وتجي تشتغل انشاء الله ويكون مرتبك 600 جنيه في الشهر ،الحكومة ممكن تضطر انو تخصم نص مرتبك لمدة 10 سنين عشان تقدر تسدد الديون على السودان

(الكلام دا ممكن ينطبق على اي رب اسرة في السودان لو كان في ولاية كسلا او غرب دارفور او الشمالية او كان في غيرها)

مصيبة مش؟؟؟

ملحوظة : هذه الحسابات لا تشمل اموال الضرائب،الجمارك,عوائد الاراضي،رسوم تراخيص السيارات,الدمغات الخ.
ولاتشمل المؤسسات الحكومية التي تم بيعها سودانير ,النقل النهري, الاتصالات ,اسمنت عطبرة, جزيرة مكوار...الخ.

لو عرفتا حجم الكارثة الواقع فيها السودان ...ياريت توعي اصدقائك على الفيس, زملانك في العمل او الدراسة ,جيرانك في الحلة ,اهلك في الريف الماعندهم فيس بوك

لانو السودان في كارثة ...كاااارثة.....فالله المستعان


ردود على جنازةkatlona
United States [Abu Mohamed] 07-05-2012 05:01 PM
اهنئك علي تحيلك الرائع وكما قالت شريفة انت الحي وهم الاموات الرجاء افادتنا بتحليلاتك كاملة ان امكن ذلك

United States [شريفة شرف الدين] 07-05-2012 02:47 PM
لا أملك إلا أن أشيد بك و بجهدك الخارق الذي بذلته و يا ريتنا كلنا نفضحهم هكذا .. حتى الكيزان البنو و عملو مشاريع و شركات و تراخيص مغشوشة كلهم إن شاء الله تحت المجهر و الحساب ولد
بس أسمح لي أخالفك في توقيعك .. إنت إنسان حي جدا و هم الجنائز و طالما أنت بهذه الروم فلن يقتلوك لا صراحة و لا ضمنا و عشت و عاشت الثورة و إلى اللقاء في الشوارع يوم باكر

United States [صمت المواجع] 07-05-2012 01:54 PM
الحل الوحيد هو ارجاع جميع الاموال المنهوبة للكيزان ويرجعوا للنقطة الكانو فيها وده بعد تطبيق العقوبة القانونية وكل على حسب جريمته من الاعدام للسجن .

ديل خلو البلد جنازة فعلا.


#417980 [ثائر ضد الفساد]
5.00/5 (2 صوت)

07-05-2012 12:35 PM
نعم شريفة وكل من يتحدث في القنوات يجب ان يكشف ان الصراع ليس بين الشريعة والعلمانين لان عراب النظام ومنظر الشريعة الترابي مع الانتفاضة


#417976 [المشتهي الكمونية]
4.00/5 (3 صوت)

07-05-2012 12:32 PM
هام الى شباب الثورة في الداخل
لا نريد لأحد نهار جمعة الغد أن يجلس خلف الكيبورد ، دعوا مواقع التواصل لشباب الخارج وهلموا الى الشارع ، النصر على نظام الاستبداد لا يتحقق إلا بخروجكم جميعا الى الشارع ، أتركوا الفيسبوك وتويتر والراكوبة وغيرها من المواقع وأحجزوا مواقعكم في الشارع من صلاة الجمعة والى منتصف الليل ،،، لقد حانت لحظة الحقيقة ،، لقد حانت ساعة النصر
المجد للوطن والعزة للسودان


شريفة شرف الدين
شريفة شرف الدين

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة