المقالات
السياسة
ارشيف مقالات سياسية
هشتكنا وبشتكنا ياريس...والنعمة انت كويس !!!
هشتكنا وبشتكنا ياريس...والنعمة انت كويس !!!
08-29-2012 10:04 AM

هشتكنا وبشتكنا ياريس...والنعمة انت كويس !!!

حسن العمدة
[email protected]


• الى القائد المفدى المشير، امام المؤمنين, القائد الاعلى للقوات المسلحة، راعي كتائب الدفاع الشعبي, الاب الروحي لكتائب البشير الجهادية,رئيس حزب المؤتمر الوطني وحامي الديار من اليهود الاشرار ومانع القوات الامريكية والدولية من ان تطأ ارض الوطن وقائد المسيرة القاصدة الى الله سبحانه وتعالى
• حامل الماجستير في العلوم العسكرية
• وحامل الماجستير في الشريعة الاسلامية
• طبعا ماجستير من غير بكالريوس
• كان عاجب الناس ولاماعاجبها هو كذلك واكثر
• ومتحدي المحكمة الدولية لان الذين قتلوا في دارفور عددهم لايتجاوز 300 ألف مواطن بس..!!
• هذا العدد من القتلى ليس بالحجم الذي يستحق ان تصدر على اساسه مذكرة اعتقال بحق اسد افريقيا والقوي الامين ، سليل العباس وقائد المجاهدين
• كثرت القابه وتعددت صفاته قائدنا ودولتنا وقانوننا وقاتلنا اذا ماطالبنا بحقوق لنا مغتصبة
• كثرة الاسماء تدل على عظمة المسمى فقد كاد ان يقول قائدنا لولا ايمانه وورعه وتقاه بانه على كل شئ قدير
• ايضا كثرة الاسماء تدل على الجنون والغباء للمسمى نفسه
• قائدنا ليس غبي او مجنون ... حاشا وباشا!!
• المذكورة اعلاه هي الاسماء والالقاب المعروفة لدى العامة من الناس في السودان
• اما الصفات فهي اكثر والمهام جسام لرجل بحجم اسد افريقيا بالتوازي مع ملك ملوك افريقيا القذافي (رحمة الله عليه) الذي لقي حتفه دون ان يجدي مايواري به سوئته والعصا في .....!!
• فالقائد هو القانون والسلطة حامي المفسدين هكذا دون حتى تقديم مبررات حتى غير مقنعة عن فسادهم ،
قال مرة مدافعا عن عبقري الكشف بالنظر المنغولي امام نواب البرلمان: ما كلكم سرقتوا يعني شنو هو كان شال ليه شيلة زيكم؟؟
• هو الذي يلغي احكام القانون ويمنع تنفيذها ويصدر قرارات تنفذ هكذا دون ان تتم ادنى دراسة لها او مجرد التفكير في معقوليتها والشعب هو من يدفع ثمن اخطائه
• الشعب خلق ليتحمل اخطاء العباقرة الذين اسهموا في اثراء الكم المعرفي للانسانية بالمزيد من لم يمكننا حتى استيعابه حتى الان
• الشعب لابد ان يعيش فقيرا ...لان الفقراء يدخلون الجنة
• العالم يتحدث عن حقوق الانسان ولكن قائدنا المفدى يتحدث عن سياسة اللادغمسة وعن عروبة في ارض السودان قلب افريقيا النابض الذي انكره العرب في اكثر من موقف ووصفوا اهله بالعبيد في اكثر من محفل ولم يجد من يعينه في حلحلة مشاكله الداخلية التي لاتنتهي سوى الدول الافريقية.
الاتحاد الافريقي قدم للسودان خلال العشرة اعوام السابقة مالم يقدمه العرب للقضية الفلسطينية خلال الستون عاما السابقة وقائدنا المفدى يتحدث عن العروبة وخاله سليل العباس القرشي الهاشمي يتحدث بلسان ابو جهل في دار الندوة عن العبيد والجواري وسوق النخاسة ويتقزز من وجوده مع بني وطنه باعتبارهم لايشبهونه لانه عربي وهم زنوج وعبيد..!!
• هوقائدنا الذي هدد باغلاق انابيب النفط ليأتي بعدها ويتتوسل للحشرات (كما سماهم هو نفسه) لكي يمرروا النفط عبر ذات الانابيب.
• هسي عليك الله كان في داعي من البداية لجنس ده؟؟
• جاع الناس وماتوا من تردي الخدمات الطبية والاوبئة والقصف والقهر والاغتصاب والابادة العرقية والتصفيات الجوية
• ولكن قائدنا اكبر من هذه الصغائر
• الكبير كبير..الكبير قوي
• هشتكنا وبشتكنا ياريس والنعمة انت كويس



تجسد قدامي رجل يلبس ثوب الاسكندر
كان الرجل هو الاسكندر
اسكندر القرن الحادي والعشرين
الى جانبه رجل باهت
شئ كرماد الفكر
لماح النظرة كالصقر
كان الرجل هو الكاهن
كان الكاهن هو القاتل
ورجل آخر املس كالحية
ذو ذقن قيتونية وانف معوج
يصبغ لحيته الشيب
تظرف بلسان الهدهد.:
السيد مشغول
مشغول بالامن
بالجيش الجرار
بالدولار المتدفق في الاسواق
اسواق العالم في القرن الحادي والعشرين

همسة: يا (.....) استعجلوا شوية واهدوا للشعب المغلوب على امره لحظات هنية

ويبقى بيننا الامل في التغيير دوما,,,,,,,,,,


[email protected]


تعليقات 4 | إهداء 0 | زيارات 2094

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#460690 [عمر جابر]
0.00/5 (0 صوت)

09-04-2012 10:16 AM
ردود بالجملة على الردود:

يا ود العمدة في ذلك الزمن حتى جامعة الخرطوم كانت تقبل الناس من غير شهادات. لأنه لو رسبت في اللغة العربية أو الدين – التربية الإسلامية كما يسمونها الآن- لا تمنح شهادة سودانية. لكن يمكنك دخول الجامعة إذا كان البوكسن بتاعك عالي. كان بوكسن كلية العلوم يتكون من الرياضيات الأولية والرياضيات الإضافية والعلوم الأولية والعلوم الإضافية ويشترط النجاح في اللغة الإنجليزية. مهما كان درجة البوكسن بتاعك لو راسب لغة إنجليزية لن تقبل بالجامعة إلا بعد النجاح في الملحق بتاع اللغة الإنجليزية ولك الفرصة أن تتقدم بنفس الشهادة لمن عامين وترقع لغة إنجليزية. Elementary Mathematics, Additional Mathematics, Elementary Science,
Additional Science,
كلامك عن البشير مصدقه تب. لكن بصراحة شهادتك عن أبو رنات بتاع الفلاشا فيها شبهة وغير مقبولة. دا بعرفو كويس هو وصديقه العقيد محمد عبد العزيز المرحوم وليس بتاع الطيران المدني. ديل قصتهم يا أخي الكريم طويلة عاوزة ليها كتاب زي كتابهم المهبب الكتبوه في لندن.

يا المستغرب جدا: لقد تمت معادلة الشهادة العسكرية وسموها بكلاريوس وقد بدأ ذلك في سبعينيات القرن الماضي ونحن طلاب الجامعة. بعدين أنا في السودان الحمد لله أموري ماشه كويس .. ماكل شارب .. حامد شاكر.. زراعتي من قروشي لا بستدين من البنك الزراعي ولا ببيع في السوق بمرابحات مضروبة.. الحمد لله مستورة. وماني حاسد زول كان عايش في دول الإستكبار ولا دول البترودولار.. قاعدين راجين الله.. البجيبو الله كله كويس. وماني حاقد على زول .. قريت الجامعة وكت كانت جامعة واحدة بدخولها ألف نفر بس. وقريت برا السودان على حسابي قبل البشير ما يمسك السلطة.. ورجعت قاعد في حلتنا لا بسأل زول ولا في بسالني ومافي شي قسموه في الدنيا علي ما لحق. وكت زرنا لندن ونيويورك ولوس أنجلوس علي اليمين ناس سكة ود مدني الخرطوم ما كان بعرفوها. فما في سبب بخليني أحقد على واحد قاعد في بلداً ما بلدو ما شغال بس قاعد عالة على دافع الضرائب في تلك البلاد.
يا الشهيد وادي الحمار دا القتلو فيهو صديقي عبد الرحمن شامبي نواي؟ زميل دراسة قديم من زمن وزارة المعارف ووزيرها زيادة أرباب... سمعت بالاسم دا؟
كلامك عديل لكن النسنية الجابا شنو؟ البشير لا ود عمي ولا ود خالتي ولا نسيبي ولا من بقية أهلي.. يقعد حاكم ألف أهلاً .. يصبح في شربة مية.. في ستين سلامة. نحن لا ناقة ولا فسيل في الحكومة. كلامك صاح البلد هيلة الجميع لكن نحن عودنا فيها عود مرا. عشان كدا لا بنجدع ولا بنجيب الحجار. نقعد خاتين الخمسة في الاتنين وراجين الله.


#457408 [الشهيد]
0.00/5 (0 صوت)

08-30-2012 02:43 PM
عمر جابر
اترك البشير وزمرته واقيف مع الحق
مع المظلومين في دارفور
والقتلى في كجبار
في بورسودان
في وادي الحمار
بالمناسبة دي بتعرف وادي الحمار؟
قبر الكلب؟
دي مناطق في السودان اسأل الامنجية تبعكم بيحصل شنو
البلد هيلتنا كلنا يااخوي
دحين اكرب صلبك واقيف مع الرجال في الصف مافي داعي للنسنسة والبشير الراجيهو كتير
سيكتب الثوار القصاص
واول صفحاته ستكون
رجال حول البشير
فالحق رفقاتك وعلى هتافك وابقى مرة صاح


#457132 [عمر جابر]
0.00/5 (0 صوت)

08-30-2012 07:28 AM
إقتباس:
طبعا ماجستير من غير بكالريوس


تكتب في الجورنال الإلكيتروني وعامل فيها مثقف وعمدة كمان وماك عارف أن الكلية العسكرية تمنح درجة البكلاريوس في العلوم العسكرية؟ فعلاً الإختشوا ماتوا. ثقِّف نفسك ما تبقى كتاباتك كلها إحتمالات زي كتابات ثروت قاسم والصايغ بتاع ألمانيا. ضاربين الهمبريب في دول الإستكبار وماكم عارفين التكتح وعاملين فيها أبوات العراريم. الله يشفيكم.


ردود على عمر جابر
United Arab Emirates [حسن العمدة] 08-30-2012 02:15 PM
شكرا اخي العزيز المستغرب جدا والله اوجزت واوفيت
انا احترمك جدا رغم انني لا احترم الكيزان(لامؤاخذة) بشكل خاص واعتبر ان ذلك عبادة وتقربا الى الله عزوجل
وبعدين ليس من الحكمة ان تتحدث عن الاخرين بالسوء وانت تعلق على مقالي انا
الله يشفينا ويشفيك
النزيدك من الشعر بيت ياسيدي جابر
البشير من منتسبي الدفعة (18) في الكلية الحربية ووقتها كانت القبول للكلية الحربية لايشترط حتى النجاح في الشهادة السودانية يعني بشهادة الرسوب بتلتحق بيها بعدين البشير كان في المايويين في الجيش والمؤيدين لنظام النميري ولم يعرف عنه انه اسلاميا بس دي كنتة جديدة
الاهم من كدة لمن الترابي خطط للانقلاب واستلم الاسلاميين السلطة كان مفترض يقود البلاد مختار محمدين الذي سقطت به طائرة هو الاخر وتوفي (رحمة الله عليه) فاقترحوا اسم البشير باعتباره مقربا للاسلاميين وسهل الانقياد (راجع توثيق ابورنات عن تلك الفترة بالتفاصيل)

نحن ضاربين الهمبريب
الحمد لله انعم ونسأله المزيد
بس رجاءا ماتتكلم عن الاخرين وانت بتعلق عن ما اكتبه ياسيدي

Saudi Arabia [المستغرب جداً جداً] 08-30-2012 12:27 PM
اخي الكريم تحيه وبعد من حقك تعلق علي ما كتب الزميل ولكن ان تتطاول علي من هم لاناقة لهم ولا جمل في الموضوع بيوري انك متأصل بحقد لكل من له رأي .. وتصحيح يا سيد العارفين .. بكلاريوس العلوم العسكريه دا بداء متين ؟ والبشير دفعه كم في الكليه قبل البكلاريسوس ؟ وثاني الاثافي علاقة العلوم العسكرية لو اسلمنا جدلاً انه عنده بكلاريوس مع موضوع رساله الماجستير المسمكره ؟؟ بعدين يا اخي الله انعم عليهم بهمبريب وحريه حاسدهم مالك ما تتخارج من السودان لو ما منتفع ومرطب


#456400 [المستغرب جداً جداً]
4.50/5 (2 صوت)

08-29-2012 10:13 AM
ممكن سؤال يا عم حسن ... انت الاسد دا خايف من الجنائيه ليه؟ الاسد بيخاف .. ولا الاسد الافريقي غير باقي الاسود...؟ ولا صدق القول ان الاسد لما يكبر الغنماية ب............. ودا الحاصل ناس ابو رياله وابو القنفد بلعبوا بيه زي ما دايرين


ردود على المستغرب جداً جداً
Oman [Moneer] 08-31-2012 02:10 PM
الشئ
لامن يكون ما عاجبك تغيرو
لو ( بتقدر )
يا رجالة
يا عضام


حسن العمدة
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة