المقالات
مكتبة كتاب المقالات والأعمدة
بكري الصائغ
الي ١٠ مليون سوداني بالخارج: تبرع بدولار لفضائية الضمير السوداني...
الي ١٠ مليون سوداني بالخارج: تبرع بدولار لفضائية الضمير السوداني...
08-16-2012 02:06 AM


الي ١٠ مليون سوداني بالخارج: تبرع بدولار لفضائية الضمير السوداني...

بكري الصائغ
[email protected]


١-
***- هناك احصائية- غير رسمية- بثتها العديد من المواقع الالكترونية التي تهتم بالشأن السوداني تفيد بان عدد السودانيين في الخارج قد فاق ال١٠ مليون سوداني اصبحوا يقيمون بدول القارات الخمسة، وانه مامن مدينة في العالم الا وبها سوداني او سودانية،

***- بل وهناك من يقول،ان عدد السودانيين في الخارج يفوق ال١٢ مليون سوداني قد اصبحوا يتزايدون بصورة ملفتة للانتباه بسبب الهجرات الجماعية من الداخل هربآ وهرولة من الاوضاع الا انسانية،

***- وان السودان قد اصبح بلدآ لايمكن ان يعيش فيه الا من ضاقوا من قبل الذل والهوان والفقر المدقع، لهذا اكتظ البلد بالبنغلاديشيين والاثيوبيين والفلسطنيين،والهنود،

***- واما عن اصحاب البلد والذين كانوا في الزمان الغابر اولاد عز ،فانهم الأن واقفون في صفوف طويلة وبلا كلل او ملل امام ابواب السفارات الاجنبية بالخرطوم يأملون في تاشيرات دخول لهذه البلاد (ايآ كانت هذه البلاد)، ومتسعدون للسفر لاي مكان حتي وان المكان سيبيـريا او جزر الواق واق!!

٢-
***- لقد اوشك عدد السودانيين بالخارج وان يقاربوا نصف عدد سكان الداخل، والذين تقول الاحصائية- غير الرسمية بسبب الانفصال- انهم ٣٤ مليون نسمة!!

٣-
***- وبما اننا في الخارج قد وصل عددنا الي هذا الرقم المخيف ونتزايد ونتناسل ونتكاثر وتزداد اعدادنا يومآ بعد يوم ، فاننا وبكل صراحة، قد اصبحنا في امس الحاجة لفضائية سودانية تنطق باسم الجميع في الداخل وبالخارج، وتعكس وجه سودان اخر غير الموجود حاليآ داخل البلد، ولقد جاءت دعوة الاستاذ معاوية يسن في الوقت المناسب لانشاء قناة فضائية سودانية، والتي اصبح امرها معلومآ عند غالبية السودانيين بالداخل والخارج،

***- ولكي نساعده ونقف معه في فكرته ونناصره قلبآ وقالبآ، رأيت وان اتوجه الي جميع السودانيات والسودانيين في الخارج (بصورة اساسية)، وان نفتح باب التبرعات كل منا فقط بمبلغ دولار واحد لاغير...(والحصيلة ستكون في النهاية ستكون نحو ٦ مليون دولار علي الاقل بعد استبعاد الاطفال والقصر)!!

٤-
***- واقترح علي الاستاذ معاوية، وان يبادر فورآ بفتح حساب بالمدينة او القرية التي ستشيد عليها القناة السودانية الجديدة، وان يعلن وعبر موقع جريدة (الراكوبة) الموقر،
***- وموقع جريدة (حـريات) الموقر،
***- وايضآ عبر موقع (سودانيز اون لاين) الموقر،
اسم البنك، ورقم حساب القناة الفضائية.

٥-
***- اللهم يابركة هذا الشهر الكريـم، وفق اخونا معاوية في مراده، ونجح مقاصده ومساعيه....انك سمـيع مجـيب.



تعليقات 56 | إهداء 0 | زيارات 4717

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#450321 [بكري الصائغ]
2.25/5 (14 صوت)

08-18-2012 04:26 AM
أخـوي الـحـبوب،
[idris- ادريـس،
اجمل الامنيات الطيبة التحايا العطرة لشخصك الكريـم ، وكل عام وانتـم بخـير، وسعدت بالزيارة والتعليق المقدر، واقوم بدوري بتحويل اقتراحك للاستاذ معاوية يـس، املآ وان يجد عنده الاهتمام والتنفيذ.


#450263 [Jedo]
3.66/5 (14 صوت)

08-18-2012 01:45 AM
ياخال قول بسم الله انت الظاهر رمضان خشا ليك في العضم ولا مشغول شديد لمن " تشابه عليك البقر" ههههه
أنا ماقلت السودان تمام وأرباح شركة زين وماعارف شنو " بالمناسبة الفواتير الحكومية لشركة زين شهريا كذا مليار" وانا عارف المعلومه دي كيف اجي اقول الكلام ده والجدير بالذكر لو عايز أجيب سيره زين ح اقول وين المليار ونص دولار اللي بعاعو بيها ناس حمدي شركة موبيتل.؟طبعا عبدالباسط حمزة داك كوم براهو كمان
القال الكلام ده زول تاني اسمو جاااادو مش جدو يا سيد الناس هههه
بالنسبة للقناة والله بنتمنى من كل قلوبنا التوفيق والنجاح للجماعه القائمين عليها وبالفم المليان محل ماتحتاجو لينا مابنقصر منكم باذن واحد احد، واقتراح أخونا خضر عمر داك أنا وافقتو فيهو بس لاني بعتقد انو أوفق واضبط لإنشاء القناه .
طبعا أنا عرفت من احد تعليقاتك انك كنت في وزارة الثقافة في السبعينات وطالما انت من الزمن داك في مجال الاعلام ده معناهو انك خبرة وخيت زي مابقولو وبالتالي كونك ما عندك علاقة بالقناة دي من بعيد ولا قريب دي عوجة زاتو انت مفروض والله تكون سيد الجلد والراس .
على كل حال أنا بعرف موظفين كبار في عدة بنوك عندكم مثلا في كوميرس بانك ودويتشة وبي اتش اف بالاضافة لبنوك في دول أوربية تانيه وبالذات في سويسرا فإذا جماعتكم ديل حضرو رخصهم وتسجيلاتهم واجراءاتهم القانونية أنا مستعد نرتب ليهم موعد ونمشي نشوف المطلوبات ونفتح ليهم الحسابات ده لو احتاجو ولو ما احتاجو ربنا يوفقهم انشاء الله في كل الأحوال
إها رأيك شنو؟ رغم أني ما موافق على ألطريقه دي ومؤيد لاقتراح أخونا خضر عمر جاهزين نخدمكم متى ماكان بيدنا حاجة
وعيدكم جميعا مبارك


#450188 [idris]
3.82/5 (13 صوت)

08-17-2012 10:22 PM
بسم الله الرحمن الرحيم
التحيةالطيبة
آم بعد
السلام عليكم و كذلك اقتراح الى الأخ الاستاذ معاوية أن يعلن عبر موقع سودانجيم
و شكراً


#450160 [بكري الصائغ]
3.41/5 (14 صوت)

08-17-2012 08:59 PM
أخـوي الـحـبوب،
Anas - أنـس،

تحياتي القلبية، وكل عام وانت والجميع والأخوات والأخوة الأعزاء بادرة (الركوبة) والقارئات والقراء الكرام بخيـر وعافية، متمنيآ من الله تعالي وان يجعله عيدآ مليئآ بالافراح والمسرات،

***- اخوي أنس، لقد سبق لي ان عملت طويلآ بوزارة الثقافة والاعلام طوال سنوات السبعينيات وحتي عام ١٩٨٥، وعملت في مجال الصحافة المحلية، وايضآ كمراسل لعدة صحف اجنبية. واختلطت بالكثيرين ممن عملوا في المجال الاعلامي وكان من بينهم الاستاذ معاوية يس،

***- نعم، لابد ان نضع يدنا فوق يده وايادي كل من يسعي لتاسيس هذه المحطة السودانية، وان نشد من أزرهم، ونمدهم بالمال، والخبرات، والكفاءات، ولا نتقاعس عن اداء الواجب الوطني الذي يلزمنا ان لانتقاعس عن تكثيف كل جهودنا حتي قيام المحطة الفضائية.


#450143 [بكري الصائغ]
3.50/5 (5 صوت)

08-17-2012 08:11 PM
أخـوي الـحـبوب،

Jedo- جيـدو،
١-
----
تحية الود، والاعزاز الشديد بزيارتك المقدرة، وكل عيد فطر واعياد اخري والجميع بخير وعافية، متمنيآ من الله تعالي وان يجعله عيدآ مليئآ بالبهجة والمسرات والافراح،

***- لا انكر اطلاقآ ياخ جيدو بانني قد احبطت في تعليقك الاول بسبب انني وكنت منهمكآ في موضوع كيف نسرع في اقامة فضائية سودانية جديدة تغير صورة السودان الموجودة حاليآ بالمحطة الفضائية التابعة للحزب الحاكم، وصور اللقطات المحبطة التي تبثها المحطات الفضائية العربية عن عمد لتشويه صورة المعارضة ونشاطاتها داخل وخارج السودان...وكيف نجمع الاموال اللازمة وبصورة عاجلة للاسراع بقيام القناة الجديدة التي تاخرت كثيرآ....فجاء تعليقك ليصب في خانة:( سعد زغلول قال مافيش فائدة)!!

٢-
-----
***- واستغربت اكثر من تعليقك الثاني والذي لم تتطرق فيه اطلاقآ عن المحطة الفضائية الجديدة المرتقبة، وعلي المساهمات والتبرعات، ورحت تقول ان كل شئ في سودان اليوم تمام التمام،...
و:(البلدد ماششششه والاسواق مليانة والمطاعم مليانة والمواصلات شغاااااااالة والناس تعيد علي بعض وتاكل في الكعك....شوفو ارباح شركة زين للسنة الماضية كم ؟؟؟ باقيلكم الزول الكان ما شبع بيقدر يتكلم ؟؟؟)!!،

٣-
-----
***- ولكنك ياأخ جيدو، انت هنا تتكلم عن الخرطوم المرفهة،
***- لا عن حلفا الجديدة التي يموت اهلها ببطء شديد بسبب مرض سرطان (الاسبسوس)...
***- ولا عن سكان منطقة ابيئ الذين لانعرف احوالهم وكيف يعيشون في ظل الحماية الدولية ...
***- ولا علقت عن حال سكان المخيمات في دارفور...
***- وسكان مخيمات كوارث الامطار...
***- وماعلقت كيف سيكون حال العيد علي ٣٧% من سكان البلاد والذين يعيشون عالة علي منظمات الاغاثة الدولية وتبرعات الدول الغنية...

4-
----
***- وعلقت علي الناس المرفهة التي اكلت وشربت..وبتتكلم بالموبايل، دليل علي غناهم واحوالهم الميسورة!!

٥-
***- وجاء تعليقك الاخير لينزل بردآ وسلامآ علي نفسي المحبطة، واتقبل تعليقك براحة صدر، فقط ارجو ان تعرف انني في هذه القناة (لا في العير ولا في البعير)، وماعندي فيها ناقة ولا جمل، كل همي وان تكون هناك قناة فضائية جديدة ناطقة باسم السودانيين اجمعين، همي الاخر وان نلم المال لمآ وباسرع فرصة....وماعداها من قضايا اخري ( مابشتغل بها شغلة)!!

٥-
***- ارجو الا تزعج نفسك بهذا الموضوع، واتمني ان اراك في المانيا قريبآ، وحتي ذلك الوقت لك مني اطيب الامنيات واسعد الاوقات.


#450139 [بكري الصائغ]
3.13/5 (5 صوت)

08-17-2012 07:29 PM
أخـوي الـحـبوب،
بـدر،

تحياتي ومـودتي، وسررت بزيارتك المقدرة، وسررت والله اكثر واكثر بقبولك الكريم لاعتذاري علي الهفوة التي بدرت مني، وبدلآ ان اكتب اسم الاخ شاه- سهيت كالعادة!!- وكتبت اسمك، والحمدلله القلوب الأن صافية لبن،

***- جاءتني رسالة من أخ كريم يسأل فيها بمرارة، مادور الاثرياء السودانيين بالخارج في دعم القناة الفضائية السودانية?...بل ولماذا لايبادر احدآ منهم بتاسيس قناة سودانية تعيد للسودان وجهه النضر مرة اخري?...

***- عندنا واحدآ من السودانيين ودخل (قائمة المليونيرات )، ورايناه وكيف راح ويخصص جائزة مالية كبيرة سنوية لانزه وانظف رئيس جمهورية، وبالفعل تحصل عددآ من الرؤساء الافارقة علي جوائزهم منه علي اعتبار ان اياديهم نظيفة ولم يختلسوا ولا سرقوا ولا نهبوا من اموال الدولة!!،

***- فلماذا لاينشئ هذا الملياردير السوداني محمد فتحي ابراهيم والشهير ب(مو) محطة فضائية سودانية كما فعلوا بعض الاثرياء المصريين، والذين اسسـوا في بلادهم قنوات فضائية مصرية ساهمت الي حد كبير في القاء الاضواء الايجابية عن الحياة في بلدهم وبعيدآ عن تلك الصور واللقطات السلبية التي تبث عادة عن مصر?!!

***- ويقول صاحب الرسالة في ختام رسالته:
(بالطبع ليس لي الحق في التدخل والشئون المالية والخاصة بالاغنياء وخاصة الملياردير محمد فتحي، ولكن لا افهم تقاعس وابتعاد هؤلاء الاغنياء عن الوقوف باموالهم في خدمة بلدهم والشعب وترقية الاداء الاعلامي بصورة خاصة?!!).

***- وجاءتني مكالمة من أخ عزيز يقيم في برلين يقول فيها:
( ياعمي الصايغ، انت بتكلم عن تبرعات قد تصل الي نحو ٦ مليون دولار، واؤكد لك ان المبلغ ممكن الي نحو ٤٠ او ٥٠ مليون دولار!!،

***- واذكرك قصة (مال الكرامة) التي وقعت في سنوات السبعينيات، عندما غضب الرئيس السابق معمر القذافي غضبآ شديدآ من الرئيس الراحل جعفر النميري لانه رفض ادانة اتفاقية "كامب ديفيد" وقطع العلاقات مع مصر، وفي غمرة غضبه الشديد طلب الرئيس القذافي من النميري ارجاع الديون الليبية التي سبق ومنحها للسودان، وعرف الشعب بقصة الديون، فقررت الجماهير سداد هذه الديون من اموالها لا من خزينة الدولة، وانهالت التبرعات بالاموال والمصوغات الذهبية علي وزارة المالية باسم (مال الكرامة)، اي كرامة الشعب،

***- والحمدلله، هذا الشعب الناضج القوي، علي استعداد للتبرع والمساهمة لانشاء بكل مايستطيعون لتاسيس قناة تعيد كرامتهم المهدورة.

***-
***- اخي بدر، لك مني اجمل الامنيات الطيبة بحلول عيد الفطر المبارك، متمنيآ وان يجعله الله تعالي عيدآ مليئآ بالافراح والسرور عليك، وعلي الجميع بسلطنة عمان، والاهل والاقارب في كل مكان.

(يارب، مااكون غلطت تاني!!).


#450077 [Anas]
2.88/5 (5 صوت)

08-17-2012 05:13 PM
We should nominate mr Bakrie to the executive committee to work hand in hand together with mr Yassen due to his knowledge , expertise and to give momentum and to boost the morale because he`s energetic person


#450051 [Jedo]
3.88/5 (4 صوت)

08-17-2012 04:14 PM
أستاذنا بكري
عاطر التحايا وكل الأماني الطيبة لكم بمناسبة العيد
وردا على ردك اقول كان الله في عونكم ووفقكم وسدد خطاكم وأأسف جداً لاعتبارك ان تعليقي الماضي كان يصب في خانه تكسير المجاديف والإحباط وانا والله أصبت بإحباط لكونك فسرت تعليقي على هذا النحو وانا والله لم اقصد ذلك سوى انني اتفقت مع الاخ خضر عمر وأيدته في الأسلوب الأمثل الذي نراه الأصلح لإنشاء القناه وليست المسالة تحدي بيننا وكلنا في الهم شرق ،
أستاذنا العزيز أنا لم اشكك أبدا في نزاهه العاملين او المسؤولين عن انشاء القناه ولم اتهم أبدا ولم المح حتى بان اي اجراء سيكون غامضا او خلف القانون وعلى كل فانك ذكرت في احد تعليقاتك ان احدهم قال لك انه وبنهاية هذا الشهر "اغسطس" اذا لم يعرف حسابات التبرع فانه سوف ينسى هذا الموضوع نهائيا وانا اعتبر ان تعليق هذا الاخ الكريم هو مؤشر ان ما رأيناه أنا والسيد خضر هو الأقرب للنجاح،
يدنا معاكم ولو نجحتو بالطريقة الانتو ماشين بيها دي نخلع لكم القبعات وانا بإذن الله مفروض في أوائل شهر اكتوبر اجي فرانكفورت ولو أموركم زبطت لحدي الوقت داك أنا ح اكون مدين ليك باعتذار كبييير وحبة مسك كمان.
متأسف لو كنت توّرتا نفسك شويه ولك العتبى حتى ترضى وأرجو ان لم تنجح طريقتكم الحالية الا تعتبرو الموضوع انهار ولاتصابو بالإحباط انما حينها ابحثو اقتراحنا أنا والأخ خضر
ولك دوما مودتي


#450042 [بكري الصائغ]
3.50/5 (5 صوت)

08-17-2012 03:46 PM
روابـط لها عـلاقة بالـموضوع:
**************************
١-
نبشركم :
قناة المعارضة السودانية في طريقها اليكم...
http://www.hurriyatsudan.com/?p=74117

٢-
بدء البث الحي للقناة الفضائيه للمُعارضه السودانيه ومطلوب متطوعين ومتطوعات للعمل...
http://sudanese.almountadayat.com/t889-topic

٣-
سوداني (قناة المعارضة) تهدد
عرش القنوات المحلية!...
http://vb.sudanson.com/showthread.php?67379-%D3%E6%CF%C7%E4%ED-%28%DE%E4%C7%C9-%C7%E1%E3%DA%C7%D1%D6%C9%29-%CA%E5%CF%CF-%DA%D1%D4-%C7%E1%DE%E4%E6%C7%CA-%C7%E1%E3%CD%E1%ED%C9!

٤-
نحو فضائية سودانية معارضة...
http://www.hurriyatsudan.com/?p=71624

٥-
( سوداني ) فضائية المعارضة
السودانية - الحلقة الرابعة...
http://sudanmotion.com/index.php/news/33-2009-10-29-07-13-08/4527-2012-05-10-06-33-11

٦-
نبشركم :
فضائية المعارضة السودانية في طريقها اليكم – الجزء الأول-
http://www.hurriyatsudan.com/?p=72868

٧-
إطلاق قناة" سوداني " الفضائية من المانيا...
http://www.sudaneseonline.com/cgi-bin/sdb/2bb.cgi?seq=msg&board=390&msg=1335872772

٨-
نبشركم :
فضائية المعارضة السودانية في طريقها اليكم – 3-

٩-
(سوداني) فضائية المعارضة السودانية – الحلقة السادسة-
http://www.hurriyatsudan.com/?p=66071

١٠-
( سوداني ) فضائية المعارضة السودانية – الحلقة الأولى-
http://www.sudanjem.com/2012/04/%D8%B3%D9%88%D8%AF%D8%A7%D9%86%D9%8A-%D9%81%D8%B6%D8%A7%D8%A6%D9%8A%D8%A9-%D8%A7%D9%84%D9%85%D8%B9%D8%A7%D8%B1%D8%B6%D8%A9-%D8%A7%D9%84%D8%B3%D9%88%D8%AF%D8%A7%D9%86%D9%8A%D8%A9-%D8%A7%D9%84/

١١-
فضائية سودانية مستقلة لمقاومة
فضائيات النظام وتنوير الشعب...
http://www.alrakoba.net/news-action-show-id-62547.htm


#450025 [بكري الصائغ]
3.13/5 (5 صوت)

08-17-2012 03:00 PM
الأسماء المستعارة والقناة الفضائية الجديدة
**************************************
الـمصـدر:
http://www.alrakoba.net/articles-action-show-id-24236.htm


#449990 [جادو]
4.38/5 (6 صوت)

08-17-2012 01:30 PM
الاخوة المعلقين ..انتو بتجيبو الكلام ده من وين ..كلامكم عن الحياة ف السودان وانها اصبحت طاردة ولا تحتمل وقصة البلد مليانة اجانب وزززززز ده كلام خيالي يعني اجانب اكتر من الامارات والسعودية ...نحنا بنكرة حكومة البشير لكن ما للدرجة التخلينا نكذب في نهار رمضان ..البلدد ماششششه والاسواق مليانة والمطاعم مليانة والمواصلات شغاااااااالة والناس تعيد علي بعض وتاكل في الكعك رغم ان الجردل حصل 60 جنية والبيسمع كلمكم ده يقول السودان ده اصبح رماد..نحنا معارضين لكن معارضة منطقية فيها الاخذ والرد مع الاعتماد علي معطيات حقيقية وليست من صنع الخيال ...شوفو ارباح شركة زين للسنة الماضية كم ؟؟؟باقيلكم الزول الكان ما شبع بيقدر يتكلم ؟؟؟


#449866 [بكري الصائغ]
2.25/5 (5 صوت)

08-17-2012 05:19 AM
أخـوي الـحـبوب،
أبـوكريـم،

تحيـة الود والاعزاز الشديد بزيارتك الكريمة، ومابتقصر في المساهمة وعجبني بالحيل كلامك وقلت:

***- ( نحن مستعدين وجاهزين من دولار الى الف ... بس ورونا طريقة المساهمة والرجاء فتح حسابات بأسم الفضائية السودانية الجديدة في كل بلاد الغربة حتى يمكن للجميع المساهمة في هذا العمل الخير... ويجب عرض هذة ال الحسابات في موقع الراكوبة والمواقع الاسفيرية الاخرى)،

***- اهوالكلام البفرح القلوب ويشرح الصدور ويدل علي (ان حـواء والدة)، والبلد فيها رجال بحق وحقيق وبيعملوا للصالح العام ولصالح الجميع،

***- وصلتني رسالة من أخت عزيزة تقيم بالقاهرة تقول فيها:
( اعيش في القاهرة منذ عام ١٩٩٢، ونادرآ مانشاهد القناة الفضائية بتاعت امدرمان لما فيها من برامج تعل وتمرض، حتي الاغاني ومباريات كرة القدم ماعادت اياها ديك القديمة،انا مستعدة اتبرع بدهبي (وحياة الله كلامي جد) بس وروني كيف اساهم بها?!!...

***- للاخت العزيزة اسمي ايآت التحايا والشكر علي الرسالة المقدرة.


#449861 [بكري الصائغ]
3.75/5 (5 صوت)

08-17-2012 05:04 AM
أخـوي الـحـبوب،

Jedo- جيـدو،

تحياتي ومـودتي، وكل عام وانتم بخير، وسعدت بزيارتك الكريمة...اما تعليقك المحبط والذي يصب في خانة تكسير المجاديف، فسارد عليه بمهل شديد:

اولآ:
-------
***- القناة الفضائية السودانية المرتقبة عندها مستشارين قانونيين، ولاتوجد مؤسسة ايآ كان نوعها في اوروبا ولا يعمل بها احدآ من القانونيين وظيفته تقنين عمل المؤسسة وربطها بقوانين الدولة، وتعريف العاملين بالمؤسسة حقوقهم وواجباتهم، والاشراف القانوني علي عملها، والدفاع عن مصالحها امام الجهات العدلية،

ثانيآ:
--------
***- القناة الفضائية السودانية المرتقبة عندها موظفيين ماليين بشرفون علي ميزانية القناة، ولهم علاقة بمكتب الضرائب، وقد درجت العادة في دول اوروبا، انه ما من مؤسسة حكومية كانت او خاصة الا وتكون مصلحة الضرائب وتعرف كل صغيرة وكبيرة عنها، ومن سابع المستحيلات ان تكون هناك مؤسسة او مصنع او شركة او بنك اوروبي او اجنبي ولاتعرف عنه الجهات الضريبية شيئآ،

***- وهنا اقول لك وبكل صراحة، انني اثق في اموال التبرعات والمساهمات التي تدخل في حساب بنك القناة المرتقبة، لانني اثق في المسءوليين عنها،

***- وثانيآ، لان اي دولار دخل حساب القناة يكون معروفآ عند مكتب الضرائب!!-...

***- مش فوضي زي عندنا في السودان، تفتح حساب بجنيه وتاخد قرض بالملايين لو كنت عضو بالمافيآ الاسلامية ولا عندك واحد (حتة) جنابو بدبورة!!

ثالثآ:
--------
***- الاموال التي تدخل في البنوك تكون مراقبة مراقبة شديدة من قبل جهات مالية وامنية منعآ لتسربها لمنظمات ارهابية، ولكن عندما تكون القناة السودانية القادمة:
----------------------------
***- مسجلة رسميآ وتملك شهادة ومستندات صادرة من الجهات المسئولة بالدولة،
***- وعندها ملف بمصلحة الضرائب بالمدينة التي بها موقع القناة،
*** ولاغبار علي المسئوليين عنها من ناحية امنية ،
***- وعملها لا يخالف قوانين ونظم البلد ولا اعرافها وتقاليدها،
***- ولا تجنح للعنف وتشجع التطرف والكراهية،
***- وملتزمة بالانضباط والسلوك الجيد،
***- ولا مخالفات ولا سوابق عندها،
***- وقناة سودانية لا تدعو للتطرف، والعصبية، والعنصرية،
***- ولا تبث موادآ وبرامجآ ومواد اعلامية تحرج الدولة التي بها القناة مع اي جهات اجنبية اخري.......عندها يمكن للقناة السودانية وان تعمل بكل اطمئنان وثقة من اجل قناة سودانية ناطقة باسم كل السودانيين.

رابـعآ:
--------
***- اخوي جيـدو، وقع لك كلامي ولا ازيـد?!!


#449807 [بكري الصائغ]
3.88/5 (4 صوت)

08-17-2012 01:55 AM
أخـوي الـحبـوب،

اللاحس كوعه فرع الصعيد،

تحية الود الشديد، والمودة الصادقة، وسررت بزيارتك وبتعليقك المقدر، وان شاء الله موضوع المساهمات والتبرعات يتكرب شديد، ويتجمع المال المطلوب في اقرب فرصة، وبعدها المختصون يشوفوا شغلهم ،ونشوف منهم وبمجهوداتهم محطة فضائية سودانية ١٠٠%.

***- احد الاخوة الاعزاء كتب ويلفت نظر القارئات والقراء الكرام لاذاعة البث التجريبي بموقع (الراكوبة) الموقر، وانها ايضآ تحتاج الي دعم مادي حتي تخرج من حيز التجربة الي (التمكين) الشديد، ويقول في رسالته الكريمة:
( ارجو الا يفهم من اقتراحي وطلبي بمد العون للمحطة التجريبية انني اسعي لتشتيت الجهود المبذولة لظهور المحطة الفضائية، ولكن لان كلاهما يكملان العمل الاعلامي).

***- لك الشكر اخي عبدالمجيد علي رسالتك الكريمة واقتراحك الرائع.


#449798 [بكري الصائغ]
3.50/5 (5 صوت)

08-17-2012 01:37 AM
أخـتي الـحـبوبة،
mona- مـني،

تحياتي ومودتي الطيبة، وسعدت بزيارتك وبتعليقك الكريـم،

***- اختي مني، بما ان صاحب الشأن في موضوع القناة الفضائية السودانية المرتقبة هو الاستاذ معاوية يـس، فساقوم بتحويل اقتراحك الكريم له، وابثه مرة اخري لعنايته:

(افيدونا فقط برقم حساب او كون فى شكل رسالات هاتفية مع شركة اتصالات فى اى دولة ولو الرسالة بعشرة دولار ما فيش مشكلة لان هذا العمل هو الذى يفضح فساد المفسدين تجار الدين).


#449794 [بكري الصائغ]
2.88/5 (5 صوت)

08-17-2012 01:27 AM
أخـوي الـحبـوب،

نادر،
1-
-----
تحية الود والاعزاز لشخصك الكريم، وسعدت بزارتك المقدرة، وشايفك يازول زعلان زعل شديد من الحال في البلد المقسوم، وغايتو كلامك يخوف...ولوانه مع الاسف كلام الحقيقة التي لا تخفي علي احد:

***- (لحياة في السودان اصبحت لا تطاق..فقر و قهر و مرض في مرض..كل سوداني غير موالي لحكومة القهر المميتة وغير مستفيد عاجلا منها ونادما آجلا وابد الدهر كل سوداني شريف باختصار صارت تغطي علية سحابة اكتئاب خفيفة.

***- يمكن ده رمضان الصوم و الحر وكده، مكن ضاقت واستحكمت حلقاتها وما فضل غير الفرج يمكن بس دايرين حاجة ترفع الهمم وتزيد الأمل والوعي...ان أوان القناة...والله ان أوان القناة ...والله العظيم ان أوان القناة قبل ما نجن رسمي)!!

٢-
***- وصلتني عدة رسائل من جهات عديدة ومن بلدان شتي يطلبون فيها اصحابها رقم حساب البنك وباسرع فرصة،

٣-
***- واحد حلف طلاق لو ماعرف رقم الحساب حتي اخر هذا الشهر (اغسطس) تاني اصلو مابسأل عن الحساب..ولا حيهتم بموضوع القناة!!،

٤-
***- وأخ تاني قال انه احتظ دولار وسط كتاب القرأن حتي يكون دولار مبارك عندما يتبرع به للقناة!!،

٥-
***- وأخت كتبت وقالت: مش عيب عليك ياعمي الصايغ وانت دكتور وقاعد في المانيا وتقول اتبرعوا بدولار واحد!!،

٦-
***- والله ياأخ نادر، الناس جادة في موضوع المساهمات، وده شئ يسر الروح ويشرح القلب.


#449786 [ابو كريم]
2.88/5 (5 صوت)

08-17-2012 01:04 AM
الاستاذ بكري الصايغ / تحية طيبة ونحن مستعدين وجاهزين من دولار الى الف ... بس ورونا طريقة المساهمة والرجاء فتح حسابات بأسم الفضائية السودانية الجديدة في كل بلاد الغربة حتى يمكن للجميع المساهمة في هذا العمل الخير... ويجب عرض هذة ال الحسابات في موقع الراكوبة والمواقع الاسفيرية الاخرى ,,


#449785 [Jedo]
3.69/5 (6 صوت)

08-17-2012 01:04 AM
أخونا وأستاذنا الحبوب الكبير بكري الصائغ
تحياتي ومودتي والعيد مبارك عليك وعلى أسرتك الكريمة وكل أهلنا الطيبين.
عارف يا أستاذنا أنا من الأوائل اللي قرو مقالك ده اول مانزل في الراكوبة وماكان في اي تعليق لسه ولاني رأيي كان مختلف قلت ما اشاتر وامسك كيبوردي علي ولا اعلق ولا شي لكن غبيت وجيت لقيت أخونا خضر عمر قال الكلام إلانا داير اقولو وبصراحه عباراته كانت الطف يعني أنا لو علقت كان يمكن تكون كلماتي احر منو واسمح لي اتفق معاهو في معظم كلامو واسمح لي كمان اقول ليك الكلام القالو خضر عمر ده ياهو الكلام النجييييض والطريقة الاقترحها دي لإنشاء القناه بمجلس مساهمين ده ياهو زاااااتو الكلام البيودي لقدام وانت يا حبيبنا عايش في المانيا عليك النبي في حساب تنزل فيهو سته مليون دولار تبرعات لقناة مابعرفو شنو ويكون عادي الموضوع ده يمشي زي الترتيب أنا افتكر دي واسعه شويه لأنو في البنوك الأوربية الحاجات دي دايرة كلام دقااااااق
طبعا ما المقصود أبدا انو نحبط الناس أبدا والله بنتمنى كل التوفيق لكن طلبتو اقتراحاتنا وآرائنا وأياها دي وأهلنا قالو الأعوج رأي والعديل رأي


#449767 [بكري الصائغ]
3.75/5 (5 صوت)

08-17-2012 12:06 AM
وصلتني رسالة من أخ زيز يقيم في كندا، وفضل ان يساهم بتعليقه عبر (الايميل) بدلأ عن ارساله رأسآ للموقع المقدر، ويقول فيها:

( اقتراح:
تعامل السودانيين فى الخارج (امريكا) مع فتح حساب لاينجح فى تقديري. اقترح وجود مندوبين - بلحم ودم- وأسماء وكريديبيلتى وموثوق بهم فى القارات والمدن الكبيرة ويجتمعوا بالناس ويجمعوا الدعم المالي ويربطوا الناس بأشخاص الفضائية وقيادتها واجندة الشغل وتطوره لحظة بلحظة وان المصداقية مهمة والسودانيين لسا تفكيرهم عاطفي وبه قبلية ويشتغل معاهم المحسوس المرئي . ارجو الا يفهم هذا كتشكيك فى مصداقية الساعين لهذا الهدف النبيل .كل شهر الناس قاعده تتبرع ماليا لاحد الاهداف التى تخص السودان - للأحزاب والمعتقلين ودعم الصحف الموقوفة ودى حتنافس بعضها. أنا اتكلم عن شمال امريكا وبالتحديد ناس كندا المفلسين - مقارنة بأمريكا ).

***- ألف شكر اخوي الحبوب أ.أ، علي اقتراحك ومساهمتك، متمنيآ لك عيدآ سعبدآ مليئآ بالمسرات والافرح، لك وللجميع.


#449755 [بكري الصائغ]
3.13/5 (5 صوت)

08-16-2012 11:33 PM
أخـوي الـحـبوب،
بدر،
تحياتي الطيبة، نسيت ان اقول انني اردت ان اكتب اسم شاه في تعليقه...فكتبت عن طريق الخطآ بدر. اكرر لك يابدر حار الاعـتذار علي الخطأ الغير مقصود، وامل ان تغفر ذلة قلم. ولك تمنياتي الطيبة.


#449751 [بكري الصائغ]
2.50/5 (4 صوت)

08-16-2012 11:24 PM
أخـوي الـحـبوب،
بدر،

تحـية الود، والاعزاز بطلتك الثانية وزيارتك الثانية، وبصراحة انزعجت من انك منزعج، وحاشا الله وان افكر ولو بالغلط انك من جهات امنية، وماعرف انت جبت الكلام ده من وين وانا عقبت علي تعليقك الكريم ولم اشر او قلت مايغضبك،

***- وللتوضيح بصورة اوسع، اقول ان بعض القراء الذين يعلقون سلبآ او بشكل استهزائي علي مقالاتي ويتحاشون الدخول لقلب الموضوع المطروح للنقاش ولا يناقشون بايجابية ولا بروح ودية..هذه الفئة تنهج هذا النهج لانها مجبورة علي اكل عيشها والحفاظ علي مواقعها بالجهات التي التي تامرهم بالدخول للمواقع الالكترونية والتعليق سلبآ علي مافيها من مواضيع!!

***- يابدر، كل عام وانت وعائلتك الكريمة والجميع بخير وعافية، متمنيآ من الله تعالي وان يجعله عيدآ سعيدآ علي الجميع.

***- مرة ثانية اكرر شكري علي تعليقك الجميل الذي قلت فيه:
( الهميم ود الصائغ ,,, كل سنة وانت طيب , ربنا يعينك ويوفقك , نحن فى انتظار اشارة البدء.ورغباتكم اوامر ياعزيز).

***- ملاحظة اخيرة:( ماعرفت علم بلدكم الموجود مع اسمك فوق??).


ردود على بكري الصائغ
Oman [بدر] 08-17-2012 11:32 AM
لا عليك يا أخى , بس انا انزعجت من ان انسب لجهة كانت السبب وراء كل بلاوينا وتفرقنا فى البلاد ,, اكرر لا عليك والعلم ( سلطنة عمان ),


#449718 [اللاحس كوعه فرع الصعيد]
3.25/5 (5 صوت)

08-16-2012 09:49 PM
اخي وحبيبي بكري
كربوا موضوع التبرع ده تكريبة قوية عشان الناس تضمن وين بتروح التبرعات نحن جاهزين وتجاوزا تعليقات المتخاذلين والغواصات وارجوا ان لاتضيع وقتك الثمين في الرد غليهم


#449715 [mona]
2.88/5 (5 صوت)

08-16-2012 09:31 PM
افيدونا فقط برقم حساب او كون فى شكل رسالات هاتفية مع شركة اتصالات فى اى دولة ولو الرسالة بعشرة دولار ما فيش مشكلة لان هذا العمل هو الذى يفضح فساد المفسدين تجار الدين


#449706 [نادر]
2.35/5 (6 صوت)

08-16-2012 08:52 PM
الاستاذ العزيز بكري
الحياة في السودان اصبحت لا تطاق
فقر و قهر و مرض في مرض
كل سوداني غيرموالي لحكومة القهر المميتة
و غير. مستفيد عاجلا منها و نادما آجلا و ابد الدهر
كل سوداني شريف باختصار صارت تغطي علية سحابة اكتئاب خفيفة
يمكن ده رمضان الصوم و الحر و كده
يمكن ضاقت و استحكمت حلقاتها و ما فضل غير الفرج
يمكن بس دايرين حاجة ترفع الهمم و تزيد الأمل و الوعي
ان أوان القناة
والله ان أوان القناة
والله العظيم ان أوان القناة قبل ما نجن رسمي
دولار واحد يعني 6 جنية يعني سندويتش ات فول وكباية كردي ه ( الليمون قاطعناه علشان بن سمع كلام لجنه حماية المستهلك بفتح الحاء طبعا)
يا ناس الشتات حي علي الفلاح حي علي القناه
نحن بنتناسل حوة السودان و أولادنا تصدهم الحصبة و الملاريا و الإسهال و ذئاب الجنجويد و مليشيات ضباع الوثني و كلاب الامن و باقي الحيوانات الحكومية الضارة
في امس الحاجة الان للقناة فهي بمثابة غرفة إنعاش تنعش الثورة تاني و تعافيها
و دمت لنا يا استاذ


#449697 [بكري الصائغ]
3.25/5 (5 صوت)

08-16-2012 08:01 PM
في مكالمة طويلة مع اخ حبوب يقيم في موسكو، علق علي الموضوع فقال:

***- ( ياعمي الصايغ، كل سنة وانت طيب. والله وبعيدآ عن موضوع المحطة الفضائية السودانية، وبعيدآ عن موضوع المساهمات المالية، احب اقول لك انني انزعجت شديد الانزعاج من رقم السودانيين بالخارج- وكتبت انت- ان عددهم نحو ١٠ ملايين سوداني يقيمون بدول الشتات والتمزق!!، والله اصلآ ماورد في بالي وان يكون الرقم كبير بالشكل ده!!

***- سافرت في الصيف ده للسودان وشفت العجب العجاب، من بين كل ١٠ سودانيين تلقي واحد ولا اتنين من الوافدين!!..شئ من بنغلاديش...وشئ من الهند... واتراك مايدوك الدرب... ومصريين وتشاديين في مناطق التنقيب عن الدهب...وبياعات الشاي والكسرة واللقيمات كلهن اجنبيات وحتي طعم الشاي مااياهو داك بتاعنا!!...

***- وما كده وبس!!الصينيين بقوا اكتر عددآ من السودانيين ، لذلك مااستغربت لما قريت موضوع عن الاطفال اللقطاء بدار "المايقوما" وان اغلبهم يحملون ملامح اسيوية!!

***- ضحكت اليوم ضحك شديد عندما طالعت خبر بث من موقع "الراكوبة" الموقر، وكيف في إفطار السفارة البريطانية أمس الاول، جعل السفير البريطاني الجديد في الخرطوم البعض يبتسم حينما أراد التأكيد على متانة وقوة العلاقة بين السودان وبريطانيا قائلاً بلغة إنجليزية إن "العشرات من السودانيين يعيشون في بريطانيا والعشرات من حملة الجواز البريطاني يعيشون في السودان"!!

***- في اول ايام رمضان، طلعت للسوق اتبضع، والله اتخلعت وقلت ياربي يوم القيامة قامت ولا شنو?!!...لقيت لك نفسي وسط عشرات الألآف من الاجانب من كل جنس ولون ودين اغلبهم لايتكلمون العربية!!...ونسبة السودانيين بينهم ضعيفة!!، واتذكرت اسواق جدة الشعبية!!

***- عشرة ملايين سوداني فروا من بلدهم...ونحو ٤ او ٥ مليون وافد واجنبي وصيني دخلوا البلد،

***- والشئ المحزن في الموضوع، هجرات السودانيين وهروبهم من بلدهم متواصلة، ودخول الاجانب للبلد الهامل مستمرة !!... ومابعيد نبقي زي دولة الكويت قريبآ!!


#449679 [بكري الصائغ]
2.75/5 (5 صوت)

08-16-2012 07:12 PM
١-
-----
أخـوي الـحـبوب،
الشايل المنقة،

تحية الود، والاعزاز الشديد بزيارتك الكريمة، وباقتراحك المقدر:
( اعتقد لواصحاب المبادرة على امر القناة اعلنوا عنها فى احدى قنوات لندن الناطقة بالعربية افضل للذين لا يدخلون النت وهم كثر , قناة الحوار نموزج,لانها تم تأسيسها من صحفيين مقيمين فى لندن وخبرتهم ممكن تساعد ,وباب التبرعات يمكن ان يكون على الهواء ايضا)،

***- الفكرة جيدة، ولكن لااعرف، هل توافق قنوات لندن الناطقة بالعربية علي بث موضوع القناة السودانية ام لا?!!

***- وبالمناسبة وصلتني ثلاثة اقتراحات من اخوة اعزاء يقيمون في بريطانيا، يقترحون فيها نفس اقتراحك الكريـم!!

---------------------------

٢-
----
أخـوي الـحـبوب،
ادروب شراب الروب،

***- تحياتي ومودتي ياأدروب، وسررت بزيارتك بعد طول غياب، واتمني الا يكون السبب الحر الشديد عندكم? !!.. وقرأت بالصحف ان بعض المواطنيين في بورتسودان دخلوا جوة تلاجات الفواكة من شدة الحر!!،

***- ولكن الحال هنا في المانيا السنة دي مختلف تمامآ، الشمس حلفت بدينها وايمانها ماتجينا ولا تزورنا صيف السنة دي!!...اليوم كله غيوم، وضباب، وامطار، ويوم ماتطلع الشمس بالصدفة ناخد اجازة ونجري علي الجناين نتشمس، وماادراك ماتشمس الالمان والالمانيات (اللهم اني صائم!! )،...وسبحان ربي مقسم الارزاق.

***- اخي ادروب، وصلتني عدة رسائل تستعجلني رقم الحساب لارسال مساهماتهم- واكرر للاخوات والاخوة الاعزاء، بانني مثلهم في انتظار رقم الحساب الذي اتمني الا يطول اعلانه.

-------------------------------

٣-
أخـوي الـحـبوب،
خضر عمر،

تحياتي ومودتي الصادقة، وسعدت بزيارتك الكريمة، اما عن تعليقك المقدر (مع خالص احترامي للرأي الاخر)، فانه تعليق محبط للغاية ويكسر مجدايف عمل اعلامي وقبل ظهوره!!

***- لقد بدأت فكرة قناة سودانية في الظهور، وهناك جهود مقدرة لتاسيسها لتلعب دورآ مهمآ في حياتنا، وبدأت الاتصالات بين ادارة هذه القناة وجهات اوروبية، واتمني من الله تعالي وان نري قريبآ محطة فضاء سودانية خالصة غير مسيسة ولا تخضع لحزب او طائفة،

***- ادعي معي ياخضر...وكل سنة وانت طيب.

--------------------------------

٤-
أخـوي الحـبوب،
حسكنيت،

سـلامي وتحياتي الطيبة، وزيارتك سرت القلب، وألف شكر علي التعليق الجميل، وعارفك ماحتقصر في المساهمة المالية الكريمة، وماعلينا الا الانتظار ونشوف وين وقفت مجهودات الاستاذ معاوية يس.


#449599 [حسكنيت]
2.32/5 (6 صوت)

08-16-2012 03:38 PM
طال الإنتظار ..ونأمل أن تكون أسباب التأخير غير مالية لأن هناك من هو مستعد الآن للتبرع بأكثر من ألف دولار لا يرد منها سنت واحد..
فقط أتركوا الأبواب مفتوحة وغير مواربة ...وواضحة وضوح شمس ثقتنا فيكم


#449547 [خضر عمر]
2.79/5 (6 صوت)

08-16-2012 02:19 PM
فكرة التبرع اخي الكريم جديدة وتهافت علي الجميع اذا كانت لعمل خيري يفيد مواطن السودان اما التبرع لإنشاء قناة فضائية فكرتها الاساسية المعارضة سوف لا تروق لاحد وستكون طاردة وان علت بعض الأصوات بتحريف دور الفضائية الاساسي التي نودي به واقحمت الأسر والأطفال والخ مع الحوجة للفيف من الاشياء تجاههم منةخلال الفضائية متناسين مع الانتشار الواسع للفضاءات علي الأثير وفيها المثير ويستطيع احد في بقعة في العالم اليوم ان يشاهد ما يشاء من فضائيات سواء عربية او إفريقية وضمنها السودانيات منها وفكرة ان القناة تخدم المهاجرين ليست مجدية بل ستخدم للأنصار واقصد بهم المعارضة الأحفورية
وما تلك الفضائية التي تحتاج الي ستة ملايين دولار بدل من ثلاثمائة الف تكفي التشغيل لسنوات ما دامت من اجل التوجه السياسي والتعبئة الجماهيرية فتحتاج في بثها لساعات فقط مع مراجعات فروق الوقت لانها ستكون موجهة للداخل بهدف الثورة وليس الخارج لان الأثير الالكتروني يربطه ولا يحتاج الي للأثير الفضائي وكما ان أيضاً يجب مراعاة فروق الوقت مع الملائين هذه التي هي في الخارج وتمتد في كل بقاع الارض ومراعاة انهم يعملون وليسوا متفرقين لمتابعة برامجها السرة الممتعة
ستة ملايين دولار تصلح لإقامة فضائيات تناطح الآي أر تي. وآلام بي سي بعنفوانيهما. بحيث تكون فيها بانوراما وافلام ومسلسلات والخ وهذه علي قفا من يشيل ومطلوقة في الفضاء وشغالة ملهاة ومسلية ومعوضة لكل تلك الملايين التي اصبح مبكيا عليها اليوم بعد انفصلت في الانتماء لجسد الوطن بسبب الإدمان وطول المدة ويفقدها حيلها الحالي اهم حلقات الوصل بالوطن وهو الاستقرار السياسي الذي مان بإمكانه ان يبين له ما هو لون وطنه وشكل وطعم مواطنه. ونأتي بعد فوات الأوان لن نسيء قناة فضائية له لنحاول ان نقنع ان هناك وطن اخر غير الذي يسمع عنه ويري ملامحه في المتهافتين علي نحره وتفتيته ومن يتبارون في الساحة السياسية من اشكال وأسماء وديناصورات عفي عليها الزمن فكيف نقنع هذا الجيل والقبيل التائه بين ظهراني ما يحدث للوطن وفي الوطن ومن اهل الوطن اليوم وكيف تقنعه كل هذه بملامح السودان التي يتصورها ولا يجدها علي خريطة الكون ولا الزمن واغرب سؤال تلقيته من احد أطفالي وهو من هذا القبيل التائه بين الحقيقة والمحال مستغربا لماذا لا اسمع عن درجات الحرارة في السودان في جميع الفضاءيات في العالم ولماذا لا أجده في قائمة التوقيت العالمي في هاتفي لكي إضبطه عليه لكي استطيع ان اتصل بجدائل قبل ان تنام ويعلم كم ساعة تنام
الفضائية هذه يا سادة يا كرام بالتبرع لن تقام أبذا
أطروحتها للاكتتاب العام بالاسهم حتي يساهم الجميع ويكون لها مجلس مساهمين وتدار بنسبة الأسهم ويكون طاقمها وقوانينها من قبل هيئة المساهمين كما جامعة المغتربين التي لم يفلح التبرع في وضع حجر الأساس لها
وبما انها تخص المهاجرين والأنصار المليونية في الخارج وستقام لحر مالهم يمكنها ان تخدمهم بالطريقة التي تنقصهم في القنوات الأخري ولخدمة أجيالنا الحالية والقادة
اما فضائية بلغة وفكرة اخونا المحترم الاستاذ معاوية فلن تري النور بالكلام المعسول ولانه بصراحة المعارضة واحزابها جميعها وبكل أطيافها لا تروقها الفكرة ولا تشجعها لانها ستعمل علي تعريتها وإظهار الحقائق للشعب في الداخل
اتمني ان تقوم فضائية بالطريقة التي يحلم بها الجميع وبدعم مالي مدروس بالاسهم ولا اكتتاب حتي لا تعتمد علي بسط اليد في قارعة الطريق وتكون عرضة الي الضغوط من قبل البلد الذي ستنشأ فيه اذا ما تحاملت دولتنا علي الامر بطريقة ما وهذا ليس ببعيد ويمكن ان تدخل الكبار لمصلحة معينة اذا تم تمرير أجند تهم في الوطن


ردود على خضر عمر
United Arab Emirates [عباس حسين] 08-17-2012 12:10 PM
والله كلامك صح 100% وما يجى واحد ويحاول يقنعنا بخزعبلاته

United Arab Emirates [Jedo] 08-17-2012 12:46 AM
والله انت قلت المفيد ومسكتهم الدرب العديل يسلم " كيبوردك" على وزن يسلم قلمك


#449542 [بكري الصائغ]
2.88/5 (5 صوت)

08-16-2012 02:14 PM
أخـوي الـحبـوب،

Shah - شاه،

التحيات الطيبات، والسلام العطر لشخصك الكريم، ودائمآ مبادر ياشاه بالزيارة السريعة وبالتعليقات الجميلة،

***- بخصوص الفقرة التي وردت في تعليقك المقدر وقلت:
( وقد إنتبه الأمنجية والإنتحاريون لمشروع القناة ووضعوا أنفسهم فى حالة ّ"ستاند باى" لمحاربتها بكل الوسائل مهما كلفت من مال يدفعه المواطن فى شكل ضرائب و يلهبون به ظهره بالسياط. لذا وجب الحذر والإنتباه لكل مشبوه منهم يظهر مبديا رايا أو متظاهرا بدعم المشروع. وقد بدأوا فى الظهور بهذا الشكل)،

***- والله ياأخ شاه، اصلآ مافاتت علي هذه الملاحظة التي ابديتها، واصبـحت اعرف من طريقة تعليقاتهم او ابتعادهم عن الموضوع الاصلي وعدم التطرق للقناة وللتبرعات من هم وماذا يهدفون!!...

***- بعضهم يحاول فتح مواضيع جانبية بهدف ابعاد المعلقين والقراء عن موضوع القناة،

***- وهم لايكلون من الكتابة والتعليقات... لزوم اكل العيش والمعايش جبارة ياأخ بدر!!


ردود على بكري الصائغ
United Kingdom [خصر عمر] 08-18-2012 03:44 PM
طيب يابكري الصايغ رديت علي الجميع بلغة د مريم الصادق ما خليت لا قريب لا بعيد وولا عبرتنا مصنفنا امنجية كمان؟
بعدين وين الديمقراطية وحرية التعبير وسياسة الاقصا البشتكي منها الجميع والكل يحرض علي موضوع الامنجية وبعدين ما دام بي التبرع كما تنادون حتعرفو الدولار الجاييكم من امنجي ولا وطني كييييييييييف
بعدين الخسران منو؟
عشان كدة قلنا الاسهم و الاكتتاب احسن

Oman [بدر] 08-16-2012 07:05 PM
الاخ بكرى . تحياتى تعليقك الاخير دا خوفنى ( وهم لايكلون من الكتابه والتعليقات لزوم اكل العيش والمعايش جبارة ياأخ بدر!! ) كدى وضح لى الحشرنى انا هنا شنو ؟ ام انت شاكى فينى انا امنجى ؟ .


#449533 [بكري الصائغ]
2.75/5 (4 صوت)

08-16-2012 02:00 PM
١ـ
أخـوي الـحبـوب،
shiekhedrees- شيـخ إدريس،

تحياتي الطيبة، وسعدت بزيارتك المقدمة، وعجبني شديد تعليقك القلت فيه:( هذه القناه اذا تم تدشينها هى من ستنقذ السودان من هذا النظام البائس وهى من ستساعد فى تنمية وبناء السودان فيما بعد النظام)،

***- وبالفعل ياأخ شيخ ادريس، بدون اعلام معارض قوي، وبدون مواقع الكترونية تواكب الاحداث اول باول وتعلق عليها، واخيرآ وبدون قناة فضائية سودانية ناطقة باسم المسحوقيين والغلابي والمهمشيين...يكون عمل المعارضة ناقصآ بشكل كبير،

***- علينا وبكل الطرق ان ندعم هذه القناة التي تأخرت كثيرآ.

-----------------------------

٢-
أخـوي الـحبوب،
سودانى طافش،

السلام والتحايا الحارة، وألف شكر علي زيارتك الكريمة، وعجبني شديد تعليقك القلت فيه:( صدقنى البعض منا أحرق مراكبه من الغبن وأيضاً للحق البعض وأنا منهم تكيف مع الوضع وأقنع نفسه بأن مكانه الطبيعى ليس فى السودان بل هنا ! صدقنى نحن هنا فقط أحسسنا اننا ( بشر ) ولآول مرة! )...

***- اخوي الحبوب، كلنا في الهم شـرق، ومابراك في الاوجاع دي!!...والله يجازي الكان السبب!!

--------------------------------

٣-
أخـوي الحـبوب،
بدر،

تحية الود والاعزاز بالزيارة الكريمة، والتعليق الطيب، وقلت في تعليقك:
(ربنا يعينك ويوفقك , نحن فى انتظار اشارة البدء.ورغباتكم اوامر ياعزيز)،

***- وافيدك ياأم بدر انني زي زيك، لا عندي في العير ولا في البعير، ولاعلاقة لي بالقناة، ولا بادارتها ومكاتبها، علاقتي فقط ومعها التمنيات القلبية بالنجاح والتوفيق، والسداد والرفعة، اشد من ازرهاواقف معها حتي يقوي عودها،

***- انا مثلك ومثل الاخرين في انتظار وان يصلنا رغم حساب القناة وباي البنوك لندفع المساهمات)!!

***- اخوي بدر...احتفظ بدولار لحين فتح الحساب!!

-----------------------------------

٤-
أخـوي الحـبوب،
كوينتراو،

تحياتي ومـودتي الطيبة، والف كر علي الزيارة والتعليق.

--------------------------------------

٥-
أخـوي الحـبوب،
سوداني،

سـلامي الحار الممزوج بالشكر والتقدير علي زيارتك المفرحة، اما بخصوص تعليقك المقدر، فساقوم بتحويله للاستاذ معاوية يس:

(ورونا ارقام حساباتكم المصرفية وحاضريييييييين).


ردود على بكري الصائغ
United Kingdom [خصر عمر] 08-18-2012 05:35 PM
اخي الصائغ تحياتي
ارجو الا تبخسوا للناس أشياءهم وفكرة القناة لسنا غافلين عنها ونحن فكرة كعب منك مش في السودان ومؤهلينا أكاديميا بالتحدث عن الموضوع قانونيا بمؤهل ولا يتفوق علينا مولانا بشي وانما وفوقه كوننا نحمل مؤهلا اعلاميا ومؤهلا تربويا. وادبيا ومؤهلا إداريا ونعرف ان القانون في اوربا مع التشريعات الجديدة البنكية لمحاربة الثراء والاتجار الاجتماعي وغسيل الاموال بطرق مشروعات وانه لن تقوم قائمة للقناة ما لم تكن من خلال قنوات قانونية مؤسسية وحكاية التبرعات في اوربا وانت سيد العارفين يلزمها تصديق ومسموح بها فقط ان تأتي من الخارج او الداخل للمنظمات الخيرية ونحن نعيش بين ظهراني القانون الأوربي والمحلي للبلدان التي نحن فيها
حكاية محبط والكلام الإنشائي هذا لا يليق في هذه السانحة ولا يحق لك ان تقول ما تشاء فيما اطرح فانا واحد من هؤلا الذين تناديهم سواء ساسة او نشطاء او مواطني مهجر وما طرحته هو الذي سيكون وسيحدث ان أردتم الي قناة فضائية ان تولد. إليك الاخ الهاشمي والمستقلة أساله هل تقوم قناة تخدم سياسيا علي موضوع التبرع؟
من المراقب ومن الجهة الفاحصة لي التبرعات وماهو المشروع الخيري الذي يقوم عليها لان قانون التبرع في اوربا فقط لأعمال الخير والكوارث وليس لإنشاء إذاعات او قنوات فضائية ولو القانون يسمح بذلك اتحداك ستمنع غداً عن قناة تلفزيونية وإذاعية باسمي لا تخالنا هلافيت ولدينا من الخبرة والدراية لعمل دراسة حدوي وقانون اداري ونظام مؤسسي في ظرف ساعات ولا تحتاج كل هذا الزخم مولانا برتب ومولانا بجهز المولانات علي قفا من يشيل وبي الآلاف ومولانا لا يعرف بواطن القانون في اوربا مثلما نحن فيها ودرسناهو هنا وهناك
فأرجو أهي الصائغ ان تأخذوا الامور بمؤسسة وليس تعاطف وتهافت سياسي السياسة عملت لينا مرض من كترة تداولها إياها وأقل آمنا حفت من كثرة العويل علي الوطن والمواطن ونعرف تماماً اهمية وحود قناة فضائية تربطها وأسرنا وابناءنا الذين تاهو بين توجهاتنا ومغالطاتنا ومقارعتنا لبعض ان لم ترق فكرة إحدنا الي الاخر دون تؤخ الدقة والتحري عن من أطلي بالاقتراح او الفكرة وفي النهاية هي كذلك من أخذ بها اهلا ولم لم ياخذ بها فسهلا ولكننا نحن جميعنا جبلنا علي خالف تعرف وطي فكرتي وفلان ما دخلو فيها.
يا أهي لافكرة يمكنها ان تخرج الي الملأ بمشروع ما لم يتوافق عليها مثلي ومثلك ومن توزع عليها احابيبك
ما هكذا تورد للإبل اخي بكري ولابد من الاعتراف بالرأي والرأي الاخر ولا تكون الشغلانة. حكرا علي مجموعة
وأقولها لك وانت في اوربا سوف لن يفتح لك بنكا حسابا ولو شخصي ما لم تكن مستوفيا للشروط. وهي التسجيل اذا كانت مؤسسة او شركة ونظامها الاساسي يودع ليبين نشاطها والنشاط يحتاج تراخيص وعدم اعتراض حتي المبني الم منوي استغلاله لابد من عمل بتيشن ولمدة الاعتراض المسموح وللعلم للجمعيات الخيرية قانونها لا يسمح لها بمزاولة العمل التجاري لغايات الربح الا بشروط ومن ثم القناة الفضائية بها قسم تجاري للإعلان والنشر وليس ضمن شروط اي هيئة خيرية ان تنشئ قسما تجاريا فالموضوع ليس بهذه البساطة.
فأين دراسة الوحدوي لمشروع قناتكم هذا؟ ومن عمله؟ ومن جهزه؟
فاقتراحي يا اخ بكري ان لم روقك فهو الأنسب ونحن في المهجر سبب هجراتنا المعارضة ومن تعاقب علي الحكم منها ومن يهادن وبغازل منها كل هؤلاء هم الذين إطالوا ويطيلون في معاناتنا


#449517 [بكري الصائغ]
2.88/5 (5 صوت)

08-16-2012 01:31 PM
١ـ
أخـوي الـحبـوب،
مواطن،

تحياتي ومودتي لك يامواطن يانشيط فانت لاتكل ولاتمل من الزيارات حاملآ معك في كل مرة الجديد والمفيد، واشكرك علي تعليقك المقدر الذي قلت فيه:( أهم شئ الاسراع في الموضوع وسباق مع الزمن فكل دقيقة محسوبة من عمر الوطن)،

***- باذن الله تعالي ياأخي مواطن سنري هذه القناة قريبآ، وكل مايأمله الاخوة بادارة القناة وان ينتهوا سريعآ من الاجراءات القانونية لتاسيسها، والتبرعات التي هي عصب حياة القناة.

-----------------------------------
٢-
اخـوي الحـبوب،
الله أكبر على الظالم،

تحية الود والشكر علي الزيارة والتعليق الجميل،

وصلتني ثلاثة رسائل من اخوة اعزاء يسألون فيها عن رقم الحساب لارسال مساهماتهـم...

***- الكرة الأن في ملعب معاوية يس!!


#449510 [بكري الصائغ]
3.25/5 (5 صوت)

08-16-2012 01:11 PM
١-
أخـوي الـحبـوب،
الاقرع النزهى،

تحياتي ومودتي الصادقة، وسررت بزيارتك بعد طول غياب، ولاحظت من العلم السوداني انك بتكب من السودان ، وفهمت علي الفور ليه زياراتك كانت قليلة،

***- وحتي ولو قامت النظام الفاسد بحجب (الراكوبة) التي سببت لهم القلق وكشفت فسادهم، فان فهذا يعني انهم يعيشون الخوف والهلع من كميات الحقائق التي تكشفت بفضل المواقع الالكترونية،

***- سررت والله ياأخي الحبيب بزيارتك، ونتمني من الله تعالي وان يوفقنا ونري الفضائية قريبآ، ويكلل مساعي الاخوات والاخوة بادرة قناة الضمير الانساني بالتوفيق والنجاحات.

-------------------------------

٢-
أخـوي الحـبوب،
nureldin - نورالـدين،

تحية الود والاعزاز بقدومك الميمون، وألف شكر علي تعليقك الكريم ومبادرتك بالمساهمة،

***- اما بخصوص تعليقك الكريم الذي قلت فيه:
( على استعداد فى المساهمة - نرجو فتح حسابات فى الخليج واوربا وامريكيا)...فالتعليق محول للاخ معاوية يس، فهو صاحب الكلمة الاولي في الاقتراح.

----------------------------------------
٣-
أخـوي الحـبوب،

TIGERSHARK -تيقرشارك،

كل التحايا العطرة لشخصك الكريـم، وسعدت بالزيارة الكريمة والتعليق المقدرة،

***- وصلتني عدة رسائل من اخوات واخوة اعزاء يقيمون بدول الشتات، ويستعجلون مني فتح الحساب البنكي لارسال مساهماتهم، ومن هنا اناشد الاخ معاوية يس وان يقوم بعمل اللازم تجاة فتح هذا الحساب باسرع فرصة، واذا كانت هناك معوقات قانونية رجاء ان يقوم بتوضيحها للقارئات والقراء الاعزاء،

***- يقول المثل المعروف:( اطرق الحديد وهو ساخن).

----------------------------------

٤-
أخـوي الـحبـوب،

خالد حسن،

تحية الود والسرور بقدومك الميمون وطلتك البهية، وبتعليقك الكريـم الذي بدأته ب( ياخي نحن صوتنا بحا عديل عشان الفضائيه دي)!!..وهل تصدق ياأخ خالد، انه وفي عام التسعينيات ناقش السادة المسئوليين عن (التجمع) الوطني المعارض (وقبل ان يغتال غدرآ) في القاهرة انشاء محطة فضائية، الا ان الاقتراح اجهض بسبب رفض محمد عثمان الميرغني الفكرة من اساسها، وكان البروفسيير الراحل اسامة عبدالرحمن النور هو صاحب الاقتراح وقتها!!...

***- يعني لو كانت القناة دي من الوقت داك موجودة وشغالة، كانت سياسات الانقاذ اتغيرت كتير، ولكن نقول وعندنا في المعارضة امثال الصادق المهدي، والميرغني، والترابي?!!

---------------------------------
٥-
أخـوي الـحبـوب،

mohame Ahmed- مـحمد احـمد،

سـلامي الحار لشخصك الكريـم، وسعـدت بالزيارة الكريمة، وبالاقتراحات المقدرة التي تضمنت في تعليقك الجميل، وعليه، ساقوم مرة اخري ببثه، املآ وان يجداذانآ صاغية:

/ فقبل أن يفكر معاوية وخلافه لقد قمت بمخاطبة عدة اخوة بأمريكااننا اذا نجحنا في جمع 50 دولار من كل قادر بالولايات المتحدة ستكون كافية لانشاء قناة والان لما جد الجد من الاخ معاوية فالمشكل يحب أن ينظم القائمين بأمر هذه القناة بتعيين مناديب بمختلف المدن وتكوين لجنة من الثقاة لفتح حساب لوضع ما يجمع من أموال فيه أتمني أن يقوم الاخوة بأمريكا وكندا لتكوين مناديب ثقاة لجمع التبرعات وأنا علي ثقة من أن الجميع جاهز للدفع/.


#449507 [ادروب شراب الروب]
3.25/5 (5 صوت)

08-16-2012 01:02 PM
استاذي العزيز بكري الصايغ كل عام وانت بخير
نتمني من لله ان يأتي العيد والسودان خالي من الكيزان تلك الكائنات العجيبة تجار الدين واكلي ا لسحت او الابالسة اخوان الشياطين..

اكد لك انا ومن معي من الشباب جاهزين تماما للمشاركة بمشروع الفضائية

عاش السودان حرا ولانامت اعين الكيزان


#449477 [الشايل المنقة]
3.50/5 (4 صوت)

08-16-2012 11:54 AM
...اعتقد لواصحاب المبادرة على امر القناة اعلنوا عنها فى احدى قنوات لندن الناطقة بالعربية افضل للذين لا يدخلون النت وهم كثر , قناة الحوار نموزج,لانها تم تأسيسها من صحفيين مقيمين فى لندن وخبرتهم ممكن تساعد ,وباب التبرعات يمكن ان يكون على الهواء ايضا.


#449455 [Shah]
2.75/5 (5 صوت)

08-16-2012 11:05 AM
صباحك نور أستاذ بكرى:
ودائما همك الوطن بمقالاتك و مبادراتك. وهذه واحدة منها تشكر عليها.
وقد إنتبه الأمنجية و الإنتحاريون لمشروع القناة ووضعوا أنفسهم فى حالة ّ"ستاند باى" لمحاربتها بكل الوسائل مهما كلفت من مال يدفعه المواطن فى شكل ضرائب و يلهبون به ظهره بالسياط. لذا وجب الحذر و الإنتباه لكل مشبوه منهم يظهر مبديا رايا أو متظاهرا بدعم المشروع. وقد بدأوا فى الظهور بهذا الشكل.
والدولار الواحد هو ثمن كوب شاى أو فطيرة صغيرة ولكن سيعمل عمله إن جاد الإخوة به أو بأضعافه.
والصبح قريب مهما طال الليل.


ردود على Shah
United Arab Emirates [فلفل اخضر] 08-16-2012 12:26 PM
والله ولا شغالين بالفارغة


#449453 [سوداني]
3.16/5 (6 صوت)

08-16-2012 11:03 AM
ورونا ارقام حساباتكم المصرفية وحاضريييييييين.


#449444 [كوينتراو]
3.25/5 (5 صوت)

08-16-2012 10:53 AM
بالنسبة الاخ العايز يتبرع بزكاتة لصالح الفضائية ــ الزكاة حق شرعي ويجب ان تُعطى لانسان ــ وهناك فرق بين الصدقة والزكاة السنوية وزكاة الفطرة ــ الفضائية نتبرع لها من حر اموالنا ــ ولا نخلط بين التبرع والزكاة ــ زكاة الفطرة لايمكن التبرع بها لعمل خيري او بناء مسجد وانما تعطى لانسان فقير ـ ونسبة الفقر في السودان 90%


#449431 [بدر]
3.50/5 (4 صوت)

08-16-2012 10:36 AM
الهميم ود الصائغ ,,, كل سنة وانت طيب , ربنا يعينك ويوفقك , نحن فى انتظار اشارة البدء . ورغباتكم اوامر ياعزيز.


#449415 [كسرة مرة]
3.50/5 (5 صوت)

08-16-2012 09:35 AM
عدد مبالغ غير صحيح بالمرة


#449409 [سودانى طافش]
3.25/5 (5 صوت)

08-16-2012 09:17 AM
أعجبتنى ( نتزايد ونتكاثر ونتناسل ) دى شديد ياأستاذى .. صدقنى البعض منا أحرق مراكبه من الغبن وأيضاً للحق البعض وأنا منهم تكيف مع الوضع وأقنع نفسه بأن مكانه الطبيعى ليس فى السودان بل هنا ! صدقنى نحن هنا فقط أحسسنا [اننا ( بشر ) ولآول مرة !


#449407 [shiekhedrees]
3.50/5 (5 صوت)

08-16-2012 09:15 AM
القناه الفضائيه هى التى ستجذب الكتله الحرجه والأغلبيه الصامته....حتى يكون لهم دور فى الحراك الوطنى....ستساهم الفضائيه فى تنقية الحياه السياسيه والاجتماعيه...تساعد القناة فى ابراز الكفاءات السودانيه والتى سيكون لها دور رائد فى الحياه السياسيه والاجتماعيه والاقتصاديه
هناك الكثبر من الكفاءات التى لا يعلم عنها أحد.
حقيقه هذه القناه اذا تم تدشينها هى من ستنقذ السودان من هذا النظام البائس وهى من ستساعد فى تنمية وبناء السودان فيما بعد النظام.


#449381 [الله أكبر على الظالم]
1.63/5 (6 صوت)

08-16-2012 07:25 AM
جاهزين بس متى سيكون الخلاص من سدنة الغطاس وهذا هو المهم .


#449380 [مواطن]
2.88/5 (5 صوت)

08-16-2012 07:23 AM
أستاذ بكري .... بعد التحية ... أهم شئ الاسراع في الموضوع وسباق مع الزمن
فكل دقيقة محسوبة من عمر الوطن .... ويا الكيزان دوار يا زمن ..
فقط نريد رقم الحساب .... وستنهال التبرعات بكثافة ...
ولا أعتقد أن الشرفاء سيبخلون ...
قال تعالى : ( ومن يبخل فانما يبخل عن نفسه ) صدق الله العظيم ..


#449371 [mohame Ahmed]
2.25/5 (5 صوت)

08-16-2012 06:57 AM
الحبيب بكري رمضان كريم فبل أن يفكر معاوية وخلافه لقد قمت بمخاطبة عدة اخوة بأمريكااننا اذا نجحنا في جمع 50 دولار من كل قادر بالولايات المتحدة ستكون كافية لانشاء قناة والان لما جد الجد من الاخ معاوية فالمشكل يحب أن ينظم القائمين بأمر هذه القناة بتعيين مناديب بمختلف المدن وتكوين لجنة من الثقاة لفتح حساب لوضع ما يجمع من أموال فيه أتمني أن يقوم الاخوة بأمريكا وكندا لتكوين مناديب ثقاة لجمع التبرعات وأنا علي ثقة من أن الجميع جاهز للدفع


#449335 [خالد حسن]
3.13/5 (5 صوت)

08-16-2012 04:55 AM
استاذ بكري سلامات ياحبوب ياخي نحن صوتنا بحا عديل عشان الفضائيه دي
ومستعدين نتبرع بمية استرليني ولو قلتوا اشتراك شهري معاكم بس افتحوا لينا الباب وحركوا المياه شويه
لانه حار بينا الدليل من يوم قال الاستاذ معاويه انه الموضوع وضع امام مولانا سيف الدوله لوضع الاطار القانوني للقناة
من ديك وعييك .. لغاية ماظهر موضوع تاني لقناة اخري شوش علي الناس لانه صاحبه قال للناس انه قناته ماعندها علاقه بالمشروع القايم بيه استاذ معاوي ومولانا سيف الدوله
وانت عارف الناس واضعه ثقه كبيره في الاستاذيبن فياخي لو عندم بيهم اتصال بلغهم تحياتنا وخليهم يورونا الحاصل شنو عشان مايجوا ناس تبع النظام يسرقوا الجهد ويشرونا الترام
وتكون الثقه في اي عمل جاد ضاعت سدا .. الصمت ماحبابه


#449326 [TIGERSHARK]
3.75/5 (5 صوت)

08-16-2012 04:38 AM
Speaking of myself, i am willing to pay (not donate) any amount of money that i can afford, because in my opinion fight against KEZAN is absolute holy duty, i just wait for the green light


#449315 [بكري الصائغ]
3.75/5 (5 صوت)

08-16-2012 04:07 AM
أخـتي الـحـبوبة،
سومي العسل،

تحياتي ومـودتي، وسعدت والله كتير بزيارتك المفرحة، وبتعليقك زي العسل بالطحينة، ونأمل باذن الله ان تنجح اللجنة المكلفة بتاسيس القناة الجديدة في عملها، وان يكون عندها التمويل الكامل من خلال التبرعات التي نامل ايضآ وان تجمع المال الكافي، ولا اعتقد ان مبلغ دولار واحد سيشكل صعوبة او عقبة عن المتبرع،

***- هناك بالطبع اقتراحات كثيرة للمساعدة في انجاح وتسريع بدء القناة، ولكن كل هذه الاقتراحات لها علاقة بالمال الذي هو اصلآ المحرك لكل شئ،

***- واخيرآ، نامل ان تتجمع لدي الادارة المشرفة علي تاسيس المحطة مبلغ ٣ مليون دولار علي الاقل حتي نهاية سبتمبر ٢٠١٢، ان لم يكن قبلها.


#449312 [nureldin]
3.50/5 (4 صوت)

08-16-2012 03:57 AM
على استعداد فى المساهمة - نرجو فتح حسابات فى الخليج واوربا وامريكيا


#449306 [بكري الصائغ]
2.25/5 (4 صوت)

08-16-2012 03:46 AM
أخـوي الـحـبوب،
كوينتراو،

تحيـة الود والاعزاز بقدومك المفرح، وبتعليقك المقدر، ولكن اود ان اوضح لك ان رقم ال١٠ مليون سوداني بالخارج ليس من عندي، وانما- وبحسب ماكتبت في المقال- هو رقم بث في عدة مواقع تهتم بالشأن السوداني!!

***- انا شخصيآ علي قناعة شديدة بان الرقم صحيح، اذا ماوضعنا في الاعتبار عدد السودانيين بالمملكة العربية السعودية، وباقي دول الخليج، واليمن،

***- وافيدك علمآ بانه في مصر وحدها يقطن ثلاثة مليون سوداني، وباريتريا ٢٥٠ الف سوداني!!،

***- ليبيا الان بها اكثر من ٢٥٠ الف سوداني ايضآ،

***- وقبيل الانتخابات الاخيرة لرئاسة الجمهورية، قامت الحكومة في الخرطوم بعمل حصر للسودانيين بالخارج والذين يحق لهم التصويت، ونجحت عمليات في السعودية ودول الخليج ومصر، وفشلت في اوروبا واميريكا، وبعدها اكدت اللجنة المكلفة بحصر السودانيين قد فاق ال٢مليون شخص بالدول التي تم فيها الحصر،

***- كم عددالسودانيين في استراليا?!!،
***- وكم عددهم في نيوزيلندا، وكندا، واميريكا?!!
***- بعض السودانيين يطلقون علي لندن اسم (امـبدة) لكثافة السودانيين فيها!!

***- اخوي الحبوب كوينتراو، عاوزين منك دولار!!


#449301 [الاقرع النزهى]
3.75/5 (4 صوت)

08-16-2012 03:26 AM
احييييييك المناضل بكرى.....ربنا يكلل الجهود بالنجاح.....زمن طويل لم نقرا لك .....والراكوبة عموما افتقدنا كثيرا بسبب الحجب فى الفترة السابقة......نرجو ان تكلل مساعى القناة الفضائية بالنجاح بجهد الجميع......


#449299 [بكري الصائغ]
2.88/5 (5 صوت)

08-16-2012 03:24 AM
روابـط لها عـلاقة بالـموضـوع:
****************************
١-
بدأت مقاومة النظام لفضائية
الضمير السوداني المستقل..
طبيب "جبهجي" يصف المنادين بإنشاء
قناة الثورة بأنهم عملاء ومرتزقة!
http://www.alrakoba.net/news-action-show-id-62949.htm

٢-
عاجل:
فضائية الضمير السوداني تطلب
دعم خبراء تقنية المعلومات...
http://www.alrakoba.net/news-action-show-id-63744.htm

٣-
فضائية المعارضة
السودانية الامكانيات والمعوقات ...!!!
http://www.alrakoba.net/vb/t120738.html

٤-
فضائية الضمير السوداني المستقلة...
خطوات في طريق الألف...
https://twitter.com/AlrakobaNews/status/219935751146713088

٥-
جديد قناة الضمير السوداني...
http://www.sudantodayonline.com/news.php?action=show&id=6872


#449294 [بكري الصائغ]
3.00/5 (5 صوت)

08-16-2012 03:09 AM
أخـوي الـحـبوب،
fatmon - فاتـمون،

تحياتي ومودتي الطيبة، وسعدت بزيارتك ياأول المتبرعين، ودولارك الكندي علي اليورو بتاعي عملوا اتنين،

***- وبالطبع نتوقع الكتير من الدولارات الاميريكية... واليورو الاوروبي...والدولارات الكندية ...والريالات السعودية ...والفرنكات الفرنسية...والروبلات الروسية...والين الياباني.

باذن الواحد الاحد.


#449293 [سومي العسل]
3.41/5 (6 صوت)

08-16-2012 03:05 AM
والله يا أخ بكري ما طلبت شيء .. غالي والطلب رخيص ..
أبشر بعزك .. وللأمام .. ونحن معكم ..


#449288 [بكري الصائغ]
3.10/5 (6 صوت)

08-16-2012 02:52 AM
وصلتني رسالة لطيفة من أخ عزيز يقيم في برلين يشارك بها في موضوع التبرع بدولار لقناة الضمير السوداني، قال فيها:

( مفروض علي كمسلم وادفع ماعلي من زكاة الفطر، ولكن المشكلة لمنو ادفع?!!..حتي الجوامع في المانيا مابقت تجمع فلوس الزكاة علي اعتبار لمنو يدوها بعد داك?!!..الناس هنا في المانيا ماكلة وشاربة لابسة ومافيها زول ماعنده بيت ولا بنوم جعان!!، والمسلم في المانيا اصلآ ماعنده مشكلة في معيشته، فالدولة مكفلة له نفس الضمانات الاجتماعية التي تمنحها للالمان،

***- ولو المسلم ده فقير ومقطوع من شجرة، الدولة مسئولة عنه مسئولية تامة، وتسكنه وتدفع له ايجار السكن ، والتدفئة، ومصاريف الاكل واللبس، ومصاريف الاولاد بالمدارس،

***- بعد المقدمة دي الانت عارفها ياعمي الصايغ، عاوز اقول، ليه مانتبرع بفلوس الزكاة لقناة الضمير الانساني?!!..

***- اها قلتو شنو ياناس?...مش فكرة وجيهة تستاهل التآييد?!!


#449287 [كوينتراو]
3.72/5 (8 صوت)

08-16-2012 02:44 AM
لا اتفق معك ان تعداد السودانيين يفوق ال10 مليون هذا الرقم مبالغ فية ـ فانا تجولت في عدة دول اوربية ـ بعض الدول تكاد تخلو من السودانيين ـ اعطكيم بعض الاحصائيات مقارنة مع بعض المهاجرين 1/ السويد ، 200 الف عراقي ــ 20 الف صومالي 5 الف اريتري 3 الف حبشي وحوالي الف سوداني فقط السودانيين اقل عدداُ ـ ايطاليا نصف مليون مصري في مدينة ميلانو فقط مقابل 500 سوداني فقط ـــ يتواجد السودانيين بكميات كبيرة في دول فقيرة ـــ مصر ولبنان وتركيا واليونان ــ هؤلاء لا يستطيعوا ان يساهموا في الفضائية لانهم متواجدون في دول فقيرة ـــــ احصائيات اللاجئين في اوربا -- يعتبر السودان من اقل الدول هجرة مقارنة بالدول الاخرى


#449281 [fatmon]
2.88/5 (7 صوت)

08-16-2012 02:20 AM
we are all ready go a head


بكري الصائغ
بكري الصائغ

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة