قال وقلت
09-10-2012 11:49 AM

قال وقلت

الفاتح جبرا
[email protected]


• قال لي : ما أن يشتكي مسئول من علة حتى يذهب مستشفياً إلى (ألمانيا)
قلت له : وما أن يشتكى مواطن من علة حتى يذهب مستمرضاً إلى (المافيا) !
• قال لي : هل سمعت بالمسئول الولائي الذي تم ظبطه داخل شقة دعارة ومعه 4 فتيات في (نهار) رمضان ؟
• قلت له : ياخوانا ما تظلموا الزول ساااكت إحتمال يكون خاتيهم (تصبينة) لما بعد (الإفطار)
• قال لي : وهل تعلم أن في ذمته أيضاً 4 حريم بالحلال ؟
• قلت له : أيه حكاية (رباعي) دي ؟ عربات دفع (رباعي) .. حلال دفع (رباعي) .. حرام دفع (رباعي) شنو ما بعرفو داك دفع (رباعي) !
• قال لي : تم ضبط شحنة من الفراخ الفاسد؟
• قلت له : هو الفراخ الفاسد برضو؟
• قال لي : هل تعلم أن (أبا قناية) قد صرح في فبراير الماضي بأنه قد تم تخصيص رقم الهاتف المجاني 6996 لتلقي البلاغات عن شبهات الفساد لكنه لا يعمل؟
• قلت له : هل تقصد الرقم؟
• قال لي : هل تعلم بأنه يتم تخصيص ميزانية للإستعداد لفصل الخريف .. ثم يتم تخصيص ميزانية لدرء الكوارث التى نتجت عن عدم الإستعداد لفصل الخريف ؟
• قلت له : نريد تخصيص ميزانية لإستيراد فهامات لنا (من الصين طبعن) !
• قال لي : لقد تم إرسال الصندوق الأسود لطائرة تلودي إلى الشركة المصنعة في روسيا .
• قلت له : من الأفضل أن نلزم الشركات المصنعة للطائرات بإنشاء مكاتب لها في الخرطوم مزودة بتقنية قراءة تسجيلات الصندوق الأسود عشان (تقليل تكاليف وكده .. رسلو الصندوق .. جابو الصندوق)
• قال لي : تتخيل يا أستاذ الكهرباء قطعت عن مستشفى الخرطوم قرابة اليومين لنفاذ الجمرة الخبيثة ؟
قلت له : (الجمرة بتحرق الواطيها)
• قال لي : يتحدث العلماء هذه الأيام عن الفساد الأخلاقي وإنتشار الأيدز وإرتفاع نسبة الأطفال اللقطاء وتوزيع الواقي ووو
• قلت له : وهل تحدث أيا منهم عن أصل الحكاية !
• قال لي : لقد بدأ العمل معتمد ثم نائب والي ثم والي ثم وزير ولائي ثم وزير إتحادي ثم سفير فوق (العادة) !
• قلت له : .. فوق العادة .. تحت العادة .. شمال العادة .. جنوب العادة .. (مع العادة) .. يا عزيزي المثل بيقول (اللاقي هبوبو يضري) !
• قال لي : ما الفرق بين النظرية والتطبيق ؟
قلت له : كنت صغيراً .. إستمعت لخطبة ألقاها جارنا إمام مسجد الحي (ربنا يرحمو) .. كانت الخطبة عن الجوار وكيف أن النبي (ص) قد أوصي على (سابع جار) وقال فيما قال : لو أشتريت ليك فواكه .. كيلو كيلوين موز .. برتقان .. أغشي جارك .. أديهو منهم .. في اليوم التالي للخطبة وجدته يتجه نحو منزله وهو يحمل بطيختان فحملت عنه واحدة وعندما إقتربنا من منزله هرولت (ببطيختي) نحو منزلنا ... (وعينك ما تشوف إلا النور) ً
• قال لي : إلى متى تظل تشكيلة الفريق ثابتة ؟ لقد أصابنا الملل ؟
• قلت له : لو كنت مسئولاً لقمت بتغيير بعض الوجوه بأخري جديدة (من الفريق ذاااتو طبعن) .. ما معقول يا جماعة الخير الزول يتولد .. ويرضع ويتفطم ويحبي ويتعلم المشى ويمشى ويتعلم الكلام ويتكلم ويخش الروضة ويخش الأساس ويدخل الثانوي ويدخل الجامعة ويتخرج ويشتغل (دى أنا كضبتا فيها) ويعرس (شرحو) ويمشى شهر العسل .. ومرتو تولد .. ويجيب ليهو زول يرضع ويتفطم ويحبى ووو (والتشكيلة هيا هيا ) .. لا زول يعمل ليهو مخالفة يديهو (الحكم) كرت أحمر (فيخرج) ولا زول يصاب (فيعتزل) ولا زول يتعدي السن القانونية .... (للفيفا طبعن) !

كسرة :
قال لي : ما رأيك في لجان التحقيق؟
قلت له : هل تقصد لجان (التلجين)؟ !

كسرة ثابتة :
أخبار ملف خط هيثرو العند النائب العام شنو(ووو ووو ووو)؟


تعليقات 21 | إهداء 1 | زيارات 6624

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#466000 [ابوكرنك]
0.00/5 (0 صوت)

09-11-2012 04:41 PM
قال الفاتح جبرا عصاية نايمة وعصاية قائمة قلت ليه صح خلونا كده من الكلام الفارغ دا يا جبروتا شفناك في قناة الخرطوم او امدرمان يعني دا شنو


#465995 [الريس اسمر]
0.00/5 (0 صوت)

09-11-2012 04:37 PM
قال لي هو الحكم وين
قلت ليهو ما عندو لياقه خلي الامور لربنا
قال لي الكابتن عمل ماجستير
قلت ليهو عملا في صحبو وعرس مرتو ههههههههههههههه دا يعمل اي شئ ما بخاف من الله


#465889 [ubedalla]
0.00/5 (0 صوت)

09-11-2012 02:40 PM
قالو ليكم انسوووووووووووووووووووووووووو


#465647 [ود الجد]
0.00/5 (0 صوت)

09-11-2012 10:42 AM
المسئول الولائي دا كان عامل حلقة وعظ وتأصيل للبنات ديل في نهار رمضان وربما حلقة ذكر حتي يلتحقن بركب اخوات نسيبة (السمحات ماالشينات ) وافتكر انكم ظلمتوا الراجل ساكت ....؟؟؟؟؟؟؟


#465461 [ابو حازم]
3.00/5 (2 صوت)

09-11-2012 01:37 AM
قال لي : هل سمعت بالنقص الحاد للاطباء في المستشفيات ؟
قلت : البروف قال في فايض كبير من هؤلاء!
قال لي : هل سمعت بانه يوميا هناك اكثر من 3 الف تاشيرة خروج اغلبهم اساتذة جامعات واطباء؟
قلت : وزير الما ليَ ( المالية ) قال يهدف ليصدر الدهب والنبق والدكاترة !
قال لي : هل تعلم ان سعر كيلو الضان السوداني في الخارج ارخص منه في الداخل ؟
قلت : وزير التجارة قال اصحاب المواشي احتكروها لان موسم الخريف السنة دي ناجح !
قال لي الوزير دا ذاتو قال سيكون خروف الضحية بـ 400 او 450 ( اعلى خروف)
قلت : لاأ بعد ما شعر ان المذيعة تريد توثيق المعلومة وتسويقها ، قال أتمنى ذلك !
قال لي : قناة الشروق دي قناة حرة ومتحررة من الرقابة وبتناقش قضايا المواطن .
قلت : لانو صاحبها جمال الوالي الحر الديمقراطي !
قال لي : الجنيه السوداني غرق وشبع غرق .
قلت : ( البحر بشيل عوّامو )!!!
قال لي : جامعة الجزيرة دي جامعة عريقة جدا .
قلت : ماها رويانه من عرق ( ماجستيرات ) الشريعة دي !
قال لي : ود جبرا دا عمل ازمة في (الواوات) مع خط هثرو الطوييييييل دا !
قلت: الواو حرف عطف لا يفيد الترتيب .


#465447 [قدورة]
0.00/5 (0 صوت)

09-11-2012 12:21 AM
اخبار ملف خط هثرو العند النائب العم شنو؟؟؟
اخبار ابوقناية شنووووووووووو


#465384 [أبو الغيث]
0.00/5 (0 صوت)

09-10-2012 09:46 PM
الله لا يحرمنا منك يا جبرةومن أمثالك أولاد بلدي البفتخر بيهم ربنا يديكم العافية جميعا وانت مالك ما قادر علي الدفع الرباعي ولا شنو!!!!!!!! زود ولا تقل في كتاباتك يا استاذ


#465243 [Abu Areej]
0.00/5 (0 صوت)

09-10-2012 04:55 PM
قالوا بتحب قلت ليهم مالو!!


#465210 [هجم النمر]
0.00/5 (0 صوت)

09-10-2012 04:16 PM
رائع كالعادة يا أستاذ .. قلت لي عامل ليهم(صابون) لحدت بعد الفطور؟ ايه الورع ده ههههههههههه


#465200 [حسن]
0.00/5 (0 صوت)

09-10-2012 04:09 PM
قال لي رأيك في الفاتح جبره شنو
قلت ليهو سلمناهو خط هيثرو ولسع ما عرفنا النتيجة
قال لي الخط عند النائب العام
قلت له نطالب بتعيين ود جبره نائب عام


#465161 [mustafa]
5.00/5 (1 صوت)

09-10-2012 02:58 PM
سؤال للشطار !!! تفتكروا لو الاستاذ الفاتح زاد واو مع كل مقال جديد (كم واو في حتى )اقصد عدد الواوات حا يصل كم دا طبعن لو استثنينا واوات هايفة وهبي وفي حال ظلت الكتاحة السودانية حكرا على اقدام الغلابة من ابناء بلدي .


#465126 [زول سوق]
5.00/5 (2 صوت)

09-10-2012 02:22 PM
يا أستاذ الفاتح، انت عايز تبقى زي ود نفاش ولاّ شنو ؟ قصة البطيخة دي نكتة معروفة، تقول أن امام الجامع خطب في الناس يوم الجمعة عن الايثار والاهتمام بالجار. وبعد الصلاة اشترى ليهو بطيخة من قدام الجامع واتجه نحو منزله وكان ماشي معاه جاره، وعندما اقترب من باب منزله، قال له الجار، والله ياشيخنا أنا لي كم سنة أولادي ما أكلو بطيخ، وكلامك اللي في الجامع شجعني أطلب منك البطيخة دي، قام الامام أداها ليهو بي زعل، قائلا : هاك ليها البطيخة، لكن تاني انعل أبو اللي بيخطب فيكم !! والله أعلم


#465123 [abuawaab]
5.00/5 (1 صوت)

09-10-2012 02:12 PM
• قال لي : إلى متى تظل تشكيلة الفريق ثابتة ؟ لقد أصابنا الملل ؟
اي فريق يا استاذ جبره؟ فريق الكوره ام فريق ناس ابو عفين


#465089 [قفة]
5.00/5 (3 صوت)

09-10-2012 01:25 PM
نسيت جملة يدخل الجامعة ويتخرج ويشتغل ويعمل ماجستير......هاهاهاهاها هاي


#465075 [الزوُل الكَان سَمِحْ]
4.50/5 (2 صوت)

09-10-2012 01:02 PM
يازوول..والله يا استاذ ..الظاهر اليومين دى مع الكركبة الحاصلة((غرباً)) وبعد إنتهاء الخريف فى لوارى دخلت الخرتوم!!!على رأى شاعر مسدار النصيحة..لورى((....)))يخش على طول!!

لأنو السيناريهات المطروحة فوق دى..مافى زول بقدر يخرجها وهو عندو القلب والقولون والغضروف والمرارة إلا إذا.....


ردود على الزوُل الكَان سَمِحْ
Saudi Arabia [زوله كده] 09-11-2012 10:33 PM
الغتاته العلى جبرا دا لا داير يدينا منها ولا يورينا بجيبه من وين كنا نحنا زاتنا اتصبرنا باقى المراره فاضل ليها مقالين وتنفقع...


#465070 [عبدالعظيم]
4.50/5 (4 صوت)

09-10-2012 12:55 PM
• قال لي : هل سمعت بالمسئول الولائي الذي تم ظبطه داخل شقة دعارة ومعه 4 فتيات في (نهار) رمضان ؟


يا جبرا (إن بعض الظن إثم) يمكن بشرح ليهم فى (موطأ الإمام مالك)


#465069 [حسكنيت]
4.50/5 (2 صوت)

09-10-2012 12:55 PM
شكلك بقيت قوال
ولو قلت ليك الحكومة قاعدة فى السهلة...شن قولك؟


#465059 [طشاش]
4.00/5 (1 صوت)

09-10-2012 12:39 PM
إقباس

قال لي : هل تعلم أن (أبا قناية) قد صرح في فبراير الماضي بأنه قد تم تخصيص رقم الهاتف المجاني 6996 لتلقي البلاغات عن شبهات الفساد لكنه لا يعمل؟
• قلت له : هل تقصد الرقم؟
• قال لي : هل تعلم بأنه يتم تخصيص ميزانية للإستعداد لفصل الخريف .. ثم يتم تخصيص ميزانية لدرء الكوارث التى نتجت عن عدم الإستعداد لفصل الخريف

متعك الله بالصحة ةالعافية بقدر ما امتعتنا


#465031 [القرم تفاحة ابل]
5.00/5 (4 صوت)

09-10-2012 12:22 PM
قال لي الفاتح جبرا بضرب السجارة الخضرا قلت له قلبه لا يتحمل


#465028 [القرم تفاحة ابل]
5.00/5 (7 صوت)

09-10-2012 12:20 PM
قال لي الفساد عام قلت له لا الفساد خاص لبعض الناس دون غيرهم قال لي يقولون ان البشير جعلي قلت له مافي جعلى بيرقص بي صلبو مع الاعتزار للجميع الشينة منكورة


#465011 [البعير]
4.94/5 (5 صوت)

09-10-2012 12:04 PM
الله يعطيك العافية قصة البطيخة دى حلوة


ردود على البعير
United Arab Emirates [abo babekir] 09-15-2012 04:15 PM
أطال الله عمرك يا جميل


الفاتج جبرا
الفاتج جبرا

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة