كلامات
08-31-2012 01:05 AM

كلامات

د.كمال عبد القادر


عاد المغترب في إجازته الى البلد فوجد أن جاره قد بنى عمارة من عدة طوابق. المغترب سأل زوجته عن سر الثراء المفاجئ للجيران فقالت "اسكت الراجل ده وجماعته كلهم بلعبوا" فنظر إليها الزوج وقال "طيب انتي عاوزاني أجيب ليك كدارة؟"..
كلما سألنا حكامنا عن سر النهضة في بلاد كثيرة كانت خلفنا بمراحل يرد الحكام بأن هذه البلاد تبيع سيادتها الوطنية للأمريكان..
ننظر إلى حالهم وإلى حالنا ثم نقول للحكام وانتو منتظرين نجيب ليكم كدارات عشان تلعبوا مع الأمريكان؟..
بعد أن خصص الأمريكان مائتين وخمسين مليون دولار للسودان قال صديقي "يا ربي دا يكون حق الكدارة؟"

السوداني


تعليقات 8 | إهداء 1 | زيارات 2933

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#458597 [أنا استاهل]
4.00/5 (1 صوت)

09-01-2012 01:06 PM
هو ده انت يا كمال اوكسجين..؟! شر البلية ما يضحك ..؟!

اختشي علي دمك وانت اخر من يتكلم عن الفساد واللعب النضيف


#458296 [صبري الشريف]
0.00/5 (0 صوت)

09-01-2012 12:19 AM
التركي ولا المتروك كال عبد القادر يهرول خلف العصابة بتدبيج الخطب الحماسية


#458171 [ناجى]
0.00/5 (0 صوت)

08-31-2012 08:05 PM
وياريت لو كان عندو وظيفه ثابته فى انجلترا
كان شغال لواكم ساكت واستهبال
ولم رجع بنفس طريقة الاستهبال
ابدع


#458154 [sabra150]
0.00/5 (0 صوت)

08-31-2012 07:17 PM
أنتبهوا يا ناس الراكوبه !!

إخوتى كتاب وقراء ومعلقيين الراكبوبه لاتظلموا أخونا د/ كمال عبدالقادر ، راجل محترم ومهذب ، وود أصول ومامحتاج عشان يسرق ، وأنا شاهد لما قدمه وقدمته أسرته قبل أن يتقلد مهام وكيل وزارة الصحة يكفي فقط وحدة الغسيل الكلوي بمستشفى الحصيحصا ، وهاكم ميثال واحد لعلوا كعبه وأخلا قياته عندما تم قبوله بكلية الطب جامعة الخرطوم كانت هنالك إستماره يملأها الطلب عن وضعه المالي وبماذا يعمل الوالد كتب بأن والده تاجر ويسطيع دفع رسوم القبول ، وكانت له عربة تاكسي وهو طالب ينام في صفوف البنزين أيام حكومة مايو ، فأنا أعرفة وهو لايعرفني إلا شكلاً
فأرجوكم أخوتي الشرفاء لاتطلقوا السب والإتهامات الغير مسنوده ولو كانت هنالك مستندات ضده كان الجماعة رسلوها ليكم ، فلاتحرمونا من كلامات


ردود على sabra150
Saudi Arabia [Shah] 08-31-2012 09:14 PM
خلينا من نزاهتو. لو فعلا محترم و مهذب ما كان بيؤذى الناس بكتابات زى دى رغم الشتائم المنهالة عليه من كل جانب. ياخى كرامة ساى ما عنده؟ ما تنصحو لو كنت حادب عليه كده.


#458066 [Zoul sakiit]
0.00/5 (0 صوت)

08-31-2012 03:52 PM
الدكتور جابوه من لندن وكيلا لوزارة الصحة ومنصب الوكيل دا البيوصلوا لازم يكون عمل في كل جهات السودان وعرف مشاكله الصحية وطبعا أخونا فشل فشلا ذريعا في حل اي مشكله ففاقد الشي لا يعطيه عشان اتجه لتشريد الاطبا وخلق التحالفات وانشأ الشركات الخاصة وأوكل لها مد الوزارة بالمعدات السكندهاند والأكسجين الفاسد وبالسعر العالمي السائد فاثري هو ومن والاه ويجي يتكلم عن اللعب والكدارات وهو كدارتو جايبها معاهو من الدوري الانجليزي


#458038 [O]
0.00/5 (0 صوت)

08-31-2012 03:13 PM
انت والله راجل مابتختشي علي دمك- بعد ثقالاتك دي كلها وكراهية الناس ليك,كمان جابت ليها (كلامات) فارغة وقلة حياء؟
بس ياجماعة ماتستغربو الدكتور ده اخصائي نساء وتوليد وطبعآ زي ماعارفين بتاعين النساء والتوليد ديل معظمهم ماعندهم حياءوبعضهم صار يتصرف كزبائنه من النساء الا من رحم ربي.

ياكوز - ألست صاحب وكالة الايثارللاستقدام الخارجي والتي افتتحتها بعد ان اخذت عمولتك من وزارة الصحة السعودية مقابل السماح لها بالتعاقد مع الاطباء السودانيين عندما كنت وكيلآ لوزارة الصحة؟؟؟؟
فضائحك يندي لها الجبين بداية من مركز التدريب المستمر عندما كنت مديرآ له مرورآ بمستشفي الخرطوم برضو مدير وحتي وكيل وزارة الصحة-وكلو معروف لدي شريحة الاطباء.
وان عدتم عدنا


#457968 [Shah]
5.00/5 (2 صوت)

08-31-2012 12:13 PM
واى ... واى ... واى ... واى ... الرووووووووووووووب.


#457786 [طبيب طافش]
5.00/5 (3 صوت)

08-31-2012 02:05 AM
ياخ مرضتنا..ما كفاك طفشنا بسببك والعصابه المعاك من البلد؟البقرا ليك إقول إنك الشريف الرضي.وما عارفين فسادك لما كنت وكيل وزارة الصحة.ما عارفين الشركة الخاصة حقتك الكان (بدون عطاءات‏)بتورد الأجهزه الطبية المضروبة الخاصة ببرنامج توطين العلاج بالداخل لجميع المستشفيات.والعقودات الخاصه بإنشاء المستشفيات التخصصية بالولايات منحتوها لشركة الزوايا بتاعة أخو الرئيس وإنت ودكتور مالك عبده الحرامي أعضاء في مجلس إدارة الشركة.والمستشفيات دي لغاية اللحظه بتعاني من الفساد الصاحب إنشاءها.ياحرامي ما بتخجل..ياخي غور الله لا عادك


ردود على طبيب طافش
United States [sama ratib] 08-31-2012 12:11 PM
السلام عليكم أيها الطبيب الطافش باين عليه يادكتور مخنوق فى أزمة ماليه و عايز ليه شوية أكسجين يتنفس بيه عشان كدى بدأ يطل علينا من جديد بوجهه الزى و جه القرد دا عامل الولد دمه خفيف و بيقول نكات والله ضحكتنا و قطعت مصارينا يا أوكسجين ولو داير يعمل فائده فينا يختفى من هذا الموقع نهائيا فهو للشرفاء

European Union [طبيب طافش تاني] 08-31-2012 09:52 AM
الله سبحانه موجود وربنا يمهل ولا يهمل وهو اصلو مفضوح لكن ما بخجل

Sudan [عمر جابر] 08-31-2012 05:53 AM
صحي يا دكتور كمال إنت حرامي للدرجة دي؟
عيب الشوم والسواد... اليقرأ كلامك عن الفساد يقول أبو ذر خالك. خذلتني لكن.


د.كمال عبد القادر
 د.كمال عبد القادر

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة