المقالات
السياسة
ارشيف مقالات سياسية
المعاه دولارات .. المعا دهب!!
المعاه دولارات .. المعا دهب!!
07-15-2012 01:18 PM

المعاه دولارات .. المعا دهب!!

عمر الفاروق عبد الله
[email protected]


زمان في زمن يسمي جميلا يمر بالشوارع المنادون من شاكلة المعاه قزاز .. المعاه شوالات .. المعاه صفايح ويشترون ما تيسر وماتسهل

الأن الحكومة تحاول لملمة الدولارات الفي السوق وبواقي دولارات المغتربين ونسير حمير الحكومة تملآ شذاذ "الآفاق" بحثاً عن الدولارات وتصيح بأعلي حلقومها المعاه دولارات والبشير يتفاهم مع سلفا بلغة يا سلفا اخوي الحالة صعيبة بالحال بالنسبة ليك وليا بس انت لا عندك شذاذ آفاق ولا لحاسين أكواع ولا بتاجر بشريعة .. دحين يا سلفا اخوي انت ذاتك تعبان وشعبك جيعان ما تجي نتفاهم طلع بترولك ونحن ما حنختلف وبناخذ دولاراتك الف الف ما بنختلف وادفع البتدفعه نظير الترحيل خلينا نخلص من مظاهرات الشذاذ ديل المارقين لينا كل جمعة باسم ومتورين علينا الدنيا والعالمين ده حالتوا لسة باقي الشارع ما مرق يعني يا سلفا اخوي لو ما اتفاهمنا زي ما مرقن العوين وشوية الطلبة ديل بكرة يمرقوا يتلموا ليهم في ساحة خضراء ولا ميدان كبير والحكاية تكبر ويشبكونا ارحل ارحل وبعدين انا ارحل وين يعني مع الجنائية الدولية دي الله يكفينا شرها علي كل حال انا بوصي عبدالرحيم انه يتساهل معاكم في المفاوضات الجاية بس انت كلم بافان ما يعاند وما بنختلف .. تستمر الحكاية والحيكومة توعدنا بالدهب وبالمزيد من
الاكتشافات الجديدة وشيخ علي عثمان ما بقصر يوصينا كل يوم بتقوي الله وانه الارزاق بيد الله والغريبة لغوة اليومين ديل بقت لغوة شيوخ ومصلحين يرموا كل اخفاقاتهم بانناضد الشريعة وعلينا الاستغفار كسدت تجارتهم التجارة باسم الدين والزج بالدين في امور الحياة ورسولنا الكريم صلي الله عليه وسلم يقول: أنتم أدري بشئون حياتكم .. ما معناه نظموا حياتكم بالتخطيط والتنمية بنظرية الناس شركاء في ثلاث الكلأ والماء والنار ولكنهم أستأثروا بكل شي وتركوا لناالنصيحة بان نستغفر وانه الارزاق بيد الله سبحان الله.

وبعض الناس يقول ما البديل عن نظام الانقاذ؟ وكأنه نظام الإنقاذ ده لا يأتيه الباطل من خلفه أو أمامه وبأنه البلد حتصير لفوضي ودمار خلونا نصرف فهامة لكل مواطن سوداني بجانب حزام التقشف ليفهم بأنه حواء السودان لن تلد بديلا لرجال ونساء الانقاذ وبأنها عقمت عن ولادة من يصلحون شأن البلاد والعباد رغم ما فعلوه بالسودان من هوان وما خلفوه من دمار وخراب البديل يا هؤلاء وقد بح صوتنا زي صوت البشير المشروخ هذه الأيام بكترة النبيح والصياح ضد شوية شذاذ الأفاق مرة بالكوي ومرة بالشوي نقول بان البديل موجود في شباب اليوم وحكمة شيوخ الوطن بعيدا عن ديناصورات السياسة التي لن نترك لها مجالاً للعودة مرة اخري للحكم بل نحترمهم ونوقرهم ككبار لهم دور في الشوري والنصيحة.

يقولون بان الانقاذ هي أحسن السيئين لذا اتركوهم يحسنوا سيئاتهم ويصلحوا ما افسده الدهر انقاذا تعرفه خير من انقاذ لا تعرفه نقولها لهم أذهبوا عنا وانتم غير طلقاء بل ستحاسبون علي كل مليم اخدتوه من جيب الشعب السوداني وكل ظلم سببتوه للمواطن السوداني بدعاوي الصالح العام وانتزاع الاراضي لاقامة السدود بدون تعويضات مجزية وعلي كل زمن اهدر بلا عمل للخريجين وكل اذي سببتوه لمهيرة السودان سنحاسبكم حتي علي ما سببتموه لبعض الناس من ذهول وزهايمر.


تعليقات 2 | إهداء 0 | زيارات 1569

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#428232 [ود القرير]
0.00/5 (0 صوت)

07-15-2012 06:38 PM
كلام مظبوط!!!!!!!


#428043 [الخجوقي]
0.00/5 (0 صوت)

07-15-2012 03:04 PM
للذي يسأل عن بديل الأنقاذ , أقول يا جماعة هذه الإنقاذ لم تعمل أي شئ ولم تقوم بأي شئ كل الذي قامت به هو تجويعكم وإستغلال مواردكم وإرهابكم , إهمالكم , اللعب ببناتكم ، تدجين أولادكم في مسكرات الألزامية والدفاع الشعبي وأكل أموال ضرائبكم وجباياتكم والضحك على عقولكم . عشان يلموا أكبر قدر من القروش من رسوم العبور خدعوكم بشريان الشمال والذي من أجله أسسست شركة شريان الشمال من حر أموالكم يعني يجمعوا دشليون ويعملوا ليك شارع كالصراط المستقيم في عرضه لا يساوي ربع الذي جمعوه منك وقيس على شريان الشمال كل ما قامت به الأنقاذ . وطبعا طريق الغرب أكلوه كلو . لذلك يا أحبابي لو أحضرت أي شخص من الشارع سوف يعمل أحسن من الأنقاذ لأنه على الأقل سوف يكون أمين مع نفسه وسوف يمسكها ليكم لغاية ما تستلموها منه . يعني ما ح يسفرها ماليزيا أو سويسرا كما فعلت المغطسة .


عمر الفاروق عبد الله
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة