الحفر تارو
07-12-2012 11:15 AM

الحفر تارو

عبدالماجد موسى
[email protected]

نقَّط عَرَقْ
داخ من سموم ناس بله لامن طَقْ طَرَقْ
ود عبدو أصلو كبير مرق
عشان الجمره حارقه النيل
سَدَّ البير
وقَدَّ غطاها
وصَرَّ القبة فى المنديل
وحتى باقى القش حرق
ولمَّ الزغاريد المارقه من أمَّاتْ زَرَقْ
شرَّاها فى الندم الشَّرَقْ
مَسْكَةْ عليقْ
مَسَكَانْ عَلَقْ
زمن العوافى الإتسرق
عَلَمْ الطفولة الإتحرق
هذيان جعان
قولة أَصُبُرُو بِقَتْ أَرَقْ
مالو ود الريف سليم
عايش شريف بيَّاع مَرَقْ
ما دخلو فى لحم الخلايقْ
أو طبيعة الكون خرق
لكن تعال
شوف كمَّ الڨلل الحازِمِن فى أباطو شيخ حِلة عوض
ود خالتو كان ضارب الوزاره
وفَتْ مَرَقْ
سوَّاها فى الصين كم شراكه
وفى ماليزيا ودُبي
شدّالو صفين من عماره
لكن عمارو عَمَارْ وَرَقْ
نسى تكبيرو الزمان
للهِ كل النعملو ما بتعنينا دنياكم طَلَقْ
لكن سحب
ملايين من رصيد أولادنا
من مستقبل عَرَقْ
بقى من ناس الكروش
ناس العَنَاقِرْ
ناس ابْ دَرَقْ
يا بِتي مُنَاكْ سعيد
ساعة بلادنا أَبَتْ تمِشْ
حارده الصباح
حارده العشيِّه بِقَتْ حَرَقْ
لكن أبِشْرِى
شبابِك الجواكْ مَرَقْ
دَقَّ صدرو
وهَزَّ أرضو
وشَقَّ لون الليل
فى الآفاق بَرَقْ
وقال خلاص
خلاص خلاص
يكفينا يا إنقاذ غَرَقْ



تعليقات 2 | إهداء 0 | زيارات 993

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#426227 [OKAMPO]
4.00/5 (1 صوت)

07-13-2012 04:31 PM
يا ليت قومي يعلمون انه حانت الساعة لكنس زبالة الانقاذ هذا او يكنس السودان نفسه
كنس الداء اولى من بتر الاعضاء المصابة ...

وثورة حتى النصر لتعود للسودان عافيته واحترامه بين الاممٍ

القصيدة شخصت الحالة السودانية الراهنة بوضوح


#425841 [أبو الغيث]
3.00/5 (1 صوت)

07-13-2012 09:04 AM
قصيدة رائعة اخي عبدالماجد يديك العافية


عبدالماجد موسى
عبدالماجد موسى

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة