تب ياعساكر
07-07-2012 01:55 AM

تب ياعساكر

مروه مامون


وظلم الجائر طهرمن الظلم الزاتو اتغير
ورئحة العرق المالح
من الجسد النابض وكادح
جسد انسان متهالك وجائع
بقوى بصارع في اوجاعو
اه ياشعبي من اوجاعنا البيها تعبنا
وزمن العسكر لازم يغادر
لازم نحن نواصل الثوره
مش يا شعبي نحن فوق المحنا
وطعم المر الجوه حلقنا
لانو سكتنا
في جوعتنا
وجوعةاهلنا
شباب طنشنا
صوت الوطن البصرخ فينا
قودوالثوره
دكوهالعسكر
سكو حرامي الليل المظلم
سكو حرامي الكاكي المجرم
سكو الما من فينا
ما بشبهنا
اصلو مشاتر
بتين في يوم نحن سرقنا
بتين في يوم نحن غدرنا
بتين في يوم لبسنا الكاكي وبي دبابا قلنا ملكنا
ديل ياشعبي ما اولاد الارض الطيبه
ديل ياشعبي شبه ابليس
ورثوالخسهوغنوا ابليس الشاطر
ديل هولاكو في زمنو الغابر
ديل اشرار الزمن الحاضر
اه ياشعبي
اهة شعب حكامو عساكر
حرامي بسرق قالو الشاطر
دجال و فصل من الدين الواضح جبه مقاسو
وقالوا مفكر
واهبل برقص لي الامنا
الم الجوع الشله كراع اطفالنا
وكسح قيم الناس الفاضله
تب ياعساكر
من مجنون في غدروبعافر
تب ياعساكر
من مسطول متاكد بكره
تفوز الثوره
ويبقى ارادتو
حر في زاتو
انسان سوداني
شايل همو
فائر دمو
مطمن امو
انو الراجل
انو بكاتل
شان الحق الرضعوا الشافع من صدر امو ولبنو الطاهر
تب ياعساكر
تب ياعساكر


تعليقات 5 | إهداء 0 | زيارات 1403

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#420079 [بدر]
0.00/5 (0 صوت)

07-07-2012 05:06 PM
والله العساكر خشم بيوت دحين افرزى الكيمان


#420018 [زول]
0.00/5 (0 صوت)

07-07-2012 03:47 PM
يديك العافيه مروه
فهم من يحمي النظام وليس القصد الحفاظ على النظام


#419931 [أبو محمود]
0.00/5 (0 صوت)

07-07-2012 02:12 PM
مروة

أرجو أن تكوني أكثر دقة في ألفاظك، فعبد الله خليل أتى به حزب الأمة ونميرى أتى به الشيوعيون والبشير أتت به الجبهة الإسلامية، إذن لا يمكنك أن تديني العسكر في أشخاص هؤلاء وتتجاهلي ما تقوم به الأحزاب التي تجند بعض العسكررين لتستولي بهم على السلطة.

هناك آلاف من العسكر الوطنيين الذين لا يعرفون إلا الله والوطن، وبإمكانهم أن يلعبوا دورا أفضل من الدور الذي لعبه المجلس العسكري في مصر.

الأحزاب التقليدية السودانية هي أشر من العسكر


#419571 [ود السجانه]
0.00/5 (0 صوت)

07-07-2012 09:33 AM
ثلاث فصائد من تونس الشقيقة وود السجانه وشاعر الشعب محجوب شريف :




طلع السّلفُ علينا -أحمد عمر زعبار، شاعر تونسي

طلع السّلفُ علينا من ثنيات الرعاع
نشر الجهل فينا ولبس الدِّين قناعْ
فرض القهر علينا ورأى الأنثى متاعْ
ورأى النصر المبينا فى نكاحٍ وجماعْ
أيها المملوءُ بطينا إنما العقل شعاع
جئت خرّبت المدينة جئت بالهمج الرعاع
أيها المدسوس فينا ياصاحب القول الخداعْ
سكنوا الكهف سنينا سَلَفٌ فقدوا الشراعْ
وأباحوا القتل فينا كوحوشٍ فى المراعْ
ليسوا أتباعَ نبينا إنهم محضُ صداعْ

ود السجانه :

( طلع الإنقاذ علينا )
طلع الإنقاذ علينا من ثنيات الوداع
قلت للناس ثورة والكيزان هم الصناع
أدخل الترابي كوبر وذهب للقصر بإسراع
نشر الظلم فينا ولبس الدين قناع
أسكن الأشباح أناساً أبرياء دون داع
جئت خربت المدينة وجئت بالهمج والرعاع
ورأي النصر المبينا في تعذيب الجياع
شرد العاملين فينا وأصاب الأسر الضياع
أيها المملوء كذباً أظهرت للعالم خداع
أيها المدسوس فينا إنما العقل شعاع
سكنوا الكهف سنينا وضاع منهم الشراع
وأباحوا القتل فينا كوحوش في المراع
ليسوا أتباع نبينا إنهم محض صداع
أضاعوا الجنوب وحلايب والفشقة والقلاع
قتلتو د علي فضل وعوضية سيحسم الديم الصراع



شاعر الشعب : محجوب شريف :


صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال


#419491 [عبدالرحمن سالم]
0.00/5 (0 صوت)

07-07-2012 04:33 AM
حرام عليك زنبهم شنو


مروه مامون
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة