معليش عساكر الديش
07-08-2012 11:53 AM

معليش عساكر الديش

سهل آدم - هولندا
[email protected]

من غير حليفة
يا من قلت انت خليفة
ثورتنا دى النصر حليفا
لابحلوك الرباطة .. لا الهتيفة
ولابنفعوك الارزقية النفوسا ضعيفة
باعو الضماير .. اكلو الجيفة
وانت ما بتعرف ثورة ناسا ايديها نضيفة
بس دايرة وطن على كيفا
ما وطن معليش
وما يكون العيش .. فى بطش الجيش
عدمنا حتى (العيش) .. كرهنا حتى العيش
تحت حكومة الطيش .. فى ظل عساكر الجيش
وليش ...؟
********
وراكم وراكم يانظام اللصوص
باكر نجيبكم .. كل الشخوص
وانت يا امير الضلال والخوف ..
انت على وجه الخصوص
حتتحاكم بقوانينك .. بى ذات النصوص
تشرب من نفس الكؤوس
لاعمرك ترتاح .. لاتغمض رموش
يالمن فقرنا .. عملتو عروش
من جوعنا .. ربيتو كروش
سرقتو احلامنا .. قبل القروش
وسكنا العدم .. بيوت البروش
جيتونا من وين انتو .. ياقتلة ياوحوش

*******
بلد ممحون .. بلد منحوس
بس خلاص فهمنا الدروس
لاتراجع .. لاجلوس
وراكم .. نفتش نكوس
بكرة عليكم ندوس
صبرا بس .. ياحزب النجوس
جاياكم .. جاياكم حربا ضروس
********
باكر ياحلوة يا فردوس
مابتعدمى العجين للعوس
ولابقرر فى لبسك او شغلك او مشيك
واحد كوز
بتحلى اللمة فى الحوش
حنتونس جهرا .. بلا كابوس
ولا آذان جماعة قوش
بهجة عريس بعروس
وفرحة ليها الف طقوس
تبقى زكرى ليالى البوؤس
نسجد لترابك نبوس
نتطاول نضاحى الشموس
بى شموخ العمم الفوق الرؤس
********
جوة الفؤاد مكانك محلك
اشعارالغزل والافتخار
باعتزاز كتبتها عنك
عشان انت الحب
لأنك ...
بترابك الزول معلق


تعليقات 1 | إهداء 0 | زيارات 1235

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#421227 [سالم]
0.00/5 (0 صوت)

07-08-2012 09:11 PM
لا يا جماعة الشماسة لا لا لا لا
والشحاتين لا لا لا
البشير مخصوص قال شماسة عشان تسموها جمعة الشماسة والناس بره تضحك فينا
حقوا ما نبقي عورا وكل ما يقول حاجة نسميها جمعة كده بالجدنكون شفع وماعندنا فكر
مع احترامي لبقية الاراء
اقترح نسمي اسم يكشف فضائحهم
جمعة مشردي الصالح العام
جمعة شهداء رمضان
و الزول اللىمسمي نفسو ابراهيم الكدرو ده امنجي يا جماعة والله امنجي مندس
يحرض على اسم الشماسة
لا والف لا لن نسميها جمعة الشماسة نحن اعقل من كده
والله تتسمى الشماسة انا ما بطلع الشارع لأن انا ما شماسي
انا مثقف وواعي
لاتنخدعو يا مناضلي السودان يا احرار انتم الاحرار وهم العبيد عبيد المال والسلطة
انتم الاحرار
انتم الاحرار
نحن نقابة اطباء ومحامين وصيادلة وموظفين ومعلمين ومهندسين ديل نحن يا البشير ايها الراقص


سهل آدم
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة