المقالات
السياسة
ارشيف مقالات سياسية
مثل إنقاذي : " الحسوا كوعكم !!"
مثل إنقاذي : " الحسوا كوعكم !!"
07-07-2012 09:37 PM

ربع عامود

حاتم الجميعابي
[email protected]

مثل إنقاذي : " الحسوا كوعكم !!"

حكمة السبت :

الوطني يحمل المعارضة مسؤولية الأزمة الاقتصادية!!!
ياربي المعارضة حامل بالأزمة الإقتصادية في الشهر الكم !!، اها حتلد في الدايات ولا في البيت ولا بالحبل، لانو عادي في البلد دي في حتتات ما فيها " دايات" ..
الشكية لي الله الحكومة بتحمل المعارضة اي فشل ليها ... ودي معارضة شنو البتتحمل كل ده حتى فشل الحكومات .. والله دي معارضة خطيرة جداً، غايتو في البلد دي تسمع وتشوف ما لا يخطر ببال بشر .. الحكومة تحمل المعارضة نفقات العلاج بالخارج لكبار المسؤلين لانو المعارضة ساهمت في سفر كثير من الخبرات السودانية .. الحكومة تحمل المعارضة زيادة أسعار التبش والعجور والبصل والكسرة والجرائد التسالي وطين البحر وووووووووووووووووو .
عينكم في الفيل وتطعنوا في خروف السماية !!!
(1)
نافذة الدكتور أحمد الفحل
يقال والعهدة علي الراوي أحمد صاحبنا : إنو سندوتش الطعمية في أحد الكافتريات الموحترمة بقى بي أربعة جنيه , ودي ماالمشكلة , المشكلة إنو في مصاريف غير مرئية , يعني مسلن لو كترت الشطة حتعمل ليك حيرقان وحتشتري حبوب معدة بي خمسة ألف و بعد شوية يمكن بطنك تطم وتضطر تشتري ليك حقنة اللت طراش بي ألفين , وغالبا ً في نهاية الأمر حيجيك إمساك وحتشتري ليك حبوب تمهل علينا وتسهل عليك بي تلاتة ألف , يعني لو الزول واعي ومفتح بدل كدي يشتري ليهو إتنين شيش طاووق ويريح نفسو
.
والأسعار شاملة الفطيرة
(2)
توقعت الهيئة العامة للارصاد الجوي هطول أمطار خلال الاسبوع الجاري في أواسط وشرق وغرب البلاد ويشمل ذلك ولاية الخرطوم.
بعد ده يا ناس ولاية الخرطوم ما عندكم حل غير تفتحوا المدارس الثانوية، يعني قصة السخانة وخوفكم على الطلبة بعد المطرة دي بكون ما عندها معنى يعني شوفوا ليكم " وهمة" تانية، أعتقد خوفكم على كراسي السلطة خلتكم تقفلوا المدارس ومنع الطلاب من التعبير عن رائهم في مسالة الزيادات بتاعة الأسعار الأيام دي ..
(3)
إيلا يصدر قراراً بإنشاء بنك للطعام ويلتزم بمليار جنيه:
اصدر والي ولاية البحر الاحمر محمد طاهر ايلا قراراً بإنشاء بنك للطعام برئاسة مدير هيئة الموانئ البحرية جلال شيلا للمساهمة في دعم الفقراء والمساكين في الولاية، والتزم الوالي بدفع مبلغ مليار جنيه لانجاح المشروع ،وحدد القرار مدير بنك ام درمان الوطني مقررا للجنة بجانب عضوية 22 شخصية من الخيرين وشرائح المجتمع.
غايتو البلد دي الأيامات دي بتحصل فيها حاجات غريبة جداً، من أي مال يلتزم ايلا بالمليار جنيه، هل من ماله الخاص أم من مال الدولة، أعتقد بأن القصة دي بقت مفهوم والي ولاية يتمتع بصلاحات غير موجود عند رجال الأعمال .. ربما ايلا طلع مفتح ومكتنز للذهب والفصة ونحنا ما عارفين، وكأنوا البلد دي حقت زول واحد، عادي جداً يتم نهب أموال البلد عينك عينك .. ويتصدق بها هؤلاء في شكل هبات على شعبه الذي وفر لهم كل هذا المال ...
(4)
الأوضاع الأمنية بولايات دارفور
 إنقطاع سبل المواصلات بين مدن دارفور ( نيالا – الفاشر) ( نيالا الجنينة) (الجنينة هبيلا) (قارسلا أم دخن)- (نيالا –الضعين)
 تفشى ظاهرة قطع الطرق ونهب السيارات والمسافرين.
 مهاجمة الحركات المسلحة للعديد من المحليات والقرى ونهب ممتلكات المواطنين والدولة (أم دافوق ، أبوعجورة ، أم كردوس وفتاحة )
 كسر وسرقة المحال التجارية كالبقالات والصيدليات داخل المدن وخاصة مدينة نيالا حيث تتمركز قوى الأمن.
 إشاعة وتكريس روح الجهوية والقبلية والإقليمية والمحسوبية والكراهية بين أبناء الوطن الواحد
(5)
إن الشعب السوداني و قواه السياسية قد عقدا العزم على التخلص من سنوات الديكتاتورية و الفشل السياسي و الأمني و الأقتصادي، و قررا العمل على إسقاط الديكتاتورية الغاشمة و الحفاظ على السودان منزهاً من التشظي و التخلف و التبعية و الديكتاتورية و الأضطهاد و الفقر و الجوع و التشرد و الحرب و النزوح و الكراهية و الجهل و التفرقة و القبلية.
(6)
على حسب التوقعات بالتشكيل الوزاري الجديد فإن الدكتور المتعافي سوف يصبح وزيراً للمالية، أعتقد بأن أول خطوة للوزير الهمام في إطار السياسات المالية والإقتصادية تقليعة " الجنيه المحور وراثياً" والذي يوازي سعر الدولار العالمي ..
وفقك الله ايها المتعافي في عملية التحوير الوراثي دي .. شكلكم كده حتحورنا نحنا ذاتو وحتقلبونا " عجول" للتصدير ..
(7)
هذا وتمشيا مع الاتجاه العام للدولة في ظل هذه الظروف الحرجة ومن باب التقشف وتخفيف العبء عن المواطنين فقد تقرر ان تكون صلاة الجمعة (من منازلهم ) ..... او ممكن (تمشي جمعة وتغيب خمس جمع) منقول
لانو الجمعة بقت بجيب مشاكل لي ناس الحكومة ..
نتوقع أن يتم يصدر جهازالأمن والمخابرات قراراً بإغلاق مسجد الأمام عبدالرحمن المهدي إلى أجل غير مسمى لانو بجيب الهواء.
(8)
المعتقلون المفرج عنهم يكشفون عن بيوت أشباح جديدة لجهاز الأمن داخل أحياء أمدرمان أغلب هذه البيوت في مدينة المهندسين وبانت .
موقف بايخ جداً :
ريتشارد وأتير وجمعة.. ينضمون لمنتخب الجنوب
حتى الكيزان ما خلو الرياضة في عملية تشطير البلد.
موقف بائخ .. اكتر من الفات:
أتوقع كثير من الأسر في رمضان .. لا تجد حق الإفطار .. وعلى هذا الأساس مفروض اي مواطن يمشي لي أقرب كوز جمبو في الحلة ويمشي عزيز النفس ويفطر هناك ويضحك ويقرقر وتمشو التروايح وتجوا راجعين تلعبوا الكشتينة .. وتتعشوا وتدوروا الكشتنية تاني .. وتتسحروا وتقولوا ليهو مع السلامة ..



تعليقات 1 | إهداء 0 | زيارات 823

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#420234 [نص صديري]
0.00/5 (0 صوت)

07-07-2012 10:14 PM
المثل البقول الفرغ بيهمز ....! ينطبق على عدم موضوعيتك شوف ليك شغلة استفيد من وقتك


حاتم الجميعابي
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة