07-14-2012 01:18 PM

بالمنطق

الكذَّابون..!!! تم حجبه .." تخيل" !!

صلاح الدين عووضة
info@aljareeda-sd.net

* إمام مسجد القرية طفق فجأة يحدث الناس بكلام بدا غريباً عليهم..
* يحدِّثهم عن خروج أناس من (الإيمان) رغم أنَّهم يصلُّون ويصومون ويحجُّون..
* ولم يدخل مثل هذا الكلام عقول أهل القرية ..
* كيف يعني شخص يصلِّي ويصوم ويحج ولا يكون (مؤمناً)..
* ولكن الإمام أصرَّ على كلامه وهو يردِّد - المرة تلو الأخرى - حديثاً نبوياً (صحيحاً) لم يسمع به المصلًّون من قبل..
* حديثاً يشير إلى أنَّ الكذب والإيمان لا يجتمعان..
* ويتقاصر مخزون لغة الضاد لدى أهل القرية النوبية تلك عن رفدهم بما يعينهم على التعبير (تعجُّباً)؛ فـ (يرطنون)..
* ويضطر الإمام إلى أن (يرطن) - هو الآخر - لترسيخ المعنى في أذهان الناس ..
* و(يرطن) الكبير ومعاونوه - أيضاً- استفساراً عمَّا يعنيه الإمام منذ نحو أسبوعين..
* فقبل الأسبوعين هذين لم يكن الشيخ نور الدين - الإمام - يتحدَّث بمثل هذا الكلام الغريب أبداً..
* وفي لحظة غضب ( تجرَّأ) أحد معاوني الكبير هذا على رمي الإمام بتهمة لم يسبقه إليها أحدٌ من العالمين في (دنيا) المنطقة تلك ..
* قال إنَّه يظنه من (الكاذبين)..
* وغضب لغضب الإمام أئمة في القرى المجاورة وهُرعوا لنصرة أخيهم يتأبَّطون (النسائي) و(مسلم) و(البخاري) و (الترمذي)..
* " طيِّب؛ ليه بس الكلام ده ما قالوش غير من اسبوعين؟!"..
* يسائل الكبير أئمة القرى المجاورة (تحجُّجاً) ويضيف بغضب ساخر :" يعني ازداد علماً فجأةً وللا إيه؟!" ..
*والأئمة يسائلون الكبير هذا - بدورهم- إن كان ما يغضبه هو حكاية الأسبوعين هذه أم عدم اقتناعه بصحة الذي قاله الإمام؟!!..
* وينتشر الخبر ويعمُّ قرى وحضر المنطقة بأسرها..
* ويقف الناس على (سرِّ) الأسبوعين ..
* ويدركون ما كان يعنيه الإمام بحديثه المكرور عن (الكذابين) ..
* ويسترجعون تفاصيل الاجتماع الشهير ذاك لحظةً بلحظة..
* سيما اللحظة تلك التي أقسم فيها الكبير صائحاً وسط تصفيق معاونيه:( وديني وإيماني)..
* ثم بعد أسبوعين كان الإمام قد أخرج الكبير هذا عن (دينه وإيمانه) هذين..
* أو بالأحرى؛ أخرجه عنهما (لسانه)..
* وفعلت الشيء نفسه (ألسنة) معاونيه هؤلاء..
* (خرجوا) عنها بنصِّ الحديث النبوي الذي أنكره - بدءاً- الكبير..
* ثم بعد أن (أُفحم) ؛ (خرج) هو نفسه من قلوب الناس..
* ثم (تخارج)..!!!!!



الجريدة


تعليقات 12 | إهداء 0 | زيارات 6093

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#428154 [mathew]
0.00/5 (0 صوت)

07-15-2012 04:19 PM
ياخوي دى راكزبة فكروالمواطن السودانى ما محتاج لشرح وكل المفردات الغريبة الدخلوها ساسة الانقاذ المواطن فهمها حتى نحن الزى ود ساتى (الرطانة) نفهمها و لو قالوها بلغة الطير فى الباقير..................... والدنيا دبنقا يا ود حوش بانقا


#427532 [زول كده]
5.00/5 (1 صوت)

07-14-2012 11:11 PM
شكلو ئيس التحرير الفعلى بقى يقرا ما بين السطور تبقى مشكله كبيره
قلت لى خرج من قلوب الناس ثم (اتخارج) .....



شفت والله......


#427427 [saleh]
5.00/5 (1 صوت)

07-14-2012 07:49 PM
ثم تخارج ؟ بس بي وين ؟


#427390 [على السنارى]
5.00/5 (1 صوت)

07-14-2012 06:59 PM
لماذا منع من النشر؟لانهم يعرفون انفسهم حق المعرفة انهم يكذبون ويكذبون ثم يصلون ويصومون ويحجون ثو يكذبون ويرقصون انه الاسلام الجديد اسلام ناس البشير ومسانده عبد الحى يوسف وباقى المنافقين


#427360 [mohy]
5.00/5 (1 صوت)

07-14-2012 06:04 PM
يعني تقصدهم عدييييل ويخلوك تنشرو أما إنت مستهبل؟


#427337 [عجبين]
5.00/5 (3 صوت)

07-14-2012 05:47 PM
( * ثم (تخارج)..!!!!! )

دى قويه يا ود عووضه .. الليله الضرب تحت الحزام

ابدعتا

قلت لى كيف ,,,, ثم ( تخارج ) ْْ~~~~

ليتهم يفهمون


#427274 [abusabeeb]
5.00/5 (3 صوت)

07-14-2012 04:42 PM
عجبني ليك ياودعووضه وخليك ممنوع على طول

اولا مفروض تكتب عديل وحلتكم دي خليها على جنب

ثانيا ناشدناك اكتر من 10 مرات عشان تجهز عودك وعامل ماسامع

ثالثا طلبنا منك معرفة مقاس صاحبك المروح من العيدان وبرضو ماسامع

عشان كده خليهم يمنعوك


#427194 [الزول الكان سَمِحْ]
5.00/5 (2 صوت)

07-14-2012 03:33 PM
يا ود عووضة

طيب مادام..حُجب..معناها الذى قام بالحجب قد فهم أكثر من ناس القرية..

هو الإمام مش قال ليهم إتقوا الله ولو بشق تمرة وعدد المساجدبقريتكم بما يقارب الخمسين؟؟

طيب ديوان الزكاة فى قريتكم تلك ما يعمل ترتيبات إفطار الصائمين فى المساجد دى..وعلى الأقل يكون كفًر عن سيئات مريديه

ولد دددده


#427130 [الخريف السودانى]
5.00/5 (2 صوت)

07-14-2012 02:56 PM
يا عووضة طالما الحكاية بقت منع في منع بعد كدة بطل اسلوب (التوريه) وارمي بالواضح الفاضح والرهيفة الننقت ... مع تحياتي


#427112 [الحقيقة]
2.00/5 (1 صوت)

07-14-2012 02:42 PM
فضيحة الكبار من شيوخ لامن

http://www.alrakoba.net/vb/t119134.html


#427080 [Ahmad Abdallah Bashir]
5.00/5 (3 صوت)

07-14-2012 02:16 PM
صيف حار يحرق البشير وبشار ...... آمين يا معين


#427053 [Ahmad Abdallah Bashir]
5.00/5 (2 صوت)

07-14-2012 01:58 PM
اعلم أن الكثير من القراء لم يستوعب ما عناه ود عووضة بذكائه المعهود ..... لذلك عليك أيها العزيز إعادة القراءة ... والشكر للكاتب الشجاع


ردود على Ahmad Abdallah Bashir
United States [ودالامام] 07-15-2012 10:26 AM
قال شنو اعلم أن الكثير من القراء لم يستوعب .قر إنفخك ياوهم ديل قراء الراكوبه بفهموها وهى طايره .بالله معتوه زى ده رشوا عشان اتخارج من هنا .لكن وريتنا يا الطيب صالح

United States [علي] 07-15-2012 09:45 AM
هي مسألة في اللوغريثمات؟؟ ايه اللي ما استوعبوا أكتب باللغة ديك يا بلديييينا عشان تريحهم

United States [MOHAMED] 07-15-2012 12:16 AM
وكت انت استوعبت الموضوع ما تشرحو لينا طيب يااخي ده استخفاف بالقارئ ومسخت علينا الموضوع ذاتو

United States [mohy] 07-14-2012 06:07 PM
نعلم أن الكل أستوعب كلام عووضة يا خي دا واضح إلا إذا عاوز تهين عقول قراء الراكوبة

United States [بت العمدة] 07-14-2012 04:08 PM
(أعلم الكثير من القراء لم يستوعب ....)خلاص استوعبتو انت يا الطيب صالح .. عالم وهم !! ولماذا تفترض الغباء للآخرين ؟ وما يمنعهم من استيعاب الموضوع طالما فعلت أنت ؟ أم هي النرجسية ؟بعدين الموضوع شنو أصلو ؟ كيمياء، ما اسقاطات أي واحد قرأ الراكوبة لي اسبوع بيفهمها. طيب أنا بقول ليك اذا كان انت فهمتو، أي واحد بيكون فهمو. والبادئ أظلم.


صلاح الدين عووضة
صلاح الدين عووضة

مساحة اعلانية





الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة