شرع الله فيه فساد؟؟
07-23-2012 12:23 AM


شرع الله فيه فساد؟؟

علي ادريس
[email protected]


ياشعب يامعلم
اصحي وكفاية رقاد
انت الدوام قائد
كيف تقبل تكون منقاد
انت الدوام رائد
هل تخشي من جلاد
ياشعب ياطيب
ماتصدق السفلة
ديل شلة من اوغاد
ديل دمروا السودان
قلبوا بياضنا سواد
عشرة الف في دارفور
قايلين كتلتوا جراد؟؟
خلوها بنسودا واوكامبو
امام الحق هناك ميعاد
جوعتوا وطن الخير
خليتوا نومنا سهاد
بكرة بنصفي حساب
هجليج معاها جياد

بكرة بنصفي حساب
كافوري وقصر وداد
دين الله لوثتوهو
شرع الله فيه فساد؟؟
اخلاقنا وين ياناس
واسال في كل بلاد
سمحين ومتسامحين
طينتنا طيبة تمام
مافيها يوريا سماد
جبتوا الفقر بالكوم
والكان بعشي الناس صبح شحاد
يارب ياقهار
ورينا فيهم يوم
ثمود معاهم عاد


تعليقات 2 | إهداء 0 | زيارات 1466

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#434526 [ثائر ضد الفساد]
0.00/5 (0 صوت)

07-23-2012 02:39 PM
الجماعة ديل حيرونا شريعة وفساد كيف يا رب العباد اما نحن جهلة وما عارفين الشرع او هم اوغاد سفلة وانجاس


#434274 [يعقوب البطحانى]
0.00/5 (0 صوت)

07-23-2012 09:40 AM
العنوان لايجوز لانه يخالف مقاصد الشريعة - القران العظيم والسنه النبوية ومنهج الاسلام لايقاس بفئه حاكمة ولا بمخطى من البشر ويذهب البشر ولكن الشرع والتكليف باقى الى ان تقوم الساعة فارجو اختيار الكلمات الصحيحة وان نحترم جيننا الحنيف وشكرا


ردود على يعقوب البطحانى
United States [اااخ يا بلد] 07-23-2012 04:13 PM
اخ يعقوب الرجاء قراءة العنوان بصورة صحيحة ..لاحظ علامة الاستفهام المكررة.. فهي هناللاستنكار
الشديد..فالاخ علي يقصد ان يقول حاشا لشرع الله ان يكون فيه فساد

United States [ثائر ضد الفساد] 07-23-2012 02:41 PM
يا بطحاني العنوان هو سؤال استنكاري انت ما شايف الاستفهام افهم يا رجل

United States [almor] 07-23-2012 02:05 PM
في علامتين استفهام ارجع اقرا العنوان تاني


علي ادريس
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة