دوري دوري يا مرجيحة
07-09-2012 12:23 PM


دوري دوري يا مرجيحة

عقيل حسن
[email protected]


دوري دوري يا مرجيحة
و وقعى كل ألغازى سريحة
فى جوف الزمن الراجع لسع
والمسكين الروحو بتطلع
والمستقبل حق الشفع
يقلع يبلع ينزل يطلع
فى ريسان الناس ويزيحا
دورى دورى يامرجيحة
طيرى شجر الشوك الفرنب
اقلعى دقن الباشا السحلب
وطير البوم الجانا معلب
امسحى ضل اللص التلب
بدلى سيفو وخلى صفيحة
ودورى دورى يا مرجيحة
لمى جموعك يا مرجيحة
وضوى شموعك وابقى مليحة
اجلدى كل الشغلو يصفق
والجايبنو عشان يتصعلق
والشغال فىى دمائنا يدفق
والبنافق والبتملق
لدرويشآ نوبتوا مسيخة
ولفى ودورى يا مرجيحة
امسحى دمعة طفلآ جائع
سكنى جرح الزمن الضائع
رجعى حسن الماضى الرائع
كونى قوية وكونى نصيحة
و دورى دورى يا مرجيحة

تلك هى مساهمتى بقصيدة يا مرجيحة وكلى امل ان تساهم هذه المرجيحة فى اقتلاع الظلم والهوان والمتاجرة باسم الدين وان يعود الينا الشعب السودانى الذى دائمآ يكون فى الشدة باسآ يتجلى.


تعليقات 1 | إهداء 0 | زيارات 719

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#421941 [بدر]
0.00/5 (0 صوت)

07-09-2012 04:31 PM
ااااااهه ليتك لم تكتب وليتك لم تتوقف فما بين كتابتك والتوقف برزخ وتوهان والم قديم كاد ان يلفه النسيان !!!!!!! جميل يازول .


عقيل حسن
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة