المقالات
مكتبة كتاب المقالات والأعمدة
محمد عبدالله برقاوي
اضراب نساء (توجو) هل يجبر رئيسنا على الاستقالة ؟!
اضراب نساء (توجو) هل يجبر رئيسنا على الاستقالة ؟!
08-28-2012 07:21 PM

اضراب نساء (توجو) هل يجبر رئيسنا على الاستقالة ؟!

محمد عبد الله برقاوي..
[email protected]

image

المحامية ايزابيل اميجانقي..زعيمة الاضراب !

خبر طريف جدا حملته وكالات الأنباء يقول بالمفتشر الصريح والتفصيل المريح ، أن النساء في دولة توجو الأفريقية قررن الدخول في اضراب مفتوح ليس عن العمل في المطبخ أو المكاتب ولا عن الطعام كما هو معروف ، ولكّن عن معاشرة ازواجهن جنسيا وذلك لاجبارهم على الخروج لاسقاط رئيس البلاد..
السيد/ فوريه جناسينجبي أو اجباره على الاستقالة وهو الذي ورث الحكم منذ عدة سنوات عن والده الراحل !
وقالت السيدة/ ايزابيل اميجانقي المحامية وزعيمة المعارضة النسائية ، أنه اسلوب ناجع سبق أن اتبعته نساء دولة ليبيريا ..والتي حكمتها بعد ذلك سيدة هي من نالت جائزة نوبل للسلام اقتساما مع سيدتين آخريين من اليمن وكينيا كما هو معروف !
و لكّن الأطرف من الخبر كانت تعليقات ظرفاء القراء في احدى الصحف المصرية التي أوردته في مكان بارز!
فمنهم من قال ، هي دي النسوان ولا بلاش .و هناك من استنجد بالعلماء لمعرفة رأى الشرع في أن تتحكم الزوجات بصرف أو منع ( العنكوليب) عن الأزواج واتخاذ ذلك الأسلوب وسيلة ضغط لاحراز مكاسب سياسية أو غيرها !
ولكن أطرف التعليقات كان من قاريء عفريت ، جاء فيه أن الرجال هم من سيكون الأكثر سعادة بهذا الاضراب الذي سيخلصهم ولو كاستراحة مؤقتة من كتابة واجب القراية أم دق المنزلي!
والسؤال هو ، هل سيحقق هذا الاضراب نتيجة ويؤدى الى اسقاط رئيسنا لو أضربت النساء في السودان لذات الغرض بمن فيهن حريم الرئيس واللائي سيكون هدفهن الأساسي على خلاف مقصد بقية النساء المضربات وهو أن يبعد المشير الزوج عن السياسة ويتفرغ لبيوتهن الاثنين هذا اذا ما قيض الله له فرصة الفكاك من البيت الثالث في لا هاى !
ولكّن أحد المساخيط من أصدقائي اقترح وهو يكاد يفطس ضحكا من طرافة الخبر.. والعهدة على شيطانه صاحب الفكرة طبعا وليس أبو الأباريق وكفي الله المؤمنين شر الزعل والعتاب وحتى القتال !
قال لي وهو يمسح دموعه ، انت لو كنت عايز الأضراب ياتي بنتيجة سريعة عندنا في السودان !
لماذا لا نجرب العكس ، بان يضرب الرجال المتخاذلون عن المظاهرات والمهدود حيلهم من قرف المعيشة عن فراش معاشرة الزوجات وساعتها ستخرج النساء للتظاهر بالملايين ولن يمضى اسبوع الا وستجد النظام كله ساقط من فراش الحكم الى فراش العزاء بعد الذهاب الأبدي الى مقابر النفايات !
وأضاف قائلا بخبث ودهاء ‍!
و كما يقول المثل ..
لن يأتي بها هذه المرة الا حريمنا ..!


تعليقات 13 | إهداء 0 | زيارات 1948

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#461201 [شوننتود]
0.00/5 (0 صوت)

09-04-2012 10:52 PM
متعك الله بالصحه والعافيه ياود البرقو كلامك خطير جدا ونحن لا حنلقى حريمنا ولا ريس يحن علينا


#457365 [مدبرس]
0.00/5 (0 صوت)

08-30-2012 12:39 PM
نسوان توجو ديل ح يشربن أكبر مقلب، هسي الل في الصورة دي معقول راجلها يحقق ليها مطالبها عشان ترفع الاضراب ! أكيد ما ح يصدق (بركة يا جامع).. وأظن هذا الأمر لا يختلف كثيرا في السودان !!


#456884 [كوكاب]
0.00/5 (0 صوت)

08-29-2012 05:54 PM
ياربي زوجات رئيسنا حيشاركوا في الاضراب؟


#456607 [متابع]
5.00/5 (1 صوت)

08-29-2012 12:19 PM
اصلا" ده الفضل ,,تستنوا النسوان يجيبوا حق البلد دى..ما النسوان عملوا اى حاجه بقت على دى يعنى؟قال رجال قال...بلا هم


#456248 [مراقب]
5.00/5 (1 صوت)

08-29-2012 01:55 AM
لك العافية أستاذ/ برقاوى
ياناس حريمنا الله يديهن العافية ماهن معزروات من المواضيع دى لأنهن مصنفات مع ( أصحاب العاهات )السوو فيهن هين لهن الجنة اللهم آمين .


ردود على مراقب
European Union [Fed UP!!!!] 08-29-2012 05:05 PM
والله أنا كنت عاوز اوصل نفس الرسالة دي ...لكن ماعرفت اعبر...الله يديك العافية اخي المعلق وفعلا المرأة السودانية مشهورة (حتى علي نطاق دولي) انها من أصحاب العاهات (بسبب ماتعرضت له ) !!!!

يعني اساسا حتى لو النسوان اضربوا فالحكاية دي مافارقة مع علي الاقل 95% من نساء السودان !!!!

لهم الجنة كما قلت اخي المعلق


#456145 [جبورة]
5.00/5 (1 صوت)

08-28-2012 10:27 PM
ياريت يعملنها، هو رجال السودان فضل فيهم حيل، الخميس بقى خميسين وتلاتة.. وين مع سلطة الدكوة بالتبش والبصل، طبعاً بدون طماطم أم عشرين.. والله لو عملن كدا نمقلبن جنس مقلب، إلا يقولن التوبة.


#456140 [ود الحاجة]
5.00/5 (1 صوت)

08-28-2012 10:23 PM
في موسم الحر في ناس بيضربوا اضرابا اجباريا نظرا للنوم في الحوش مع العيال

في موسم البرد في ناس بيضربوا اضرابا اجباريا نظرا لصعوبة الغسل بالماء البارد صباحا مع عدم وجود سخانات

في موسم الخريف الواحد يخاف ينزلق و هو ماش يستحم اذا كان الحمام في نهاية الحوش

لم يبق الا الربيع وهو انسب وقت لهذا الاضراب


ردود على ود الحاجة
Sudan [fattah] 08-30-2012 10:59 AM
والله ياود الحاجه بما انو مافى ربيع فى السودان ذى ماانت عارف وكده الجماعه ينومو السنه كلها خاصه انو نسوانا فى اقلب الاحيان الحكايه مش على بالهم للاسباب التاريخيه التى زكرها الاخ المراقب ... لهم ولنا الجنه انشاء الله


#456098 [شاف شاف طلح وسباق]
0.00/5 (0 صوت)

08-28-2012 09:40 PM
طلق كان عندهم طلح وشاف وسباق وحبة خمرة وكركار مابعملن كده


ردود على شاف شاف طلح وسباق
Sudan [المشتهى السخينه] 08-28-2012 11:27 PM
ياخوى انت لسه ما عرست .. بعدين بتعرف كلامنا كويس .شاف وخمره قال .


#456049 [بدر]
0.00/5 (0 صوت)

08-28-2012 08:09 PM
اها قول لى حقّاتنا ديل قالن بضربن متين ؟؟؟ لانو خلاص اتضايقنا من ( الحكومة ) دى !!!!!


#456038 [محي]
5.00/5 (1 صوت)

08-28-2012 07:40 PM
ما كنت أتمنى أن إمرأة واحدة في مظاهراتنا على إعتبار نحن قادرين نجيب ليهم حقهم لكن ما رأيته خرجن وزغنا نحن من مواجهة الرباطة


محمد عبدالله برقاوي
محمد عبدالله برقاوي

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة