لماذا يستقيلون؟
09-01-2012 11:37 AM

لماذا يستقيلون؟

الفاتح جبرا
[email protected]


• في سبتمبر 2008 قدم وزير الزراعة الياباني (سيشي أوتا) استقالته بسبب فضيحة غذائية تتعلق بأرز ملوث. وذكر (أوتا) في مؤتمر صحفي عقده وقتها لذات الخصوص أن "فضيحة الأرز الملوث صارت مشكلة اجتماعية كبيرة , وقررت أنني في حاجة إلى توضيح مسؤولية وزارة الزراعة والغابات والمصايد". وقد قام رئيس وزراء البلاد (ياسو فوكودا) بقبول إستقالته (يعني ما رفضا) !
وقدم وزير الزراعة الياباني استقالته بعد أن قامت شركات يابانية بشراء أرز مستورد من فيتنام والصين وتايلاند مصاب بالفطريات أو يحتوى على كميات من المبيدات الحشرية تتجاوز الحدود القانونية , مما جعله غير صالح للاستهلاك الآدمي . وقد أصر وزير الزراعة الياباني على إستقالاه على الرغم من أنه لم ترد تقارير حول ظهور حالات إصابة بأمراض بسبب استهلاك الأرز الملوث .
• عندنا طبعاً عادي تستورد تقاوى فاسدة .. أدوية فاسدة أي حاجة فاسدة يموت اليموت ويدخل السجن اليدخل من المعسرين وتكون قاعد في حتتك وكمان ممكن تعمل فيها زعلان وتقوم (تحرد) وتقعد في بيتكم ويجو يحنسوك عشان ترجع وكده !
• في مارس 2011 اعلن وزير خارجية اليابان (سيجي مايهارا) استقالته بعد ان اقر بتلقيه هبة بقيمة (450) يورو من اجنبية تقيم منذ فترة طويلة في اليابان بما يخالف قوانين البلاد وعقد وزير الخارجية حينها مؤتمرا صحافيا قدم خلاله استقالته.وقال مايهارا (48 عاما) "خلال الايام القليلة الماضية فكرت مليا وقررت الاستقالة من منصبي كوزير للخارجية".
وتابع "اقدم اعتذاري للشعب الياباني على هذه الاستقالة التي تأتي فقط بعد ستة اشهر، لانني اثرت الريبة مع ان تاريخي السياسي كان نظيفا حتى الان".
• 450 يورو مش ده زول مفتري ؟ ده أنحنا عندنا أمين ديوان زكاة متبرع لقناة فضائية بخمسين ألف دولار ولا إستقال ولا حاجة (لحدت ما شالوهو)ولمن سألوهو قال ح يحاسبو الله عليها يوم القيامة .. ولى هسه القروش ما معروفه وين؟ الوزير ده بيستقيل عشان 450 يورو (بس) مع إنو ما بعرفش حاجة إسمها (يوم القيامة) !
• في أكتوبر 2011 استقال وزير الداخلية البريطاني (ديفيد بلانكيت) من منصب وزير الداخلية بعد العثور على رسالة بريد إليكتروني اثبتت أن طلب تأشيرة دخول لمربية يود إستقدامها قد لقي عناية خاصة ،وجاء في رسالة البريد الإليكتروني المذكورة: "لا أفضلية ولكن أسرع قليلا". وقال بلانكيت إنه "لم يكن على علم بمضمون الرسالة كما أصر على أنه لم يرتكب خطأ". وأضاف: "ولكن الشك في أمانتي قد أضر بالحكومة".
• يعني الخواجه ده إستقال عشان طلب من ناس الهجرة (يسرعو ليهو شويه) في إستقدام الخادمة !! بالله شوفو (الكافر ده)؟ بالله دي عملية يعملا ؟
• في أكتوبر 2011 استقال وزير الدفاع البريطاني (ليام فوكس) من منصبه على خلفية الكشف عن علاقته الوثيقة برجل أعمال له مصالح تتصل بشؤون الدفاع ، وقد أقر فوكس في خطاب استقالته إلى رئيس الحكومة بالخطأ والخلط بين المصالح الشخصية والحكومية, وقال في خطاب الاستقالة "أنا آسف جدا لما حدث".
• عندنا عادي ممكن تلاقي (الشركة) البتبنى في مباني الوزارة قاعدة تبني للوزير في البيت بتاعو .. ومفيش مشكلة ولا أي (خلط) بين مصالح شخصية ومصالح حكومية .. دى حاجة هسه يستقيلو بيها لو ما ده خواجة مطرطش سااااكت ؟

• في فبراير 2012 قدم (فيليب هيلدبراند) رئيس المصرف الوطني السويسري، استقالته من منصبه على خلفية مزاعم تكّسب زوجته من صفقة تحويلات ضخمة قبل أسابيع، من تحديد المصرف المركزي السويسري سعر الفرنك.
وصرح هيلدبراند، في مؤتمر صحفي في برن عقب إعلان استقالته قائلاً : وصلت إلى قناعة باستحالة تقديم دليل قاطع على أن زوجتي طلبت تحويل العملات دون علمي .
• شوفوا الزول ده قال شنو؟ قال ما قدر يثبت إنو زوجتو طلبت التحويلات دون علمو عشان كده إستقال ، (عاوزين لينا 900 سنة ضوئية عشان نصل الحتة دى) !
• في فبراير من العام 2012 م إستقال وزير الطاقة والمناخ البريطانى (كريس هون) فى أعقاب الإعلان أنه سيواجه اتهامات تتعلق بالتفافه حول غرامة لتجاوزه حدود السرعة القصوى، وذلك بوضع الغرامة على رخصة القيادة الخاصة بزوجته • أيه الفساد ده ؟ يخت الغرامة في رخصة قيادة مرتو؟ دي عمليه يعملا لازم يستقيل عشان لو خلوهو يعمل في عمايلو دى ح يهدم المشروع الحضاري .. (البريطاني طبعن)!

كسرة :
يعيش يعيش .. صباع أمير !!

كسرة ثابتة :
أخبار ملف خط هيثرو العند النائب العام شنو(ووو ووو ووو)؟ - شكلهم بقى حلو مش كده؟ -


تعليقات 31 | إهداء 0 | زيارات 7211

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#460277 [مهاب الفاتح]
1.00/5 (1 صوت)

09-03-2012 04:07 PM
فى يوم 3/9 استقال عمك جبراساكت.....................................................


#459881 [كاسترو عبدالحميد]
1.00/5 (1 صوت)

09-03-2012 02:13 AM
وقد سبق أن استقالت السيدة / سيمون فيى وزيرة الصحة فى عهد الرئيس الأسبق جاك شيراك من الحكومة لأن احدى الممرضات حقنت احدى المريضات بحقنة اتضح أن الدم كان فاسدا .


#459847 [SESE]
1.00/5 (1 صوت)

09-03-2012 12:00 AM
الاستقالة تحتاج الى الضمير والانتحار يحتاج الى الشجاعة وفاقد الشئ لا يعطيه وإلا لشهدنا حفلات انتحار جماعي لكل الطغمة الحاكمة وهم يعلمون ان الاستقالة ليست كافية لغسل ما جلبوه من عار لم يسبق لحكومة ان اتت به سوى اسلامية او شيوعية او حتى كافرة حيث لم يسبق لرئيس بلد ان وقع بيديه ثم رقص على ايقاع تفتيت بلده برجليه ثم جلس على سدة الحكم ينظر يمنة ويسرى ليثبت خيبته ويبرر فعلته........

الغريب ان الكثير من الرجرجة والدهماء قالوا له انت عملت ما لم يسبقك اليه السابقون ولا اللاحقون في ابعاد من لا يشبهونا في الشكل او الدين... ومتى كانت الاوطان تبنى على الاشكال او الاديان!


#459732 [سوداني]
1.00/5 (1 صوت)

09-02-2012 09:01 PM
وبعد دا يقولوا نحن مسلمين وهم كفار لا يعرفوا الله!!!!
أين عبد الرحيم محمد حسين وسقوط العمارة؟ أين عثمان مضوي وفتاة الليل؟ أين المتعافي وسيول الخرطوم؟ أين والي الخرطوم من الغرقي في موسم الأمطار هذا؟ أين وزير التخطيط والعمران من ما جرى للناس هذا العام من الأمطار؟أين آكلي أموال الأوقاف؟ أين عمر البشير من العشرة آلأف الذين ماتوا في غرب السودان؟ أين هو من من عذبوقتل في بيوت الأشباح؟
أين واين واين؟؟؟
مجموعة تافهة حتى النخاع


#459663 [سوداني]
0.00/5 (0 صوت)

09-02-2012 07:03 PM
ياجمااعة افتوني في صباع امير ده حكايتو شنو ماعارف والله الزول ده بتاع محن مابجيب حاجه ساكت...


#459608 [hamid]
0.00/5 (0 صوت)

09-02-2012 05:36 PM
إنتو يا أخوان إستقالة دي يعني شنو نوع من الفاكهة أنحنا ما عندنا هنا


#459301 [sudane]
0.00/5 (0 صوت)

09-02-2012 11:35 AM
دي قمة الشفافية والأمانة والمسئولية.. وحالتهم غير مسلمين.. اما نحن المسلمين فعكس ذلك تماماً


#459030 [عوض محمد احمد]
0.00/5 (0 صوت)

09-02-2012 01:22 AM
الاستاذ الفاتح كل عام وانت زالقراء الكرام بخير - اسغ للانقاع لف تره بسب الظروف العمليه التى شغلتنى عن المتابعه والتعليق - اما الكلام عن الاستقاله وارتباطها بالمصائب التى حلت بالشعب المغلوب على امره فهذه لايعلم بها الا الله عز وجل - واذا كانت واقعا مرتبطا بكل وزبر لا اظن ان هنالك وزيرا سيبقى على كرسيه من ايام سيئة الذكر الحشره الشعبيه - طبعا مع العلم بان عدد الوزراء فى السودان سواءا كان موحدا او منفصلا اكبر من عدد وزراء الصين والهند مجتمعين - شوف كم مصيبه حلن بالشعب السودانى مضروبه فى عدد الوزراء وشوف كل وزير عمليه كم مصيبه - يعجز عنها اى كمبيوتر ولو استعملت برنامج ساب - سمعت وانشاء الله خير ان وزير الزراعه المتعافة استقال هل صحيح او انا بحلم - اكيد بحلم- هل تظن ان سفافة الاستقاله حاتشتغل لا اظن طالما فقه الستره مفعل اكثر من تعطل سفريات سودانير - لك الله ياوطنى ونتمى ان يقرا جيل 2099 فى التاريخ ان هنالك وزير قد استقال بعد 30 هبره - لااظن ان التاريخ سيجد مايسجله فى هذا الخصوص لك تحياتى ولشعبنا الصابر حسن العزاء


#459009 [مدحت عروة]
0.00/5 (0 صوت)

09-02-2012 12:19 AM
انت عايز ناس الانقاذ يستقيلوا؟؟لا لا هم ما عندهم اخلاق الخواجات عشان يستقيلوا!!هم اصلا م عندهم اخلاق اصلا!!!!


#458995 [كلك كلو]
0.00/5 (0 صوت)

09-01-2012 11:39 PM
ياجبرا ... هسه الواو العاشر داخل القوس حتختو في ياتو مجموعة من الواوات دي؟ غايتو انا برى أنو تختو في المجموعة الأخيرة لأنو ما عندي أدنى شك في أنو الواوات دي حتكون لما لانهاية وبرضو ما حتلقى خبر خط هيثرو السرقو الشيطان والبلد محروسة بعباد الله الصالحين والشيطان طافش منهم وخايف يرجع الخط يقومو يلفقو ليهو مصيبة ويقبضوه تاني مايشوف الشمس.


#458985 [وليد عبد العزيز]
0.00/5 (0 صوت)

09-01-2012 11:10 PM
يا ساده يا كرام. بعد السلام .كلكم ماكلين وشاربين ونايميين فى بيوتكم والناس مساهره ومجاهده وعينيه مابتشوف غمده ده كلو عشان منو ما عشانكم .ده كلو دايرنو لى الله ساكت .............؟ووووووووووو ماتنسوا الناس ديل من العاملين عليها(دى فى الفقه) وفى الفقه حقهم اشيلو كل حاجه ولو فضلت حاجه حقتكم وحلال عليكم.


#458960 [ناجى]
0.00/5 (0 صوت)

09-01-2012 10:19 PM
استقيل ايه ...... خلى موضوع الفساد كووولو على جانب
هذه الحكومه تقتل شعبها قصفا بالطائرات
بعد القتل فى شنو تانى


#458943 [shamy]
0.00/5 (0 صوت)

09-01-2012 09:56 PM
The problem is Muslims believe that god will clear all the mess ..and if you do not make a mess or sin that will make god idle ..he will create people who will make a mess to keep himself in business .because he is merciful and forgive.


ردود على shamy
Kenya [muslim.ana] 09-02-2012 01:21 PM
You are really pathetic, where the hell did you get this concept from MR. brilliant?!
If you mean the Hadith of the prophet (PBUH) then I would like to confirm what Mr. Awad Mohamed Ahmed has said in the previous comment

[عوض محمد احمد] 09-02-2012 01:25 AM
100% you are stupid


#458853 [ابوالجعران]
3.75/5 (4 صوت)

09-01-2012 06:46 PM
ده نحن يا جبره في عهد حكومه الانقاذ الرشيده غير ملفات ديوان الذكاه وخط هيثرو وسودان لاين والبرادو بتاعت الدكتور وهيئه الحج والعمره والمؤسسه العامه للاقطان والتقاوي الفاسده والمحاليل الوريديه الفاسد وصبغات الغسيل الكلوي الفاسده والمبيدات الفاسده ومشروع الجزيره المدمر والسكه الحديد اللي كانت زمان وتجنيب الاموال والارصده العامه في الحساب الخاص بعلم وزير الماليه وريئس الجمهوريه وكميه من الفساد المحمي والنهب المصلح واخيرا النهب المسلح من جنجويد الامس ولسع يما ح نشوف ونسمع طلما ان هناك مفوضيه لعلاج الامر وتقنين الفساد وتثبيت الفاسدين وحمايتهم بحجه التمكين والحرب العنصريه التي بقدر القادر صارت حرب جهاديه لمن يرفضون التهميش وغياب العداله بس ربك يمهل ولا يهمل وحقيه الفساد حتي في وسط العامه من الناس بقي شطاره وتفتيحه والرشوة والمحسوبيه تابعه للتمكين السياسه الرسميه للدوله علي مدي عقدين وزياده ولسع الجماعه اللي عاملين فيها اسلاميين يمارسون التهميش والتمكين والاقصاء والمصادره ومنع من النشر وفاتحين بيوت اشباح للمعارضين ويدمرون القري والبوادي بالانتنوف في غرب السودان باسم الدين والجهاد وفي الاصل منزل الكتاب ورب الدين حرم علي نفسه الظلم الذي ترتكذ عليه سياستهم فهل ياتري يوافقهم علي التمكين والاقصاء والتهميش باسم حمايه دينه الذي انزله وحزر من انزله عليه ان يكون للخائنين خصيما اذاما قضي بين العباد من اين اتي هؤلاء ياجبره فهم ليسوا انصار لدين محمد دين العدل والمساواه كلكم لادم وادم من تراب الغرباويه يشرفها الجعلي اذا كان يحفظ حقوقها الشرعيه فقط مش لانو جعلي والجنوبي لايحتاج للعصا وانما لتنويره لما يحييه دين الاسلام اتي ليحيي من كان ميتا ولم يفرق بين البشر للون او العرق متي يفهم هولاء ان الظلم ظلمات وياتي معه الفقر والمرض والرزيلهوالاحتراب والهرج والعدل ياتي معه الرخاء والامن متي يفهم هولاء المتاسلمين والاسلام منهم براء


#458837 [مازون]
4.00/5 (2 صوت)

09-01-2012 06:28 PM
ونحنه تدمر الامطارالبيوت ويموت البيموت ولااحد يستقيل!!!
يدمر الطبيب الزراعه ويفشل الموسم الزراعي ويدخل مصالحو جماعتو في كل شي! ولااحد يستقيل!!لابل يعيد من يقال ليوكد علي ان الوزارة ضيعه خاصه له!!!
تسقط الطائرات ويموت ليس افراد الشعب فاقدي السند والاهلية للحكام!!بل القاده منهم والمدافعين!!! ويستقيل المدير ويرفض الرئيس!!! مع العلم ان الاستقاله كانت رفع عتب ومناوره لكسب مزيد من الوقت في الكرسي!!! و... و,,الاخ ... والزوجه!!! والبنت وزوجها!!وتسقط العمارات!!!... وتفلس البلد!!!.. وتخرب الزراعه والصناعه ....!!!! تعرف مابيستقيلوا ليه!!لانه من الواجب ان يتقدموا بالاستقاله جميعهم من راس الخيمه الي غفير الصحه!!
وده معقول!! البيسكن القصور ويتزوج البكور منو!!!
تلقاها عند الغافل!!!
وطبعا صباع امير ليس له غير عود كبير!!!


#458832 [كرنكي]
3.00/5 (1 صوت)

09-01-2012 06:20 PM
يا أخي ما أميرة قالت قالت لها بت هباني العمل ده فيه أجر كيف يستقيل الانسان ويرتاح والعمل فيه أجر وكل لله


#458806 [راس كليب]
5.00/5 (5 صوت)

09-01-2012 05:41 PM
لود خلت مكتب وزير الزراعة وشفت الحكمة المعلقة في المكتب الانيق الزارعنا غير الله ال يجي يقلعنا انتو في مخاض مشروع حضاري ثابت كشجرة ثابتة اصلها ثابت وفرعها في السما بس طولو روحكم شوية حكومة انقاذية جاءت لتعلمكم الصبر حتي تستوفوا اجركم بغير حساب الشفقة تطير قال بستقيل قال


#458778 [امدرماني-الركابية]
4.00/5 (3 صوت)

09-01-2012 05:00 PM
ياأستاذالفاتح كيف يعني يستقيلوا هم اساسا كيف يقبلون تلك الوظائف ؟؟ طيب اشرح اكثر كمثال فالسيد مدير هيئة الطيران المدني السوداني عندما سأله مقدم برنامج ( حتي تكتمل الصورة ) هل انت متخصص في مجال الطيران والاجابة بالطبع لا... فاذا كان اختياره لهذا المنصب عبارة عن دقسة فلماذا قبل هذا المنصب ؟ يعني باختصار عند عقد اجتماعات اقسام الطيران المدني الفنية يكون قاعد ( دلوكة ) ساكت....اذ ان مصطلحات تلك الجوانب الفنية لا يلم بها الا المتخصصون في هذا المجال..............تقول لي يستقيلوا...هم اساسا عينوهم كيف؟؟؟؟؟؟؟؟؟؟؟؟؟


ردود على امدرماني-الركابية
United Arab Emirates [المتفائلة جدا] 09-03-2012 05:19 PM
دقسة وين يا داقس إنت ما سمعت بسياسة التمكين ولا ما سمعت بالصالح العام بل الغام الذى غمََ كل الشرفاء المؤهلين وإستبدلوهم بأمثال هؤلاء الماعارفين كوعم من بوعم..ماشفت ماذا جرى فى وزارة الخارجية تم إستبدال كل الدبلوماسيين الشرفاء بالعينات دى ووالله رأيت بأم عينى فى مطار عاصمة عربية السفير السودانى فى سفارة تلك الدولة وكنت أعرفه ينتظر وصول شحنة بضاعة له بطائرة الخطوط السودانية وتحديدا كانت البضاعة شحنة منقة قادمة من الخرطوم.وكان معاه بضاعة حيشحنها إلى الخرطوم بنفس الطائرة؟؟ وما أعرفه والمعلومات اللى عندى أنه حسب الأعراف الدولية يمنع من يعمل فى السلك الدبلوماسى من التعامل التجارى منعا باتا واظن السبب واضح حتى لا يستقل وضعه ولا تكون هنالك ثغرة للفساد واذكر إنه لى معارف من الدبلوماسيين الشرفاءالقدامى ممن طالتهمم يد الصالح العام كانوا يقولوا إنه الواحد فيهم حتى كان يتفادى شنطة زيادة فى السفر حتى لا يتعرض لللإحراج ناهيك عن المساءلة ..وأعرف أيضا أن هنالك قنصل عام فى السفارة البريطانية فى دبى قدم إ ستقالته لكى يتفرغ للعمل التجارى ...تخيل لو دبلوماسى سودانى ؟؟ ياسيدى ديل شغلوهم عشان اللغفى دة دى ريحة الفساد فى بلدنا تجيب التائه ..الله يكون فى عون بلدى الّذى ناء كاهله بمعاناة أهله..

Sudan [سمبلة] 09-01-2012 07:57 PM
لدي صديقة لديها درجة علمية كبيرة وكبيرة جدا في الادارة طلبوا منها تشتغل مديرة لمدرسة خاصة والحقيقة العرض كان مغري جدا جدا ولكن رفضت ، عارف ليه ؟؟؟ قالت علشان ما عندها اي خبرة في مجال ادراة المدارس ،ولا تستطيع ان تغامر بمستقبل الطلبة حتي تتدرب هي وتكتسب الخبرة المناسبة ، صديقتي برغم حصولها علي هذه الدرجة العلمية الا انها عاطلة عن العمل لانها ليست من البدريين المرضي عنهم .


#458769 [truth]
4.75/5 (5 صوت)

09-01-2012 04:50 PM
I wonder who are the muslims , those in Japan & Britin or the others in Khartoum


#458724 [خالد فارس]
5.00/5 (4 صوت)

09-01-2012 03:49 PM
والله ياجبرا الظاهر انت درستة مع الخواجات عشان كده فاهم كلمة يستقيل بس الكلمة دي في القاموس الافريقي مافي والله لو ماتو ناس افريقيا كلهم مافي حكومة واحدة تستقيل


#458685 [wedhamid]
4.50/5 (4 صوت)

09-01-2012 03:11 PM
الأخ أستاذ الفاتح جبره ... تحيه ....
الإستقاله من الوظيفة العامه لخطأ أو شبهة خطأ فى البلدان الحضاريه جد جد ... تعتبر من التراث والثقافه و الحضارة و العقيدة الحقه ( دون المجاهرة بها زيفا) على العموم ... و من قوة الإحساس بالمسئولية و علو الهمة و الكرامة للشخص المسئول على وجه الخصوص.....
و للأسف نحن هنافى بلادنا... يفتقد المسئولون هذه الخصائص لنقص كبير فى الكرامة والحياء و الأمانة .. و جينات الحقارة وإنحطاط القدر و دونية النفس المغروسة فيهم ... و زيف العقيدة عندهم و ضعف إيمانهم بها .... فهل تتصوّر أخى الفاتح أن مسئولا فى اليابان يسرق أو يختلس أو يتقبل الرشوة ...أو يرى مجلس تحقيق أنه إختلس و بدد مال عام و يصدر قرار من رئيسه بإيقافه عن العمل و إحالته لمجلس محاسبه فيعترض من سمى مسئولا بقوة عين يحسد عـليها و يحتج و يرفض المثول بل يلجأ لرئيس الدولة وهوالراعى والأمين على الأمة و حقوقهاالذى بدوره يسانده و يعاضده و يبقيه فى وظيفته و يلغى مجلس المحاسبة و يشطب بقرار رئاسى أى تهم تجاه المتهم بحجة أن أياديه طاهره و متوضئه وهو المنادى بتطبيق شرع الله و إقامة دولة الايمان على مدى ربع قرن من الزمان ( حين إكتملت الرسالة فى مدى لم يتجاوز العقد الواحد و أقيم مجتمع الطهر و الوضؤ الصح !!! ) و أمثلة الحالات المشابهة كثيرة و تعددت فى زمان الإنقاذ هذا و مشروعهم الزائف.... و قد شهدنا كم من مدراء وزارات وهيئات تابعة لوزارات نهبوا المال العام وأفسدوا فسادا لا نظير له و عند الإيقاف والإحالة للمساألة يحتمون بالرئيس - متأكدين من حمايته و تستره عليهم - رافضين المحاسبة أو المساأله و تسمع منهم قولة (إنت ما عينتنى) .... فبالله عليك لزومو شنو كتابة مثل هذا المقال و تذكيرنا بهذه الأشياء ؟؟؟ و الله قلّبت علينا المواجع سامحك الله....


#458684 [ubedalla]
4.88/5 (4 صوت)

09-01-2012 03:09 PM
تلك الامثال نضربها ي جبرا للاصحاب الضمائر والعقول المتقدة وليس لاكلي المال العام واليتيم وحب الجاة والسلطان فان قلوبهم عليها اقفال بسبب السحت والظلم والعياذباللة


#458651 [سوداني متقاعد]
5.00/5 (1 صوت)

09-01-2012 02:34 PM
السبب ببساطة
عندهم الاستقالوا ديل كلهم جو عبر الديمقراطية يعني حتى لو مااستقالوا بكرة صوت واحد مابلقوا: عندنا المابستقيوا جو بالدبابة لوعندك دبابة شن ليهم صباع امير


#458642 [يحيي العدل]
1.00/5 (1 صوت)

09-01-2012 02:23 PM
يا أستاذنا جبرا عملت لينا شنو في موضوع برنامج المحطة الوسطي وضيف الحلقة أزهري باسبار بتاع توزيع الغاز؟؟؟
ولا خايف يا جبان ؟
طبعا جبان دي بتاعة الشفع ( جمع شافع )
وما قاصدك بيها .
مازلنا نتطلع أن تكتب لنا عن هذا اللقاء لو سمحت .


#458593 [محمد]
0.00/5 (0 صوت)

09-01-2012 01:03 PM
ياسيدي الفاضل لو اننا نتعامل بنفس تلك المصداقية والشفافية لصرنا بدون حكزمة وبدون موظفين في القطاع الحكومي فرجال الشرطة وافراد القوات النظامية الاخري سوف يتقدمون باستقالاتهم لانهم استغلوا المنصب والسؤال كيف؟
يركب احدهم سيارته الخاصة وهي بالطبع غير مرخصة وليست بها لوحات جديدة وليس لديه رخصة قيادة ,يستوقفه رجل المرور ويساله عن رخصته فيقوم باخراج بطاقته العسكرية ويقول له زميل فيقوم رجل المرور بالاعتذار له ويقول له اتفضل (انت ذاهب في مهمة وطنية)وبعد فترة يحس بالذنب ويعترف بخطئه ويتقدم باستقالته وكذلك يقدم رجل المرور استقالته لتقصيره في عمله ومجاملته. وقصة اخري واخري وهلم جرا والحمد لله اصبحنا بدون وزراء وبدون موظفين


#458589 [وحيد]
5.00/5 (5 صوت)

09-01-2012 12:59 PM
" الاخ " الفاتح جبرة... يعني هل تريد من مسئولينا و وزرائنا الابرار المجاهدين اصحاب الايدي المتوضئة و المشروع الحضاري و المسيرة القاصدة الذين جاؤوا لربط قيم السماء بالارض ... هل تريد من هؤلاء ان يقتدوا بالكفرة و الملاحدة و يستفيلوا؟ هذه بدعة كفرية لا يجوز الاقتداء بها... ثم ثانيا هل تلمح الى ان وزراؤنا و كبراؤنا فاسدين و فاشلين؟ لا يوجد فساد يا عزيزي لان ما ياخذه هؤلاء من مال و ممتلكات الدولة هو حق خالص لهم بحكم التمكيم لذلك لا يعد ابدا فسادا ان يغرفوا من ما استخلفوا فيه و غنموه بعد غزوة يونيو 89 المباركة، اما الفشل و التخبط التي تشير اليها و تلمز بها فهؤلاء ليس عندهم فشل و لا سوء تخطيط فهم " مجتهدون" فمن اصاب فله اجران و من اخطأ فايضا له اجر واحد لذلك هم يتنافسون في " الاجتهاد" في الحكم و السياسات لانهم على الاقل لهم اجر واحد مقابل ذلك و الحكومة الرسالية لا تعاقب المجتهدين.
ثم ثانيا يا عزيزي هؤلاء اليابانيون و الخواجات مجرد موظفين دولة ياتون بالانتخابات و يذهبون بها اما جماعتنا فهم مخلدون في السلطة و الحكم بعد ان مكنهم الله في ارض السودان و استخلفهم فيها لذلك لا يوجد مقارنة بين اصحاب المناصب الزائلة الذين ينالونها بالديمقراطية الكافرة و بين اصحاب الدولة الرسالية التي غنموها.. و الزارعنا غير الله اليجي يقلعنا!


#458584 [Khaledkibaida is an]
0.00/5 (0 صوت)

09-01-2012 12:52 PM
وطبعا. نحن مصرين اننا خير أمة أخرجت للناس.............forget it man


#458578 [عصمت وف]
0.00/5 (0 صوت)

09-01-2012 12:43 PM
وزير الدوله بالزراعة انتحر ياشيخنا يبدو لي خط هيثرو طفش نا فوخك


#458574 [الزوُل الكَان سَمِحْ]
5.00/5 (3 صوت)

09-01-2012 12:39 PM
يا أستاذ جبرا

وزير العدل الياباني (مينورو ياناجيدا) يقدم استقالته من منصبه بعد الجدل الذي أثارته تصريحاته الأخيرة حول مهامه كوزير للعدل ،ما دفع بالمعارضة إلى طلب حجب الثقة عن الوزير.

الحزب الليبرالي الديمقراطي و هو حزب المعارضة الرئيسي في اليابان، كان قد هدد بمقاطعة مشاورات البرلمان حول تحديد ميزانية بقيمة واحد وستين مليار دولار لتحفيز الاقتصاد، إذا رفض ياناجيدا الاستقالة من منصبه.

و خاطب ياناجيدا أنصاره المحليين الأسبوع الماضي بقوله: إن أداء مهامه كوزير للعدل أمر سهل، مضيفاً أنه ليس عليه سوى تذكر عبارتين فقط لاستخدامهما أمام البرلمان عندما يكون في حاجة إلى إجابة .

فى حين وزير عدل الإنقاذ يملك من ملفات الفساد ولهط المال العام والثراء الحرام ماتنوء الجبال عن حمله ..ولم نر أى حكم صادر فى أى ملف منها..ودوسة قاعد فى مكتبه ويتمتع بكافة مخصصاته


#458549 [ود موقة]
4.88/5 (5 صوت)

09-01-2012 12:06 PM
اقتباس: عندنا عادي ممكن تلاقي (الشركة) البتبنى في مباني الوزارة قاعدة تبني للوزير في البيت بتاعو .. ومفيش مشكلة ولا أي (خلط) بين مصالح شخصية ومصالح حكومية -- انتهى

يعني شنو .. ما عادي
مالك الشركة البنت عمارة في جامعة الرباط وزير الدفاع (خالو) .. والعمارة زاتها دقت الدلجة .. هسي وزير الدفاع يقوم يتهابل ويستقيل .. دا لو استقال لسبب هايف زي دا كان البحمينا منو .. ياخ اسرائيل كانت حتضرب بصات الولاية في الخرطوم بعد ما كانت ما بتتجرأ تتجاوز ولاية البحر الاحمر..


#458543 [عبد الرحمن]
4.75/5 (4 صوت)

09-01-2012 11:59 AM
و هاك دي يا الفاتح "...وزير التجارة الياباني يوشيو هاتشيرو أمس بعد أسبوع فحسب أمضاه في المنصب، وذلك بعد تقارير عن تصرف غير لائق بشأن التسرب الإشعاعي في محطة فوكوشيما النووية التي ضربتها موجات المد البحري العاتية.

وقالت وسائل إعلام يابانية إن هاتشيرو حاول المزاح مع مراسل وقال له “سأعطيك إشعاعاً” بعد زيارة إلى محطة فوكوشيما يوم الخميس الماضي، مما أثار مطالبات بأن يتنحى".

دي طبعاً ما بتخص جماعتنا، لأانهم لا يمزحون، بل تكون ريالتهم سايلة عندما يتعلق الأمر بالفلوس، حتى لو كانت ليرة لبنانية مدسوسة في الدولاب.


الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة