المقالات
السياسة
ارشيف مقالات سياسية
سيدى مك الملك بماجستيرك: البنط فى القصر ما بتغلبوا حيطة الجامعة
سيدى مك الملك بماجستيرك: البنط فى القصر ما بتغلبوا حيطة الجامعة
08-27-2012 10:28 AM


سيدى مك الملك بماجستيرك: البنط فى القصر ما بتغلبوا حيطة الجامعة

الزين عثمان

الشريعة تناقضات (النص والتطبيق) (الخطاب والكذاب) (الفاروق والخازوق)
23 سنة شريعة والنتيجة ماجستير للمشير من مركز تابع لجامعة الجزيرة
سيدي مك البلد بماجستيرك
قالوا العلم ممحوق كتر الفهم ما بحوق
يا مك والله حيرت الحروف عديل وغلبني كتر علي ماجستير في الشريعة عديل كدة
هسة دي ما الدغمسة ذاتا
سؤال اول انت يابا عندك شهادة ثانوية ؟ اه هو البنط في القصر ما بتغلبوا حيطة الجامعة
«تحديات تطبيق الشريعة في المجتمعات المعاصرة) كدة وضحت العساكر ديل ما ناس بيان بالعمل ساكت
استفسار تاني
منو القال انه الشريعة رسالة ماجستير ؟ هي العدل السلام الحرية الشوري الامانة النزاهة والشفافية والمساواة هي مجمل الانسانية (وفاقد الشئ لا يعطيه)
فصول البحث تلتقي وفصول ماساة الوطن
الفصل الاول قتل النفس التي حرم الله الا بالحق
(دارفور النيل الازرق جنوب كردفان كجبار ضباط 28 رمضان الجنوب الراحل الي حال سبيله) نماذجا
الفصل التاني أكل اموال الناس بالباطل
(بيت كافوري وشقة الطائف وفيلا مدينة النصر ومزرعة السليت) الشريعة ليها بالظاهر وما خفي اعظم
وتحته طوالي نهديك المشاعر وتخون الامانة
الفصل التالت
الاسلام بين الفعل والكلام
والله لو سرقت فاطمة بنت محمد لقطع محمد يدها واذا سرق فيكم الشقيق افتتحتم له منشاءت البلد ولو سرق الوزير زدتم له الدنانير وعطلتم قانون من اين لك هذا ولكم نسبة في الذي له
المرفقات
ارقام الفساد المتطاولة عمارات الوزراء ارقام الحسابات في البنوك القناطير المقنطرة من الذهب والفضة ملذات الحياة الزوجات الاربعة والسكرتيرة ام سديرا فائر ووزير الدين البياكل قروش الحجاج والبنتهك العرض
اطفال المايقوما والحرة التي صارت تأكل من ثديها واثداء الفقراء المحلوبة بجبايات حكومتكم واكوام الشحادين والنهابين وكل منتجات تطبيقات مشروعكم الحضاري .
سؤال ما قبل الخاتمة والتوصيات .
انت قروش الماجستير دي دفعت الدولة في عهد تقشفها ولا ادوك ليهو منحة ؟
تعليق هيئة الاشراف الذي لن تستطيع النطق به
(يجاز البحث علي ان يلتزم الطالب بقرن القول بالفعل فالايمان هو ما وقر في القلب وصدقه العمل) ويمنح المشير الماجستير لترافق الالقاب الاخري ريئس الجمهورية والقائد الاعلي للقوات المسلحة رئيس المؤتمر الوطني وراعي ثورة التعليم العالي وراعي الرياضة وراعي الصحة وراعي الثقافة .
مبروك يا مك بس ما وريتنا التخريج بمنو ؟؟
الدكتوراة موضوعا محسوم في جامعة لاهاي .
سؤال اخير انت قصة استقالة الليل يمحوها القرار عندها علاقة بالاحتفال بالدرجة العلمية الجديدة ؟
صحي بتاع هيئة الكوارث دكتور والمتعافي كذلك
اخر حاجة
واحدة شاذ عندوا دكتوراة قال دة اسمه (ماجستطير)


تعليقات 10 | إهداء 0 | زيارات 2585

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#455984 [واحد كده]
0.00/5 (0 صوت)

08-28-2012 06:29 PM
بدء نهنئي رئيسنا المفدى فخر الأمة وحامي بيضتها على النجاح الباهر بحصوله على درجة الماجستير، نسأل الله ان ينفعنا بعلمه انه ولي ذلك والقادر عليه.
يقول الماوردي في الأحكام السلطانية معددا شروط الحاكم: أن يكون قرشيا( ولا أدري ان كان لاهلنا الجعليين صلة بقريش أم لا، أفتوني في أمري). 2- أن يكون فقيها مجتهدا، ولله الحمد والمنة فرئيسنا الهمام حاصل على الماجستير في الشريعة الاسلامية وبذلك يكون قد امتلك ناصية الافتاء والاجتهاد في احكام الشريعة الغراء( هو الماستر في شنو بالضبط؟ شرع الله واسع وكدة)3- أن يكون شجاعا مقداما، وطبعا في دي مافي كلام فرئيسنا قائدا لجيش الامة، وصال وجال في ساحات الوغى، والاكتر من كده اتحدى العالم باكملو وتفه اوكامبو نسوان لاهاي وقال انو جذمته اخير من اوكامبو. وباقي الشروط طبعا مافيها كلام: الاسلام مكتمل، الرجولة دونكم السيدة الاولى والأخرى. الف مبروك يا ريس وعقبالProfessorship


#455469 [الزين عثمان]
5.00/5 (1 صوت)

08-28-2012 02:53 AM
يا جماعة ما تشيلوا حال جامعة الجزيرة دي مركز اتصالات جنبها وكمان ما تنسو ان المك هو الراعي الرسمي لثورة التعليق العالي يعني الماجستير دة ماخده من بقالة تابعة ليهو وسيبوا الحسد يعني بدل يحكمنا عسكري بيور بقي عسكري وبماجستطير شريعة كمان


#455353 [سم زعاف]
0.00/5 (0 صوت)

08-27-2012 10:20 PM
والله يالزين أخوى هذه تحفة أدبية يجب أن تعلق في أستار الكعبة حتى يقرأها التيس الجخس عندما يعتمر للمرة الألف ومية. أنا أقترح أن تمنحك جامعة الجزيرة إذا عندها دمدكتوراه على طول وبدون لف ودوران. الشكر لك أبهجتنا بهذه الروعة.


#455269 [بيكو]
0.00/5 (0 صوت)

08-27-2012 08:04 PM
روووعة يا الزين الله يفرحك ويفش غبينتك قلم رصاصة


#455240 [محمد مى]
0.00/5 (0 صوت)

08-27-2012 07:11 PM
كيف الحرامى والذى يحمى باقى الحرامية معة فى الحكومة يأخذ ماجستير فى الشريعة هل هذة نكتة حتى الكوسة وصلت الى التعليم مثل الدكتورة التى أخذتها سوزان مبارك عية العوض وصمة عار فى جبين جامعة الجزيرة


#455228 [حليم-براغ]
0.00/5 (0 صوت)

08-27-2012 06:55 PM
ده ماجستير تخصص شريعة الغابة..مش شريعة رب العباد..رب العباد شرعتة واضحة مافيها قتل وإغتصاب وسرقة وتجوع شعب طيب بقوة كلاب أمن النظام والدفاع الشعبي ..عقبال شهادة الدكتوراة في الخنث والعهر..يامجرم


#455048 [ابو كريم]
5.00/5 (1 صوت)

08-27-2012 03:04 PM
جامعة الجزيرة والله جبتى العار لي نفسك ومرمطي سمعتك في الطين,,!!


#455019 [الشيخ]
5.00/5 (1 صوت)

08-27-2012 02:39 PM
معقول ياريس خجلتنا ياجاهل


#454920 [قفة بلا أضان]
5.00/5 (1 صوت)

08-27-2012 01:08 PM
هانت


#454878 [سودانى وطنى جدا اكثر من نافع]
5.00/5 (1 صوت)

08-27-2012 12:15 PM
ماجستير وفى الشريعة كمان؟؟؟ والله السودان بلد العجائب؟؟ الشريعة العمل فيها ماجستير دى طبلق شنو منها على نفسه واهل بيته؟ مسخرة ومهزلة فى سودان البشكير


ردود على سودانى وطنى جدا اكثر من نافع
Saudi Arabia [هبار] 08-27-2012 09:05 PM
وهو يعني الماجستير بتعني شنو في ظل جامعات إبراهيم أحمد عمر الوهمية دي؟ ما أي واحدة بتاعت شاي في السودان يمكن تتسجل لدرجة الماجستير، أو جتى للدكتوراة إذا عندها خمسةأو ستة مليون. الجامعات تلهث وراء المادة لسد إحتياجاتها بعد عجز الدولة عن ذلك، أما النواحي العلمية، فقد أصبحت في خبر كان. ويا حليل الماجستير، بل حتى يا حليل البكلاريوس في زمن التعليم الم كضب قبل إنقلاب التدمير.


الزين عثمان
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة