المقالات
السياسة
ارشيف مقالات سياسية
يا البشير ادينا نحن المغتربين نص مليون فدان !!
يا البشير ادينا نحن المغتربين نص مليون فدان !!
07-20-2012 11:39 PM

يا البشير ادينا نحن المغتربين نص مليون فدان بث!!

عمر الفاوق عبد الله
elfarougomer99@gmail.com

ريسنا الكريم رمضان كريم تصوم وتفطر علي خير بنفس كرمك الكافوري الذي جعلك تقترب من حاتم الطائي في الكرم ونخاف ان تبزه والذي بموجبه منحت السعودية 2 مليون فدان ومصر التي رفعت لها بمناسبة جلوس مرسي علي الكرسي المليون فدان الي مليونين وزي ما ديت قطر والامارات اجزاء من الخرطوم وبحري ياريسنا الكريم اكرمنا في شهر الكرم والجود نحن المغتربين والمهجرين والمهاجرين في اصقاع الدنيا بنص مليون فدان بس بدل ما تشيلوا مننا في جهاز المغتربين المشهور بجهاز القلاعين والجبايين ادونا نص مليون و لا زدتها مليون ما بطال وليك علينا نسويلنا شركة زراعية ذات مساهمة عامة نستثمر فيها ما تبقي لنا من دولارات وريالات ودراهم نفلحها ونزرعها قمحاً ووعدا حتي تخرج الأرض لنا زرعاً وخضرة ..وندعمها بالتصنيع الزراعي كفاية في الاجبان والألبان والأسمان والبيضان لبني الانسان في السودان ونشرك معنا الزراعييين والفلاحين والمتخصصين زراعياً من السودانيين المحرومين من استخراج خيرات ارضهم حتي يخرجها لنا أبناء مرسي!!

قعدت تقسم فيها جنوب وشمال ساهمتم في فصل الجنوب بخيراته السياحية والمائية قبل النفطية وجاء الدور علي منح اراضي الشمال لجيران الشمال في شكل استثمار الأرض بدعاوي الخير لمصر وسودانها كما يزعمون نحن ليس سودان لمصر نعم نحن جيران ونعترف بفضل مصر علي السودان تعليما وأيواءً بل ونسباً ولكننا لن نكون تبعاً ولا جزءاً في منظومة أخوانية إسلامية تمتد من مصر وليبيا وتونس في شكل اتحاد كيزاني يراعي أهداف الكيزانية العربية لخلق أمبراطورية كيزانية عربية ولكن مفتحي ليبيا خربوا الرصة بدعمهم وإيصالهم للتحالف الليبرالي لسدة الحكم في ليبيا ما بعد القذافي والدور جاء علي ثوار السودان بدك حصون الكيزان في السودان مش لتخريب الرصة وبس ولكن لتشتيتها بعيداً عن السودان.

ولا نظنك تقبل بأن تمنح بني السودان جزءً من أراضي السودان لإستثمارها بمعرفتهم وعلمهم وكوادرهم فهذا لا يسهم في نظركم الذي لا ينظر اكثر من القصر الجمهوري وغيره من مؤسسات الرئاسة في استمرارية السلطة الانقاذية سنين اخري في حكم السودان ولهذا السبب وغيره فهذه حقوقنا وقد حان أوان إنتزاعها إنتزاعاً بثورة تمهد لعودة السودان القديم مليون ميل مربع بوجه جديد البناء فيه بيد كوادر السودان والرخاء يصنعه شباب السودان والتقدم والعيش في مساواة وحرية وعدالة هو هدفهم فهم فاعلون والإنقاذ إلي زوال قريب بإذن المولي.


تعليقات 5 | إهداء 0 | زيارات 1710

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#433743 [ابو الفرذدق]
0.00/5 (0 صوت)

07-22-2012 03:23 PM
والله انت راجل لا زال فيك شى من تفاول - يمكن لانك لسع ما عرفت وخبرت مين تخاطب - الرقاص يديك نص مليون والله كويس -ديل ناس مليانين حقد و كراهية لكل ماهو سودانى ويرشح ذلك غصبا عنهم فى بعض الاحيان - واللبيب بالاشارة يفهم ووووووو


#433386 [ود الجزيرة]
0.00/5 (0 صوت)

07-22-2012 04:45 AM
إنتوا دقوسات ولا شنو؟ هو قال ليكم الأرض دي بدوها بلوشي؟منح الأرض وراهو فوائد كثيرة مرئية وغير مرئية تعم الكبير والشللية وحسب الأستراتيجية بدوها للإماراتيين والمصريين والقطرية ومحرمة علي المغتربين والرعية وأحسن تشوفوا ليكم أرض في الجزر القمرية!!!!!أو المالديفية!!!!! تحسبوا لعب؟!


#432713 [متغربة من اجل الرزق الحلال]
0.00/5 (0 صوت)

07-21-2012 08:39 AM
اراضى شنو البدونا ليها ..الكيزان حاسدين المغتربين عديييل كده وبى رئيسهم ..والحسادة ذادت بعد الدولار ما طار...والله الحسادة دى ما عرفتا ليها سبب الا لانو قرؤشنا حلال وقروشهم حرام وسحت..وفعلا ود الحرام بحسد ود الحلال


#432650 [ابوشنب]
0.00/5 (0 صوت)

07-21-2012 03:20 AM
سلمت يداك


#432608 [إبن السودان البار ==--]
5.00/5 (5 صوت)

07-21-2012 01:59 AM
اذا اعطي البشيرالمغتربين ارض لعمل مشروع انتاج زراعي مدروس بأدارة شركة مساهمة تدار علي مستوي الشركات العالمية التي عمل فيها كثيراً من المغتربين وكونوا خبرات لا يستهان بها بل منهم من كون تلك الشركات العالمية ؟؟؟ تخيلوا لو فتح اكتتاب لهذه الشركة المساهمة بسعر 100 دولار للسهم واقل مساهم يمكن ان يساهم ب 10 أسهم يعني الف دولار فقط وتم بيع مليون سهم هذا يعني انها ستبدأ العمل بمليار دولار قابلة للزيادة ؟؟؟وبكل تأكيد شركة المراعي التي تصدر منتجات البانها لكل دول الخليج والسودان ومصر لم تبدأ العمل بنصف هذا المبلغ ؟؟؟ وللعلم هذه الشركة معظم عمالها ومحاسبيها وفنييها ودكاترتها البيطريين سودانيين وتغذي ابقارها ببرسيم وعيوش مستوردة من السودان ؟؟؟ واذا تكرم وأعفي كل مدخلات الأنتاج من اي رسوم او ضرائب ؟؟؟ واذا أصدر قرار بمعاقبة اي شخص يعرقل سير عمل الشركة فوريا وبعقاب رادع ؟؟؟ يكون دا ماندلا او شافيز مش البشير ؟؟؟ البشير لا يريد التكتلات ولا يريد ان يكون هنالك سوداني ميسور غير الكيزان وعصابته ؟؟؟ دمر مشروع الجزيرة لأنه لا يريد ازعاج من اتحاد المزارعين وتكتلهم ؟؟؟ دمر السكة حديد لانه لا يحب تكتل العمال ونقاباتهم ؟؟؟ حل النقابات ليرتاح من صداعها ؟؟؟ فكمان عايزين تعملوا ليه تكتل مغتربين مفلقصين ؟؟؟ فالمغتربين ما عليهم الا بدفع الأتاوات ويسكتوا ويخلوا أخونا يجرب حظه مع الغرباء مصريين شوام سعوديين ديل عرب اصليين بيض اللون شعرهم سبيبي وشفاههم نحيلة !!! مش زينا مجغمسين ما معروف لينا أصل ولا فصل ؟؟؟ ويكون كتر خيرهم وجدعان لو حولوا دولاراتهم بالسعر الرسمي عشان البشير ينبسط منهم ويرقص ليهم رقصة كاربة علي نغمة النار ولعت وينو البطفيها ؟؟؟


ردود على إبن السودان البار ==--
United States [عامل يومية] 07-23-2012 03:59 PM
وكما قال المفكر السوداني دكتور حيدر أبراهيم على :
هؤلاء الإسلامويون لايتقبلون الرأى الآخر من الداخل (من أبناء جلدتهم)
، ولكنهم يقبلون بالرأى الذى يآتى من الخارج .
من الدول التى يقولون عنها دول الإستكبار! ، منتهى العناد والتصلف والجبن والرعونةوالغباء !؟


عمر الفاوق عبد الله
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة