اللجنة غفلت وكده
07-25-2012 12:41 AM

اللجنة غفلت وكده

الفاتح جبرا
[email protected]

كنت أظن وليس كل الظن إثم أنه بعد وجود هذا العجز الهائل في الموازنة و(الإنهيار الإقتصادي) الذى تعيشه البلاد والذي جاء نتيجة حتمية للإستباحة غير المسبوقة للمال العام تحت راية (لا لدنيا قد عملنا) من صرف بذخي وفساد تزكم رائحته الأنوف وتجنيب لأموال الوزارات والمؤسسات الحكومية في حسابات خاصة (عديل كده) وعقود (سرية) لا يجوز لأحد سوى (الطرفين) الإطلاع وشنو ما عارف .. كنت أظن – عزيزي القارئ- أن تقوم (الحكومة) بإجراء حزمة من الإصلاحات الفورية أولها تقديم كل من ثبت ضلوعه في قضية فساد إلى العدالة إذ لا يعقل أن تترك (أموال الشعب تنهب) مما يتسبب في عجز الميزانية ليقوم الشعب بتسديد ما نهب منه !!
لكن للأسف الشديد ورغم التصريحات عن إنشاء آليات لمكافحة الفساد إلا أننا لم نشهد خلال ربع القرن الماضي (من عمر المباراة الما عارفين الزمن بتاعا كم دي) مسئولاً واحداً وقف أمام القضاء (شفتو النزاهة؟) بل الأنكى والأمر أن التعامل (الباااارد) مع حالات (التسيب) ومحاولات التلاعب بالمال العام (ماشه فى زيادة) والجماعة قاعدين يسووا في البسووا فيهو رغم (التململ) وحالة (العصيان) والتظاهر التي وصف (الخبير الوطنى) ربيع عبدالعاطي من يقومون بها بأنهم لا يتعدون أصابع اليد الواحدة (يعني من خمسة وإنتا نازل) !
وعشان أوريكم إنو الحكومة بتسوي في البتسوي فيهو وما شغالة (بي كلامنا ده شغلة) دونكم هذه المسألة التي شغلت الرأي العام مؤخراً والتى تخص الأستاذه (هبة محمود) التي عملت في وظيفة الأمين العام لصندوق تشغيل الخريجين .. وشخصياً العبد لله ما عارف الصندوق ده بيعمل شنو طالما إنو الخريجين قاعدين عطالة (وعلى قفا من يشيل) .. المهم الي هنا الامر عادي لكن الشئ الما عادي هو ما حدث بخصوص إستلامها لمكافأة نهاية الخدمة الخاصة بها (والما عارفنها كم لحدت هسي على الرغم من إنو الموضوع إستهلك) ! إذ ثبت بما لا يدع مجالاً للشك بان طريقة إستلامها (للمبالغ) لم تكن كأي طريقة إستلام (موظف عام) لمكافأة نهاية خدمتو !
فالشئ المعروف في دواوين الخدمة المدنية (الراحت شمار في مرقة) إن الموظف العام عند إنتهاء فترة عمله يتم (تضريب) إستحقاقات نهاية خدمته وفق النظم والقوانين واللوائح التي تحكم (المسألة) ثم يقوم بصرفها ..
لكن يبدو أن (الصرف) لم يتم حسب النظم والقوانين مما جعل المسألة تذهب إلى نيابة المال العام والتى ما أن بدأت في عملها حتي جاءها بتوقيع وزير الدولة بمجلس الوزراء، د. محمد مختار، بتاريخ 27 مارس 2012م مرفق نسخة منه للمراجع العام (لزوم إنتا خليك عارف) يؤكد سلامة الإجراءات وأن المبالغ هي عبارة عن استحقاقات نهاية الخدمة (يعني ما حاجة تانية) !
ولم تكتف (الحكومة) ممثلة في أذرعها المختلفة بهذا فحسب بل صرح الدكتور الفاتح عزالدين رئيس لجنة العمل والإدارة والمظالم العامة بالبرلمان بأن لجنته قد تقصت حول ملابسات القضية، بحكم دورها الرقابي وفي إطار الحرص على المال العام (طيب ما تشوف لينا هيثرو ده) .. وقال إن (السيدة/هبة) بعد انتهاء مدة خدمتها تم تشكيل لجنة من وزارة الرعاية ووزارة المالية والصندوق لتحديد المخصصات، وبعد أن تم اعتماد المبالغ وفق اللوائح الحكومية، غفلت اللجنة عن اعتمادها رسمياً من مجلس الوزراء؛ مما أخل بالخطوات الإدارية .
العبدلله لا يشكك في ذمة (السيدة/هبة) لكنه من الوااااضح أن هنالك خطأ (ما) في جهة (ما) لأمر (ما)
فهل يعقل أن تغفل لجنة مكونة من (وزارتين) و (صندوق) عن إعتماد ما توصلت إليه من (نتائج) برفعها رسمياً لمجلس الوزراء؟ وعلى أي أساس (إذن) تم (صرف المبالغ) إن لم يصادق عليها مجلس الوزراء؟وكم هي (أساسن) جملة المخصصات (البيعملو ليها لجان دي؟) وهل أى (موظف حكومى) بيعملو ليهو (لجان) عشان تحدد (مكافأة نهاية خدمتو؟) وهل يعقل أن تحدد (المخصصات) بعد (نهاية الخدمة) وليس عند بدايتها؟ وأخيراً هل تمت محاسبة الجهة التي قامت بهذا الخطأ (الطبعن غير مقصود وكده) !
على طريقة (الإتجاه المعاكس) نقول :
هذه الأسئلة نطرحها على ضيفنا الدكتور الفاتح عزالدين رئيس لجنة العمل والإدارة والمظالم العامة بالبرلمان والذي تقصت لجنته حول هذا الأمر .. فهل يتفضل بالإجابة على ما طرحناه من أسئلة؟

كسرة :
ممكن شوية بندول !

كسرة ثابتة :
أخبار ملف خط هيثرو العند النائب العام شنو(ووو و ووو)؟


تعليقات 27 | إهداء 0 | زيارات 7257

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#437161 [ابوالجعران]
0.00/5 (0 صوت)

07-26-2012 06:47 PM
زمان قلنا ولازال بنقول ان الحكومه الحاليه وسياسه التمكين المتبعه لا علاقه لهم بالنزاهه الفساد سياسه رسميه للدوله من وزيرها الي غفيرها وعزالدين والكارب وكلهم عارفين طيب ماعندك ابو قنايه مهمته شنو تقنين الفساد اللي هو سياسه الدوله الرسميه


#437074 [سعد]
0.00/5 (0 صوت)

07-26-2012 04:37 PM
ونتو هبه دى منو وحبوبتها منو ياريد تورونا سيرتها الذاتيه


#436473 [wedhamid]
5.00/5 (1 صوت)

07-25-2012 11:37 PM
أقتطف الجزء التالى من حديث المرأة (الخارقه)الأمين العام لصندوق تشغيل الخرجين هبه محمود- الذى تم إعفاء المسئول الأول منه قرشى بخارى بقرار جمهورى!!! لأسباب تبديد و نهب وإختلاس 3 مليار جنيه من مال ذلك الصندوق و بدون أى مساألة قانونيه ... و هذه الهبة جزء منه ....حيث قالت فى ضمن أجاباتها...بعد ظهور تقرير المراجع العام و أثبت المخالفات الماليه الفادحه و تورط المسئولين فيها
((هو ليس تقرير المراجع العام، لأنه لا زال في المرحلة الإدارية.. المراجعة التي أجريت تمت من قبل شخص اسمه عثمان، وتم نشر التقرير قبل أن يتم اعتماده، وقد سأل رئيس لجنة الحسبة بالبرلمان الفاتح عز الدين المراجع العام عن هذا التقرير فقال له "لم نر التقرير ولم نعتمده".. المسألة الأخرى التي أود توضيحها إني غادرت شهر يوليو2007 إلى ماليزيا ورجعت في يوليو 2009، وفي عام 2008 تم إجراء نهاية الخدمة، فأنا بدأت عملي في المشروع كخبير غير مفرغ وعلى المدى الثالث بنص اللائحة لا يجوز لأي خبير أن يمارس أي مهام تنفيذية أو هيكلية في الدولة إلا استثناءً، وفي أقل من ستة أشهر تم تكليفي بمهام كأمين عام، أي أربع سنوات ونصف كنت أميناً عاماً بنفس مخصصات الخبير الوطني غير المفرغ وستة أشهر كخبير وطني.. ولم أكن أتقاضى مرتب الأمين العام.. أقنعتني الأستاذ سامية أحمد محمد أن أتفرغ للمشروع وكان لي عمل خاص وقتها واقتنعت وتفرغت للمشروع الذي كان في ذلك الوقت مكتب تابع لوزارة الرعاية الاجتماعية، التقرير يتحدث أنه بعد مغادرتي استمرت مخصصاتي كخبير غير مفرغ.. تكونت لجنة وأشارت إلى أن الوضع يجب أن يصحح ويكون لي وضع مثل باقي الأمناء... وكان ذلك بعد أن سافرت حيث كونت الوزيرة لجنة لتخرج لي مكافأة نهاية الخدمة واللجنة كان فيها مصطفى حولي وعبد الرحمن حسن وعثمان قرشي و.))
يــا جبرا تقرير المراجع العام قال المبلغ المختلس حوالى 3 مليار جنيه ....و المتهمين قرشى بخارى و الذى تم إعفائه بقرار جمهورى و الخبيره الوطنيه ست الـفـلـم ......
نان مـا عثمان دا هو المراجع العام ذاتو .. و الذى كلف بمراجعة مالية الصندوق يا مدام و تقريره يسمى بتقرير المراجع العام و لو كان إسمو أى إسم تانى كان حيفرق بى شنو ؟؟؟!!! و غريبه وصف التقرير إنه فى المراحل الإداريه ؟؟!! يا ستى دا تقرير وصل لمجلس الوزراء - للـ د. محمد مختار و الذى يحاول التدخل فى إجراآت النيابه .... و تدخل الفاتح عز الدين لتحليل الموضوع وتمييع القضيه بالتأثير على سير التحقيقات ... برضو تقرير إدارى ما معتمد ؟؟ و بعدين ما فى سبب يدخل مجلس الوزراء و البرلمان فى أى أمر دخل مرحلة التحرى فى النيابه العامه ....و بعدين كيف تم تعيينها أساسا كمستشاره و خبير وطنى ( برضو ؟؟) و غير متفرقه.... الوظيفه الهلاميه و الغطاء للعطاء الغير محدود للعطالة و المتبطلين و الفاقد التربوى من الكيزان ؟؟..... ثم الوزيره ساميه تحنسها و تقنعها تمسك ليها أمينه عامه ؟؟؟؟ و بعدين تعيين دون أى إجراء قانونى بدليل إنه لما سابت سيادتها الشغل ( نفس طريقة خدم المنازل ...لا إستقاله و لا إحاله للمعاش و لا بقرار مجلس محاسبه )تم تكوين لجنه من قامات مثل مصطفى حولى و عبد الرحمن حسن و عثمان قرشى لتحديد إستحقاقات فوائد ما بعد الخدمه و التى أصلا إستمرت فقط ....خــمـــســة ســنــوات 2003 الى 2008 منها كانت سائحه فى ماليزيا سنتين لأنو ما ممكن تكون فى الخدمه المدنيه ماموريه لسنتين!!!!و بعدين هى تم تعيينها كمستشاره بــ 2 مليون تقوم الوزيره بترفيعها لأمينه عامه دون أى إجراأت رسميه و تقاولها على راتب 5 مليون و بعدين لأن تكلفة الإقامه فى ماليزيا دى عاليه الست دخلت فى ديون كما ذكرت فى حديثها ... لذا راجعوا الفروقات على أساس إنها بتستحق 7 مليون راتب شهرى بتاع الأمين العام....
بعدين يا جبرا لا بندول ولا حاجه كل الفلم دا حينتهى بالنهايه السعيده زى الأفلام المصريه فى زمنكم لما الجريمه تثبت بــ ( فقه الستره) .... و ما هى كلو لله يا حركه إسلاميه !!!


#436427 [الزول الكان سَمِحْ]
0.00/5 (0 صوت)

07-25-2012 09:35 PM
يا أستاذ

المخصصات دى ..هبة..من الله..وهبة ..جاتا المخصصات ..من الهبة الوهبها ليهم الله

فهمتا حاجة...؟؟ ولا أنا..زى ما قال هاشم ميرغنى رحمه الله


#436254 [اللاحس كوعه فرع الصعيد]
0.00/5 (0 صوت)

07-25-2012 03:45 PM
جبرة ياخوي انت الايام دي زودتها شويه الجماعة ديل شكلهم حيقبلوا عليك بس كيف ماعارف عموماً اعمل حسابك


#436237 [ادروب]
0.00/5 (0 صوت)

07-25-2012 03:16 PM
كل واحد يعمل في شي لايقدم فيه ولايؤخر وفي الاخير نسمع بلمخصصات وانهاء الخدمة وبكر يعين في منصب اعلي لان السودان بسم ابوهم هم وباقي الشعب يجب تجنيبه من اي رائ ومشورة ومداولة بل يكون مجرد رعاع لهم يفعلوا به مايشاؤن وكيف شاؤا ومتي شاؤا


ردود على ادروب
United States [Ali osman] 07-25-2012 07:53 PM
وده هو الحاصل يا مواطن فالسودان أصلا ورثة للصادق المهدى وشلناها منو نحن ناس المؤتمر..............عشان مايلمو فيها ناس الميرغنى فهمت يا حلو ولا نوضح اكتر


#436191 [حامد]
0.00/5 (0 صوت)

07-25-2012 02:03 PM
قالو انو حقوقها 3 شهور عن كل سنه خدمه والمرتب حسب تحديد اللجنه المكونه 7مليون وهى قالت كفايه يحاسبوها ب 5 مليون وقضت فى الخدمه 5 ستنوات يعنى 3 فى 5 فى 5 تساوى 75 مليون وارسلت لها الحقوق لماليزيالانها ذهبت لدراسات عليا ياربى القروش دى اتحولت بالسودانى وهل حقوق اى شخص فى الخدمه 3 شهور عن كل سنه والا شهر


#436189 [المسيري]
0.00/5 (0 صوت)

07-25-2012 02:01 PM
الهم انفخهم وفسينا يا شيخ


#436117 [السماحة]
5.00/5 (2 صوت)

07-25-2012 12:35 PM
الفساد من الساس للراس .....والسؤال الذي يحرقني وواقف لي في حلقي ؟؟؟ الكيزان ديل عندهم قناعة عجيبة أنهم حيقدروا يتخارجوا من الحساب يوم القيامة ( بأي منطق ما عارف ) ولكن هيهات هيهات .... والذي أتخيله كالاتي:-
أمية بن خلف ....... النار
أو جهل ............. النار


عمر البشير ........ خاخاخاخ سقر وتحت كمان
المتعافي .........خا خا خا جهنم وزيدوا النار عليه
نافع ............ خاخاخاخاخاخا جهنم
الترابي ......... خاخاخاخاخاخاخاخاخاخخاخخاخاخخاخاخاخاخاخاخاخخاخاخاخاخ سقر وبعدين جهنم ورجعوه تاني سقر


#436031 [ود الريس]
5.00/5 (1 صوت)

07-25-2012 10:41 AM
اعتذر رئيس كوريا الجنوبية لي ميونغ لشعبه لفضيحة الفساد التي تورط فيها أخوه وبعض من مساعديه السابقين.
وقال الرئيس لي في كلمة مقتضبة وجهها عبر التلفزيون "احني رأسي واعتذر للقلق الذي تسببت فيه هذه الاحداث."
وكان اخو الرئيس لي، لي سانغ ديوك، قد اعتقل في وقت سابق من الشهر الجاري بتهم تتعلق بالفساد.
يذكر ان فترة ولاية الرئيس لي تنتهي في فبراير / شباط المقبل.
ووجهت الى لي سانغ ديوك، وهو نائب سابق خدم في ست دورات برلمانية ويقال إنه الملهم السياسي لأخيه الرئيس، تهم تقاضي رشى تزيد على نصف مليون دولار من مصرفين لقاء مساعدتهما على تجنب التحقيق في نشاطاتهما.
وتقول مراسلة بي بي سي في العاصمة الكورية الجنوبية سول لوسي وليامسون إن اعتقال لي واحتمال محاكمته قد تؤثر سلبا على التأييد الذي سيحظى به الحزب الحاكم في الانتخابات الرئاسية المقرر اجرؤها في ديسمبر / كانون الاول المقبل، وذلك باعتباره أخ الرئيس الحالي.
واثارت الفضحية التي احاطت بمصارف التوفير غضبا في اوساط المجتمع الكوري، وقد اغلقت السلطات المختصة عشربن من هذه المصارف منذ بداية العام الجاري.
وكان العديد من هذه المصارف قد اسست عقب الازمة الاقتصادية التي شهدتها منطقة شرق آسيا عام 1997، وقدمت لزبائنها قروضا عقارية عجزوا عن تسديدها عقب الازمة المالية الحالية التي اندلعت عام 2008 مما ادى الى انهيار الكثير من المصارف.

متي يعتذر رئيسنا رئيس الهنا


#436017 [ودالبلد الأصلى-كان أسمو السودان]
0.00/5 (0 صوت)

07-25-2012 10:04 AM
كلامك البتقول فيهو واضح أنو فى خط سيادى(تم منحه لناقل وطنى )وأختفى، وفى أموال سيادية أتأكلت، وشكلوا ليها لجنة واللجنة برضو كانت بتأكل من أمواج الشعب السودانى ووصلت الى نتيجة حتمية ضرورة استوزار السيدة آنفة الذكر لأنها عليهاديون تشطيب فى عمارة ولا بواقى شيكات على بنوك ماليزية (سداد قيمة شقة ولا فندق ولا عمارة، ما مهم).دة كلو واضح وأنت زول رايحة وصاحب الرايحة بيفتح (أحيانآ)خشم البقرة أو أى مناطق أخرى يمكن أن يتخبى فيها المال العام.لحدى هنا المسألة واضحة.لكن الناس البتسأل عن( ابشرك انو انتهى زمن انو الرئيس بعد ما يزول نظامو يحوم بالبكيات والعزايم ،ويدفن خارج مقابر أحمد شرفى)،ولا العاوزين يمشوا أسرائيل بشارع الأنقاذ ظلط ولا الدقداق حُفر ألى واحة الديمقراطية فى الشرق الأوسط(رغمآ عن كلما يقال فلم أشاهد أو أسمع فى أى دولة مجاورة لها عن ذلك العدد من المسؤولين السابقين فى السجون بقدر هؤلاء الأسرائيليين) فأحسن الواحد ما يجى يأخد منك الأذن،ويقوم على طولو ويشوف ليهو شوية خل ومنديلين(أدوات جريمة ثابتةومعتمدة فى كل المحاكم وأخوناAsd العامل فيها (حنك) وبيناول القاضى خلى يشوف ليهو صرفة مع القضاة ديل لأنو كلامو واضح بس ما ذكر لينا المبلغ كم!


#436002 [mohamed Ahmed]
4.00/5 (2 صوت)

07-25-2012 08:55 AM
الحبيب الفاتح رمضان كريم أخوك كان ضابط بالقوات المسلحة السودامية لديه نوط الخدمة الطويلة الممتازه ونوط الشجاعة وخرج معارضا للحكومة وعاد للوطن مع مجموعة التجمع اللحف أمات طه وبالرغم من اتفقية القاهرة والعفو الذي أصدره ارئيس حرمه السيد وزير الدفاع من معاش أسرته وخدمة ممتازه 22 عاماياخي لو تعرف زول في الجماعة الذكرتهم ديل خليهم يحول مشكلتي ويضربوا استحقاق نهاية خدمته أسوة بالوزيرة التي لم تحمل السلاخ ولم تخدم 22 عهاما مثلي واذا ما لقيت رد ختها مع مطار هيثرو لحدما نشوف المطاهرات وزيادة الكهرباء حدها وين مع مودتي


#435983 [سوداني وبس]
5.00/5 (1 صوت)

07-25-2012 07:07 AM
ياود جبرةعليك الله ما تشوف لي تحت تحت كده هبة دي معرسة(بغتح الميم) وله لا


ردود على سوداني وبس
United States [يحيي العدل] 07-25-2012 02:46 PM
تقصد الراء يا جبان


#435978 [أبو الغيث]
0.00/5 (0 صوت)

07-25-2012 06:37 AM
عجيب يا الفاتح كتابتك لذيذة


#435944 [TIGERSHARK]
5.00/5 (1 صوت)

07-25-2012 04:19 AM
Sudanese people, you must take your weapons if you really serious about regime change, debate time is over, do not wait for somebody else to do it for you, this is your country die in slow motion and severe pain...do something before it is too late...never rely on unreliable sources such as dead parties


#435941 [لاحس كوعي]
5.00/5 (1 صوت)

07-25-2012 04:09 AM
تسلم ي جبرا هو هبه دي دايره ليها لجان ماتغرف بس
كسرة:
أخبار الخريجين شنوووو


#435938 [أوندي]
5.00/5 (1 صوت)

07-25-2012 03:52 AM
و هسة ما قالوا هبوية دي عملوها وزيرة والا شنو كدة . .
يعني بعد سنة تانية - لو ربنا مد في الآجال - يكونوا ليها لجنة و يصفوا ليها حقوقها و مخصصاتها و يسلموها. وزارة تانية ؟ ! عيني حاسدة و عيني باردة. وماني حاسد . . ارزااااااااق . . .


#435919 [غلطة سراي]
5.00/5 (2 صوت)

07-25-2012 03:13 AM
في اربعة اسباب خلت العقيد في ذلك الوقت عمر البشير ينقلب على الديمقراطية وهي:
تمزق الوطن بسبب حرب الجنوب
الطائفية
الفساد
والانهيار الاقتصادي
وما في زول بيشكك في نية واخلاص عمر البشير في الوكت داك
طيب بعد 23 سنة نلقى انو الاربعة اسباب هي موجودة الان بل اسوأ من زمان بمراحل كتيرة، البلد بقت مفصولة وفقدنا معاها البترول الكان امل الشعب السوداني، والطائفية رجعت واولاد السيدين بقوا قاعدين في القصر، والفساد ماعارف اقول عنو شنو وللا اوصفو كيف اما الانهيار الاقتصادي فهو واقع اعترف بيهو وزير مالية النظام وهو ظاهر في حياة الانسان السوداني البسيط

ياسيد عمر البشير كيف تدي لنفسك الحق في الحكم على الديمقراطية بالفشل في ثلاثة سنوات فقط للاسباب اعلاه وتبرر لنفسك البقاء في السلطة ونفس هذه الاسباب موجودة بمستويات اسوا مما كانت عليه قبل 23 سنة؟؟؟ بتقول انك جيت بانتخابات حرة ونزيهة والشعب هو الاختارك، طيب ماشي، حكومة الديمقراطية الانت انقلبت عليها جات بي شنو؟؟؟؟؟؟ مش جابها الشعب؟ فيا اخ عمر اسمع الكلام وما تكابر ونغالط نفسك وتقعد تتخبط وتكذب فيما تبقى من عمر نظامك،

وانا ابشرك انو انتهى زمن انو الرئيس بعد ما يزول نظامو يحوم بالبكيات والعزايم زي نميري، في شاب اسمو مجدي انت اعدمته قاعد تحلم بيهو يوميا، في 28 ضابط اعدمهم نظامك في رمضان خيال كل واحد فيهم بيحميك النوم ودعوات اهلهم واولادهم بتطاردك يوميا وربنا وعد المظلوم انو دعوته ما بينها وبينه حجاب، في الاف ماتو في الجنوب ودارفور وفي مئات الالاف اتشردوا من الخدمة المدنية واتظلموا كلهم راجين فيك يوم

يللا يا شيخنا دي لحظة الحقيقة خليك شجاع اتنازل وواجه مصيرك مع المحكمة الدولية وقبلها وبعدها المحكمة الالهية وخلي شعبك يعيش ، الشعب ده ذنبو شنو يدفع تمن حماقتك وبلادتك وانقيادك للكيزان لما سقطوا حجرك، واتاكد انو اللحظة البيزول فيها نظامك حتتحل كل مشاكل اهلك السودانيين البسطاء

اذهب الى الجحيم وواجه مصيرك ياعمر عسى ولعل ذلك يكفر عن جزء بسيط من جرائمك ويصلح موقفك امام ربنا سبحانه وتعالى لما تقيف قدامو براك لا معاك عبدالرحيم ولانافع

اسمع الكلام وما تكابر اني لك من الناصحين ياعمر


#435892 [ام ميار]
5.00/5 (2 صوت)

07-25-2012 02:26 AM
بندول ما بيحلك لازم بيثيدين


#435887 [asd]
5.00/5 (1 صوت)

07-25-2012 02:17 AM
بالمناسبة يا استاذ الفاتح...حتكتر واواتك لمن مقاااالك كلو حيكون كلو واوات...الله يعينك..


#435885 [mahala]
5.00/5 (2 صوت)

07-25-2012 02:13 AM
و الله يا جبرا متعتنا لكين أنسألك سؤال إنت خط هيثرو دا حتعملو خط سكة حديد و لا شنو ؟ ما القصة إنتهت سودانير إتباعت


#435881 [asd]
5.00/5 (1 صوت)

07-25-2012 02:08 AM
السلام عليكم ورحمة الله وبركاتو...رمضان كريم تصوم وتفطر ع خير..تقبل الله منا ومنكم يا رواد موقع الراكوبة ومتابعى استاذ الفاتح..
يا استاذ الفاتح ..اها الناس تعمل شنو تقول دا غلط يطلعوك شاذ افاق ولا شماسى ويفكوك بالبنبان(دخان نسوان)ولا يتسلط عليك رباطى يكسر عضمك دا اذا ما حاكموك واتهموك بالتطرف والعمل على قلب النظام..تحت شعار (جوعت الناس يا رقاص لانو الشعب جدجد جاااع)المهم بعد المحاكمة يحاكموك بمية وسبعين جلدة(اخير منها تزنى ولا يقبضوك متظاهر على الاقل كان قبضوك وانتا زانى بتقش للقاضى شنو(تديهو رشوة)وتتخارج من القصة المؤثرة دى) ..
يا استاذ الفاتح..الناس ديل حنكم وااااضح السودان حقنا والشعب بقرتنا الحلوب مافى غير كداااا..
ربى كون فى عون الشعب السودانى وارى الكيزان ومن واالاهم من الاخوان المسلمون(المنافقين) امين يا رب العالمين..


#435863 [awadahmed]
5.00/5 (1 صوت)

07-25-2012 01:27 AM
تعيش كتير تسمع وتشوف كتير غير المغتغت ياجبره وبدل بندول عادى أديك بندول أكسترا.ياجبرة والله بقينا دراويش ولافين فى الهواء من غير أجنحة الناس ديل والله وأحلف صادق ماهاهيهم حساب ربهم طالما جونا بفقه الستره وفقه التقتقت ومانقول غيرحسبناالله عليهم وراجيهم يوم لاينفع فيه مال ولابنون .أترك خط هيثروديل الخطوط السودانية وبعلمها سيادة بلدن باعوها وباعوا البلد كلها أخ أخ ومليون أخ منهم لكن لنا يوم فيهم كيوم عاد وثمود قول أمين.


#435862 [خـــــليل عـــــزة]
5.00/5 (1 صوت)

07-25-2012 01:24 AM
عـــذبتنا يا خلف الله،،،، بدل المية كلمتك خمسة مرات.... قلتا ليك اللجنة دي من الآخر اسمها (خلوها مستورة)


#435850 [الكناني]
5.00/5 (2 صوت)

07-25-2012 12:57 AM
ونحن نبلع شنو؟ بندول دا مرحلة تخطيناها بي هناك بقي ما بيسكن اي حاجة شوف لينا حاج اقوي.. ولا اقول ليك نمشي اسرائيل زي الجماعة السودانيين القبضوهم في الحدود الاسرائلية امس يحتموا باليهود من ناس الحكومة بتاعتنا ديل ... تخيل اسرائيل عديل كدا


الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة