المقالات
السياسة
ارشيف مقالات سياسية
تحية لكل الشرفاء و المناضلين بكل ربوع سوداننا
تحية لكل الشرفاء و المناضلين بكل ربوع سوداننا
07-21-2012 11:25 AM

تحية لكل الشرفاء و المناضلين بكل ربوع سوداننا

د. ايمن الخطيب
[email protected]

مرق صوتك الى حد الشفق مسموع
رقد ضلك على طول الطريق مطبوع
قنبت فى ضل العشم الكان زمان
وقبل العشم كان الحلم مبيوع
حتى الوطن.... فى غف لة من عمر الزمن
باعوه واصبح من خلاف مقطوع
كوركت فى كل اتجاه
روحتو وين
خليتو حالنا بلا سند
في هالزمان الكلو شين
انضارى من سونكي العساكر
و قبال افيق
القى الدقون سرقت غناي
و ملت المشاعر بلانين
والموت يحاصر كل اركان الربوع
في الانتظار ضبلنت كل الشموس
وانتطفت كل الشموع
بكت العيون بلحرقة
شن الف ايدة
و الجوف بلحزن موجوع
شن الف ايدة ....
ياتو امل...يا ربنا
وكل ما تطلع شمس
من بينا... والشعب الفضل
غمتوها بى شرع الضلال
و بلوانا من نفس العلل
.....يا ربنا كيف العمل
ويكون قدر وليداتنا السفر
وقدر بنياتنا الدموع
والموت يحاصر كل اركان الربوع
و الما بموت بحد امير المشركين
بالمرض..او قسوة الحال المهين
بالعدم..الضيق, الفقر و الجوع
ما بنجى من نبح الكلاب
الاعتق ال.....الاغتيال
كيد اللصوص الارزقية
الابتمرض لا بتجوع
لا بتهم بى همنا
ماخدين من الدين القشور
باسم الله و النبى الامبن
سارقين وطنا و حقنا
و السبحي جاري مع الارض
يتوضو بى عرق الغلابة
يصلو فوق سيل دمنا
فى ياتو شرعة و ياتو دين
يالمرابي الما بتعاف
قوت الصغار و التعابة المعدمين
يا بشير الشوم والموت الخراب
ما بتستريح
البينا لسع ما انتهي
و قريب يحين يوم الحساب
من ظلم كم و عشرين سنة
صوت الملايين البتهتف بالعق اب
هديرة داوي كما الرعد
كالسيل يجيك من كل باب
يوم ينفجر جبل الغضب
وتتعالى السنة اللهب
ما بنرحمك
كل المكدس فى الخزن
ما بنفعك
لا وزيرك اب ريالة
لا مستشارك ابو العفن
لابد من دفع التمن
الشعب يحلم بالقصاص
بالثورة بي فجر الخلاص
و الحلم اقوى من الرصاص
والحلم اقوى من الرصاص
ايمن الخطيب
شن الف ايدة
فى ها زمان الكلو شين


تعليقات 0 | إهداء 0 | زيارات 1387

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




د. ايمن الخطيب
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة