المقالات
السياسة
ارشيف مقالات سياسية

07-14-2012 08:36 PM

التاريخ يعيد نفسه (2): عذاب القبر في الخرطوم

معز عمر بخيت
[email protected]
______________________________

أنا عربي وا فريقي
و أشهد أنني مسلمْ
أنا زحف برغم القمع
سوف يظل يتقدم ..
و رغم تداخل الرؤيا
فلن يخبو و يستسلم
و في السودان تاريخي
و من افريقيا دربي
أنا عربي
هدى الاسلام في قلبي
و عنواني هو المصحف ..
أنا الحرف الذي لايخطيء الفصحى
انا لوحة ...
لوجه النيل حين يعانق الدوحة
وصوت نابض أشرف
فللقيا قفا نبكِ
و للسقيا قفا نبكِ
وللازهار والأيكِ
قفا نبكِ
عذاب القبر في الخرطوم لو يحكي
الى الاجيال قصتنا
مع الطغيان و الافكِ
فلا دُمتَ
و لا دامت لك الدنيا
و لا الاحكام اعرافا
ولن تبقى لنا
كالسل في الرئتين اجحافا
ولن نخشاك يا تمثالنا
المنحوت بالصلصال و الزئبقْ
ولن ننساك يامن حطم الزورق
سلَبْتَ الحق
بعت الجائع المحروم بالسُلطة
وكنت السيف و القاضي
و الجلاّد و الشُرطة ..
قطَعْتَ شَنقْت ثم رجمت
ذاك الطيّب الانسان
هتكت العرض و استعليت
ثم عفوت عن ذا السارق
المتخوم بالأدران
وباسم الله قد شهرت بالفقراء
قد اخللت بالميزان
وباسم الله كان الظلم
كان الجوع في السودان
فهل تبقى لك البيعات
رغم الأنف
يامن عشت للشيطان
وهل يفديك اهل الدين
بالسبحات و التيجان
فلا ترحل
لأن الشعب يوما ما سيقصيكَ
و لا تهرب
لأنك ساعة الحسبان
لن تحسب بما فيك
فسوف نظل نحميك
لكي نقتص للايام
ماحصدته أيديك
فلا ترحل
وكن في دارنا ملكا
على عرش من الذهب
و فجر فوقنا الاشجان
و اقذفنا على اللهب
و مارِس كل ما يحلو
من الارهاب و الغضب
و قل ما شئت من
آيات رب الكون
قل ماشئت بالكذب
فيوما ما سندعوك
بحق الله و الاسلام نرجوك
كيما تسأل المولىَ
فيدخلنا الى الجنة
بحق إمامنا أنت
أيَا صوتا هنا رنّ
ليعلن توبة القديس
بين الامس و الليلةْ
ويعلن انه الوالي
امام عادل أولىَ
فيا هذا الذي قد بات مهموما
على الملكوت و العرش
يئست الان من سلطانك الكاذب
بحق الشعب و الجيش
الا يكفيك ما يتّمت من طفل
و ما هدّمت من نجوى
و هل يرويك ما شرّدت من جيل
وما حطّمت من سلوى
لكي تبقى على الكرسي
فلا تأتي و لاتذهب
فجئت بكل نصاب ٍ
بلا اصل و لا مذهب
ثم أتيتَ بالدرويش
والمتملّق الأكبر
لكي يحشوك بالكلمات
كي تزهو و كي تفخر
وفي (دارفور)
كان الجوع يستشري
و صدر جنوبنا يحرق
و عند الشرق امراض
و بؤس قاتم ازرق
و صوت الحق مخنوق
و شعب بائس يغرق
و لا رُبّان ينقذه
و لا مجداف او زورق
سواك الان يا مولاي
يا قديسنا الأحمق
فلا غفران او سِفراً
من التكوين ياشعبي سنحمله
إلى هذا الذي
قد عاش بالبهتان منزله
و ذاك الصدع في الجدران
و الطوفان يتحّدر
و لن نصمت
و لن نحمل على الأكتاف
غير مدافع تثأر
لقتل الحق مخنوقا
على عتب من المرمر
فمهلا ريثما تبقى
لك الايام تتنكر
و مهلا بعدها تدرك
بأن الشعب يتحرر
من الاغلال ما بقيت
من الطغيان و العسكر
فانهض ايها الوالي
فلن تنجو
ولن تقدر .


تعليقات 20 | إهداء 1 | زيارات 5695

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#429067 [KHIDER]
5.00/5 (2 صوت)

07-16-2012 04:40 PM
وين أنت من زمان كنت مخزن ولا شنو القصيذة جملية لكن خلى بالك من نفسك لان اصبحت ملك للشعب السودانى وكدا بدأ نضال الكلمة


#428668 [؟؟؟]
5.00/5 (2 صوت)

07-16-2012 09:38 AM
المعلق المدعو/ حسن احمد.. طيب اها نعمل ليهم شنووو ولي نعمتك ديل... لو قالوا قرودولا قالوا موز. وبعدين انت لو كاره كل ما هو عربي.. فضلا اكتب بأي لغة إلا العربيةلانك مابتنمي ليها وما عندك بيها صلة


#428336 [علي محمد عمر]
5.00/5 (2 صوت)

07-15-2012 08:47 PM
الاخ البروفيسور المعز ... ياوجه بلادى المشرق وبعض مابقى لنامن فخر...
احييك واحى نضالك المؤثر جدا كما شاعر الشعب محجوب شريف ...
وانت تعلم ان الشعب السودانى العظيم يحتاج الى اعادة صياغة وجدانة بعد ما لحق
به من تشويهم متعمد .... فلتعلم ان دورك مهم جدا ومقدر جدا ..
فمزيدا من الابداع ياكتيبةالوعى وكوة النور..
واذا الشعب يوما اراد الحياة فلابد ان يستجيب القدر


#428334 [sara altanya]
0.00/5 (0 صوت)

07-15-2012 08:38 PM
القصيدة دى قديمة و قيلت فى حق نميرى ايام الانتفاضة اتهيأ لى .. لكن دا لا يعنى انها فى محلها تماما .. نميرى هو اول من تاجر بالدين و تطبيق الشريعة لكسب ود البسطاء كحال الجماعة دي لما غلبوم . بعد تلاتة وعشرين سنة قالو عايزين يعملو دستور اسلامى قال .. كأننا كنا منومين مغنطيسيا ودا اسلام بعرفو براهم ... التاريخ يعيد نفسه يا بلادى .


#428082 [سامي الصائغ]
5.00/5 (1 صوت)

07-15-2012 02:46 PM
الف مبروك للشعب السوداني بهذا الشاعر .. العالم .. الانسان .. الطبيب ..
كم انا سعيد بطلتك البهيه .. بشعرك المعبر .. الراقي .. الشجاع ..
بقدر ماكرهت سودانيتي لانتماء طبيالي المؤتمر الوطني لاشتراكهم معي فيه .. الان انا فخور بسودانيتي لانك سوداني ..
ما يجيش به دواخلي من شكر لله لمشاركتك هذه غير متوفره في اركان اللغه العربيه البعيده منعا و القريب فارجوا ان تواصل ..


#427916 [ابو المجد]
5.00/5 (1 صوت)

07-15-2012 11:56 AM
الأكثر سعادة هو هذا التجاوب الكبير الذي يؤكد كل يوم اتساع ومكتسبات الثورة


#427899 [حسن احمد]
3.00/5 (3 صوت)

07-15-2012 11:33 AM
كترت حكاية انا عربي دي - مع انو العرب الاصلين الشغال معاهم في الخليج بيعتبروا السودانيين عبيد و قرود - عشان كدة حتة دي لازم نراجعا


ردود على حسن احمد
United States [اسامه] 07-16-2012 09:26 AM
اثني كلامك تماما !! كتر المحلبية شوية في حكاية عربي دي !!! الما في شي غطس حجرنا غيرها
!! يجب ان يتنامي الحس القومي السوداني لدي الجميع نحن سودانين وكفي


#427892 [ALI]
5.00/5 (2 صوت)

07-15-2012 11:21 AM
الله عليك يا دكتور وانت تنحاز لللحق وللشعب ضد الطغاة والظلمة وكهنوت الحزب البطنى الفاسد!


#427804 [baraka]
5.00/5 (2 صوت)

07-15-2012 09:37 AM
الله الله الله علي الثورة وعلي الحرية وعلي الكلام الجميل ينصر دينك يا الدكتور المعز


#427625 [almo3lim]
0.00/5 (0 صوت)

07-15-2012 02:51 AM
د/ معز بخيت دا مش عملوه حاجة كدا في وزارة الصحة ؟؟؟؟

خلاهم و قام رجع للشعر ؟؟ .. خلى بالك أنا ما متابع .!!

بس القصيدة ممتازة و في الصميم .. لكن الأهم من كدا هو ( النية) ..

نورونا ..


ردود على almo3lim
United States [الشاذ افاقيا] 07-15-2012 09:41 AM
انت غلطان داك معز حسن بخيت اخو كمال حسن بخيت

United States [الجمـــصي] 07-15-2012 09:23 AM
كلام صاح يا الملعم
لكن كان شوكة حوت للحرامية و الظاهر لقوهو لاعب ليهم باك قامو شتتو و الله أعلم ...
غايتو هو كويس كان صفي النية و ما يعديها لينا كلها عرس و ليالي طرب و لقآءت تلفزيونية

United States [شاذ افاقي] 07-15-2012 08:59 AM
يامعلم انت مالك داير تشكك في انتماء دكتور المعز للشعب وكراهيته للانقاذ .. الشاعر الدكتور المعز لم ولن يشارك ابداً مع هؤلاء الجهلة ناس الانقاذ ولو اعطوه مال قارون .. انت لخبطت بين دكتور المعز حسن بخيت شقيق الكوز كمال حسن بخيت رئيس تحرير صحيفة الرأي العام صحيفة الكيزان ناس العتباني فهذا عينوه او عينه اللص الكبير مامون حميدة وزير صحة ولاية الخرطوم عينه مسؤول اعلامي بالوزارة طبعا عشان اخوه كمال حسن بخيت.. فهمت الفرق؟؟ فلا تظلم د المعز عمر بخيت.

United States [Shah] 07-15-2012 07:01 AM
لا يا أخى ليس نفس الشخص. مجرد تشابه اسماء.

United States [Abu Areej] 07-15-2012 06:07 AM
يا حبيبنا دكتور المعز هذا غير المعز بتاع الصحة يعني دة واحد ثاني عاش في السويد وحاليا في البحرين - لم يكن لديه نشاط ظاهر سواء مع الحكومة او مع غيرها وهو زوج الاعلامية الشهيرة جدية التي كانت في قناة النيل الازرق .. ان شاء الله يكون وضح

United States [for Sudan] 07-15-2012 05:19 AM
انت تقصد د/معز حسن بخيت و ليس معز عمر بخيت تشابه في الاسماء فقط

United States [فارس] 07-15-2012 04:07 AM
يا المعلم العملوه مستشار في وزارة الصحة الولائية ده دكتور معز حسن بخيت أخو كمال حسن بخيت بتاع الرأي العام وقريب عمر البشير لكن ده بروف معز عمر بخيت شاعر الانتفاضة. تشابه أسماء عامل مشكلة كبيرة للبروف والله يكون في عونو


#427586 [jo]
5.00/5 (3 صوت)

07-15-2012 12:50 AM
انا بعرفك من ذمااان
لكن اول مره اقرأ ليك بيان
بس قصيده في المليان
تذلذل عرش الظغيان
وتقلقل نوم السلطان
وتفضح الذيف والبهتان
للغشونا بأسم الدين والايمان
ايوه خليك كده فنان
ودايما اضرب في المليان

تسلم
jo


#427541 [ابو برندي]
5.00/5 (2 صوت)

07-14-2012 11:23 PM
احيك يا دكتور فوالله لن ينجو ولن يقدر


#427504 [شهاب ثاقب]
5.00/5 (2 صوت)

07-14-2012 10:29 PM
شكرا دكتور لقد شرحت وأفضت هذا هو الشاعر الذي يعيش آلام شعبه ويحس بوجدان شعبه نعم وأنا
أقرأ أبياتك الشعرية الجميلة تذكرت شعراء وشاعرات لم يخلقوا إلا فعلا للنفاق والكذب والدجل
بارك الله فيك وفي أمثالك أصحاب الضمائر الحية نعم أنت وسيف الدولة وآخرون لكم التجلة والتحية
وأتمنى أن نسمع المزيد عشت للسودان ياصاحب الضمير الحي ولا نامت أعين الجبناء


#427497 [عجبين]
5.00/5 (2 صوت)

07-14-2012 10:07 PM
البروف
المعز عمر بخيت
يالها من كلمات ابدعت فيها وستظل قصيده نفتخر بانك قلتها فى زمن
سكت فيه من سكت وابيت انت الا ان ( تشويهم ) بكلمات نابضه نابعه من وطنى غيور
التحيه لك البروف معز عمر بخيت
ودمت للوطن


#427459 [سوداني وبس]
4.00/5 (3 صوت)

07-14-2012 08:57 PM
يسلم قلمك
يسلم شعرك
يسلم احساسك
يسلم علمك
يسلم سودانا
و تسلم انت يا دكتور يا راقي
و دمتم علما من اعلام بلادى د. معز عمر بخيت


#427458 [الحالم بالحرية]
5.00/5 (2 صوت)

07-14-2012 08:56 PM
سلمت د. المعز ؛ لافض فوك ؛ ان نطق أمثالك من القمم العلمية و الثقافية له دور المشرط في ازلام النظام ؛ الذين امتلأت بطونهم بالحرام مما جمعوه بافقار الشعب وتشريد الكفاءات ؛ وان شاء الله سوف تشرق شمس السودان من جديد ؛ وتغيب دولة الظلم والفساد.


د. معز عمر بخيت
د. معز عمر بخيت

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة