المقالات
السياسة
ارشيف مقالات سياسية
بنوك (الكيزان) والأمنجية تسرق المواطنين في وضح النهار..!
بنوك (الكيزان) والأمنجية تسرق المواطنين في وضح النهار..!
09-01-2012 06:48 PM

image


بنوك (الكيزان) والأمنجية تسرق المواطنين في وضح النهار..!

عثمان شبونة
[email protected]


خروج:
* قضيتان أمامي... واحدة من (سيد صلاح سيد علي) مواطن يسكن بالجريف غرب.. ملخصها أنه ومنذ عامين (يساسق) بين ردهات المحاكم في قضية رفعها ضد شركة زين للإتصالات (بلاغ رقم 259 ــ 2010) تحت المادة (28 مباني لسنة 2008م) .. القضية ــ باختصار شديد ــ أن الشركة أنشأت برجاً (ضار بالصحة) في القطعة (257 ــ الجريف غرب ــ الحارة الرابعة).. وبعد عامين حكمت المحكمة لصالح الشاكي بإزالة البرج والغرامة 2000 جنيه، يدفعها المدان أشرف محمود راجي "مفوض الشركة"، وقد رفضت المحكمة الطعن المقدم من المفوض وأيدت الحكم... الأدهى أن إدارة المباني لم تستجب لحكم القضاء.. كعادة الإدارات التي تستحصن بالجدر السرية للأمن والقيادات الفاسدة... فذهب سيد مرة أخرى لسوح العدالة المجازية.. لكن المفوض طلب (شهرين) لتوفيق أوضاعه...!!
* تخيلوا.. (توفيق أوضاعه)..!!!!! وكأنه يدير "كشك" وليست شركة تمتص المليارات، وترفد خزينة الحكومة بما تستعين به (لقتل الناس)...!!
النص:
القضية الثانية تمثلها هذه الرسالة البسيطة (وهي نموذج واحد من حالات بلا حصر).. يقول كاتبها:
السلام عليكم ود الشبونات.. أنا مرتضي النعيم من الزناندة (الجزيرة).
الموضوع: أنا مقيم بالمملكة العربية السعودية قمت بتحويل مبلغ مالي قدره عشرة آلاف ريال سعودي عبر بنك الخرطوم بسعر الشركة العربية للصرافة والمحدد وقتها 1.615 على أن يقوم المستفيد باستلام مبلغ 16.150 ولكن للأسف عندما ذهب المستفيد لبنك الخرطوم للاستلام تم تسليمه مبلغ 15.210.. وكان قد اتصل بي قبل الاستلام, فخاطبت مندوب بنك الخرطوم بالسفارة لتوضيح السبب وأن الملبغ غير صحيح وهنالك فرق كبير به, فرد بأن سعر الريال اليوم منخفض, فرددت عليه بأن التحويل تم بالأمس وليس اليوم، وهذا السعر الصادر من قبلكم, فليس لي جناح لما يحدث في سعر الصرف غدا أو بعده.. وتساءلت: هل إذا كانت ثمة زيادة في سعر الصرف أعطيتموني إياها؟ وافقني مندوب السفارة الرأي وقال لي بأنهم أرسلوا إيميل لرئاسة بنك الخرطوم كي تتم المعالجة لعدد من العملاء.. وظللت أتصل بالمندوب وفي كل مرة يقول لم يصلنا الرد.. و.. بنتصل على المستفيد وهكذا.... ولحوجتنا للمبلغ تم إستلامه ناقصاً ومازلنا في إنتظار معالجة بنك الخرطوم الموقر.
هذا هو حافز بنك الخرطوم وبنك السودان المركزي للمغتربين حتي يقوموا بتحويل مدخراتهم وأموالهم عبر القنوات الرسمية، وهذا هو ما أوصي به النائب الاول لرئيس الجمهورية ووزير المالية...!!
* انتهت رسالة النعيم (مع المستند).
تذكرة:
* تم فتح (الراكوبة) في السودان دون غيرها من المواقع المحجوبة.. وعلمت أن بين الأسباب التي دعتهم لذلك،استغلال الموقع المهم لإطلاق عدد من (دجاجهم..!!).. بيد أنهم لن يفلحوا في منع (شهلال) الحقائق (ونحن لها)..!!!
* أحاول الآن تجميع خيوط الماجستير المزعوم للمشير، مستنداً على أكاديميين مخلصين بالجزيرة والخرطوم.. وحتى الآن استطيع القول بأن ما حدث جريمة.. لكنها صغيرة جداً مقارنة بتاريخ الرجل الذي لا يستطيع كتابة خطاب مستقيم..!!
أعوذ بالله


تعليقات 16 | إهداء 0 | زيارات 5128

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#476848 [ali]
0.00/5 (0 صوت)

09-24-2012 01:05 PM
بنزك الكيزان والأمنجية؟؟

1/ بنك الخرطوم الذي حولت به أكثر من 50% راس مال أجنبي (اماراتي)
2/ انت حولت ريال ياشاب ما حولت جنيه اذا عاوز ريال من حقك أن تطلب أن يصرف لك التحويل بالريال
اما سعر الصرف المتغير ده معروف علي مستوي كل العالم مش بين اليوم والآخر وانما بالدقيقة والثانية
3/ أرجو ان يعارض كل منا النظام بطريقة موضوعية بعيداً عن الاسفاف وما نعلق أي حاجة علي شماعة الحكومة والبشير والكيزان .. يا أخوانا كونو موضوعيين واحترمو عقولنا..


مع خالص تحياتي
ابو آية


#459489 [Walcom]
5.00/5 (1 صوت)

09-02-2012 01:47 PM
المشكلة بقت في الفروقات الكبيرة اللي بتحصل في ظرف يوم وليلة، لكن لو ما كده، تبقى زي سوق الأسهم، سعر الريال نازل، تنتظر كم يوم لحد ما يرتفع، ارتقع تتابع لحد حد معين ومنها تحول سواء بالصرافة ولا السوق.


#459450 [سودانى حر]
5.00/5 (1 صوت)

09-02-2012 12:57 PM
يا أخوانا انتو نسيتو السرقة المدورة هسى دى. سرقة أبناء المغتربين الإمتحنو الشهادة السنة دى. يا جماعة بى قدر قادر ارتفع الخصم من الشهادة السعودية بعد اختبارات القدرات و التحصيل من 5 % الى 7 %. و الله دا حرام و سرقة عديل. يعنى حوالى 90 % من أبناء المغتربين أخرجوهم من القبول العام عشان يمشوا يدفعو الدولارات للحرامية ديل. يعنى ديل مستعدين يحطموا مستقبل اى سودانى عشان يحصلوا على الدولارات و يمارسوا الدعارة زى ما شفنا فى أبو أربعة الما عرفناه الى الآن.نتحدى أى مسؤؤل اخوانى يجى يفسر لينا ليه خصموا سبعة فى المائة.


#459385 [ubedalla]
5.00/5 (1 صوت)

09-02-2012 11:43 AM
مرحبا بعودة راكوبتنا وظلها الظليل واهلا بعودتك ايها القلم الحر والشجاع ودمت منافحا ومصادما لهولاء اللصوص اللذين امتصوا البلاد واكثروا فيها الفساد


#459340 [عبد الجبار احمد]
5.00/5 (2 صوت)

09-02-2012 11:07 AM
انت شفت حاجة يا استاذ شبونة

اسمع مني الحكاية دي والسرقة المنظمة دي من بنك الخرطوم في وضح نهار رمضان.
ذهبت في اجازة للسودان في شهر رمضان الماضي -1433هـ وكان لدي حساب بالدولار في بنك الخرطوم شارع البرلمان وبه مبلغ بسيط حوالي الفين دولار. ذهبت للبنك لسحب مبلغ الف دولار وقمت بتعبئة الاستمارة الخاصة بذلك وسلمتها للصراف الذي أخبرني بأنني سوف أدفع مبلغ 2.5% من جملة المبلغ المسحوب اي ما يعادل 25 دولار كرسوم سحب نقدي بالدولار. استغربت لطلبه واستفسرت منه فقال لي هذه تعليمات بنك السودان فقلت له هذه أول مرة أعرف ان هناك رسوم على السحب . في النهاية قال لي سوف نجاملك ونخليك تدفع هذه الرسوم دي بالعملة المحلية اي الجنيه . طبعا كان هذا يوم الخميس آخر الدوام وكان سفري صباح الجمعة اي اليوم التالي ولضيق الوقت لم استطع مقابلة المدير والاحتجاج على ذلك . والله دا حصل قبل اقل من شهر في بنك الخرطوم شارع البرلمان والذي تحول الان الى شارع الجامعة عند موقع بنك الخرطوم شارع الطيار مراد جوار مبنى البريد. وممكن يا استاذ شبونة تذهب بنفسك للبنك دا وتشوف الموضوع. طبعا قررت قفل حسابي وسحب باقى المبلغ
لأني توقعت في المرة الجاية يزيدوا هذا النسبة او حتى يصادروا بقية المبلغ.

وين سرقة أكثر من كدا


#459085 [الشبح كاسبر]
5.00/5 (2 صوت)

09-02-2012 06:04 AM
للمعلوميه الرقاص هازز الارداف بدأ الماجستير في عام 2002م وكان معه المجرم القاتل الطيب سيخه
ولم يكن الرقاص هازز الارداف يأتي إلى مركز الدراسه بل يذهب إليه الدكاتره والمحاضرين في
القياده العامه ومنزله !!! الود ما رئيس وكدا
لكن الحق يقال ان الطيب سيخه كان منتظم في الدراسه والحضور لذلك انجز الرساله بحقها مش زي عالم زمانه امير المؤمنين
معلومه صغيره ( لما بدا الدراسه المركز كان في الخرطوم 2 غرب حديقة القرشي شارع احمد خير المحامي وانت متجه من حديقة القرشي ناحية الغرب عمارة رماديه على يمينك منذ 1999 كانت مستأجره
باسم جامعة الجزيره كليه الهندسه والتكنولوجيا ) وبعد داك المركز رحل لموقعه الحالي
لكن تبقى الاسئله الاتيه:
1- اوعك يكون ناوي يحكمنا 23 سنة تاني عشان يحضر الدكتواره
2- بشهادة الماجستير ياربي الجامعه الحايشتغل فيها محاضر مرتبها حا يكفيهو !!
ولا يهاجر السعوديه ولا قطر
3- واخيرا في سودان الدمار والانخاس صار الماجستير في يد جاهله تففففففوووووووو عليك


#458983 [المشتهى السخينه]
5.00/5 (2 صوت)

09-01-2012 10:01 PM
هناك مافيا اقتصاديه تتحكم فى البلاد .. تجد حمايه من القضاء التابع الذليل .. وجهاز امن حماية كرسى المشير .واعرف كثير من رجال الاعمال صفوا اعمالهم لعدم مقدرتهم على مواجهة هذه الذئاب المفترسه .والمنافسه غير الشريفه .وحتى قرار بنك السودان الاخير القاضى بحظر الاستيراد بدون تحويل القيمه( ومصادرة )البضائع فى دولة الاسلام . يصب فى مصلحة هذه العصابه . فاين هو ذلك البنك الذى سيغطى فاتورة بضاعةالسيد (قريعتى راحت ) بالعمله الحرة ؟اللهم وسع لهم فى الحروب حتى يركع اقتصادهم . فالشعب السودانى لم يعد يملك ما يخسره .


#458935 [huwidah]
5.00/5 (1 صوت)

09-01-2012 08:43 PM
ها ها..زعلانين عشان دراهم.....ووطن سرق بليل من يبكي عليه


ردود على huwidah
[ابو قور] 09-02-2012 08:12 AM
ليه ما نزعل ؟ هو نحن خلينا ليهم الوطن بغضه وغضيضه كمان مطاردننا خارج الحدود وينهبوا دراهمنا التي ذقنا فيها الخل من الكفيل ! فهل تستكثري علينا العويل ؟!أما البكاء على الوطن ,فنبكيه نحن بالخارج مرتين ويبكيه أهل الداخل عسى أن نغرق بدموعنا العصابة الجاثمة عليه كما اغرقناها بمداد كيبورتاتنا!!!... يا عالم شوفوا ليكم وسيلة اخرى اخرجوا بها هؤلاء اللصوص فقد طفح الكيل, فلنجعلهم يبكون هم بدل بكاءنا نحن الذي لرفع المظالم لا يجدي . فماذا أنتم فاعلون ؟؟؟


#458931 [الطيب عبدالكافي]
5.00/5 (2 صوت)

09-01-2012 08:34 PM
اخي شبونة اخبارك مشاكل التحويل كثيرة ويتاثر بها اهلنا الغلابة يعني مرتضى ولدنا الذي ارسل عن طريق بنك الخرطوم ضاع عليه مبلغ كان يمكن ان يحل مشكلة كبيرة لا هلنا في الزناندة يعني نصيحتي للمغتربين التريس قبل التحويل.

اخوك الطيب عبدالكافي
قرية ودالماحي


#458929 [ابعود مبرى]
5.00/5 (1 صوت)

09-01-2012 08:27 PM
يجب ان تمنح جائزة اشجع صحفى على الاطلاق يا شبونة وهى جائزة تمنح للذين لا يخشون فى الحق لومة لائم


#458922 [nagatabuzaid]
4.00/5 (4 صوت)

09-01-2012 08:05 PM
الرسالة الثانية للمغترب الحول ببنك الخرطوم او بنك جوبة اقل له جنت على نفسها براقش الناس زمااااااااااااااااان تركوا التحويل بالبنوك ولو كنت المسؤل لارجعت له حقوقه مكافاءة له على وطنيته وتصديقه للتوصية الساميةوتبقى ليك توبة ولوسمعت اى توصية او قرار او وعد قل ليهم ماااااااابصدقكم


#458917 [مظفر سيد احمد عثمان]
4.75/5 (3 صوت)

09-01-2012 07:59 PM
الاستاذ عثمان شبونة لقد سبق وقلنا ومرارا وتكرارا ان هذة السلطة المتسلطة لا تستحق ان يتعامل معها على اساس انها نظام ، هذة السلطة لم تتكون سوى من مجموعة من اللصوص يحملون فى دواخلهم هذا المعنى بكل حرفية لذلك لا تتوقعوا منهم سوى السرقة والنهب بكل الوسائل التى تتاح لهم


#458916 [محمد]
4.94/5 (6 صوت)

09-01-2012 07:58 PM
انت يا النعيم غلطان و٦٠ غلطان الوداك تحرل مع الحراميه شنو ونحن جاهزين نوصل قروشك للبيت


#458908 [كلك كلو]
4.94/5 (6 صوت)

09-01-2012 07:43 PM
المغترب دا متره ولا كوز لأنو مافي عاقل بيحول بالبنك


#458894 [شين ودشن]
4.38/5 (4 صوت)

09-01-2012 07:18 PM
الشجاع شبونة ، لا تغيب كثيراً مرة اخرى ..
والله اخونا مرتضى النعيم هذا ، نقول له إن قانون المؤتمرجية لا يحمي الوطنيين ، لكنه يستاهل ، لانو بيصدّق ديل .
قال .. هذا هو ما أوصي به النائب الاول لرئيس الجمهورية ووزير المالية ... يا راجل !!
يا ود الزناندة ديل بيوصوا الناس وبينسوا انفسهم !!!


#458892 [Kunta Kinte]
5.00/5 (11 صوت)

09-01-2012 07:13 PM
أسمح لى يا استاذ شبونة بس ارد على أخونا مرتضى النعيم لأنى موضوعو غاظنى شديد

أخ مرتضى موضوع التحويل بالقنوات الرسمية تم تناولو كتير من الاخوان فى الراكوبة ، وكان فى شبه اجماع على عدم التحويل بقنوات الحكومة مهما حصل من وعود ، الناس ديل ياجماعة لا يمكن الثقة فيهم ... وبالذات اخوانا المغتربين جربوهم مئات المرات منذ بداية التسعينات فيما عرف ببنك نيما وصفا مرورا بالمشاريع الوهمية مثل سندس وغيرو

يا مغتربين ما تصدقو الكلام الفارغ بتاع المجرمين الحرامية ديل ، ياخ انتو نسيتو قصة البرادو بتاعة طبيب بورتسودان المغترب ولا شنو ،


ردود على Kunta Kinte
Sudan [ali] 09-24-2012 01:09 PM
خليكم بتعارضو كده في الحكومة بدون موضوعية ولمن ترجعو السودان تلقو القطر فاتكم
وحا تلعنو برضو الكيزان .. ولا شنو ياناس عثمان ميرغني .. وهو عثمان ميرغني ده شنو ؟

Saudi Arabia [كسلاوي] 09-03-2012 07:10 AM
مابحول عن طريق الحرامية ديل الا واحد منهم (مال الاسلاموي على الاسلاموي حلال )

Qatar [عثمان ميرغنى] 09-02-2012 07:40 AM
صحيح اخبار البرادو شنو ؟؟؟


عثمان شبونة
عثمان شبونة

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة