بروفيسور ماسورة
09-05-2012 02:22 AM

بروفيسور ماسورة

كمال كرار

في الوسائط الإعلامية الحكومية قصص من ألف ليلة وليلة ، وحكايات من الأساطير القديمة موديل 2012 .

ولدي بعض البرامج زبائن دائمين يسمون أنفسهم ضيوفاً يلبسون البدل والكرفتات والدنيا صيف ( ملهلب ) ويقولون أي كلام بينما المذيع أو المذيعة تتبسم وهي تستقبل تلفونات البرنامج علي طريقة ( ألو معاي منو )

واحد من هؤلاء الزبائن سمي نفسه بروفيسور في شؤون التغذية وربما كان محاضراً في جامعة مشهورة تكفل بأعباء الرد علي تلفونات المشاهدين ونسردها هنا بتصرف

سعادة البروفيسور عندي ولدي عمره أربعة شهور ممكن ( ألحّسو ) ملاح واعجن ليهو كسرة ؟

لا دي بتعمل كولوسترول وحاجات تانية ، أهرسي ليه لحم سمك العجل أو قطعة فراخ وممكن تهرسي نص تفاحة

سعادة البروفيسور أنا ما بفطر لكن بتغدي

دي عادة ما كويسة حقو الناس تفطر بدري قبل ما تطلع الشغل كباية شاي أو عصير مع بسكويت أو سندوتش عشان الشغل عاوز طاقة

سعادتك أنا بتعشي

العشاء دا عادة سيئة ، لازم يتلغي عشان بعمل أكسدة وبجيب الشيخوخة لأنك وانت نائم الأكسدة بتشتغل .

سعادتو أنا بسأل عن الصوم وخاصة الستوت

أيوة الصوم فيه فائدة عجيبة والستوت دي بالذات ، واتعملت ستة يوم لحكمة إلهية

سعادة البروفيسور أنا ولدي الصغير بياكل طين

خليهو ياكل ، الطين دا إلهام رباني فيه كالسيوم وبوتاسيوم وحاجات بحتاجها جسمو الصغير .

وتتدخل المذيعة بعد سيل التلفونات بالقول ممكن نسمع أغنية ، ويغني عندها المغني وينطرب البروفيسور المزعوم والكاميرا تصول وتجول .

في بلادنا علي عهد الإنقاذ تمنح الدرجات الأكاديمية العليا علي طريقة التأصيل في موضوعات شتي مثل دور الجان المسلم في التنقيب عن البترول ، والهجر في المضاجع لتنظيم المجتمع

أما الدكتوراه الفخرية فهي حكر علي أصحاب الأعمال ( خريجو الخلاوي ) الذين يتبرعون للجامعات لقاء الحصول علي لقب دكتور .

وكم من كلية طب خاصة ، طلابها من حملة الشهادات الدنيا أو شبه الرسوب ، ليس لديها مستشفي تعليمي ولا معمل لكنها تمنح البكالريوس والماجستير وربما الدكتوراه بعد أن صدقت لها الجهات الطبية .

وكم من دجالين يحومون المدن للترويج عن الأعشاب الطبية وشجرة المورنقا التي في طرفها حور ، فينخدع البسطاء المرضي الذين لا يستطيعون دفع ثمن العلاج الباهظ ، ويموتون بعد ذلك من جراء الفشل الكلوي .

مطلوب عطاء لتوريد بروفيسورات مواسير ، تخصص تحضير الأرواح ، من أجل استجلاب روح بعانخي للكشف عن ذهب ممالك كوش ونبتة من أجل دعم الميزانية المنهارة ، وتوطيد دولة الحياري لاحسو الكوع في دهاليز السفارة وياتومي طرينا دقات النقارة .

الميدان


تعليقات 12 | إهداء 0 | زيارات 3473



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#462402 [حادب]
0.00/5 (0 صوت)

09-06-2012 12:56 PM
التحية ليك اخ كرار .. وترجع لينا بالسلامة حبيبتنا الميدان


#462078 [wedhamid]
5.00/5 (1 صوت)

09-06-2012 03:13 AM
أستاذ كمال كرار ....سلامات ....بمناسبة البروف ماسورة زولك ده .......اليوم فى الراكوبه فى مقال للطاهر ساتى عن ناس الجمارك و أورد أسماء بعض كبار الموظفين فيها بألقاب... لواء ...دى مقبوله لأنو ناس الإنقاذ بولسوا الجمارك أى تبعوها للشرطه .. ولكن الذى تعجبت له إنو كلا اللوائين الذين ذكرهم الطاهر تبعهم بلقب دكتور !!!! يعنى بقو لواء دكتور فلان الفلانى و لواء دكتور علان العلانى .. أنا عرفت إنو اللوائين ديل بقو لواءات بحكم رتبهم الشرطيه... طيّب دكتور دى شنو ما فهمتها ...هل تحصلوا على درجةالدكتوراه ؟؟ طيب زول الجمارك دا يتحصل على دكتوراه فى الجمركه و الللا فى الشرطنه أم فى الفقه الإسلامى ؟؟؟؟ و بيعمل بيها شنو؟؟؟ و اللا فنكهه ساكت ؟؟؟؟ هم فاضين لدرجه إنو يقعدوا للماجستير سنتين تلاته ثم الكتوراه برضو سنتين ؟؟؟ لأنو ما سمعنا بالألقاب دى بينالوها من منازلهم ......


ردود على wedhamid
United States [سوداني متقاعد] 09-06-2012 02:06 PM
الي بكري ..اي دراسة تحتاج تفرغ زمني وهؤلاء اللواءات او غيرهم من كبار موظفي الدولة يتحصلون على شهادات وهم جالسون في مكاتبهم لم يغادروها حتى ولو باجازة تفرغ.
الامر الاخر ان الدرجات الاكاديمية مطلوبة فقط في مجالات التعليم المختلفة ولا احسب ان الوصف الوظيفي لمدير الجمارك يتطلب حصوله على درجة دكتوراة. هي من الاخر وجاهات اجتماعية ونرجسية اكثر من وسيلة كسب رزق لان وظائفهم المرموقة كافية بمخصصاتها من سك درب التدريس.

[بكرى كمير] 09-06-2012 12:34 PM
الى السيد(Wedhamid) مالمناع من يحصل ضابط الجمارك او ضابط الجيش على درجة الدكتوراة فى مجال عملة او فى اى مجال اخر وهل من يحصلون على الدكتوراة هم اكثر ذكاء منهم ام ماذا تقصد ونعم هم عندهم زمن واصرار وعزيمة على التحصيل العلمى ومواصلة المشوار.

United States [سوداني متقاعد] 09-06-2012 07:08 AM
ملحوظة جيدة. مادام عمر البشير متفرغ يعمل ماجستير وهو -وضع يد- رئيس. اللواءات ديل لازم يكونوا زيوا.


#461915 [Silk Milk]
0.00/5 (0 صوت)

09-05-2012 08:19 PM
F A N T A S T I C


#461894 [adel]
0.00/5 (0 صوت)

09-05-2012 07:46 PM
kamal in the sudan non contoral look think read and wirte i can say


#461766 [كرار عبدالكريم النور]
0.00/5 (0 صوت)

09-05-2012 04:39 PM
لك التحيةأستاذ كمال
إن بروفيسر مأسورة أشد رحمة من بروفيسر أبو عراف
هل تصدق بأن هناك من يرد علي كل مقترح أو فكرة أو تصور بقوله ( يا بني موضوعك ده ناقشناه قبل كده وفكرنا فيه قبل فترة و نحن ما فايت علينا أي حاجة )
ومن البلاوي التي تواجهك من بعض هؤلاء مثل هذه الحكاية :
كانت هناك مجموعة من العمال لأحد المنظمات في إجتماع لبناء مراحيض في أحدي القري , و كان من ضمن المشاركين واحد برفيسر أبو عراف وهو عضوآ باللجنة شعبية لتلكم القرية
قال مهندس البناء في بداية الإجتماع نحن سوف نحفر ونبني لكم مراحيض بالمواد الثابتة, طول السايفون أربعة أمتار بدائرة نصف قطرها متر
وهنا تدخل بروفيسر أبو عراف مقطعآ! وقال للمهندس الأرض دي واسعة جدآ وعليه نحن نفضل بأن يكون نصف قطر الدائرة في البلد دي مترين! وأشتد الجدال بين أبو عراف و المهندس لأكثر من ربع ساعة وكاد المشروع أن يفشل حتي تدخل بعض العقلاء وطالبوا بتأجيل الإجتماع ومناقشة هذا الامر بعد صلاة الظهر!
وعندما خرج بعض الحضور من موقع الإجتماع للصلاة إلتفت البروفيسر أبو عراف وقال لأحد الشباب من القرية : أنت نصف القطر يعني شنو!!!!؟


#461736 [ali ahmed]
0.00/5 (0 صوت)

09-05-2012 04:08 PM
ياكمال ذكرتني بالبدل في الصيف نسوان انصار السنه تلقي الواحده استاذة أحياء ولابسه اسود في عز الصيف التقول الالوان كملت ..


ردود على ali ahmed
United Arab Emirates [كلاكلاوي سااااي] 09-05-2012 10:58 PM
يا زول اتق الله ما تطلع برة موضوعك ربنا يهدينا ويهديك ان شاء الله


#461441 [دابي الخشة]
5.00/5 (2 صوت)

09-05-2012 11:30 AM
استاذ كمال لك الود والاحترام

ارجو منك البحث في موضوع غلاء الاراضي السكنيةبالخرطوم في عهد الانخاس اقصد الانقاذوالرؤيا المستقبلية اقتصادياوذلك للتنوير
بماانك اقتصادي ولك جزيل الشكر


#461407 [ubedalla]
0.00/5 (0 صوت)

09-05-2012 10:51 AM
هههههههههههههههههههههههههههههه
لكن يا كرار اوفيت ولخصت الذي يدور في شان الاعلام الانقاذي والطب الانقاذي والدجل والشعوذة الانقاذية
لك ارق تحية صباحية ولهم العار والخزي والدمار


#461385 [قفة]
0.00/5 (0 صوت)

09-05-2012 10:35 AM
أيوة دي "الجامعات المأثورة في تخريج الدكاترة والبروفيسورات الماسورة" أصلو نص البلد دي دكاترة (أطباء وغيرهم) والنص التاني ميتين كاتلينهم الدكاترة والبروفيسورات الفكة ديل. بعد البرنامج دة بكرة ما تستغرب تلقى ليك واحد معبي طين في أكياس السفة وكاتب ببرة (دواء الإلهام الرباني في العلاج بالطين المجاني) وأهو الطين لحسي بلاش بدل أكل بيض فيه كالسيوم ولا خضارات ولا فواكه مكلفة. وبعدين قوليه يا أستاذ الناس عارفة فايدة الصوم لأنها صايمة إجباري البغيظ كتير قال نص تفاحة وسمك عجل ليه البلطي والقروقور ديل مالهم وتحياتنا ليك


#461352 [صالح عام]
5.00/5 (1 صوت)

09-05-2012 09:57 AM
يا كمال كرار انت بتلفها بى كم كرت


#461307 [Shah]
0.00/5 (0 صوت)

09-05-2012 08:17 AM
لابد للأكاديمى الذى ينوى التدرج لمنصب أعلى أن يكون حائزا على شهادة الدكتوراة أو ما يعادلها. ثم يمكث 5 سنوات فى وظيفة أستاذ مساعد يقوم خلالها بالتدريس و إجراء البحوث التى يتم تقييمها فى شكل نقاط محددة لو إستوفاها يتقدم للترشيح لمنصب أستاذ مشارك. يعرض طلبه هذا ليجاز بواسطة قسمه الذى يعمل به والذى إن أجازه يرفعه للجنة علمية فإن أجازته اللجنة العلمية يرفع الطلب لمجلس الكلية ,وإن أجازه مجلس الكلية يرفعه لمجلس الجامعة (السنيت) وإن أجازه مجلس الجامعة يرفع الطلب لمدير الجامعة للمصادقة عليه. وتستغرق هذه العملية حوالى عام على الأقل. وإن لم يجاز الطلب لا يجوز للأستاذ أن يتقدم بالطلب مرة أخرى إلا بعد مرور عام. ويتكرر هذا الإجراء مرة اخرى عند التقدم بطلب الترقية لأستاذ(بروفسر) و بأبحاث غير تلك التى ترقى بها لأستاذ مشارك.
أى أن الترقى لنيل درجة الأستاذية (بروفسر) يحتاج إلى 10-15 سنة مع إنتاج أبحاث يشترط أن يكون جزء منها منشور فى مجلات علمية عالمية.
كم من بروفسرات الإنقاذ مستوفى لهذه اللوائح سواء كان إبراهيم أحمد عمر أو غندور أو أى من مدراء الجامعات أو العمداء أو رؤساء الأقسام فى عموم السودان المتبقى؟؟؟؟


ردود على Shah
Sudan [قفة] 09-05-2012 10:37 AM
يا سلام ديل عنده الشهادة لله


#461272 [البنية السكرية حلاوة لبن ياسلام]
0.00/5 (0 صوت)

09-05-2012 04:55 AM
واحد مسؤال قال مشكلة السودان الاقتصادية قاسية وصعبة وعلينا بالاستغفار يعنى لما يمشىء وفد وزارة المالية واشنطن نديهم سبح وكم درويش لزوم الاستغفار عندما ناس البنك الدولة يطلعو الفايلات وبداء النقاش نحن نجر السبحة ومرحب ببلة الغائب العليهو اعتمادنا استغفر الله


كمال كرار
 كمال كرار

مساحة اعلانية

تقييم
9.82/10 (6 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة