بدري عليها
07-07-2012 10:25 AM

بدري عليها

الفاتح جبرا
[email protected]

كثير من الناس يعتقدون بأن (الإنقاذ) قد مكثت في دست الحكم ردحاً طويلاً من الزمان وإنو (الكلام ده كتير) ويجب أن تفسح المجال لغيرها (عل وعسى) لكن العبد لله (عندو راى تانى) فالإنقاذ (لسه بدرى عليها) إذ أن الفترة التي قضتها وهي تحكم ويتنقل أفرادها (من منصب لي منصب براااهم) حتى هذه السطورهى فقط 23 سنة وسبعة يوم :
أي ما يعادل :
• 1201 أسبوعا
• 8408 يوما
• 201،792 ساعة
• 12،107،520 دقيقة
• 726،451،200 ثانية
أى أنه ومنذ أن جاءت الإنقاذ (30 يونيو 1989م) فإن المواطن (الما مات لحدت هسه) :
يكون قد دق قلبه (خلال الإنقاذ) حوالى 968،601،600 دقة (بس) علماً بأن متوسط دقات قلب (المواطن) هي 80 دقة في الدقيقة
وإذا عرفنا أن (المواطن) يشرب في المتوسط عدد 3 لتر ماء في اليوم (لو الموية ما قاطعة) فيكون المواطن قد شرب (خلال هذه الفترة لمن روى) حوالى 25،224 لتراً من الماء بس
وإذا علمنا بأن (المواطن) يتنفس في المتوسط حوالي 15 مرة في الدقيقة فإنه يكون قد تنفس خلال (الإنقاذ) حوالى 181،612،800 مرة !
ولك أن تعلم يا عزيزي أنه إذا ترك (المواطن) أظافره ولم يقم بقصها خلال هذه الفترة فإن طولها كان سوف يصبح حوالي 35 بوصة إذ أن الأظافر تطول بمعدل بوصة ونص سنوياً !
واذا علمنا بأن متوسط إفراز (المواطن) للعرق يوميا يتراوح بين نصف لتر ولتر ونصف فإن المواطن يكون قد أفرز خلال هذه (الحقبة) حوالي 8500 لتر عرق !
أما ما نامه (المواطن) خلال هذه (الفترة) فهو حوالى 67،264 ساعة (النايم ليها شنو)؟
في هذه (الحقبة المذكورة) حكم أمريكا أربعة رؤساء هم خلال6 فترات رئاسية :
جورج بوش 1989 ـ 1993
بيل كلينتون 1993 ـ 2001
جورج بوش الابن 2001-2009
باراك اوباما 2009 – حتى الآن

كما تعاقب على منصب رئيس الوزراء فى بريطانيا أربعة أشخاص خلال6 حملات إنتخابية :
- جون ميجور
- توني بلير
- جوردون براون
- ديفيد كاميرون

كما تم خلال هذه الحقبة تنظيم (6) كاسات عالم !!

1990 إيطاليا
1994 أمريكا
1998 فرنسا
2002 كوريا الجنوبية واليابان
2006 ألمانيا
2010 جنوب أفريقيا

كسرة :
يا جماعة الخير أدو الناس دي فرصة وكده !!

كسرة ثابتة :
أخبار ملف خط هيثرو العند النائب العام شنو(ووو و ووو)؟





تعليقات 26 | إهداء 1 | زيارات 6892

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#420541 [سودانى]
0.00/5 (0 صوت)

07-08-2012 10:54 AM
اى والله نديهم 23 سنة بس تانى


#420299 [ود السيد]
0.00/5 (0 صوت)

07-08-2012 01:11 AM
الاستاذ جبرة

ملف خط هيثرو غرق مع النائب (العام)


#420205 [awadahmed]
0.00/5 (0 صوت)

07-07-2012 09:02 PM
حيرتنا ياجبرة أنت شايت صاح بس ديل مابحسوا والله مابحسوا أبدا ديل عكاليت ماعايزين يقطعوا وشهم مننا لكن شاءوا أم أبوا نحن قالعنهم قالعنهم ومحاكمات فى الشارع وقطع رؤوسهم فى شارع الله ونعرف وين خط هيثرووووو.


#420012 [قول النصيحة]
5.00/5 (1 صوت)

07-07-2012 03:39 PM
يا جبرة مباااااااالغة اسمع جبرة ولا وين ؟؟؟

و الفترة دي كلللللللللللها اتقسمو المناصب و السرقات و الخم و اللحس و الهبش

و القتل و الاغتصاب و الفساد الما خمج

و بمساعدة ود المهدي و حلااااااااااااتو ود المرغني الحلوة ده

لكن يا جبرة ولللللللللللعت و دوووووووورت الدنيا دي ما دواااااارة و كده لكن العلوج ديل قايلنها دائمة الدائم الله
الله ادينا و يولي علينا خيارنا

اسمع جبرة و لا وين ؟؟؟؟


#419992 [ودتكو]
5.00/5 (4 صوت)

07-07-2012 03:16 PM
اخبار خط هيثرو عند النائم العام ..
لسه ما صحى


#419969 [ود الشعب]
0.00/5 (0 صوت)

07-07-2012 02:50 PM
يا ود جبرا انت زاتك بقيت دقه قديمةنشوف غيرك ود الشعب يريد اسقاط عمة ود جبرة


#419952 [Mustafa]
5.00/5 (1 صوت)

07-07-2012 02:33 PM
يا استاذ جبرا .. خليك شاذ أفقياً


#419924 [عصافيرا تغرد في زنازينك]
5.00/5 (2 صوت)

07-07-2012 02:09 PM
اقتراح

انشر انشر انشر

من اسبوع لي اسبوع الانتفاضة تفتر
المعتقلين كل يوم زايدين
الجوامع والاعتصامات دي
ما بعرفو بيها الا ناس الحلة الجنب الجامع والشباب في النت
يلا نبتكر الجديد
دايرينو اسبوع نضافة
الحكومة تاخد قروش النفايات وتعمل رايحة
نقوم نساعدهم ونسخن بيهم ونسخن نحن في ثورتنا
من باكر نبدا
اول ما تمغرب
ما دايرة كتار
اتنين تلاتة بس
اولاد الشارع الواحد يجو ماشين يلملمو النفايات
القدام البيوت وممكن زاتو نلقاها مللمة جاهزة
دايرين كبريتة وسريع نردم الاكياس في نص الشارع
ولعهوا ولو لقيتو الجو ملغم شتات يا فرد
لقيتو مجموعة تانية في الشارع الجنبكم
ولعو قبالكم
زيدو النار بركة
كده في الحلة الواحدة عشرة عشرين مظاهرة
تخلو الكجر عيونو تزغلل وعرباتو تتطاقش
الجو كان هادي
يبدا الهتاف والناس تتلم علي بعض
المجد للثوار
المجد للاحرار
مساجينك مساجينك
عصافيرا تغرد في زنازينك

انشر انشر انشر
الراكوبة سودانيز اولاين كل صفحات الثورة علي الفيس بوك وتويتر

رجاء ادارة الراكوبة النشر


#419920 [ابوصلاح]
0.00/5 (0 صوت)

07-07-2012 02:07 PM
زمان اول ما استلموا الحكم من الديموقراطية كانت لنفس الاسباب الحالية ولكن يختلف الوضع مليون مره اقتاصاديا لان سعر صرف الدولار للجنيه كان 4 ج قديم اما الان 6000ج اضافة الا ان فى 89 كانت محتلة فقط توريت ورمبيك اما الان فالسودان بعد ان كان اكبر دولة افريقية عربية انقسم الجنوب واصبح اقرب لى مساحة مصر
المهم والاهم لا ينسى كل المناضلين ان المنتفعين من الموتمر الوطنى عندما انقلبوا على الديموقراطية قالوا مقولتهم المشهور الزارعنا غير الله يجي يقلعنا


#419910 [hatimBabiker]
0.00/5 (0 صوت)

07-07-2012 02:04 PM
ديل يا أستاذ جبرة عاملين زي بتاع الأغنية أنا زولي دا ما بخلي أنا زولي دا بكنكش في، حتى العلم (القرادي) من القرادة ديل حيروهو الزول السوداني سكت كدا بيعمل في الحاجات القلتها دي كلها وممكن نضيف ليها لستة كبيرة جداً من النشاطات الإنسانية (إذا هم حاسبننا) من جنس الإنسان، أو ممكن حاسبننا (سكان) على حد تعبير واحد من أفراد العصابة الحاكمة، سكتنا ساي بنعاين ليهم زي الجاهل الصغير كل يوم نقول خليهو الله بيهديهو لمن خلاص بلغت الحلقوم وقمنا (جاااااااااااااك) قلنا خلاص كفاية جربتو ما فيهو الكفاية وتجايلتم فينا يما يكفي، (تجايلتم دي عجبتني أنا زاتي) يبدو أنها (توفيق من رب العالمين)أها قلنا يا قراديين ما دايرين خلي لو غنيتو لو رعفتو وكبيتو دم أنحنا خلاااااص بلغ الحد الحد وفاض الكيل وطفح (وريحة الصرف الصحي) إنشمت، اها خلونا نمارس أنشطتنا الإنسانية في جو إنساني مناخ ديمقراطي معااافى.

عجبتني حتة كاسات العالم دي والله ديل حضروا كم أمم بالله، الله أكبر عليهم دعوة حبوبتي بتمشي فيهم لكن (ربنا يشيلهم وما يخليهم يورينا فيهم يوم زي ما وروا خلقو يباليهم بلاء الساحق والماحق التقول ما ناس نصاح) ووالله يا حبوبة ديل مانصاح وما ناس ديل لمايم (من اين اتوا؟).

كسرة:زرعت كم كوم طماطم لحدي الآن، (في وقت فراغك)، بالله ديل بيفهمو؟؟؟


#419900 [نسايم الليل]
5.00/5 (1 صوت)

07-07-2012 01:58 PM
فعلا يا استاذ جبده لسع الانقاذ محتاجه وبدري عليها لانو صف التمكين لم ينتهي - ومنبر العنصريه ودوامه الحرب الاهليه في بداياتها يادوبك النيل الازرق وكردفان ودارفور - كسره اخيره كم ملف فساد امام البرلمان ومتي سوف يبت فيهم - واخيرا ماعارف لينا محل سكر ابيض او احمر المهم سكر وشكرا


#419880 [ده الكلام]
5.00/5 (2 صوت)

07-07-2012 01:37 PM
خازن بيت المال يرفض إقراض سيدنا عمر لشراء ثوب العيد لابنته

حُكي أن ابنة عمر بن عبد العزيز دخلت عليه تبكي، وكانت طفلة صغيرة آنذاك، وكان يوم عيد للمسلمين فـسألها: ماذا يبكيك؟
قالت: كل الأطفال يرتدون ثياباً جديدة وأنا ابنة أمير المؤمنين أرتدي ثوباً قديماً ..
فـتأثر عمر لبكائها وذهب إلى خازن بيت المال وقال له: أتأذن لي أن أصرف راتبي عن الشهر القادم ؟
فقال له الخازن: ولم يا أمير المؤمنينْ؟
فحكي له عمر.
فقال الخازنː لا مانع، وَ لكن بشرط .
فقال عمر: وما هو هذا الشرط... ؟؟
فقال الخازن: أن تضمن لي أن تبقى حياً حتى الشهر القادم لتعمل بالأجر الذي تريد صرفه مسبقا.
فتركة عمر وعاد، فسأله أبنائه: ماذا فعلت يا أبانا...؟
قال: أتصبرون و ندخل جميعاً الجنة، أم لا تصبرون ويدخل أباكم النار؟
قالوا: نصبر يا أبانا!
{يا ليتنا لو امتلكنا الثلاثة: الخازن ... و عمر ... وأبناء عمر}
طبعاً صاحبنا لا مُحُمد ولا فاطنة (اللهم لاشماته)


ردود على ده الكلام
United States [الثوره الما بنص] 07-08-2012 03:30 AM
والله الروايه دي عجبتني شديد وشتان مابين عمرعبدالعزيز وعمرالبشير فرق السماء من الارض الاول نظيف وعفيف والثاني حرامي ومجرم يا سبحان الله بس الزول اقول الاسم سالم


#419878 [ده الكلام]
5.00/5 (1 صوت)

07-07-2012 01:36 PM
خازن بيت المال يرفض إقراض سيدنا عمر لشراء ثوب العيد لابنته

حُكي أن ابنة عمر بن عبد العزيز دخلت عليه تبكي، وكانت طفلة صغيرة آنذاك، وكان يوم عيد للمسلمين فـسألها: ماذا يبكيك؟
قالت: كل الأطفال يرتدون ثياباً جديدة وأنا ابنة أمير المؤمنين أرتدي ثوباً قديماً ..
فـتأثر عمر لبكائها وذهب إلى خازن بيت المال وقال له: أتأذن لي أن أصرف راتبي عن الشهر القادم ؟
فقال له الخازن: ولم يا أمير المؤمنينْ؟
فحكي له عمر.
فقال الخازنː لا مانع، وَ لكن بشرط .
فقال عمر: وما هو هذا الشرط... ؟؟
فقال الخازن: أن تضمن لي أن تبقى حياً حتى الشهر القادم لتعمل بالأجر الذي تريد صرفه مسبقا.
فتركة عمر وعاد، فسأله أبنائه: ماذا فعلت يا أبانا...؟
قال: أتصبرون و ندخل جميعاً الجنة، أم لا تصبرون ويدخل أباكم النار؟
قالوا: نصبر يا أبانا!
{يا ليتنا لو امتلكنا الثلاثة: الخازن ... و عمر ... وأبناء عمر}
طبعاً صاحبنا لا مُحُمد ولا فاطنة (اللهم لاشماته)


#419875 [wudoof]
1.00/5 (1 صوت)

07-07-2012 01:32 PM
اولئك الانوف والاذناب غيرهم....... فمن يسوي بأنف الناقة الذنبا.....؟؟... او قل :
اولئك الملائكة والشياطين غيرهم..... ومن يسوي الملائكة بالشياطينا.....!!!


#419860 [ابره]
5.00/5 (2 صوت)

07-07-2012 01:23 PM
الجماعه قالو ما يسلم السلطه كان جاء عيسى ذاتو ، ولكن بعد الثوره سمعت (تحت تحت)قالو مافي مانع يسلمها لعيسي من خلال انتخابات وبدون شروط ، يعني مافي زول يشترط عليهم يقول انتخابات (حره ونزيهه )وكدا يعني، ولكن المشكله يا استاذ جبرا في عيسي لانه اتاخر كتير.
،
كسره: _ انتو عيسي دا منو فيهم بتاع المعارضه ولا واحد تاني
كسره ثابته:_ يا جبرا عيسي كان جاء اكتب لي تحت الكسره الثابته بتاعتك (تعال استلم)


ردود على ابره
United States [عثمان ميرغنى] 07-08-2012 12:46 PM
عموما ( ابوعيسى ) ما مقصر !!!!!!

و الجاب (ابو عيسى) بجيب (عيسى) زاتو!!!!!!


#419855 [زهجان الا نص]
0.00/5 (0 صوت)

07-07-2012 01:21 PM
انت ماتخليك موضوعى وواضح شنو قلب الانسان دق كم مره وشرب مويه كم مره لو ربنا كاتب ليهو الحياه فى عهد الانقاذ ولا غيرو حايشرب المويه وقلبو يدق لكن قول كم موظف طلع الصالح العام واسرتو اتشردت كم مواطن اعدم وكم نفس ازهقت بغير حق وكم مشروع تدمر وانهيار السلم التعليمى واتساع الفوارق الطبقيه وانهيار الاخلاقيات ونحن مالاقين ناكل يقول ليك افتتاح مصنع طائرات والخطوط السودانيه مافيها ولاطياره وبلد مافيهالا شبكه صرف صحى يقول ليك افتتاح مول الفيحاءبلد شوارعها مخصصه للدراجات ماشين جايبين بصات الوالى وياريت لونافعهوخليك من سكر النيل الابيض وسد مروى وشركه الاقطان ومشروع الجزيره والدولار وووووووو ااااخ واااااخ من القهر


#419837 [جنازةkatlona]
5.00/5 (1 صوت)

07-07-2012 01:03 PM
حكومة البشير ماسونية


#419814 [محمد]
5.00/5 (2 صوت)

07-07-2012 12:37 PM
يا جبرا اكيد انت قاصد نديهم قرصه


#419804 [عبدالله]
5.00/5 (1 صوت)

07-07-2012 12:28 PM
والله والله انهم فى غيهم يعمهون - وينتظرون يوما عبوسا قمطريرا وحينئذ لا يفيدهم
اكتنازهم اكلهم اموال الناس ( والواحد منهم عوضه حبات قرنفل )


#419769 [orass]
0.00/5 (0 صوت)

07-07-2012 12:04 PM
والله يا جبرة إلا إذا انت قاصد ندي ناس الإنقاذ فرصة
أم هم ما بدوا حد فرصة.


#419754 [Ahmad Abdallah Bashir]
5.00/5 (1 صوت)

07-07-2012 11:52 AM
شـــــوية والله .....كما يقول ابراهيم


#419745 [سامر المدنى]
0.00/5 (0 صوت)

07-07-2012 11:46 AM
لامو عليكم استاذنا جبره

واذا علمنا بأن متوسط إفراز (المواطن) للعرق يوميا يتراوح بين نصف لتر ولتر ونصف فإن المواطن يكون قد أفرز خلال هذه (الحقبة) حوالي 8500 لتر عرق !

طيب ماذا عن الافرازات التانية (بول و,,, ) ودى ماأظن تكون بالمعدل الطبيعى بسبب الجوع والا ماكده؟
كسرة : النائب العام غرق


#419736 [nader]
3.00/5 (1 صوت)

07-07-2012 11:38 AM
يا جبرا اهم اعجاز فى عهد الانقاذ انه الدولار حتى الان لم يصل 20 جنيه شفت الانجاز ده


#419675 [ابو ابراهيم]
0.00/5 (0 صوت)

07-07-2012 11:00 AM
لله درك يا جبرا


#419673 [الزُول الكَان سَمِحْ]
3.00/5 (2 صوت)

07-07-2012 10:57 AM
أها يا أستاذ

كلامى دااك وقع ليك...( دست الحكم) والله هى فعلاً دست الحكم...هههه..طبعاَ إنت قاصد سدة الحكم

لكن إنتا نسيت تكتب كم مرة إتغيرت فيها العملة

ومن 1989 إلى الان كم مرة حَلق فيها الدولار

وكم حفلة رقص فيها ضبع افريقيا

يازول هوى..الشاشة دى بتودرك...أعمل حسابك


ردود على الزُول الكَان سَمِحْ
United States [الزول الكان سَمِحْ] 07-07-2012 04:51 PM
إنتا..الجفلن..خَلًهِنْ...وللا الجفلن حِلًهِن...يا اخى ماهو جبرة ده يشد فى الشاشا دى وينكت لينا فى حاجات ما عارفو بجيبا من وين..مرة الجن..ومرة فرعون ومرة...ومرة نافع ..ومرة غندور
يا أستاذ...جبرا ...زى ما قال عادل إمام ...ده أنا غلبان...دا أنا غلطان ولك ودي

United States [الجفلن حلهن] 07-07-2012 01:54 PM
يا زول يا سمح مااالك عاوز تغلط الأستاذ (دست الحكم) صحيحة مية المية وكان عاوز تتأكد إستخدم قوقل


#419654 [فضيل]
0.00/5 (0 صوت)

07-07-2012 10:44 AM
النوم جلبو في السوق لقو ربحو .. ضرطه...
الحسن الناس تقوم


ردود على فضيل
United States [واحد تانى] 07-08-2012 09:30 PM
لكن يا فضيل ....بالغت...!!

United States [خالد فارس] 07-07-2012 03:36 PM
يافضيل البطن برها طامة ممقوصة مافي مثل احسن من كدة


الفاتح جبرا
الفاتح جبرا

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة